« អំពើបាបពីដំបូង » ពិតចំពោះសេចក្តីជំនឿ ( ឆ្នាំ ២០០៤ ) ទំព័រ ១១០-១១១
« អំពើបាបពីដំបូង » ពិតចំពោះសេចក្តីជំនឿ ទំព័រ ១១០-១១១
អំពើបាបពីដំបូង
ដោយសារតែការធ្លាក់របស់លោកអ័ដាម និងនាងអេវ៉ា នោះមនុស្សទាំងអស់រស់នៅក្នុងស្ថានភាពធ្លាក់ ដែលត្រូវបានបំបែកចេញពីព្រះ ហើយត្រូវស្លាប់ខាងរូបកាយ ។ ទោះជាយ៉ាងណាក៏ដោយ យើងមិនត្រូវបានដាក់ទោសដោយសារតែអ្វីមួយដែលមនុស្សជាច្រើនហៅថា « អំពើបាបពីដំបូង » ឡើយ ។ និយាយម្យ៉ាងទៀត យើងមិនទទួលខុសត្រូវលើអំពើរំលងរបស់លោកអ័ដាមនៅក្នុងសួនច្បារអេដែនឡើយ ។ ព្យាការី យ៉ូសែប ស៊្មីធ បានមានប្រសាសន៍ថា « យើងខ្ញុំជឿថា មនុស្សទាំងអស់នឹងត្រូវទទួលទោសចំពោះអំពើបាបរបស់ខ្លួនផ្ទាល់ គឺមិនមែនចំពោះអំពើរំលងរបស់លោកអ័ដាមទេ » ( មាត្រានៃសេចក្ដីជំនឿ ១:២ ) ។
តាមរយៈដង្វាយធួន ព្រះអង្គសង្គ្រោះបានបង់ថ្លៃសម្រាប់អំពើរំលងនៅក្នុងសួនច្បារអេដែន ( សូមមើល ម៉ូសេ ៦:៥៣ ) ។ ទ្រង់បានប្រទានឲ្យយើងនូវការអះអាងនៃការរស់ឡើងវិញ និងការសន្យាថា យោងទៅតាមសេចក្ដីជំនឿរបស់យើង នោះយើងអាចត្រឡប់ទៅរស់នៅក្នុងវត្តមានរបស់ព្រះវរបិតាសួគ៌ជារៀងរហូត ។