ការចោះរូបកាយ

ពួកព្យាការីថ្ងៃចុងក្រោយមិនលើកទឹកចិត្តជាដាច់ខាតចំពោះការចោះរូបកាយ លើកលែងតែសម្រាប់គោលបំណងវេជ្ជសាស្ត្រប៉ុណ្ណោះ ។ ប្រសិនបើនារី ឬ ស្ត្រីមានបំណងចោះត្រចៀករបស់ខ្លួន ពួកគេត្រូវបានលើកទឹកចិត្តឲ្យពាក់ក្រវិលដែលសមរម្យតែមួយគូប៉ុណ្ណោះ ។

អស់អ្នកជ្រើសរើសបដិសេធដំបូន្មាននេះ កំំពុងបង្ហាញអំពីកង្វះការគោរពដល់ខ្លួនឯង និង ព្រះ ។ ថ្ងៃណាមួយ ពួកគេនឹងសោកស្ដាយចំពោះការសម្រេចចិត្តរបស់ខ្លួន ។

សាវកប៉ុលបានបង្រៀនអំពីសារៈសំខាន់នៃរូបកាយរបស់យើង និង គ្រោះថ្នាក់ចំពោះការធ្វើឲ្យខូចរូបកាយដោយចេតនាដូចនេះ ៖ « តើអ្នករាល់គ្នាមិនដឹងទេឬអីថា ខ្លួនអ្នករាល់គ្នាជាព្រះវិហារនៃព្រះ ហើយថាព្រះវិញ្ញាណនៃព្រះ ទ្រង់សណ្ឋិតក្នុងអ្នករាល់គ្នា ? បើអ្នកណាបង្ខូចព្រះវិហារនៃព្រះ នោះព្រះនឹងធ្វើឲ្យអ្នកនោះត្រូវខូចដែរ ដ្បិតព្រះវិហារនៃព្រះជាវត្ថុដ៏បរិសុទ្ធ គឺជាខ្លួនអ្នករាល់គ្នានេះឯង ( កូរិនថូស ទី១ ៣:១៦–១៧ ) ។