ដំណឹងល្អ

ដំណឹងល្អគឺជាផែនការណ៍នៃសុភមង្គលរបស់ព្រះវរបិតាសួគ៌ ។ គោលលទ្ធិដ៏សំខាន់នៃដំណឹងល្អ គឺជាដង្វាយធួនរបស់ព្រះយេស៊ូវគ្រីស្ទ ។

ព្យាការី យ៉ូសែប ស៊្មីធ បានមានប្រសាសន៍ថា « គោលការណ៍ទីមួយ និងពិធីបរិសុទ្ធទាំងឡាយនៃដំណឹងល្អគឺ ៖ ទីមួយ សេចក្ដីជំនឿជឿដល់ព្រះអម្ចាស់យេស៊ូវគ្រីស្ទ ទីពីរ ការប្រែចិត្ត ទីបី បុណ្យជ្រមុជទឹក ដោយការពន្លិចសម្រាប់ការផ្ដាច់បាប ទីបួន ការដាក់ដៃលើសម្រាប់អំណោយទានជាព្រះវិញ្ញាណបរិសុទ្ធ » ( មាត្រានៃសេចក្តីជំនឿ ១:៤ ) ។ ភាពពេញលេញនៃដំណឹងល្អរួមមាន គោលលទ្ធិ គោលការណ៍ ក្រឹត្យវិន័យ ពិធីបរិសុទ្ធទាំងឡាយ និងសេចក្តីសញ្ញាចាំបាច់ៗដើម្បីឲ្យយើងត្រូវបានតម្កើងឡើងក្នុងនគរសេឡេស្ទាល ។ ព្រះអង្គសង្គ្រោះបានមានបន្ទូលសន្យាថា ប្រសិនបើយើង កាន់ខ្ជាប់ដរាបដល់ចុងបំផុត រស់នៅតាមដំណឹងល្អដោយភាពស្មោះត្រង់ ទ្រង់នឹងទទួលរាល់ទោសកំហុសទាំងឡាយនៅចំពោះមុខព្រះវរបិតា នៅក្នុងសេចក្ដីជំនុំជម្រះចុងក្រោយបង្អស់ ( សូមមើល នីហ្វៃទី ៣ ២៧:១៦ ) ។

ភាពពេញលេញនៃដំណឹងល្អបានប្រកាសដល់មនុស្សគ្រប់វ័យទាំងអស់ ពេលកូនចៅរបស់ព្រះបានត្រៀមខ្លួនដើម្បីទទួលយកវា ។ នៅថ្ងៃចុងក្រោយនេះ ឬនៅគ្រាកាន់កាប់ត្រួតត្រានៃពេលពេញកំណត់ ដំណឹងល្អត្រូវបានស្ដារឡើងវិញតាមរយៈព្យាការី យ៉ូសែប ស៊្មីធ ។