Iunite 9: Aso 2
Mataupu Faavae ma Feagaiga 38
Faatomuaga
Ia Tesema 1830, na poloaiina ai e le Alii tagata o le Ekalesia e faapotopoto faatasi i Ohaio (tagai i le MF&F 37). I le aso 2 o Ianuari, 1831, na feiloai ai le Au Paia mai paranesi eseese i Niu Ioka mo le konafesi lona tolu o le Ekalesia. I le taimi o le konafesi na faapea ona maua mai ai le faaaliga i le Mataupu Faavae ma Feagaiga 38, lea na uunaia ai e le Alii le Au Paia ma fesoasoani ia latou malamalama i Lana poloaiga ina ia o atu i Ohaio.
Mataupu Faavae ma Feagaiga 38:1–7
Ua ta’u mai e Iesu Keriso i Lana Au Paia o loo i ai o ia i lo latou lotolotoi
Pe o e matauina nisi o poloaiga atonu e faigofie ona e usitaia ae o isi atonu e sili atu ona faigata? Lisi nisi o poloaiga e te lagona e faigofie ona e usitaia:
Ia mafaufau loloto po o le fea poloaiga atonu e sili atu ona faigata ona e usitaia ma pe aisea.
I le taimi o se konafesi a le Ekalesia ia Ianuari 1831, sa fesili ai nisi o le Au Paia i Niu Ioka e uiga i le poloaiga e siitia atu i Ohaio. Mafaufau pe aisea atonu na faigata ai mo nisi o nei tagata o le Ekalesia ona usitai i lenei poloaiga.
Sa mumusu nisi o le Au Paia i Niu Ioka e tuua a latou faatoaga faamanuiaina ma tulaga lagolelei mo ni tulaga le mautinoa o se nofoaga fou. E le gata i lea, o nisi sa feagai ma le faamoemoe o le gau o ni tupe i le faatauina atu o a latou fale ma fanua, pe afai lena na mafai ona faatau ai a latou fale ma fanua.
I le tali atu i atugaluga o le Au Paia, sa tatalo ai Iosefa Samita ina ia aoao atili e uiga i le poloaiga e faapotopoto i Ohaio, ma ia maua ai le faaaliga o loo i le Mataupu Faavae ma Feagaiga 38. Ao e suesueina lenei faaaliga, o le a e aoao ai i upumoni e mafai ona fesoasoani e te usitai ai ma le lotomalie i poloaiga uma a le Alii, e oo lava i poloaiga e faigata tele ona e usitaia.
Faitau le Mataupu Faavae ma Feagaiga 38:1-3,ma vaavaai mo mataupu faavae e mafai ona e aoaoina e uiga ia Iesu Keriso. (Atonu e te manao e faailoga i au tusitusiga paia pe tusi i lau api talaaga mo le suesueina o tusitusiga paia mea ua e aoaoina.)
O le tasi mataupu faavae taua tatou te aoaoina mai le fuaiupu e 2 o le, E silafia e Iesu Keriso mea uma. Mafaufau pe ono mafai faapefea ona fesoasoani le malamalama i lenei mataupu faavae i le Au Paia o e sa faafaigata ona usitai i le poloaiga e tuua Niu Ioka ae siitia atu i Ohaio.
-
I lau api talaaga mo le suesueina o tusitusiga paia, tusi ai ni nai fuaiupu pe faapefea ona fesoasoani foi lenei mataupu faavae ia te oe i taimi e faigata ai ona e usitai i ni poloaiga faapitoa ua tuuina mai e le Alii.
A o lei maua mai lenei faaaliga, sa galue le Perofeta o Iosefa Samita i le faaliliuga musuia o le Tusi Paia ma maua ai le faaaliga ua i ai nei i le Mose 6–7 i le Penina Tau Tele. O nei mataupu o loo ta’u mai ai se tala i se perofeta na igoa ia Enoka ma lona nuu, o e sa ta’ua o Siona ona o lo latou amiotonu.
Faitau le Mataupu Faavae ma Feagaiga 38:4, ma vaavaai mo le mea na faia e le Alii mo Enoka ma lona nuu. Atonu e aoga ona e iloaina, o le fetalaiga a le Alii “loʼu lava loto”, sa Ia faatatau i Lona afioaga.
I le faaiuga o le fuaiupu e 4, o le a le fetalaiga a le Faaola o le mea na Ia faia mo i latou sa talitonu i Lona suafa?
Mafaufau loloto i le pe faapefea e le iloa, e augani atu Iesu Keriso i le Tama Faalelagi mo i latou o e talitonu ia te Ia, ona fesoasoani i se tasi o loo tauivi ina ia taumafai pea.
Faitau le Mataupu Faavae ma Feagaiga 38:5–7, ma vaavaai po o le a le fetalaiga a Iesu Keriso e uiga i le mea o i ai o Ia.
-
Mataupu Faavae ma Feagaiga 38:8-12
Ua faamatala mai e le Alii e o le a gafatiaina Lona Afio Mai Faalua
A o fesoasoani le Faaola i le Au Paia i Niu Ioka ia malamalama i le taua o le faapotopotoina i Ohaio, sa Ia saunoa ai i Lona Afio Mai Faalua.
Faitau le Mataupu Faavae ma Feagaiga 38:8–10, ma vaavaai mo le mea na faaali mai e le Faaola e uiga i Lona Afio Mai Faalua. Atonu e aoga lou iloa o i latou o e “gafatiaina le aso” (MF&F 38:8) o le Afio Mai Faalua o i latou o e, nai lo le faaumatiaina, o le a mafai ona tumau i le lalolagi faatasi ma le Faaola pe a afio mai o Ia. Mafaufau loloto pe mafai faapefea e afioga a le Alii i fuaiupu e 8-10 ona fesoasoani e te malamalama ai i le taua o le faamamaina ma le mama a o lei oo i le Afio Mai Faalua.
Faitau le Mataupu Faavae ma Feagaiga 38:11–12 e aoao ai e uiga i nisi o tulaga o le a i ai i le lalolagi a o lei oo i le Afio Mai Faalua. O le faatusa o agelu o loo faatalitali e “sele i lalo o le lalolagi” o se mau e faatatau i le faataoto a le Faaola i le saito ma titania (tagai i le Mataio 13:24–30; MF&F 86:1–7) lea o le e faapotopoto ai muamua ai le saito (o i latou o e amiotonu) nai lo le titania (o i latou o e ua amioleaga) o le a faapotopoto ma susunuina.
Mafaufau loloto i mea e mafai ona faia e saunia lelei ai oe lava ia “gafatia le aso” o le Afio Mai Faalua o Iesu Keriso ma le maua ai i totonu o le titania.
Mataupu Faavae ma Feagaiga 38:13-33
Ua ta’u mai e Iesu Keriso le mafuaaga na Ia poloaiina ai tagata o Lana Ekalesia e faapotopoto i Ohaio
Mafaufau i se taimi na e lagonaina ai sa e i ai i se tulaga matautia, faaletino po o le faaleagaga. O a ni lapataiga na fesoasoani e te iloa ai sa e i ai i se tulaga matautia?
Na lapataiina e le Alii le Au Paia e uiga i tulaga matautia o le a latou feagai pe a latou nonofo pea i Niu Ioka. Vaai i le fasifuaitau mulimuli o le Mataupu Faavae ma Feagaiga 38:12. O le a le mea na aoao mai e le Alii e uiga i le fili o le Au Paia?
Faitau le Mataupu Faavae ma Feagaiga 38:13, 28-29, ma vaavaai mo faamoemoega a le fili tuufaatasi. Mai nei fuaiupu ua tatou aoao ai e mafai e le Alii ona lapataia i tatou e uiga i tulaga lamatia. E mafai ona oo mai ia lapataiga e ala i uunaiga a le Agaga Paia pe ala mai i aoaoga a auauna a le Alii, e aofia ai saunoaga e tuuina mai i konafesi aoao.
-
Faitau le Mataupu Faavae ma Feagaiga 124:25–27, ma vaavaai mo le mea na tau atu e le Alii i le Au Paia e fai. Mai mea ua e aoaoina i le faaiuga o le fuaiupu e 30, faauma le mataupu faavae lenei: Afai o loo tatou , o le a .
-
-
Aisea e te manatu ai o le saunia e aumaia ai ia i tatou le to’a i le feagai ai ma mea faafeagai po o tulaga lamatia?
-
O a ni mea e mafai ona e faia e saunia ai e tetee atu i taumafaiga a le fili e faatamaia oe?
-
Ia manatua o nisi o le Au Paia i Niu Ioka sa fesiligia pe aisea na poloaiina ai i latou e o atu i Ohaio. Faitau le Mataupu Faavae ma Feagaiga 38:16, 31–33, ma faailoa mai pe o le a faapefea ona faamanuiaina le Au Paia pe a latou usiusitai i lenei poloaiga.
-
-
Na ono mafai faapefea ona avea le poloaiga e siitia ese mai Niu Ioka o se faaolataga faaletino mo le Au Paia?
-
E mafai faapefea ona avea le poloaiga e faapotopoto atu i Ohaio ma o latou faaolataga faaleagaga?
-
Mai nei fuaiupu ua tatou aoao ai e le gata ina lapatai i tatou e le Alii i tulaga lamatia, ae Na te tuuina mai foi ia i tatou poloaiga mo lo tatou puipuiga.
-
Mataupu Faavae ma Feagaiga 38:34-42
Ua tuuina mai i le Ekalesia ni poloaiga e faatatau i le faapotopoto atu i Ohaio
O leMataupu Faavae ma Feagaiga 38:34–42 o loo i ai poloaiga ma fautuaga o le a fesoasoani i le Au Paia i lo latou suiga i le olaga i Ohaio. Mo le toatele o le Au Paia, na pau lava mea na latou ola ai o a latou faatoaga. Faatasi ai ma le toatele o tagata o le Ekalesia na faatau ese atu o latou fanua i le taimi lava e tasi, o lea na faafuasei ai ona tele le sapalai o fanua. Ma o le tele la o filifiliga na i ai, na mafai ai e tagata faatau ona faatau mai faatoaga a le Au Paia i ni tau sili ona taugofie nai lo le tau masani.
Faitau le Mataupu Faavae ma Feagaiga 38:37, 39, ma vaavaai mo le fautuaga a le Alii i le Au Paia, e faatatau i a latou faatoaga ma oa. Mafaufau pe mafai faapefea e le i ai o le faatuatua i folafolaga e faavavau a le Alii, ona fesoasoani ia i tatou e usitai ai i Ana poloaiga e tusa lava pe manaomia ai se ositaulaga i la tatou vaega.
O le toatele o le Au Paia i Niu Ioka sa usiusitai i le poloaiga a le Alii ma faia ni osigataulaga se tele e faapotopoto atu i Ohaio.
-
-
Ua ou suesueina le Mataupu Faavae ma Feagaiga 38 ma faamaeaina lenei lesona i le (aso).
O fesili, mafaufauga, ma manatu faaopoopo ou te fia faasoa atu i lou faiaoga: