មាត្រានៃសេចក្ដីជំនឿ

មាត្រានៃសេចក្តីជំនឿផ្ដល់ ១៣ចំណុចសំខាន់ស្ដីពីជំនឿ ក្នុងចំណោមសមាជិកសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ។ ព្យាការី យ៉ូសែប ស៊្មីធ បានសរសេរមាត្រានៃសេចក្ដីជំនឿជាលើកដំបូងជាលិខិតទៅកាន់លោក ចន វិនវើតស៍ ជាអ្នកបោះពុម្ពផ្សាយសារព័ត៌មាន ដើម្បីឆ្លើយតបទៅនឹងការស្នើសុំរបស់លោក វិនវើតស៍ ដើម្បីជ្រាបដឹងពីអ្វីដែលសមាជិកសាសនាចក្រជឿ ។ មាត្រានៃសេចក្ដីជំនឿត្រូវបានបោះពុម្ពផ្សាយជាបន្តបន្ទាប់នៅក្នុងព្រឹត្តិប័ត្ររបស់សាសនាចក្រ ។ ឥឡូវ មាត្រានៃសេចក្ដីជំនឿត្រូវបានចាត់ទុកជាបទគម្ពីរ ហើយត្រូវបានបញ្ចូលទៅក្នុងព្រះគម្ពីរមុក្ដាដ៏មានតម្លៃមហិមា ។