ការលែងលះគ្នា

នៅក្នុង « ក្រុមគ្រួសារ ៖ ការប្រកាសដល់ពិភពលោក » គណៈប្រធានទីមួយ និង កូរ៉ុមនៃពួកសាវកដប់ពីរនាក់ « ប្រកាសជាឧឡារិកថា អាពាហ៍ពិពាហ៍រវាងបុរស និង ស្ត្រី គឺត្រូវបានតែងតាំងឡើងដោយព្រះ ហើយថា គ្រួសារជាផ្នែកដ៏សំខាន់មួយនៅក្នុងផែនការរបស់ព្រះដ៏បង្កបង្កើតសម្រាប់គោលដៅដ៏នៅអស់កល្បជានិច្ចនៃ កូនចៅរបស់ទ្រង់ » ( សូមមើល ទំព័រ ៥៩ នៅក្នុងសៀវភៅនេះ ) ។ ទោះជាមានសេចក្ដីពិតទាំងនេះក្ដី ក៏ការលែងលះគ្នាបានក្លាយជារឿងសាមញ្ញក្នុងសង្គមជាច្រើន ហើយក៏បានកើនឡើងសូម្បីតែក្នុងចំណោមសមាជិកសាសនាចក្រក្ដី ។ មេរោគដ៏រីករាលដាលនេះមិនមែនជារបស់ព្រះទេ ប៉ុន្តែជាកិច្ចការរបស់បច្ចាមិត្ត ។

គូស្វាមីភរិយាគួតែខិតខំរួមគ្នាដើម្បីមានភាពសក្តិសមទទួលបានពរជ័យនៃអាពាហ៍ពិពាហ៍ដ៏អស់កល្បជានិច្ច ។ ប្រសិនបើអ្នករៀបការ ហើយអ្នក និងដៃគូរបស់អ្នកជួបប្រទះការលំបាក ចូរចងចាំថា ដំណោះស្រាយបន្ធូរភាពតានតឹងមិនមែនជាការលែងលះគ្នា ឬចែកផ្លូវគ្នានោះទេ ។ ដំណោះស្រាយមាននៅក្នុងដំណឹងល្អរបស់ព្រះយេស៊ូវគ្រីស្ទ—ក្នុងការប្រែចិត្ត ការអភ័យទោស ភាពថ្លៃថ្នូរ និងសេចក្ដីស្រឡាញ់ ។ អ្នកត្រូវប្រព្រឹត្តចំពោះដៃគូរបស់អ្នក ដូចជាអ្វីដែលអ្នកចង់ឲ្យគាត់ប្រព្រឹត្តចំពោះអ្នកដែរ ( សូមមើល ម៉ាថាយ ៧:១២ ) ។ ពេលអ្នកខិតខំដោះស្រាយបញ្ហាពិបាកៗ អ្នកអាចទៅស្វែងរកដំបូន្មានពីប៊ីស្សព ឬប្រធានសាខារបស់អ្នក ។