សតិសម្បជញ្ញៈ

មនុស្សទាំងអស់កើតមកមានសមត្ថភាពដឹងខុសត្រូវ ។ សមត្ថភាពនេះដែលត្រូវបានហៅថា សតិសម្បជញ្ញៈ គឺជាការបង្ហាញឲ្យដឹងអំពីពន្លឺនៃព្រះគ្រីស្ទ ( សូមមើល មរ៉ូណៃ ៧:១៥–១៩ ) ។

សតិសម្បជញ្ញៈរបស់អ្នក គឺជាគ្រឿងការពារជួយអ្នកឲ្យឃ្លាតឆ្ងាយពីស្ថានភាពដែលធ្វើឲ្យវិញ្ញាណអន្តរាយ ។ ពេលដែលអ្នកគោរពប្រតិបត្តិតាមព្រះបញ្ញត្តិ ហើយធ្វើការសម្រេចចិត្តដ៏សុចរិត នោះអ្នកទទួលបានបទពិសោធន៍នៃសេចក្ដីសុខសាន្ដក្នុងសតិសម្បជញ្ញៈ ។

ពេលអ្នកធ្វើអំពើបាប អ្នកមានអារម្មណ៍មានវិប្បដិសារី ឬមានកំហុស គឺមានអារម្មណ៍ឈឺចាប់ ដូចការឈឺចាប់ខាងសាច់ឈាម ពេលអ្នកមានរបួសដែរ ។ នេះគឺជាការឆ្លើយតបដោយស្វ័យប្រវត្តិពីសតិសម្បជញ្ញៈទៅនឹងលទ្ធផលនៃអំពើបាប ហើយសតិសម្បជញ្ញៈអាចដឹកនាំអ្នកឲ្យប្រែចិត្ត ។

ការប្រែចិត្ត និង ការអភ័យទោសធ្វើឲ្យសតិសម្បជញ្ញៈរបស់អ្នកមានសន្តិភាពសារជាថ្មី ។ ម៉្យាងទៀត បើអ្នកមិនអើពើចំពោះសតិសម្បជញ្ញៈ ហើយមិនប្រែចិត្តទេ នោះសតិសម្បជញ្ញៈរបស់អ្នកនឹងចុះអន់ថយមិនដូចធ្លាប់មានពីមុន « ទាំងមានបញ្ញាចិត្តរលាក » ( ធីម៉ូថេ ទី១ ៤:២ ) ។

ចូររៀនធ្វើតាមសតិសម្បជញ្ញៈរបស់អ្នក ។ នេះជាផ្នែកមួយដ៏សំខាន់នៃការអនុវត្តសេរីភាពរបស់អ្នក ។ ពេលដែលអ្នកធ្វើតាមសតិសម្បជញ្ញៈកាន់តែច្រើន នោះសតិសម្បជញ្ញៈរបស់អ្នកនឹងកាន់តែរឹងមាំ ។ សតិសម្បជញ្ញៈដែលឆាប់ដឹងខុសត្រូវ គឺជាសញ្ញានៃវិញ្ញាណដ៏មានសុខុមាលភាពមួយ ។