Pasiuna sa Scripture Mastery

Ang Seminaries and Institutes of Religion mipili og 25 ka mga scripture mastery passage alang sa matag usa sa upat ka mga kurso sa seminary. Kini nga mga tudling naghatag og usa ka importante nga pundasyon sa kasulatan alang sa pagsabut ug pagpakigbahin sa ebanghelyo ug sa paglig-on sa hugot nga pagtuo. Ang mga scripture mastery passage alang sa kurso sa Bag-ong Tugon mao ang mosunod:

• Mateo 5:14–16

• Mateo 11:28–30

• Mateo 16:15–19

• Mateo 22:36–39

• Mateo 28:19–20

• Lucas 24:36–39

• Juan 3:5

• Juan 14:6

• Juan 14:15

• Juan 17:3

• Mga Buhat 2:36–38

• Mga Buhat 3:19–21

• 1 Mga Taga-Corinto 6:19–20

• 1 Mga Taga-Corinto 15:20–22

• 1 Mga Taga-Corinto 15:40–42

• Mga Taga-Galacia 5:22–23

• Mga Taga-Efeso 4:11–14

• Mga Taga-Filipos 4:13

• 2 Mga Taga-Tesalonica 2:1–3

• 2 Timoteo 3:15–17

• Mga Hebreohanon 12:9

• Santiago 1:5–6

• Santiago 2:17–18

• 1 Pedro 4:6

• Pinadayag 20:12

Ang mga estudyante sa seminary giawhag sa pagpalambo og “pagkahanas” niini nga mga tudling. Mas maayo ka nga makatabang sa imong mga estudyante kon masag-ulo usab nimo kini nga mga tudling. Ang pagkahanas sa mga tudling sa kasulatan naglakip sa mosunod:

• Pagpangita sa mga bersikulo pinaagi sa pagkasayud sa konektado nga mga scripture reference

• Pagsabut sa kinatibuk-ang kahulugan ug unod sa mga tudling sa kasulatan

• Paggamit sa mga baruganan sa ebanghelyo ug mga doktrina nga gitudlo sa mga tudling sa kasulatan

• Pagsag-ulo sa mga tudling

Kamakanunayon, Ekspektasyon, ug mga Pamaagi

Samtang nagplano ka sa pagtabang sa mga estudyante nga masag-ulo ang mga tudling sa kasulatan, mas magmalampuson ka kon makanunayon ka nga mo-refer ngadto sa mga scripture mastery passage, momintinar og angay nga mga ekspektasyon, ug mogamit og mga pamaagi nga magustohan sa lain-laing mga estilo sa pagkat-on.

Ang pagkamakanunayon ug pagbalik-balik sa pagtudlo sa scripture mastery makatabang sa mga estudyante nga mabutang ang mga kamatuoran diha sa ilang malungtarong mga panumduman [long-term memories] nga magamit sa umaabot. Mahimong makatabang ang paglatid sa kurso sa pagtuon alang sa tuig ug sa paghimo og plano aron kanunay nga makahatag og mga oportunidad sa classroom alang sa mga estudyante nga masag-ulo ang mga tudling sa kasulatan. Pagmaalamon sa pagtino kon unsa kasagad ug unsa kadako ang panahon nga igahin sa pagtabang sa mga estudyante nga makakat-on sa mga scripture mastery passage. Siguroa nga ang mga kalihokan sa scripture mastery dili mohulip sa inadlaw nga pasunod nga pagtuon sa mga kasulatan. Mahimo ka nga modesisyon nga mogahin og pipila ka minuto matag adlaw sa pagribyu sa mga scripture mastery passage uban sa imong mga estudyante. O tingali modesisyon ka nga mohatag og mubo nga mastery activity kausa o kaduha matag semana sulod sa 10 ngadto sa 15 minutos. Bisan giunsa nimo pagplano sa pagtabang sa mga estudyante nga makakat-on sa mga scripture mastery passage, pagmakanunayon ug angay sa imong mga paningkamot.

Ibase diha sa mga abilidad sa matag estudyante ang imong mga ekspektasyon sa scripture mastery. Ang pagsag-ulo sa mga tudling sa kasulatan nagkinahanglan og paningkamot sa bahin sa tigkat-on. Pagpakig-istorya ngadto sa mga estudyante nga ang ilang kalampusan sa scripture mastery nag-agad og maayo sa ilang kinaiya ug sa ilang kaandam nga motrabaho. Awhaga sila sa paghimo og mga tumong nga mapatas-an ang ilang mga abilidad. Pagmabination sa mga estudyante nga tingali maglisud sa pagsag-ulo, ug pagmahimong andam nga mapahiangay ang imong mga ekspektasyon ug mga pamaagi sa pagtudlo sumala sa panginahanglan sa imong mga estudyante.

Aron mahimong madanihon ngadto sa mas daghang matang sa personalidad ug mga estilo sa pagkat-on, ilain-lain ang mga pamaagi nga imong gamiton sa pagtabang sa mga estudyante nga masag-ulo ang mga tudling sa kasulatan. Sama sa tanan nga mga pagtudlo ug pagkat-on sa ebanghelyo, pagmaalamon sa imong mga pagpili sa mga kalihokan aron ang Espiritu Santo makasuporta sa pagkahimong hanas sa mga estudyante diha sa kasulatan ug doktrina. Makaplagan nimo ang pipila ka angay nga mga pamaagi sa pagtudlo sa scripture mastery sa mga leksyon niini nga manwal. Alang sa dugang nga mga pamaagi sa pagtudlo sa scripture mastery, tan-awa sa seksyon nga gitawag og “Mga Kalihokan sa Scripture Mastery” dinhi niini nga apendiks.

Scripture Mastery diha sa Kurikulum

Ang scripture mastery gisulat diha sa kurikulum sa pipila ka mga paagi. Ang usa ka scripture mastery icon nag-ila unsaon pagtratar ang mga scripture mastery passage diha sa materyal sa leksyon. Ang mga scripture mastery passage gipaila-ila ug gihisgutan diha sa kinatibuk-ang kahulugan sa mga kapitulo diin kini nahimutang. Ang dugang nga mga ideya sa pagtudlo alang sa mga scripture mastery passage makita diha sa katapusan sa mga leksyon diin kini nahimutang. Kining dugang nga mga ideya sa pagtudlo nagtabang sa pagbalanse sa upat ka mga elemento sa scripture mastery (pagpangita, pagsabut, paggamit, ug pagsag-ulo) kalabut sa matag tudling. Sama pananglit, kon ang leksyon nagtabang sa mga estudyante sa pagsabut ug paggamit sa scripture mastery passage, niana ang dugang nga ideya sa pagtudlo makatabang kanila sa pagpangita o pagsag-ulo sa tudling.

Ang kurikulum kanunay usab nga naghatag og pangribyu nga mga kalihokan sa scripture mastery nga mahimong gamiton kon itugot sa panahon ug nahiuyon sa mga tumong sa scripture mastery sa imong klase. Kini nga mga pagribyu mahimong dugangan og mga kalihokan sa scripture mastery nga nalista niini nga apendiks. Mahimo nimong gamiton ang ekstra nga panahon diha sa sinugdanan o katapusan sa usa ka mas mubo nga leksyon aron sa pagbuhat og usa niini nga pangribyu nga mga kalihokan.

Gisugyot nga mga Paagi alang sa Scripture Mastery

Aron matabangan ang mga estudyante sa mga kahanas sa pagpangita, mahimo nimong iplano ang pagpaila sa 25 ka mga mastery passage sa sinugdanan sa kurso ug dayon paningkamutan ang pagpalambo sa scripture mastery sa tibuok kurso. O mahimo nimong ipaila ang pipila ka mga tudling matag bulan ug motutok sa pagpasag-ulo niadto nga mga tudling niana nga bulan. Ang ingon nga mga pasiuna mahimong naglakip sa pagsugyot nga ang mga estudyante momarka sa mga scripture mastery passage diha sa ilang tagsa-tagsa ka mga kopya sa kasulatan, pagtabang sa mga estudyante sa paghunahuna og mga paagi nga mahinumduman ang importanting mga pulong ug mga pakisayran, ug pagpasabut sa mga doktrina ug mga baruganan nga anaa sa matag tudling. Mahimo usab nimong ilakip ang mga estudyante sa pagpaila sa mga scripture mastery passage pinaagi sa pag-assign kanila sa paggamit sa mga tudling diha sa ilang mga debosyunal o pinaagi sa pagdapit kanila sa pagtudlo sa usag usa unsaon sa paghinumdom ug pagpangita sa mga tudling. Hatagig gibug-aton ang responsibilidad sa paghinumdom sa mga scripture mastery passage gamit ang panagsa nga mga eksamin ug mga kalihokan sa pagpangita (tan-awa ang mga kalihokan sa scripture mastery dinhi niini nga apendiks alang sa mga ehemplo). Usa ka lista sa 25 ka mga scripture mastery passage alang niini nga kurso sa pagtuon makita diha sa mga bookmark alang sa estudyante ug mga scripture mastery card.

Aron matabangan ang mga estudyante sa pagsabut sa mga scripture mastery passage, hatagig gibug-aton kini nga mga tudling kon mogawas kini sa imong inadlaw nga mga leksyon. Mahimo usab nimong gamiton ang mga kalihokan sa scripture mastery niini nga apendiks aron mapalambo ang kahibalo ug abilidad sa mga estudyante sa pagpasabut sa mga kamatuoran nga anaa sa mga tudling. Hatagi ang mga estudyante og mga oportunidad diha sa mga debosyunal o atol sa klase sa pagpasabut kon sa unsang paagi ang mga kamatuoran diha sa scripture mastery passage makatabang kanila nga mas makasabut sa Sukaranang mga Doktrina.

Aron masuportahan ang mga estudyante sa ilang paggamit sa mga kamatuoran nga makaplagan diha sa mga scripture mastery passage, awhaga sila sa pagsunod sa mga aghat sa Espiritu Santo sa pagsabut kon sa unsang paagi ang mga kamatuoran diha sa mga tudling magamit sa ilang kinabuhi. Aron matabangan ang mga estudyante sa pagsunod sa mga kamatuoran nga ilang nakat-unan, mahimo ka nga mopapilit usahay og usa ka hagit kalabut sa usa ka scripture mastery passage diha sa bulletin board sa klase. O mahimo nimong hatagan ang mga estudyante og mga oportunidad diha sa klase sa pagpraktis sa pagtudlo sa mga doktrina ug mga baruganan sa ebanghelyo gamit ang mga scripture mastery passage (tan-awa ang mga kalihokan sa scripture mastery dinhi niini nga apendiks alang sa mga ideya). Mahimo usab nimong dapiton ang mga estudyante sa paggamit sa mga baruganan nga ilang nakat-unan diha sa mga leksyon kon asa makita ang mga scripture mastery passage. Hatagi ang mga estudyante og mga oportunidad—sa debosyunal o sa laing mga higayon—sa pagreport sa ilang mga kasinatian. Makatabang kini kanila nga mapalambo ang ilang pagsaksi sa mga kamatuoran nga ilang nakat-unan gikan sa mga scripture mastery passage.

Aron matabangan ang mga estudyante sa pagsag-ulo sa 25 ka mga scripture mastery passage, makaplano ka sa pagsag-ulo sa duha o tulo ka mga tudling kada bulan diha sa klase. Mahimo usab nimong hagiton ang mga estudyante sa pagsag-ulo og piho nga mga tudling diha sa panimalay (makahimo sila niini uban sa ilang mga pamilya o i-recite ang mga tudling ngadto sa usa ka ginikanan o sakop sa pamilya). Mahimo nimong himoon ang pagsag-ulo isip kabahin sa inadlaw nga mga debosyunal pinaagi sa paghangyo sa klase sa pag-recite og usa ka tudling o pinaagi sa paghatag og panahon alang sa mga estudyante sa pagmemorya nga magpares. Ang paghatag sa mga estudyante og mga oportunidad sa pag-recite og mga scripture mastery passage nga magpares o sa ginagmay nga mga grupo o sa atubangan sa klase makatabang kanila nga manubag sa ilang mga paningkamot. Ang mga kalihokan sa scripture mastery dinhi niini nga apendiks naglakip sa nagkalain-laing mga pamaagi sa pagsag-ulo. Bantayi nga mapahaum ang mga ekspektasyon sa pagsag-ulo sa mga abilidad ug mga sirkumstansya sa matag estudyante. Ang mga estudyante kinahanglang dili mobati nga naulawan o nabug-atan kon dili sila makasag-ulo og usa ka tudling sa kasulatan.