ឈើឆ្កាង

ព្រះវិហារគ្រិស្តសាសនាជាច្រើនប្រើប្រាស់ឈើឆ្កាងជានិមិត្តរូបនៃការសុគតរបស់ព្រះអង្គសង្គ្រោះ និងការមានព្រះជន្មរស់ឡើងវិញ និងជាការបង្ហាញសេចក្តីជំនឿដ៏ស្មោះត្រង់ ។ ក្នុងនាមជាសមាជិកសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ យើងក៏ចងចាំដោយគារវភាព ចំពោះការរងទុក្ខរបស់ព្រះអង្គសង្គ្រោះផងដែរ ។ ប៉ុន្តែដោយសារតែព្រះអង្គសង្គ្រោះមានព្រះជន្មរស់ ទើបយើងមិនប្រើនិមិត្តរូបនៃការសុគតរបស់ទ្រង់ ទុកជានិមិត្តរូបនៃសេចក្តីជំនឿរបស់យើងទេ ។

ជីវិតរបស់អ្នកគួរតែជាការបង្ហាញនូវសេចក្តីជំនឿរបស់អ្នក ។ ចូរចងចាំថា ពេលអ្នកទទួលពិធីបុណ្យជ្រមុជទឹក និងពិធីបញ្ជាក់ អ្នកបានធ្វើសេចក្តីសញ្ញាដើម្បីលើកដាក់មកលើខ្លួនអ្នកនូវព្រះនាមនៃព្រះយេស៊ូវគ្រីស្ទ ។ កាលណាមិត្តភក្តិរបស់អ្នកឃើញអ្នក ពួកគេអាច ទទួលអារម្មណ៍នៃសេចក្តីស្រឡាញ់របស់អ្នកមានចំពោះព្រះអង្គសង្គ្រោះ និងកិច្ចការរបស់ទ្រង់ ។

សមាជិកសាសនាចក្រយើងដែលពាក់និមិត្តរូបឈើឆ្កាង គឺមានតែអ្នកកាន់បព្វជិតបរិសុទ្ធថ្ងៃចុងក្រោយដែលពាក់វានៅលើឯកសណ្ឋានទាហានប៉ុណ្ណោះ ដើម្បីបង្ហាញថា ពួកគេជាអ្នកកាន់បព្វជិតគ្រិស្តសាសនា ។