សារលិខិតមកពីគណៈប្រធានទីមួយ

សៀវភៅនេះត្រូវបានចងក្រងឡើងជាដៃគូមួយ ដល់ការសិក្សាព្រះគម្ពីររបស់អ្នក និងជាការបង្រៀនទាំងឡាយរបស់ពួកព្យាការីថ្ងៃចុងក្រោយ ។ យើងសូមលើកទឹកចិត្តដល់អ្នករាល់គ្នាឲ្យប្រើប្រាស់សៀវភៅនេះ នៅពេលអ្នកសិក្សា ហើយអនុវត្តគោលការណ៍នានានៃដំណឹងល្អ ។ ចូរប្រើសៀវភៅនេះជាធនធានមួយ នៅពេលអ្នករៀបចំសុន្ទរកថា បង្រៀននៅក្នុងថ្នាក់ និងឆ្លើយសំណួរស្តីពីសាសនាចក្រ ។

នៅពេលអ្នករៀនអំពីសេចក្តីពិតនៃដំណឹងល្អ អ្នកនឹងបង្កើនការយល់ដឹងអំពីផែនការណ៍ដ៏អស់កល្បជានិច្ចរបស់ព្រះវរបិតាសួគ៌ ។ ជាមួយនឹងការយល់ដឹង ដែលជាមូលដ្ឋានគ្រឹះសម្រាប់ជីវិតនេះ អ្នកនឹងមានលទ្ធភាពធ្វើការជ្រើសរើសដ៏ឈ្លាសវៃ រស់នៅស្របទៅនឹងព្រះហឫទ័យព្រះ ហើយរកឃើញអំណរនៅក្នុងការរស់នៅ ។ ទីបន្ទាល់របស់អ្នកនឹងរីកដុះដាលខ្លាំងឡើងៗ ។ អ្នកនឹងនៅតែពិតចំពោះសេចក្តីជំនឿ ។

យើងយកចិត្តទុកដាក់យ៉ាងពិសេសលើយុវវ័យ យុវមជ្ឈិមវ័យនៅលីវ និងអ្នកប្រែចិត្តជឿថ្មី ។ យើងសូមសន្យាដល់អ្នកថា តាមរយៈការអធិស្ឋានផ្ទាល់ខ្លួនយ៉ាងទៀតទាត់ និងការសិក្សាព្រះគម្ពីរ ព្រមទាំងគោលលទ្ធិនៃដំណឹងល្អ អ្នកនឹងត្រូវបានរៀបចំដើម្បីទប់ទល់នឹងឥទ្ធិពលអាក្រក់ ដែលបោកបញ្ឆោតអ្នក និងធ្វើឲ្យអ្នកអន្តរាយ ។

សូមឲ្យសៀវភៅនេះពង្រឹងដល់អ្នកនៅក្នុងកិច្ចខិតខំដើម្បីខិតទៅជិតព្រះអង្គសង្គ្រោះ ហើយធ្វើតាមគំរូរបស់ទ្រង់ ។

គណៈប្រធានទីមួយ

ប្រធានបទដំណឹងល្អ

ត្រូវបានរៀបចំតាមលំដាប់អក្សរ