Sura ya 19
Mahubiri ya Mlimani
Siku moja Yesu aliwafundisha wanafunzi Wake injili kwenye upande wa mlima kando ya Bahari ya Galilaya.
Aliwaambia jinsi ya kuishi ili waweze kuwa na furaha na kuishi na Baba wa Mbinguni tena. Vitu alivyowafundisha vinaweza kutufanya tuwe na furaha pia.
Yesu alisema tunapaswa tuwe wapole, wavumilivu, na tayari kumtii Baba wa Mbinguni.
Tunapaswa tujaribu kadri tuwezavyo kuwa waadilifu.
Tunapaswa tuwasamehe watu wanaotuumiza ama kutufanya tuhisi vibaya. Tukiwasamehe, Baba wa Mbinguni atatusamehe.
Tunapaswa tuwe wapatanishi, tuwapende watu wengine, na kusaidia kila mmoja kupendana.
Hatupaswi kuwa waoga kuwaambia watu kuhusu injili au kuwaonyesha kwamba tunampenda Baba wa Mbinguni. Watu wengine wanapotuona tukifanya mema, itawasaidia kumwamini Mungu pia.
Tunapaswa daima tutimize ahadi zetu.
Na kama vile tunavyotaka wengine wawe wema kwetu, tunapaswa tuwe wema kwao.
Yesu alisema kwamba ikiwa tutafanya vitu hivi, tutakuwa na furaha, Baba wa Mbinguni atatubariki, na tutaishi Naye tena.