Iunite 29: Aso 1
Mataupu Faavae ma Feagaiga 133:1–35
Faatomuaga
I le aso 3 o Novema, 1831, i le lua o aso talu ona faatonuina e le Alii ia Iosefa Samita e lomia le Tusi o Poloaiga (tagai i le MF&F 1, ulutala o le vaega), na maua ai e le Perofeta le faaaliga ua faamaumauina i le Mataupu Faavae ma Feagaiga 133. O le faaaliga lenei sa aofia ai i le lomiga i le 1835 o le Mataupu Faavae ma Feagaiga o se faaopoopoga ma sa mulimuli ane atofa i ai se numera o le vaega. O i latou sa galulue i le tusiga sa faamoemoe muamua e avea le faaaliga ma se faaiuga o le tusi i le vaega 1 i faaaliga o loo aofia ai i le lomiga o le 1835. O leMataupu Faavae ma Feagaiga 133 o le a aofia i ni lesona se lua. O le lesona lenei ua aofia ai le poloaiga a le Alii ina ia saunia e Lona nuu i latou lava ma isi mo Lona Afio Mai Faalua. O loo aofia ai foi valoaga o mea na tutupu e fesootai ma Lona Afio Mai Faalua ma le nofotupu i le meleniuma.
Mataupu Faavae ma Feagaiga 133:1–15
Ua poloai le Alii i Lona nuu e saunia mo Lona Afio Mai Faalua
Pe sa i ai se taimi na e i ai i le aoga ma iloa ai ua galo ona e saunia mo se suega? O a ni ou lagona na i ai, pe, o le a sou manatu o a ni ou lagona o le a i ai?
O le a sou lagona pe a e iloaina ua e saunia lelei mo se suega?
Mafaufau i ni mea taua e tutupu i le lumanai e tatau ona e saunia i ai i le taimi nei.
Faitau le Mataupu Faavae ma Feagaiga 133:1–3, ma vaavaai mo se mea e tupu e ao ona tatou saunia i ai ma se mafuaaga pe aisea.
Atonu e fesoasoani lou iloa o le “afio mai i lalo i le lalolagi ma se fetuu e faamasino” (MF&F 133:2) e faatatau i le tuuina mai e le Alii o le faasalaga i e amioleaga i Lona Afio Mai Faalua. O le fuaitau “faaali e ia lona aao paia” (MF&F 133:3) e faatatau i le faaali mai e le Alii o Lona malosi ma le mana i le lalolagi. O le fuaitau “o le a vaai tuluiga uma o le lalolagi i le olataga a lo latou Atua” (MF&F 133:3) o lona uiga, o le a vaai tagata uma i le laveaiga o le a faia e le Atua mo i latou o e mulimuli ia te Ia.
A o e suesue i le Mataupu Faavae ma Feagaiga 133, mafaufau pe aisea e taua tele ai le Afio Mai Faalua o Iesu Keriso ma a tatou sauniuniga mo lena mea.
E tusa ai ma le Mataupu Faavae ma Feagaiga 133:2, o le a le mea o le a tupu i e lē amioatua, po o le amioleaga, i le Afio Mai Faalua o Iesu Keriso? Tali le fesili e ala i le faaumaina o le aoaoga faavae lenei i se tasi o mea ua e aoaoina mai lenei fuaiupu: I Lona Afio Mai Faalua, o le a afio mai Iesu Keriso .
Mai nei fuaiupu ua tatou aoao ai o e amioleaga ma le le amioatua o le a le saunia mo le Afio Mai Faalua o Iesu Keriso. O a ni mea e mafai ona tatou faia ina ia mautinoa ai ua tatou saunia?
-
Faauma gaoioiga nei i lau api talaaga mo le suesueina o tusitusiga paia:
-
Tusi le fuaitau lenei: e fesoasoani e saunia i tatou mo le Afio Mai Faalua o Iesu Keriso. Faitau le Mataupu Faavae ma Feagaiga 133:4–16, ma vaavaai mo fuaitau e mafai ona faaaoga e faatumu ai le avanoa. Lisi ia le itiiti ifo ma le lima ni fuaitau i lalo o le avanoa i lau api talaaga mo le suesueina o tusitusiga paia.
-
Filifili se fuaitau se tasi na e faailoaina mai i le gaoioiga a. Faamatala mai pe aisea e taua ai lenei faatinoga i le sauniaina o i tatou mo le Afio Mai Faalua o Iesu Keriso.
-
Faamalamalama mai po o a ni faamanuiaga o le a e maua i le taimi nei, i le faaaogaina o le faatinoga sa e faailoaina mai i le gaoioiga e.
-
Toe tagai i tua i le Mataupu Faavae ma Feagaiga 133:5, 7, 14. Mafaufau e faailoga le fuaitau e tutusa e te matauina i fuaiupu taitasi.
I taimi o le Feagaiga Tuai, o le aai o Papelonia sa o se nofoaga o le amioleaga tele. I nei fuaiupu, o Papelonia e mafai ona vaai i ai o se faatusa o le amioleaga ma le faalelalolagi.
-
-
O le a se mea e ono faauiga i ai pe a taitai mai i tatou i fafo e le Alii mai Papelonia?
-
O a ni auala e mafai ona tatou o ese ai mai Papelonia? E faapefea ona saunia e nei mea i tatou mo le Afio Mai Faalua?
-
Ia maitau le mea na aoao mai e le Alii i le Mataupu Faavae ma Feagaiga 133:15 e uiga i le auala e tatau ona tatou tuua ai Papelonia. Ua fetalai mai le Alii a oo i le taimi e sau ai le Faatoafaiava (tagai i le fuaiupu e 10), o le a leai se taimi e te tago vave atu ai e fai ni mea ia sa tatau ona uma ona faia muamua. E talitutusa lenei mea ma le savali na aoao mai i le faataoto i taupou e toasefulu (tagai i le Mataio 25:1-13; tagai foi i le MF&F 45:56–57). O le toalima o taupou sa taumafai faavave e sauniuni ina ua fai mai le faasilasilaga ua sau le Faatoafaiava, ae ua tuai tele.
Ia maitau foi i le Mataupu Faavae ma Feagaiga 133:15 le mea na lapatai mai le Alii e le tatau ona tatou faia a’o tatou o ese mai i Papelonia. Atonu e te manao e faailoga mea ua e maua.
Mafaufau loloto i le mea e te manatu ua faauiga i ai le “ia lē tuu atu ia te ia e tepa i tua” (MF&F 133:15) pe a uma ona tatou aveesea mai i tatou lava mai faatosinaga agasala ma faalelalolagi. O le manatu faavae o le le toe tepa i tua e faatatau i se taumafaiga e lafoai uma ese le amioleaga ma mea o le lalolagi ma le toe foi atu i auala sa i ai muamua. O lenei fuaiupu o se lapataiga ia i tatou, ia aua le moomoo mo, ona tatou toe foi lea i o tatou ituaiga olaga sa i ai muamua.
Ua poloaiina i tatou e le Alii ia tuua le amioleaga ma ia le toe tepa i tua.
Mafaufau e tusi le upumoni lenei i le laina i autafa o au tusitusiga paia i talane o le fuaiupu e 15: Afai tatou te toe foi atu i soo se amioleaga ma agasala sa i ai muamua, o lona uiga o le a tatou le saunia mo le Afio Mai Faalua o le Faaola.
-
Ia maitau i le Mataupu Faavae ma Feagaiga 133:9 na faatonuina ai e le Alii Lona nuu e faapotopoto i le nofoaga faaletino o Siona. Ia manatua o Siona ua faatusa foi i e amiotonu—o i latou o e loto mama, lotogatasi, ma tuuto atu i faamoemoega o le Atua.
-
Afai sa e le aoga i le aso na faasilasila ai e le faiaoga se suega tele o loo loma, o le a se mea e te faamoemoe o le a faia e se tagata o le vasega mo oe?
I le Mataupu Faavae ma Feagaiga 133:4–15, na aoao mai foi le Alii i le Au Paia e faapea, o se vaega o la latou sauniuniga mo le Afio Mai Faalua e aofia ai le fesoasoani atu i isi ia saunia foi. O le a le ituaiga o galuega o loo faamatalaina e le Alii i fuaiupu e 8-10?
O le tuuina atu o lana tautalaga i faifeautalai faaolioli, na aoao mai ai e Elder Neil L. Andersen o le Korama a Aposetolo e Toasefululua, e uiga i se tiutetauave taua lea e faatatau foi i tagata uma o le Ekalesia:
“O se tasi o o outou tiutetauave taua o le fesoasoani lea e saunia le lalolagi mo le Afio Mai Faalua o le Faaola. …
“O a outou misiona o le a avea ma se avanoa paia e aumai ai isi ia Keriso ma fesoasoani ai e saunia mo le Afio Mai Faalua o le Faaola. …
“… Ua saunia le lalolagi mo le Afio Mai Faalua o le Faaola, i le fuataga tele ona o le galuega a le Alii e ala mai i Ana faifeautalai” (“Sauniaina o le Lalolagi mo le Afio Mai Faalua,” Ensign po o le Liahona, Me 2011, 49, 50, 51).
-
-
Tali i fesili nei: O a ni auala e te manatu o le a fesoasoani ai le fesoasoani atu i isi e saunia mo le Afio Mai Faalua, e te saunia ai foi oe? O a nisi o faamanuiaga faaopoopo o le a e fiafia ai i lou olaga, e ala i le fesoasoani atu i isi e saunia mo le Afio Mai Faalua?
-
Toe faamanatu mea ua e tusia e uiga i le saunia mo le Afio Mai Faalua o Iesu Keriso. Tusi se mea se tasi ua e lagonaina le uunaia o oe e fai, ina ia e saunia lelei ai pe fesoasoani foi e saunia ai isi mo le Afio Mai Faalua. Tusi se fuafuaga mo le auala o le a e ausia ai lenei sini.
-
Toe faitau le Mataupu Faavae ma Feagaiga 133:16, ma faailoa mai le mea o le a fesoasoani ia i tatou ia saunia e fetaiai ma le Alii pe a afio mai o Ia. Faauma le mataupu faavae lenei i le faatumuina o le avanoa i le upu e te faailoa mai: A tatou , ua tatou saunia e fetaiai ma le Alii.
-
Mataupu Faavae ma Feagaiga 133:17-35
Ua faaali mai e le Alii ni mea e tutupu e fesootai ma le Afio Mai Faalua ma Lona nofotupu i le meleniuma
I le Mataupu Faavae ma Feagaiga 133:17–35, na fofogaina mai ai e le Alii nisi o mea e tutupu e fesootai ma Lona Afio Mai Faalua ma le nofotupu i le lalolagi i le meleniuma. Faitau fuaiupu nei, ma mafaufau e faailoga soo se mea e tupu e tulaga ese ia te oe. O le fea o mea e tutupu e sili ona e fia molimauina?
O se tasi o mea e tupu na faailoa mai i le Mataupu Faavae ma Feagaiga 133:21–29 o le toe foi mai o nisi o ituaiga o Isaraelu o loo leiloloa. Na faamalamalama mai e Elder Bruce R. McConkie o le Korama a Aposetolo e Toasefululua: “O Ituaiga e Sefulu e tatau ona toe foi mai e pei lava o se isi lava tagata: e ala i le taliaina o le Tusi a Mamona ma talitonu i le talalelei toefuataiina. E le mafai ona lua ni lotu eseese ma tutoatasi i luga o le fogaeleele i se taimi lava e tasi, ma i le taimi lava lea; e le mafai ona i ai i se vaitaimi ae ua mafai ona pulea le Ekalesia mai se nofoaga e tasi. O le Peresitene o le Ekalesia o loo umia ki ia o le a taitai mai ai Ituaiga e Sefulu mai atunuu i matu i lo latou nuu moni i Palesitina. O Ia, ae e lē o i latou, o le a taitaia la latou toe foi mai” (A New Witness for the Articles of Faith [1985], 520–21).
O leMataupu Faavae ma Feagaiga 133:30–35 o loo faamatala mai ai nisi o faamanuiaga e maua e tagata o le feagaiga a le Alii e faatatau i le Afio Mai Faalua o le Alii. Ona o folafolaga na faia e le Alii ia Efaraima (o se atalii o Iosefa) ma lona ituaiga, o suli o Efaraima o le a muamua ona faapotopotoina mai i aso e gata ai. Ua tuuina atu ia i latou le talalelei toefuataiina ma le pule ma ki o le perisitua e mafai ai ona latou taitaia le galuega o le faapotopotoina mai o le aiga o Isaraelu. O le sini aupito taua a le Alii o le fesoasoani lea i le aiga atoa o le Atua ina ia faapaleina i le mamalu, ma maua uma faamanuiaga na maua e ala i sauniga o le talalelei.
O le salamo ma le saunia o i tatou lava ma isi mo le Afio Mai Faalua o Iesu Keriso, e mafai ona tatou faatalitali i ai ma le fiafia i Lona afio mai ma olioli i faamanuiaga e oo mai i le ola amiotonu i le taimi nei.
-
Ua ou suesueina le Mataupu Faavae ma Feagaiga 133:1–35 ma faamaeaina lenei lesona i le (aso).
O fesili, mafaufauga ma manatu faaopoopo ou te fia faasoa atu i lo’u faiaoga: