Leksyon 115

2 Mga Taga-Corinto 6–7

Pasiuna

Si Pablo mipadayon sa pagdepensa sa mga Santos nga taga Corinto sa iyang gawi isip tigpangalagad sa Dios. Mipahimangno siya sa mga Santos sa paghimulag sa ilang mga kaugalingon gikan sa tanang dili matarung. Gipamahayag niya ang iyang debosyon ngadto sa mga Santos ug naglipay nga ilang nasinati ang diosnong kasubo ug mihinulsol sa ilang mga kasal-anan.

Mga Sugyot alang sa Pagtudlo

Pacing

Usahay wala kay igong panahon sa paggamit sa tanan nga mga sugyot sa pagtudlo niining manwal. Tingali kinahanglan nimong gamiton ang tipik sa leksyon pinaagi sa pagminubo sa usa ka grupo sa mga bersikulo o pinaagi sa paggiya sa mga estudyante aron daling maila ang usa ka baruganan o doktrina sa dili pa mobalhin ngadto sa laing grupo sa mga bersikulo. Tinguhaa ang direksyon sa Espiritu ug mainampuon nga ikonsiderar ang mga panginahanglan sa estuyante samtang imong giila hain nga mga mga porsyon sa scripture block aron mapasabut

2 Mga Taga-Corinto 6:1–13.

Si Pablo naghulagway sa mga ilhanan sa mga tigpangalagad sa Dios

Dapita ang mga estudyante sa pagkonsiderar sa mosunod nga sitwasyon:

• Samtang ikaw o ubang sakop sa inyong ward o branch nagservice project, ang ubang mga tawo milabay ug mihimo og namulong og binastos mahitungod sa Simbahan. Unsa kaha ang mahitabo kon ikaw o ang uban sa imong grupo motubag og binastos?

Pangutan-a ang mga estudyante sa paghunahuna sa mga panahon nga sila adunay kasinatian sa oposisyon o pagpanaway samtang nagserbisyo sa Ginoo. Dapita ang mga estudyante sa pagpangita sa kamatuoran samtang ilang tun-an ang 2 Mga Taga-Corinto 6:1–13 nga makagiya kanila sa ingon ana nga mga panahon.

I-summarize ang 2 Mga Taga-Corinto 6:1–2 pinaagi sa pagpasabut nga si Pablo mitawag sa iyang kaugalingon ug sa isig ka mamumuo isip “nagabuhat uban kang Kristo” (Hubad ni Joseph Smith, 2 Mga Taga-Corinto 6:1–2 6:1). Si Pablo mikutlo sa mga pulong ni Isaias (tan-awa sa Isaias 49:8) aron mapasabut nga ang panahon miabut alang sa mga Santos sa pagkonsiderar sa ilang kaluwasan.

Dapita ang usa ka estudyante sa pagbasa og kusog sa 2 Mga Taga-Corinto 6:3–7. Hangyoa ang katunga sa klase sa pagpangita sa mga pulong o hugpong sa pulong nga naghulagway sa pagsupak nga nasinati ni Pablo ug sa iyang mga kauban nga tigpangalagad. Hangyoa ang laing katunga sa pagpangita sa mga pulong o hugpong sa mga pulong nga naghulagway sa reaksyon ni Pablo ug sa iyang isigka tigpangalagad ngadto sa oposisyon.

• Unsang matang sa mga oposisyon ang nasinati ni Pablo ug sa iyang isigka tigpangalagad?

• Unsa nga mga pulong o hugpong sa mga pulong ang naghulagway kon sa unsang paagi sila mitubag ngadto sa oposisyon?

Rebyuha ang bersikulo 3, ug ipasabut nga ang pulong pangalagad nagpasabut ngadto sa buhat sa Simbahan.

• Sa unsang paagi nga ang mga buhat sa miyembro sa Simbahan karon posible nga moapekto sa mga opinyon sa uban mahitungod sa Simbahan?

• Unsaon ninyo pag-summarize ang mga pagtulun-an ni Pablo sa bersikulo 3–7 isip usa ka baruganan? (Ang mga estudyante kinahanglan makaila sa usa ka baruganan nga susama sa mosunod: Samtang kita mitubag ngadto sa oposisyon uban sa gugma, kamabination, ug sa pagkamatarung, makatabang kita sa uban nga malantaw ang Simbahan diha sa positibo nga paagi.)

Pahinumdumi ang mga estudyante sa sitwasyon nga gipakita sa sinugdanan sa leksyon. Dapita sila sa pagpasabut kon sa unsang paagi nga ang usa ka tawo makatubag ngadto sa sitwasyon sa matarung nga paagi ug unsa ang resulta nga mahimong mahitabo gumikan sa pagbuhat sa ingon.

2 Mga Taga-Corinto 6:14–18

Si Pablo mitambag sa mga Santos sa pagbiya gikan sa mga kadautan

Pares-paresa ang mga estudyante, ug hatagi ang matag estudyante sa kopya sa kauban nga handout.

2 Mga Taga-Corinto 6:14–18

Manwal sa Magtutudlo sa Seminary sa Bag-ong Tugon—Leksyon 115

Tambag ngadto sa mga Santos	Mga Saad gikan sa Ginoo

© 2015 pinaagi sa Intellectual Reserve, Inc. Tanang mga katungod gigahin.

Dapita ang mga estudyante sa pagbasa sa 2°Mga Taga-Corinto 6:14–18 nga magpares. Hangyoa ang usa ka estudyante sa matag pares sa pagpangita sa tambag ni Pablo ngadto sa mga Santos. Hangyoa ang uban nga estudyante sa pagpangita sa mga saad gikan sa Ginoo nga mahimong matuman kon ang mga Santos mopatalinghug sa tambag ni Pablo. Dapita sila sa paggamit unsa ang ilang nakit-an aron magdungan sa pagkompleto sa tsart. Mahimong kinahanglan nimong ipasabut nga ang pulong concord nangahulugan sa panag-uyon, belial nagpasabut sa kadautan (tan-awa sa Bible Dictionary, “Belial”), ug kamaluibon nagpasabut ngadto sa usa ka dili matuohon o usa nga nagtuo sa mga dios gawas sa Langitnong Amahan. Agi og dugang, si Pablo sa miagi mitandi sa mga Santos sa Corinto ngadto sa templo sa Dios; mao nga, ang pulong templo nagpasabut ngadto kanila isip ang katawhan.

Hatagi og igong panahon ang mga paresan sa pagreport sa ilang mga nakit-an sa usag-usa ug kompletohon ang tsart.

Ipasabut nga si Pablo piho nga mipasidaan sa mga Santos nga magpalain sa ilang mga kaugalingon gikan sa “mahugaw nga [mga]butang” (bersikulo 17)—lakip sa pagsimba sa mga dios-dios ug kadtong kinsa nagpraktis niini—aron mapanalipdan ang ilang mga kaugalingon gikan sa sala. Ang pagsimba sa dios-dios mao ang paghigugma o pagsimba sa bisan unsang hinimo sa tawo nga mas labaw pa kay sa Dios.

Dapita ang mga estudyante sa pagsulat Kon ibabaw sa ulohan “Tambag ngadto sa mga Santos” ug Dayon ibabaw sa ulohan ang “Mga Saad gikan sa Ginoo” diha sa ilang mga handout.

• Unsa nga mga baruganan nga atong makat-unan sa 2 Mga Taga-Corinto 6:14–18? (Mahimong ilhon sa mga estudyante ang pipila ka mga baruganan, apan siguraduha sa pagpasabut nga samtang ilain nato ang atong mga kaugalingon gika sa mga sayop nga mga binuhatan ug mahugaw nga mga butang, ang Ginoo modawat kanato.)

• Unsa ang mahimong pipila ka mga ehemplo sa sayop nga binuhatan o hugaw nga mga butang sa atong panahon?

• Unsaon nato paglain ang atong mga kaugalingon gikan niining mga butanga ug niadtong kinsa nagdasig niini?

Ipasabut nga kini nga baruganan wala magpasabut nga atong trataron og binastos kadtong lahi og tinuohan o mobalibad sa pakig-uban kanila apan niana matinahuron kita nga mopamatuod sa atong tinuohan ug maglikay sa pag-apil sa bisan unsang kalihokan nga magdala kanato sa pagpakasala.

• Unsa sa inyong hunahuna ang ipasabut nga ang Ginoo “mohangop” kanato (2 Mga Taga-Corinto 6:17)?

Dapita ang mga estudyante sa pagpamalandong sa usa ka panahon nga ilang nabati ang Ginoo nga nag-uban kanila samtang ilang gilain ang ilang mga kaugalingon gikan sa mga sayop nga mga binuhatan nga makadala kanila palayo gikan sa Ginoo. Dapita ang pipila ka estudyante sa pagpakigbahin sa ilang mga kasinatian.

Dapita ang mga estudyante sa pagpamalandong kon unsa ang kinahanglan nilang buhaton aron malain ang ilang mga kaugalingon sa mga sayop nga mga binuhatan ug hugaw nga mga butang aron ilang madawat ang mga panalangin sa Ginoo.

2 Mga Taga-Corinto 7

Si Pablo nagmaya diha sa tinuod nga paghinulsol sa mga Santos

Dapita ang usa ka estudyante sa pagbasa og kusog sa mosunod nga mga sitwasyon:

Sa usa ka interbyu alang sa usa ka rekomen sa templo alang sa kaminyoon, usa ka batan-ong babaye mikompisal ngadto sa iyang bishop sa pipila ka mga sala nga nangagi. Human sa dugang hilisgutan, nasabtan sa bishop nga ang batan-ong babaye wala makahinulsol sa tinud-anay nga paagi ug kanang iyang mga sala bug-at nga makapahimo niyang dili takus sa usa ka rekomen sa templo. Ang bishop mipasabut nga ang batan-ong babaye kinahanglan nga maghulat aron makadawat sa usa ka rekomen hangtud hingpit na siya nga nakahinulsol. Nakalitan siya, nangangkon nga siya naghinulsol na tungod kay wala na niya kini buhata og usab sulod sa dugayng panahon. Ang bishop mipasabut nga ang paghunong lamang sa sala dili usa ka kompleto nga paghinulsol ug midapit kaniya sa tinuoray nga pagsugod sa proseso sa matuod nga paghinulsol.

• Sa inyong hunahuna unsa kaha ang gibati sa batan-ong babaye niini nga pontoha sa interbyu?

Dapita ang estudyante sa pagpadayon sa pagbasa og kusog sa sitwasyon:

Ang batan-ong babaye mipasabut ngadto sa iyang bishop nga naglagot siya og maayo tungod kay ang mga imbitasyon sa kasal ug ang salo-salo napahibalo na. Miingon siya nga wala siyay nawong nga ikaatubang sa tanang mga pangutana ug sa kaulaw kabahin sa kalangay sa iyang plano sa pagpakasal. Mihangyo siya kon aduna bay paagi alang niya aron maseal sa templo sumala sa giplano ug dayon buhaton lang ang proseso sa paghinulsol inigka human.

• Base sa tubag sa batan-ong babaye ngadto sa bishop, unsa ang iyang gikabalak-an pag-ayo?

Dapita ang mga estudyante sa pagpangita sa kamatuoran samtang sila magtuon sa 2 Mga Taga-Corinto°7 nga ang batan-ong babaye diha sa sitwasyon kinahanglan makasabut sa dili pa siya tinuoray nga makahinulsol sa iyang mga sala.

I-summarize ang 2 Mga Taga-Corinto 7:1–7 pinaagi sa pagpasabut nga si Pablo mipadayon sa pagdepensa batok niadtong kinsa mipakaulaw kaniya ug misiguro sa mga Santos nga taga Corinto nga wala siya nakahimo og sayop ni bisan kinsa.

Dapita ang usa ka estudyante sa pagbasa og kusog sa 2 Mga Taga-Corinto 7:8–9. Hangyoa ang klase sa pagsunod, nga mangita kon sa unsang paagi nga ang mga unang sulat ni Pablo nakaapekto sa mga Santos sa Mga Taga-Corinto.

• Sa unsang paagi nga ang sulat nakaapekto sa mga Santos?

• Nganong naglipay si Pablo sa ilang mga kasubo?

Hangyoa ang mga estudyante sa pagbasa og hilum sa 2 Mga Taga-Corinto 7:10–11. Mahimo nimong isugyot nga ilang markahan ang duha ka matang sa kasubo nga gihisgutan ni Pablo ug unsa ang gisangputan sa matag usa.

• Unsa ang duha ka matang sa kasubo nga gihisgutan ni Pablo?

Isulat ang mga ulohan Diosnon nga Kasubo ug ang Kalibutanon nga Kasubo sa pisara. Dapita ang usa ka estudyante sa pagbasa og kusog sa mosunod nga pamahayag ni Presidente Ezra Taft Benson, kinsa mipasabut sa kahulugan sa termino nga “kalibutanon nga kasubo”:

“Kasagaran makakita kita og mga lalaki ug mga babaye sa kalibutan kinsa mobati og kasubo alang sa mga sayop nga butang nga ilang gibuhat. Usahay kini tungod kay ang ilang mga lihok naghatag kanila o sa ilang mga minahal og hilabihan nga kasubo ug kaalaut. Usahay ang ilang kasubo nahimo tungod kay nasakpan sila ug nasilutan tungod sa ilang mga lihok. Ang ingon niana nga kalibutanong kasubo wala magdala og ‘diosnon nga kasubo’” (Mga Pagtulun-an sa mga Presidente sa Simbahan: Ezra Taft Benson [2014], 98).

• Unsaon nimo pag-summarize kon unsa ang kalibutanon nga kasubo?

• Base sa bersikulo°10, unsay sangputan sa kalibutanon nga kasubo? (Ipasabut nga ang pulong kamatayon sa bersikulo 10 nagpasabut sa espirituhanon nga kamatayon, nangahulugan sa pagkabulag gikan sa Dios. Ubos sa ulohan nga “Kalibutanong Kasubo” sa pisara, isulat ang mosunod nga kamatuoran: Ang kalibutanong kasubo mahimong mosangput sa kamatayon, o pagkabulag gikan sa Dios.)

• Sa unsa nga mga pamaagi nga ang kalibutanon nga kasubo maghatud sa usa ka tao ngadto sa espirituhanon nga kamatayon? (Kini makapugong sa usa ka tawo gikan sa tinud-anay nga paghinulsol ug pagdawat sa kapasayloan sa Langitnong Amahan.)

• Base sa bersikulo 10, unsa ang sangputan sa diosnon nga kasubo? (Ubos sa ulohan nga “Diosnon nga Kasubo” sa pisara, isulat ang mosunod nga kamatuoran: Ang Diosnon nga kasubo modala kanato ngadto sa paghinulsol sa atong mga sala ug makadawat og kaluwasan.)

Aron matabangan ang mga estudyante nga mas masabtan kon ngano nga ang diosnon nga kasubo ang modala kanato sa paghinulsol, dapita ang usa ka estudyante sa pagbasa og kusog sa mosunod nga pamahayag ni Presidente Ezra Taft Benson:

“Ang diosnong kasubo usa ka gasa sa Espiritu. Usa kini ka halawom nga pagkaamgo nga ang atong mga gipangbuhat nakapasakit sa atong Amahan ug sa atong Dios. Ang sakit ug maayo kaayo nga pag-ila nga ang atong mga pamatasan ang mihimo sa Manluluwas, Siya kinsa walay sala, gani ang labing gamhanan sa tanan, sa paglahutay sa panghingutas ug sa pag-antus. Ang atong mga sala mihimo sa pag-agas sa dugo sa matag lungag sa Iyang panit. Kining tinuod gayud nga pag-antus sa hunahuna ug sa espirituhanon mao ang gipasabut sa mga kasulatan nga makabaton og ‘masulub-on nga kasingkasing ug mahinulsulon nga espiritu.’ … Ang mao nga espiritu mao ang hingpit nga kinahanglanon alang sa tinuod nga paghinulsol” (Mga Pagtulun-an: Ezra Taft Benson, 99).

• Sa inyong hunahuna ngano nga ang diosnon nga kasubo modala kanato ngadto sa tinuoray nga paghinulsol sa atong mga sala?

Dapita ang mga estudyante sa pagpamalandong sa sitwasyon kalabut sa batan-ong babaye nga nagtinguha og usa ka rekomen sa templo.

• Panahon sa interbyu sa batan-ong babaye uban sa iyang bishop, unsa ang timailhan nga siya wala makasinati og diosnon nga kasubo?

• Unsa ang atong mahimo aron ang kalibutanon nga kasubo mapulihan sa diosnon nga kasubo?

Kon gikinahanglan, tabangi ang mga estudyante nga makasabut nga ang mga pagbati sa diosnon nga kasubo nga atong masinati samtang kita maghinulsol mahimong magdepende sa kabug-at sa sala.

Ipamatuod nga samtang mobati kita og diosnon nga kasubo kay sa kalibutanon nga kasubo alang sa atong mga sala, kita mahimong tinud-anay nga maghinulsol, malimpyohan sa atong mga sala, ug sa katapusan makadawat og kaluwasan. Dapita ang mga estudyante nga magtinguha sa diosnon nga kasubo diha sa ilang mga paningkamot sa paghinulsol.

I-summarize ang 2 Mga Taga-Corinto 7:12–16 pinaagi sa pagpasabut nga si Pablo mipadayag sa iyang pagpakabana ug kamasaligon diha sa mga Santos.

Rebyuha sa minubo ang mga kamatuoran nga naila sa mga estudyante sa ilang pagtuon sa 2 Mga Taga-Corinto 6–7, ug awhaga sila sa pagsunod sa bisan unsa nga mga pag-aghat nga mahimo nilang bation aron magamit kini nga mga kamatuoran.

Komentaryo ug Background nga Impormasyon

2 MgaTaga-Corinto 6:17. “Panggula kamo gikan kanila, ug magpalain kamo.”

Si Elder Quentin L. Cook sa Korum sa Napulog Duha ka mga Apostoles mipasabut sa panginahanglan sa pagpalain sa atong mga kaugalingon gikan sa dili pagkamatarung ug ang panalangin nga moabut sa pagbuhat sa ingon:

“Ang pulong santos sa Gresyanhon nagpasabut sa ‘paggahin, gipalain, [ug] balaan’ [sa Daniel H. Ludlow, ed., Encyclopedia of Mormonism, 5 vols. (1992), 3:1249]. Kon kita mahimong mga Santos sa atong panahon, kinahanglan nga atong ilain ang atong mga kaugalingon gikan sa dautan nga binuhatan ug makadaut nga mga tinguha nga uso diha sa kalibutan.

“Gibombardiyohan kita kanunay sa mga talan-awon sa kapintas ug imoralidad. Salawayon nga musika ug pornograpiya nagkaanam nga gipasagdan. Ang paggamit og drugas ug bino grabe na kaayo. Wala na kaayo hatagi og bili ang pagkamatinuuron ug kaligdong. Ang katungod sa tagsa-tagsa gipangayo, apan ang mga katungdanan, mga responsibilidad, ug mga obligasyon gipasagdan. Ang sinultihang malaw-ay nagkadaghan ug nagkagrabe ang pagkamaot ug pagkabulgar. Ang kaaway walay hunong sa iyang mga paningkamot sa paglumpag sa plano sa kalipay. Kon atong ibulag ang atong mga kaugalingon gikan niining kalibutanong linihokan, maangkon nato ang Espiritu diha sa atong mga kinabuhi ug masinati ang kalipay sa pagkahimong takus nga mga Santos sa Ulahing mga Adlaw” (“Santo Ka Ba?” Ensign o Liahona, Nob. 2003, 95–96).

2 Mga Taga-Corinto 7:8–11. “Ang kasubo nga kalibutanon mosangpot sa kamatayon”

Si Presidente Dieter F. Uchtdorf sa Unang Kapanguluhan mipasabut sa kalainan tali sa kalibutanon nga kasubo ug diosnon nga kasubo:

“Ug dunay dakong kalainan tali sa kasubo tungod sa sala nga mosangpot sa paghinulsol ug kasubo nga mosangpot sa kawalay paglaum.

“Si Apostol Pablo mitudlo nga ang ‘diosnong kasubo mosangpot sa paghinulsol nga magaagak ngadto sa kaluwasan … apan ang kasubo nga kalibutananon mosangpot sa kamatayon’ [2 Mga Taga-Corinto 7:10; empasis gidugang]. Ang diosnong kasubo modasig og kausaban ug paglaum pinaagi sa Pag-ula ni Jesukristo. Ang kasubo nga kalibutanon mobira kanato, mowagtang sa paglaum, ug moagni kanato sa pagtugyan ngadto sa tintasyon.

“Ang diosnong kasubo mosangpot sa pagkakabig [tan-awa sa Mga Buhat 3:19] ug kausaban sa kasingkasing [tan-awa sa Ezekiel 36:26; 2 Mga Taga-Corinto 5:17; Mosiah 3:19]. Tungod niini masilag kita sa sala ug mahigugma sa kamaayo [tan-awa ang Mosiah 5:2]. Kini modasig kanato sa pagbarug ug paglakaw diha sa kahayag sa gugma ni Kristo. Ang tinuod nga paghinulsol nagpasabut nga pag-usab, dili pagpanakit o pagpaantus. Oo, ang kinasingkasing nga pagmahay ug tinuod nga pagbasol sa pagkamasinupakon sagad sakit ug importante kaayo nga lakang sa sagradong proseso sa paghinulsol. Apan kon ang kahasol sa tanlag mosangpot sa kasilag sa kaugalingon o mopugong sa atong pagbangon og balik, kini makababag imbis makadasig sa atong paghinulsol” (“Makahimo Kamo Niini Karon!” Ensign o Liahona, Nob. 2013, 56).

Si Elder Neal A. Maxwell sa Napulog Duha ka mga Apostoles mipasabut:

“Ang garbo mopili sa taphaw nga paghinulsol, mobayad og mabaw nga kasubo. Dili ikahibulong, ang mga nagtinguha sa taphaw nga paghinulsol nangita usab sa mabaw nga kapasayloan imbis sa matuod nga pagpakig-uli. Sa ingon, ang tinuod nga paghinulsol labaw pa sa yanong paglitok sa, ‘pasayloa ‘ko’” (“Paghinulsol,” Ensign, Nob. 1991, 31).