« ទីសម្គាល់ » ពិតចំពោះសេចក្តីជំនឿ ( ឆ្នាំ ២០០៤ ) ទំព័រ ១៦៣
« ទីសម្គាល់ » ពិតចំពោះសេចក្តីជំនឿ ទំព័រ ១៦៣
ទីសម្គាល់
ទីសម្គាល់គឺជាព្រឹត្តិការណ៍ ឬបទពិសោធន៍ទាំងឡាយ ដែលបង្ហាញអំពីព្រះចេស្ដានៃព្រះ ។ ជាញឹកញាប់ វាគឺជាហេតុការណ៍ដ៏អស្ចារ្យ ។ វាបង្ហាញ ហើយប្រកាសពីព្រឹត្តិការណ៍ធំៗដែលមានដូចជា ការប្រសូតរបស់ព្រះអង្គសង្គ្រោះ ការសុគត និងការយាងមកជាលើកទីពីរ ។ វារំឭកយើងអំពីសេចក្ដីសញ្ញា ដែលព្រះអម្ចាស់បានធ្វើជាមួយយើង ។ ទីសម្គាល់ក៏អាចថ្លែងសាក្សីអំពីការហៅដ៏ទេវភាព ឬបង្ហាញអំពីការមិនអនុមតិរបស់ព្រះអម្ចាស់ដែរ ។
មនុស្សខ្លះអះអាងថា ពួកគេនឹងជឿលើព្រះ ឬលើកិច្ចការទ្រង់ ប្រសិនបើពួកគេអាចឃើញទីសម្គាល់មួយ ។ ប៉ុន្តែព្រះអម្ចាស់បានមានព្រះបន្ទូលថា « សេចក្ដីជំនឿពុំមែនមានឡើងដោយសារទីសម្គាល់ទាំងឡាយឡើយ ប៉ុន្តែទីសម្គាល់ទាំងឡាយមកតាមក្រោយអស់អ្នកដែលជឿវិញ » ( គ. និង ស. ៦៣:៩ ) ។ ទីសម្គាល់ប្រភេទនោះត្រូវបានប្រទានដល់អស់អ្នកដែលស្មោះត្រង់ ហើ់យគោរពប្រតិបត្តិតាម ដើម្បីពង្រឹងដល់ពួកគេក្នុងសេចក្ដីជំនឿ ។