Pagtudlo sa mga Ebanghelyo isip usa ka Panag-uyon [Harmony]
Among irekomendar nga imong gamiton kini nga manwal sa paagi nga kini gisulat ug ipasunod pagtudlo ang upat ka mga Ebanghelyo. Hinoon, mahimo kang mopili sa pagtudlo sa mga Ebanghelyo sa Bag-ong Tugon isip usa ka “panag-uyon,” nga nagpasabut sa pagtudlo sa mga panghitabo sa kinabuhi sa Manluluwas sa pasunod nga paagi, nga gihiusa ang materyal gikan sa matag Ebanghelyo. Alang sa impormasyon ug mga kapanguhaan sa pagtudlo sa Ebanghelyo isip usa ka panag-uyon, dangup ngadto sa apendiks sa digital nga bersyon niini nga manwal sa LDS.org ug sa Gospel Library sa mga mobile device.
Among irekomendar nga imong gamiton kini nga manwal sa paagi nga kini gisulat ug ipasunod pagtudlo ang upat ka mga Ebanghelyo. Hinoon, mahimo kang mopili sa pagtudlo sa mga Ebanghelyo sa Bag-ong Tugon isip usa ka “panag-uyon,” nga nagpasabut sa pagtudlo sa mga panghitabo sa kinabuhi sa Manluluwas sa pasunod nga paagi, nga gihiusa ang materyal gikan sa matag Ebanghelyo. Mahimo kini sa pipila ka mga paagi. Sama pananglit, mahimo nimo sa kinatibuk-an nga itudlo ang mga Ebanghelyo sa pasunod nga paagi apan mopili sa pagtudlo sa pipila ka bahin—sama sa mga panghitabo nga naglibut sa pagkatawo o Pag-ula sa Manluluwas—isip usa ka panag-uyon. O mahimo nimong itudlo ang tanang sulod sa mga Ebanghelyo isip usa ka panag-uyon.
Kon wala pa ka makatudlo sa mga Ebanghelyo sa pasunod nga paagi, tingali magduhaduha ka sa pagsulay niini nga paagi. Kini nga manwal giandam aron sa pagtabang kanimo nga epektibong makatudlo sa matag Ebanghelyo sa tagsa-tagsa. Kon pilion nimong itudlo ang Ebanghelyo gamit ang panag-uyon nga paagi, kinahanglang mohimo ka niini nga desisyon human mokonsulta sa imong coordinator o seminary principal, nga nagkonsiderar sa mga panginahanglan sa mga estudyante ug naggamit sa giya sa Espiritu.
Ang pagtudlo sa mga Ebanghelyo isip usa ka panag-uyon makatugot kanimo nga mas mahisgutan og maayo ang mga pagtulun-an ug mga panghitabo gikan sa kinabuhi sa Manluluwas ug maminusan ang pagbalik-balik nga mabati usahay kon pasunod nga itudlo ang mga Ebanghelyo. Hinoon, importante nga timan-an nga ang mga leksyon niini nga manwal gidesinyo aron maminosan ang pabalik-balik nga hilisgutan diha sa pasunod nga paagi sa pagtudlo pinaagi sa pagtutok sa talagsaon nga hilisgutan sa matag usa sa mga Ebanghelyo ug sa pag-summarize sa hilisgutan nga gitudlo na kaniadto.
Sa dili pa mopili sa pagtudlo niini nga kurso gamit ang panag-uyon nga pamaagi, importante nga ikonsiderar ang mosunod:
-
Ang pagtudlo sa mga Ebanghelyo isip usa ka panag-uyon makapalisud sa pagsabut sa han-ay ug kinatibuk-ang kahulugan sa mga tudling sa kasulatan sumala sa pagkarekord niini sulod sa upat ka mga Ebanghelyo. Kinahanglan nga motabang ka sa mga estudyante nga makasabut sa konteksto sa pagkasulat ug kasaysayan [textual and historical context] sa matag tudling samtang mobalhin sila gikan sa usa ka istorya ngadto sa lain.
-
Ang pagtudlo sa mga Ebanghelyo isip usa ka panag-uyon malagmit nga dili makapaklaro sa managlahi nga mga intensyon, mga tema, ug mga tumong sa matag indibidwal nga mga tigsulat sa Ebanghelyo. Kinahanglang magmabinantayon ka niini nga mga tema aron makatabang ka sa imong mga estudyante sa pag-ila ug pagsabut niini. Ang mga pasiuna sa mga libro ni Mateo, Marcos, Lucas, ug Juan nga gihatag niini nga manwal makatabang kanimo sa pag-ila niini nga mga tema.
-
Sa pagkasulat niini karon, ang mga ideya sa pagtudlo dinhi niini nga manwal gituyo aron sayon nga mosumpay gikan sa usa ka bahin sa leksyon ngadto sa sunod ug adunay giandam nga pang-usab nga mga pamahayag [transition statements] aron mapadali ang pagbalhin gikan sa usa ka ideya sa pagtulun-an ngadto sa sunod. Kon kini nga mga ideya sa pagtudlo giusab ngadto sa panag-uyon nga pamaagi gamit ang kauban nga tsart, kinahanglan nga molakip ka og imong kaugalingong mga pang-usab nga mga pamahayag tali sa gisugyot nga mga ideya.
Kon mopili ka sa paggamit sa panag-uyon nga pamaagi, makakita ka og bililhong tabang diha sa “Harmony of the Gospels” nga mga talamdan nga makita sa Bible appendix [LDS English version] ug diha sa LDS.org. Agig dugang, ang kauban nga tsart naghatag og usa ka sugyot sa han-ay sa mga ideya nga makita niini nga manwal aron sa pagsuporta sa panag-uyon nga pamaagi. Gawas sa pipila ka gagmay nga mga kausaban aron mapasayon ang pagtudlo, kini nga tsart motukma sa “Harmony of the Gospels” nga mga talamdan diha sa 2013 nga edisyon sa LDS nga mga kasulatan. Ang wala nga kolum sa tsart naghatag og usa ka giya sa gipaspason [pacing guide] nga nagbahin sa semester ngadto sa 16 ka mga semana. Ang matag semana (gawas sa week 1) naglista sa mga panghitabo ug mga pagtulun-an gikan sa kinabuhi ug pagpangalagad sa Manluluwas sa pasunod nga mga bahin nga mahimong itudlo sulod sa lima ka adlaw. Kini nga giya sa gipaspason naghan-ay og 80 ka mga leksyon sa upat ka mga Ebanghelyo, nga susama ang gidaghanon sa gihan-ay diha sa pasunod nga pamaagi sa pagtudlo sa kasulatan niini nga manwal.
Dili igsapayan kon imong itudlo ang Ebanghelyo sa pasunod nga paagi o isip usa ka panag-uyon, among irekomendar nga imong sugdan ang kurso pinaagi sa pagtudlo sa unang lima ka pasiuna nga mga leksyon nga anaa sa week 1 niini nga manwal: “Pasiuna ngadto sa Bag-ong Tugon”; “Ang Plano sa Kaluwasan”; “Ang Tahas sa Tigkat-on”; “Pagtuon sa mga Kasulatan”; ug “Kinatibuk-ang Kahulugan ug Pagpasabut sa Bag-ong Tugon.”
|
Giya sa Gipaspason |
Mga Panghitabo ug mga Pagtulun-an |
Mga Kapanguhaan sa Magtutudlo | |
|---|---|---|---|
|
Week 1 |
Days 1–5 |
Mga leksyon 1–5 | |
|
Week 2 |
Day 1 |
Ang premortal nga kinabuhi ni Jesukristo | |
|
Ang mortal nga genealogy ni Jesukristo | |||
|
Day 2 |
Ang pagpahibalo ni anghel Gabriel kang Zacarias; ang pagpahibalo kang Maria; ang pagbisita ni Maria kang Elisabet; ang pagkatawo ni Juan Bautista | ||
|
Day 3 |
Ang pagpahibalo kang Jose | ||
|
Pagkatawo ni Jesukristo; pagpahibalo ngadto sa mga magbalantay sa karnero; pagpresentar kang Jesus sa templo | |||
|
Pagbisita sa mga Mago; pagpanaw ngadto sa Ehipto | |||
|
Pagbisita sa templo (edad 12) | |||
|
Day 4 |
Ang pagpangalagad ug pagpamatuod ni Juan Bautista |
Leksyon 7: Mateo 3:1–12; Leksyon 45: Lucas 3:1–22; Leksyon 60: Juan 1:1–18 | |
|
Day 5 |
Bunyag ni Jesus | ||
|
Week 3 |
Day 1 |
Pagtintal ni Jesus | |
|
Day 2 |
Ang mga tinun-an ni Juan Bautista misunod kang Jesus | ||
|
Kasal sa Cana; unang paglimpyo sa templo | |||
|
Day 3 |
Pagbisita ni Nicodemo; pagpamatuod ni Juan Bautista | ||
|
Day 4 |
Babaye sa atabay | ||
|
Day 5 |
Si Jesus mibalik sa Galilea | ||
|
Si Jesus nag-ayo sa anak sa opisyal | |||
|
Ang Manluluwas gisalikway sa Nazaret | |||
|
Week 4 |
Day 1 |
Ang mga mangingisda gitawag | |
|
Day 2 |
Si Jesus nagtudlo sa Capernaum ug nagpagula sa usa ka mahugaw nga espiritu | ||
|
Si Jesus nagsangyaw sa ebanghelyo sa Galilea | |||
|
Si Jesus nag-ayo sa usa ka sanlahon ug sa usa ka paralitiko |
Leksyon 34: Marcos 1:40–45; Leksyon 35: Marcos 2:1–12; Leksyon 46: Lucas 5:12–26 | ||
|
Day 3 |
Nakigkaon uban sa mga maniningil sa buhis ug mga makasasala | ||
|
Ang mga disipulo ni Juan nangutana mahitungod sa pagpuasa: Daan ug bag-o | |||
|
Day 4 |
Si Jesus mitambong og usa ka kasaulogan; nag-ayo sa Igpapahulay; pakigpulong: Saksi sa Amahan | ||
|
Day 5 |
Mga kontrobersiya sa Igpapahulay | ||
|
Ang Napulog Duha gitawag ug gi-orden | |||
|
Week 5 |
Day 1 |
Ang Wali sa Bukid | |
|
Day 2 |
Ang Wali sa Bukid | ||
|
Day 3 |
Ang Wali sa Bukid | ||
|
Day 4 |
Ang Wali sa Bukid | ||
|
Day 5 |
Si Jesus nag-ayo sa ulipon sa kapitan; nagbuhi pag-usab sa anak nga lalaki sa biyuda sa Nain | ||
|
Si Juan Bautista nagpadala og mga tinun-an ngadto ni Jesus | |||
|
Week 6 |
Day 1 |
Si Jesus gidihugan sa usa ka babaye | |
|
Beelzebu, pagpanamastamas; mga pakigpulong mahitungod sa mga timailhan; sambingay: Ang walay sulod nga balay; Ang inahan ug mga igsoon ni Jesus | |||
|
Day 2 |
Ang sambingay mahitungod sa magpupugas | ||
|
Day 3 |
Dugang nga mga sambingay kabahin sa kaugmaon sa gingharian | ||
|
Day 4 |
Gipahunong ni Jesus ang unos; gipapahawa ang daghang dautan nga mga espiritu; giayo ang babaye nga gitalinug-an; gibuhi pagbalik ang anak nga babaye ni Jairo | ||
|
Day 5 |
Panginahanglan alang sa dugang nga mga mamumuo; ang mando ngadto sa Napulog Duha | ||
|
Ang kamatayon ni Juan Bautista | |||
|
Week 7 |
Day 1 |
Si Jesus nagpakaon sa lima ka libo | |
|
Day 2 |
Si Jesus naglakaw sa tubig | ||
|
Mga pagpang-ayo | |||
|
Day 3 |
Pakigpulong: Pan sa Kinabuhi | ||
|
Day 4 |
Mga pakigpulong kabahin sa kalimpyo; si Jesus nag-ayo sa Canaanhon nga anak nga babaye ug sa uban | ||
|
Day 5 |
Si Jesus nag-ayo sa bungol nga tawo sa Decapolis; nagpakaon sa upat ka libo; ang buta nga tawo anam-anam nga giayo | ||
|
Week 8 |
Day 1 |
Ang mga Pariseo ug mga Saduceo nangayo og timailhan; pagpamatuod ni Pedro; gisaad ang mga yawe sa gingharian sa pagbugkos; pagpas-an og krus | |
|
Day 2 |
Transpigurasyon: ang mga yawe sa pagbugkos gipasalig; sinsilyo nga ibayad sa buhis gikan sa usa ka isda | ||
|
Day 3 |
Jesus nag-ayo sa bata nga dunay mahugaw nga espiritu | ||
|
Day 4 |
Kinsa ang labing dako sa gingharian; mga kalapasan | ||
|
Day 5 |
Kapasayloan; sambingay: Ang ulipon nga dili mapasayloon | ||
|
Week 9 |
Day 1 |
Gikinahanglan ang sakripisyo aron sa pagsunod ni Jesus; si Jesus gipadala aron sa pagluwas, dili sa paglaglag | |
|
Day 2 |
Ang kapitoan gitudlo ug gipadala; si Jesus nagtambong Fiesta sa mga Payag | ||
|
Day 3 |
Ang babaye nga nanapaw; ang Kahayag sa Kalibutan | ||
|
Day 4 |
Si Jesus nagtudlo mahitungod sa kagawasan gikan sa sala ug nagapamatuod sa Iyang pagkabalaan | ||
|
Day 5 |
Si Jesus nag-ayo sa buta nga tawo sa Igpapahulay | ||
|
Week 10 |
Day 1 |
Sambingay: Ang Maayo nga Magbalantay; Ang saad ni Jesus nga pagpahulay | |
|
Day 2 |
Sambingay: Ang maayo nga Samarianhon | ||
|
Day 3 |
Si Maria ug Marta; pag-ampo; pagbantay sa mga Pariseo; sambingay: Ang datu nga buang-buang | ||
|
Day 4 |
Pagpang-ayo sa Igpapahulay; sambingay: Ang dakong kombira | ||
|
Day 5 |
Mga sambingay: Karnero nga nawala, Drakma nga nawala, Anak nga nawala | ||
|
Week 11 |
Day 1 |
Mga sambingay: Ang malimbungon nga piniyalan, si Lazaro ug ang dato nga tawo | |
|
Day 2 |
Mga pakigpulong kabahin sa mga kalapasan ug hugot nga pagtuo; si Jesus nag-ayo sa napulo ka mga sanlahon | ||
|
Day 3 |
Si Jesus nagbuhi ni Lazaro gikan sa mga patay | ||
|
Day 4 |
Ang mga Pariseo nangutana kabahin sa diborsyo | ||
|
Day 5 |
Tuguti ang gagmayng mga bata; ang dato ug batan-ong punoan | ||
|
Week 12 |
Day 1 |
Ang ganti alang sa pagbiya sa tanan; sambingay: Mga mamumuo sa parrasan | |
|
Ang labing dako mao ang mangalagad | |||
|
Day 2 |
Mga sambingay: Ang maghuhukom nga dili matarung, Ang Pariseo ug ang maniningil sa buhis; si Jesus miayo ni Bartimeo; mibisita ni Zaqueo | ||
|
Day 3 |
Si Maria nagdihug ni Jesus | ||
|
Madaugong pagsulod: ikaduhang paglimpyo sa templo | |||
|
Day 4 |
Gitunglo ang kahoyng igira; mga sambingay: Duha ka mga anak nga lalaki, Dautan nga mga saop, Kasal sa anak nga lalaki sa hari | ||
|
Day 5 |
Pangutana mahitungod sa buhis; kaminyoon ug ang Pagkabanhaw; ang dakong sugo | ||
|
Week 13 |
Day 1 |
Gipanghimaraut ang pagpakaaron-ingnon | |
|
Ang diyot sa biyuda | |||
|
Si Jesus nagbangutan tungod sa Jerusalem | |||
|
Day 2 |
Panagsabut batok ni Lazaro; pakigpulong: si Jesus gipadala sa Amahan, usa ka kahayag niadtong motuo | ||
|
Day 3 |
Ang kalaglagan sa Jerusalem; mga timailhan sa Ikaduhang Pag-anhi | ||
|
Day 4 |
Sambingay: Napulo ka mga dalagang birhen | ||
|
Day 5 |
Mga sambingay: Mga Talento, Mga karnero ug mga kanding | ||
|
Week 14 |
Day 1 |
Ang pakigkunsabo ni Judas sa pagbudhi kang Jesus; ang Katapusang Panihapon gisugdan | |
|
Gihugasan ni Jesus ang mga tiil sa mga disipulo | |||
|
“Ako Ba, Ginoo?” | |||
|
Day 2 |
Bag-o nga sugo | ||
|
Ang sakrament gipahigayon | |||
|
Day 3 |
Pakigpulong kabahin sa Maghuhupay | ||
|
Day 4 |
Ang paglimud ni Pedro gipanagna | ||
|
Ang Tinuod nga Tanum nga Parras; paghigugma sa usag usa; ang Espiritu sa kamatuoran nagpamatuod | |||
|
Day 5 |
Mga pasidaan ngadto sa mga Apostoles; ang Maghuhupay; magkatugbang: Hingpit nga kalipay ug kasubo | ||
|
Week 15 |
Day 1 |
Pag-ampo ni Jesus alang sa Iyang mga Disipulo | |
|
Day 2 |
Ang pag-antus ug mga pag-ampo ni Jesus sa Getsemani |
Leksyon 31: Mateo 26:31–46; Leksyon 42: Marcos 14:10–16:20; Leksyon 57: Lucas 22:39–53 | |
|
Day 3 |
Si Jesus gidakop; ang paglimod ni Pedro; ang husay ni Jesus sa atubangan ni Caifas | ||
|
Day 4 |
Ang husay sa atubangan ni Pilato ug Herodes; si Barrabas gibuhian | ||
|
Ikaduha nga husay sa atubangan ni Pilato | |||
|
Jesus gibunalan ug gibugalbugalan | |||
|
Day 5 |
Ang Paglansang |
Leksyon 32: Mateo 27:26–50; Leksyon 58: Lucas 23:26–56; Leksyon 78: Juan 19:17–42 | |
|
Week 16 |
Day 1 |
Kamatayon ni Jesukristo; ang paglubong ni Jesus; ang mga sacerdote nga punoan ug mga Pariseo misilyo sa lubnganan | |
|
Day 2 |
Ang Pagkabanhaw | ||
|
Day 3 |
Si Jesus nagpakita sa duha ka mga disipulo diha sa dalan sa Emaus | ||
|
Day 4 |
Pagkagabii: Si Jesus nagpakita sa mga disipulo, Tomas | ||
|
Day 5 |
Pedro: “Managat ko,” Jesus: “Pakan-a ang akong mga karnero” | ||
|
Ang dako nga sugo ngadto sa Napulog Duha; ang Pagkayab ngadto sa langit | |||