Leksyon 105
1 Mga Taga-Corinto 5–6
Pasiuna
Si Apostol Pablo mipasidaan sa mga Santos batok sa pagtugot sa mga dautang tawo nga moimpluwensya nila. Mipasidaan siya sa mga Santos sa paglikay sa imoral nga mga pilosopiya ug mga binuhatan nga miuso didto sa Corinto.
Mga Sugyot alang sa Pagtudlo
1 Mga Taga-Corinto 5
Si Pablo mipasidaan sa mga Santos batok sa pakig-uban niadtong motuyo sa pagpakasala
Diha sa pisara, pagdrowing og usa ka yano nga litrato sa usa ka panaksan sa mga preskong prutas nga may usa ka dunot nga prutas niini. Kon dili, mahimo kang mag-display og usa ka dunot nga prutas.
-
Unsa ang mahitabo kon imong pasagdan ang usa ka dunot nga prutas nga magpabilin diha sa usa ka panaksan uban sa laing presko nga prutas?
-
Unsa kaha ang gipasabut sa usa ka dunot nga prutas diha sa atong mga kinabuhi? (Mga impluwensya nga makadaut nato.)
Dapita ang mga estudyante sa pagpangita sa kamatuoran samtang magtuon sila sa 1°Mga Taga-Corinto°5 nga makatabang nila nga mas maayong motubag sa makadaot nga mga impluwensya sa ilang mga kinabuhi.
Dapita ang usa ka estudyante sa pagbasa og kusog sa 1 Mga Taga-Corinto 5:1–2. Hangyoa ang klase sa pagsunod, nga mangita sa dautan nga binuhatan sa mga Santos nga mga taga Corinto.
-
Unsa nga mga dautang binuhatan nga anaa sa mga Santos nga mga taga-Corinto? (Ipasabut nga ang pagpanapaw nagpasabut sa bisan unsang sekswal nga pakigrelasyon nga gawas sa kaminyoon.) Usa sa mga miyembro sa Simbahan didto sa Corinto nalambigit sa sekswal nga sala uban sa iyang ina-ina.)
-
Sumala sa bersikulo°2, unsa ang gitambag ni Pablo nga buhaton sa mga lider sa Simbahan niining tawhana? (Ipasabut nga ang mga pulong “makuha gikan sa inyong taliwala” sa bersikulo 2 nagpasabut nga ang makasasala kinahanglan i-excommunicate [ipahimulag]gikan sa pagkasakop sa Simbahan.)
Ipasabut nga ang mga lider sa Simbahan maampingon sa pagkonsiderar sa daghang mga kahimtang sa dili pa i-excommunicate o mahitabo nga ang Simbahan mobuhat og bisan unsang matang sa pagdisiplina. Agig dugang sa pagkonsiderar kon unsa ka bug-at ang kalapasan, ang mga lider sa Simbahan magkonsiderar sa nagkadaiyang mga katuyoan alang sa pagdisiplina diha sa Simbahan: sa pagtabang sa usa ka tawo nga makahinulsol, sa pagpanalipod niadtong mga naapektuhan sa lihok sa usa ka tawo o sa pagpakatap sa tinuohan niana nga tawo, ug sa pagpanalipod sa integridad sa mga pagtulon- an sa Simbahan (tan-awa sa “Church Discipline,” mormonnewsroom.org/articles/church-discipline).
Dapita ang mga estudyante sa pagbasa og kusog sa 1 Mga Taga-Corinto 5:6–7, ug hangyoa ang klase sa pagpangita sa analohiya nga gigamit ni Pablo sa pagpasabut kon nganong kining indibidwal gikinahanglan nga makuha gikan sa Simbahan.
-
Unsa ang gikumparar ni Pablo ngadto sa dili mahinulsulon nga mga makasasala? (Ipasabut nga ang igpatubo, o yeast, maoy makadaut sa pan o makapahimong agup-upon.)
-
Unsa kadaghanon nga igpatubo ang gikinahanglan aron moepekto sa tibuok minasa nga harina?
-
Unsa ang gipasabut sa minasa nga harina? (Ang Simbahan ni Jesukristo.)
-
Unsaon ninyo sa pag-summarize ang kahulugan niining analohiya isip usa ka baruganan? (Gamit ang kaugalingon nilang mga pulong, kinahanglang mahibalo ang mga estudyante og usa ka baruganan sama sa mosunod: Kon mopili kita sa pakig-uban og maayo niadtong mihangop sa sala, mahimo kita nga maimpluwensya sa ilang kadautan. Isulat kini nga kamatuoran diha sa pisara.)
Dapita ang usa ka estudyante sa pagbasa og kusog sa 1 Mga Taga-Corinto 5:9–11. Hangyoa ang klase sa pagsunod, nga mangita sa tambag nga gihatag ni Pablo sa mga Santos nga mga taga Corinto.
-
Unsa man ang gitudlo ni Pablo nga likayan sa mga Santos?
Aron matabangan ang mga estudyante nga masabtan pa ang tambag ni Pablo nga dili makig-uban sa mga mananapaw o sa uban nga mihangop sa sala, hatagi ang mga estudyante og usa ka kopya sa mosunod nga pamahayag ni Elder Neal A. Maxwell sa Korum sa Napulog Duha ka mga Apostoles. Dapita ang usa ka estudyante sa pagbasa niini og kusog:
“Ayaw pagpakig-uban sa mga tigpakighilawas—dili tungod kay ikaw maayo kaayo alang kanila apan, sama sa gisulat ni [C. S.] Lewis, tungod kay dili pa igo ang imong kamaayo. Hinumdumi nga ang dautan nga sitwasyon makapahuyang bisan sa maayo nga tawo” (“The Stern but Sweet Seventh Commandment,” New Era, Hunyo 1979, 42).
-
Sa unsang paagi nga ang pakig-uban niadtong kinsa mihangop sa sala makapahuyang sa atong abilidad sa paghimo og matarung nga mga pagpili?
-
Unsay mga ehemplo sa dautan nga mga sitwasyon nga mahimong makapahuyang sa maayong mga tawo?
-
Unsa ang atong mahimo nga dili makompromiso ang atong mga sumbanan sa pagtabang sa mga indibidwal kinsa mihangop sa sala? (Mahimo kitang mag-ampo alang kanila, mopakita og kamabination ug respeto alang nila isip mga anak sa Dios, ug mopakita og matarung nga ehemplo sa pagsunod sa mga kasugoan.)
Dapita ang mga estudyante nga mainampuon nga ikonsiderar unsa ang ilang mahimo sa pag-impluwensya sa uban sa usa ka positibo nga paagi nga dili makompromiso ang ilang mga sumbanan.
I-summarize ang 1 Mga Taga-Corinto 5:12–13 pinaagi sa pagpasabut nga gitudlo ni Pablo nga ang Simbahan adunay responsibilidad sa pagtawag sa mga miyembro sa paghinulsol ug sa pipila ka mga sitwasyon sa “pagkuha gikan sa taliwala [sa Simbahan]” (bersikulo 13) kadtong kinsa makahimo og bug-at nga mga kalapasan.
1 Mga Taga-Corinto 6
Nagtudlo si Pablo sa mga Santos mahitungod sa panaghiusa ug sa balaud sa kaputli
Pagdrowing og laing yano nga lirato sa pisara og usa ka panaksan sa mga dunot nga prutas nga may usa ka buok presko nga prutas niini. Dapita ang mga estudyante sa pagkonsiderar kon nakahunahuna ba sila kon unsaon sa paglikay sa sala kon napalibutan sila niini. Ipasabut nga mao kini ang usa ka hagit nga giatubang sa mga Santos nga mga taga Corinto.
Samtang ang mga estudyante magtuon sa 1 Mga Taga-Corinto 6, dapita sila sa pagpangita sa mga kamatuoran nga gitudlo ni Pablo nga mahimong makatabang nila nga magpakabuhi nga matarung bisan napalibutan sa dautan nga mga impluwensya.
I-summarize ang 1 MgaTaga-Corinto 6:1–8 pinaagi sa pagpasabut nga si Pablo mitambag sa mga Santos nga mga taga Corinto nga husayon ang panagbangi tali sa ilang mga kaugalingon kay sa modangup ngadto sa mga korte nga sibil.
Dapita ang usa ka estudyante sa pagbasa og kusog sa 1 Mga Taga-Corinto 6:9–11. Hangyoa ang klase sa pagsunod, nga mangita sa mga binuhatan sa pagpakasala didto sa Corinto nga gitudlo ni Pablo nga likayan sa mga miyembro sa Simbahan.
-
Unsang mga matang sa mga kinaiya sa pagpakasala nga gitudlo ni Pablo nga likayan sa mga miyembro sa Simbahan?
-
Sumala sa besikulo 11, unsa ang gipahinumdom ni Pablo niining mga Santos mahitungod sa ilang mga kaugalingon? (Daghang mga kinabig gikan sa Corinto nga miapil niining mga kinaiya sa pagkamakasasala sa wala pa miapil sa Simbahan, apan naghinulsol sila ug nalimpyuhan gikan sa ilang mga kasal-anan.)
Ipasabut nga sa karaang panahon ang Corinto adunay dungog sa pagka-imoral, ug daghang mga taga Corinto mitanyag sa ideya nga ang atong mga lawas gihimo aron maglipay-lipay. I-summarize ang Hubad ni Joseph Smith sa 1 Mga Taga-Corinto 6:12 pinaagi sa pagpasabut nga si Pablo mitudlo batok sa pilosopiya nga walay husto o sayop.
-
Sa unsang paagi nga ang mga ideya ug mga binuhatan didto sa Corinto managsama sa uso nga atong nakita sa kalibutan karon?
Dapita ang usa ka estudyante sa pagbasa og kusog sa 1 Mga Taga-Corinto 6:13. Hangyoa ang klase sa pagsunod, nga mangita sa unsay gitudlo ni Pablo mahitungod sa katuyoan sa atong mga lawas.
-
Unsa ang gitudlo ni Pablo mahitungod sa atong mga lawas? (Samtang daghan pang mga taga Corinto nga daw mituo nga ang lawas gihimo lamang alang sa lawasnong kalipay, gikorihian ni Pablo kana nga panlantaw pinaagi sa pagtudlo nga ang atong mga lawas gilalang aron sa pagtuman sa mga katuyoan sa Ginoo.)
I-summarize ang 1 Mga Taga-Corinto 6:14–17 pinaagi sa pagpasabut nga kadtong mipasakop sa Simbahan nahiusa uban ni Kristo isip espirituhanong “mga sakop” sa Iyang lawas. Si Pablo mipasabut usab nga ang sekswal nga imoralidad wala mahiangay sa usa ka espirituhanon nga pakigrelasyon uban ni Jesukristo.
Dapita ang usa ka estudyante sa pagbasa og kusog sa 1 Mga Taga-Corinto 6:18. Hangyoa ang klase sa pagsunod, nga mangita kon unsa ang gitudlo ni Pablo sa mga Santos nga mga taga Corinto nga buhaton. (Mahimo nimong ipasabut nga sa Hubad ni Joseph Smith sa 1 Mga Taga-Corinto 6:18 nausab ang mga pulong “walay lawas” ngadto sa “batok sa lawas ni Kristo.”)
-
Unsa man ang gitambag ni Pablo nga buhaton sa mga Santos?
-
Unsa ang gitudlo ni Pablo mahitungod niadtong mga nakahimo sa pagpanapaw? (Mahimo nimong isugyot nga markahan sa mga estudyante ang mga pulong diha sa bersikulo 18 nga nagtudlo sa mosunod nga kamatuoran: Kadtong kinsa nakahimo og sala nga pagpanapaw nakasala sa ilang kaugalingong mga lawas.)
Ipasabut nga ang sunod nga gitudlo ni Pablo kon nganong ang pagpanapaw, o sekswal nga imoralidad, usa ka sala “batok sa kaugalingong lawas [sa tawo].”
Dapita ang usa ka estudyante sa pagbasa og kusog sa 1 Mga Taga-Corinto 6:19. Hangyoa ang klase sa pagsunod, nga mangita kon sa unsa gikomparar ni Pablo ang atong mga lawas.
-
Sa unsa gikomparar ni Pablo ang atong mga lawas?
Pagpakita og litrato sa templo.
-
Unsa ang kalainan tali sa usa ka templo ug sa bisan unsang building?
-
Unsaon man ninyo sa pag-summarize ang kamatuoran nga gitudlo ni Pablo sa bersikulo 19? (Ang mga estudyante mahimong mogamit og lain-laing mga pulong apan kinahanglan nga ilang mailhan ang mosunod nga doktrina: Ang atong mga lawas mao ang mga templo sa Dios diin ang Espiritu mahimong mopuyo.)
-
Sa unsang paagi nga ang pagkasabut nga ang atong mga lawas mao ang mga templo makaimpluwensya kon unsaon nato sa pagtratar ang atong lawas ug ang lawas sa uban?
Dapita ang usa ka estudyante sa pagbasa sa mosunod nga pamahayag ni Elder D.°Todd Christofferson sa Korum sa Napulog Duha ka mga Apostoles. Hangyoa ang klase sa pagpaminaw alang sa dugang nga panabut mahitungod sa unsang paagi nga ang pagsabut niining kamatuoran makaimpluwensya kon giunsa nato pagtratar ang atong mga lawas.
“Sa pag-ila niini nga mga kamatuoran [gikan sa 1 Mga Taga-Corinto 6:19–20] …, siguradong dili nato hugawan atong lawas, sama sa mga tatoo; o mopaluya niini, sama sa drugas; o hugawan kini, sama sa pakighilawas nga dili pa minyo, pagpanapaw, o pagkadili maligdong. … Ingon nga ang atong lawas instrumento sa atong espiritu, mahinungdanon kaayo nga atong ampingan kinikutob atong mahimo. Kinahanglan nga atong ipahinungod ang mga gahum niini sa pagserbisyo ug sa pagpadayon sa buhat ni Kristo” (“Mga Hulagway sa Gipahinungod nga Kinabuhi,” Ensign o Liahona, Nob. 2010,°18).
-
Sa inyong hunahuna unsa ang gipasabut ni Pablo sa mga pulong nga “kamo dili na inyo sa inyong kaugalingon” diha sa bersikulo 19?
Dapita ang usa ka estudyante sa pagbasa og kusog sa 1 Mga Taga-Corinto 6:20. Hangyoa ang klase sa pagsunod, nga mangita kon nganong ang atong lawas dili na sa atong kaugalingon.
-
Unsa nga mga pulong nga mopakita nga ang atong mga lawas dili na atong kaugalingon? (Ipasabut nga ang “gipalit na sa usa ka bili” nagpasabut nga natubos o nabawi na pinaagi sa Pag-ula ni Jesukristo.)
-
Unsaon man ninyo sa pag-summarize ang kamatuoran nga gitudlo ni Pablo sa bersikulo 19–20? (Human makatubag ang estudyante, ikonsiderar ang pagdapit kanila sa pagsulat sa mosunod nga mga kamatuoran sa ilang mga kasulatan sa duol nga mga bersikulo 19–20: Tungod kay napalit na kita sa usa ka bili pinaagi sa Pag-ula ni Jesukristo, atong mga lawas dili na atong kaugalingon.)
Paghangyo og usa ka estudyante sa pagbasa sa mosunod nga pamahayag ni Elder Jeffrey°R. Holland sa Korum sa Napulog Duha:
“Palihug, ayaw gayud pag-ingon: ‘Kinsa man ang nasakitan niini? Nganong walay gamayng kagawasan? Ako makalapas karon ug unya maghinulsol.’ Palihug ayaw pagpalabi sa pagbinuang ug kapintas. Kamo dili mahimong walay tulubagon sa ‘paglansang pag-usab sa Anak sa Dios’ [tan-awa sa mga Hebreohanon 6:6]. ‘Likayi ang pakighilawas’ [1 Mga Taga-Corinto 6:18], mituaw si Pablo, ug mopalayo ‘bisan unsa nga butang nga sama niini’ [D&P 59:6; empasis gidugang], gidugang sa Doktrina ug mga Pakigsaad. Ngano? Nan, alang sa usa ka rason tungod sa dili mabana-bana nga pag-antus sa lawas ug espiritu nga naantus sa Manluluwas sa kalibutan aron nga kita mahimong makalikay [tan-awa ilabi na sa Doktrina ug mga Pakigsaad 19:15–20]. Kita nakautang Kaniya og usa ka butang tungod niana. Sa pagkatinuod, kita nakautang Kaniya sa tanang butang tungod niana” (“Personal Purity,” Ensign, Nob. 1998, 76).
-
Sa unsang paagi nga ang paghinumdom nga ang atong mga lawas dili atong kaugalingon maka-impluwensya sa mga pagpili nga atong himoon kalabut sa atong mga lawas?
Patan-awa ang mga estudyante sa litrato sa presko nga mga prutas nga naa sa pisara nga napalibutan sa dunot nga mga prutas.
-
Sa unsang paagi nga ang pagsabut niining mga kamatuoran mahitungod sa atong lawas makatabang kanato nga magpabiling putli kon kita napalibutan sa mga pagkadautan?
Pagpamatuod sa mga kamatuoran nga inyong nahisgutan. Dapita ang mga estudyante sa pagpamalandong sa mga pagbati o mga pag-aghat nga ilang nadawat panahon sa leksyon ug sa pagsunod sa mga pag-aghat.
Scripture Mastery—1 Mga Taga-Corinto 6:19–20
Dapita ang mga estudyante sa pagsulat og mubo nga pakigpulong base sa 1 Mga Taga-Corinto 6:19–20. Awhaga sila nga ilakip ang mosunod: (1) ang background nga impormasyon nga may kalabutan niining tudling (mga background nga impormasyon makita diha sa scripture mastery card), (2)°ang mga baruganan nga gitudlo niini, ug (3)°usa ka personal nga kasinatian nga naghulagway sa kamatuoran nga gitudlo niini nga tudling. Mahimo nimong dapiton ang pipila ka mga estudyante sa pagpresentar sa ilang mga pakigpulong ngadto sa klase. Awhaga ang mga estudyante sa pagkonsiderar sa mga oportunidad nga tingali ilang naangkon nga ipresentar sa ilang mga pakigpulong diha sa panimalay o sa Simbahan.
Komentaryo ug Background nga Impormasyon
1 Mga Taga-Corinto 5:9. “Dili makig-uban sa mga tigpakighilawas”
Si Elder M.°Russell Ballard sa Korum sa Napulog Duha ka mga Apostoles mitudlo nga isip mga miyembro sa Simbahan, mituo kita diha sa “usa ka doktrina sa pagpalakip.” Sa pagtudlo niining doktrina, miingon si Elder Ballard:
“[Ang Manluluwas] mituyo sa paggamit sa Judeo ug sa Samarianhon klarong nagtudlo nga kitang tanan mga silingan ug angay kitang maghigugmaay, magrespetohay, ug magserbisyo sa usag usa bisan sa atong hilabihan nga kalahi—lakip sa relihiyon, politikanhon ug kultural nga kalahian. …
“[Hinoon,] wala ko magsugyot … nga kita kinahanglang makig-uban sa bisan unsang relasyon nga mobutang kanato o sa atong mga pamilya sa espirituhanon nga peligro” (“Doctrine of Inclusion,” Ensign, Nob. 2001, 37).
Si Elder Dallin H. Oaks sa Korum sa Napulog Duha ka mga Apostoles nagtudlo usab mahitungod sa pagrespeto sa uban, bisan kon lahi ang ilang tinuohan o linihokan kay sa mga miyembro sa Simbahan:
“Daghang mga magtutudlo sa simbahan ug sa eskwelahan ang nasubo sa ubang mga tin-edyer, lakip na sa LDS nga kabatan-onan, kon giunsa nila pagtagad ang usag usa. Ang sugo sa paghigugmaay sa usag usa naglakip gayud sa paghigugma ug pagrespeto sa laing relihiyon ug sa kaliwat, kultura, o ekonomikanhong mga kahimtang. Mohagit kami sa tanang mga batan-on sa dili pagpamugal-bugal, pang-insulto, o pagpamulong ug mga binuhatan nga makapasakit sa uban. Kining tanan supak sa mga sugo sa Manluluwas sa paghigugmaay sa usag usa” (“Paghigugma sa Uban ug Pagpakabuhi nga may mga Panaglahi,” Ensign o Liahona, Nob. 2014, 27).
1 MgaTaga-Corinto 5:13. “Palagputa gikan sa inyong taliwala kanang tawong dautan”
Kon ang Simbahan pormal nga ipahilayo ang usa ka tawo nga naghangup sa bug-at nga sala, gitawag kini og pagdisiplina sa Simbahan. Ang mosunod nga entry gikan sa Matinud-anon sa Tinuhoan: Usa ka Pakisayran sa Ebanghelyo mipasabut sa proseso sa pagdisiplina sa Simbahan:
Mga bishop ug mga branch president ug stake, misyon, ug mga district president adunay responsibilidad sa pagtabang sa mga miyembro nga buntugon ang kalapasan pinaagi sa paghinulsol. Ang pinakabug-at nga mga kalapasan, sama sa grabe nga mga paglapas sa sibil nga balaod, pag-abuso sa kapikas, pag-abuso sa bata, panapaw, pakighilawas sa dili minyo, panglugos, ug pakighilawas sa duol nga kabanay, sa sagad nagkinahanglan og pormal nga disiplina sa Simbahan. Ang pormal nga disiplina sa Simbahan mahimo nga maglakip sa pagpugong sa mga kahigayunan sa pagkamiyembro sa Simbahan o pagtangtang sa pagkamiyembro sa Simbahan.
Ang proseso sa pormal nga pagdisiplina magsugod kon ang pangulo nga lider sa priesthood motawag alang sa usa ka konseho sa disiplina. Ang mga katuyoan sa mga konseho sa pagdisiplina sa Simbahan mao ang pagluwas sa mga kalag sa mga malapason, pagpanalipud sa inosente, ug pagpanalipud sa kalimpyo, kaligdong, ug sa maayong pangalan sa Simbahan.
“Ang disiplina sa Simbahan maoy usa ka dinasig nga proseso nga nahitabo sa nanglabayng panahon. Pinaagi niini nga proseso ug pinaagi sa Pag-ula ni Jesukristo, ang usa ka miyembro mahimo nga makadawat og pasaylo sa mga sala, makabaton pag-usab og kalinaw sa hunahuna, ug makabaton og kalig-on sa paglikay sa umaabot nga kalapasan. Ang pagdisiplina nga kalihokan sa Simbahan wala magtinguha nga maoy katapusan sa proseso. Giplano kini aron sa pagtabang sa mga anak sa Langitnong Amahan nga magpadayon sa ilang mga paningkamot nga mahibalik ang hingpit nga pakigdait ug hingpit nga mga panalangin sa Simbahan. Ang resulta nga gitinguha mao nga ang tawo makahimo sa bisan unsang mga kausaban nga gikinahanglan aron mahingpit ang paghinulsol” (“Konseho sa Disiplina sa Simbahan, Mga” Matinud-anon sa Tinuhoan [2004], 105, 106).