Seminare
Iunite 20: Aso 2, Mataupu Faavae ma Feagaiga 93

Iunite 20: Aso 2

Mataupu Faavae ma Feagaiga 93

Faatomuaga

I le aso 6 o Me, 1833, na maua ai e le Perofeta o Iosefa Samita le faaaliga ua faamaumauina i le Mataupu Faavae ma Feagaiga 93. Na faamalamalama mai e Iesu Keriso le faamoemoega o le vaega muamua o lenei faaaliga (MF&F 93:1–20): “Ou te tuu atu ia te outou nei upu, ina ia outou malamalama ma iloa ai le ala e tapuai ai, ma iloa ai le mea tou te tapuai i ai, ina ia mafai ona outou o mai i le Tamā i loʼu igoa, ma maua lona atoatoaga i le taimi e tatau ai” (MF&F 93:19). O nei fuaiupu o le a atili talanoaina auiliili pe a oulua feiloai ma lou faiaoga mo le lesona faalevaiaso. O lenei lesona e taulai muamua atu i le mea na faaali mai e le Alii i le Mataupu Faavae ma Feagaiga 93:21–53. O nei fuaiupu e aofia ai faatonuga a le Alii i le mauaina o le upumoni ma le malamalama ma le tatau ona “filiga atili ma popole i le aiga” (MF&F 93:50).

Mataupu Faavae ma Feagaiga 93:1–20

Ua faaali mai e le Alii le auala e mafai ona avea ai i tatou e faapei o Ia ma lo tatou Tama Faalelagi

I le Mataupu Faavae ma Feagaiga 93:1–20, tatou te aoao ai e uiga ia Iesu Keriso, Lona sootaga ma le Tama Faalelagi, ma le auala e mafai ona tatou maua ai le “atoatoaga o le mamalu o le Tamā” (MF&F 93:16) e pei ona Ia mauaina.

O Ioane le Papatiso o loo Papatisoina Iesu

Na molimau malosi mai Ioane le Papatiso e uiga ia Iesu Keriso.

O le Aposetolo o Ioane o se soo o Ioane le Papatiso ina ua amata e Iesu Keriso ia Lana auaunaga faaletino. Na ia tuuina mai se tala o le molimau na tuuina mai e Ioane le Papatiso e uiga i le Faaola i le Talalelei a Ioane i le Feagaiga Fou. E faatatau i le faaaofia ai o lenei molimau a Ioane le Papatiso, na faamalamalama mai ai e Elder Bruce R. McConkie o le Korama a Aposetolo e Toasefululua:

Elder Bruce R. McConkie

“Mai le faaaliga i aso e gata ai ua tatou iloa ai o mea o loo i le vaega amata o le talalelei a Ioane (le Aposetolo, Talifaaaliga, ma le Soo Pele) na muai tusia e Ioane le Papatiso. E ala i faaaliga na toefuatai mai ai e le Alii ia Iosefa Samita se vaega o mea na tusia e Ioane le Papatiso ma folafola mai e faaali mai le vaega o totoe pe a lava le faamaoni o tagata e faamautu ai le mauaina. (M.F & F. 93:6–18.) [Mataupu Faavae ma Feagaiga 93:15] o le ki lea i le faasinomaga o le Ioane tonu lea o loo ta‘ua. …

“… E laiti se masalosaloga sa i ai i luma o Ioane le Soo Pele le faamatalaga a le Papatiso a’o ia tusia lana talalelei. O le Ioane mulimuli mai atonu sa ia kopiina pe toe faaupuina mea sa tusia e le perofeta na muamua atu e tutusa o la igoa. Na pau lava le isi mea o le, na faaali mai e le Alii i le tusitala o le talalelei ia upu na faamaumauina e le avefeau na muamua atu o le na saunia le ala i luma atu o ia” (Doctrinal New Testament Commentary, 3 vols. [1966–73], 1: 70–71).

I le Mataupu Faavae ma Feagaiga 93:6–17, na tuuina mai e le Alii ia faamatalaga mai le faamaumauga a Ioane e fesoasoani ai ina ia tatou malamalama atili e uiga ia te Ia. Na aoao mai e Ioane na tuputupu ae Iesu Keriso mai lea alofa tunoa i lea alofa tunoa seia oo ina maua e Ia se atoatoaga o le mamalu o le Tama.

E mafai foi ona tatou maua se atoatoaga o le mamalu o le Tama a o tatou mulimuli i le faataitaiga a Iesu Keriso. Atonu e te manao e faailoga ia fuaitau o loo aoao mai ai lenei upumoni i le Mataupu Faavae ma Feagaiga 93:19–20.

Mataupu Faavae ma Feagaiga 93:21-39

Ua faatonu e le Alii Ana auauna i le auala e maua ai le upumoni ma le malamalama

O a nisi o tiutetauave o le avea ma tamaitiiti ulumatua i se aiga?

Iesu Keriso

Faitau le Mataupu Faavae ma Feagaiga 93:21–23, ma vaavaai mo mea na faaali mai e Iesu Keriso e uiga ia te Ia lava.

Atonu e te manao e faailoga upu ma fasifuaitau i na fuaiupu o loo aoao mai ai le mataupu faavae lenei: O Iesu Keriso o le Ulumatua i fanau agaga uma a le Tama Faalelagi.

Ona o Iesu Keriso o le Ulumatua o fanau agaga a le Tama, ua avea ai o Ia ma “suli tofia” (Eperu 1:2) o mea uma ua i ai i le Tama. Ae peitai, e finagalo o Ia ia tofusia fanau uma a le Tama Faalelagi i lenei tofi. Ua tatou maua le avanoa e avea ai ma “suli-faatasi ma Keriso” (Roma 8:17) ma faitaulia faatasi ma “le ekalesia a le Ulumatua” (MF&F 93:22; tagai foi i le MF&F 76:51–54). Na aoao mai e Elder Bruce R. McConkie e faapea, “o tagata o Le Ekalesia a Iesu Keriso o le Au Paia o Aso e Gata Ai, o e e matuai tuuto atu i latou lava i le amiotonu ina ia latou maua sauniga maualuga atu o le faaeaga, e avea ma tagata o le Ekalesia a le Ulumatua” (Mormon Doctrine, 2nd ed. [1966], 139). I le auala lenei e mafai ai foi ona tatou maua mea uma ua i ai i le Tama (tagai i le MF&F 76:55; 84:37–38).

E tusa ai ma le Mataupu Faavae ma Feagaiga 93:22, e tatau ona fanauina i tatou e ala ia Iesu Keriso, ina ia mafai ona [tatou] tofusia i le mamalu o le Ulumatua. O le uiga o le fanauina e ala ia Iesu Keriso, o le toe fanauina faaleagaga ma faamamaina mai agasala uma e ala i le mana o le Togiola.

  1. aikona o le api talaagaI lau api talaaga mo le suesueina o tusitusiga paia, faamalamalama ai pe aisea e taua ai ona e malamalama i le matafaioi a Iesu Keriso i le avea ai ma Ulumatua a le Tama. Atonu foi e te manao e faamaumau ou lagona o i ai mo Iesu Keriso, a o e mafaufau i le uiga ia te oe o Lana matafaioi o le Ulumatua a le Tama.

Ia matau, i le Mataupu Faavae ma Feagaiga 93:21 na fetalai mai ai Iesu Keriso, o Ia sa “i ai i le amataga faatasi ma le Tamā.” E tusa ai ma le fuaiupu e 23, o ai le isi sa i ai i le amataga faatasi ma le Tama?

O leMataupu Faavae ma Feagaiga 93:23 e mafai ona faatatau i fanau agaga uma a le Tama Faalelagi. Atonu e te suia le upu outou o loo i lenei fuaiupu i lou lava igoa. E mafai ona e tusia lou igoa i le laina o au tusitusiga paia ma tusi atu se laina i le upu outou.

A o tatou nonofo ai ma le Tama Faalelagi ma Iesu Keriso i le muai olaga, sa Laua aoaoina i tatou ma maua le avanoa e tali pe teena ai le upumoni. Faitau le Mataupu Faavae ma Feagaiga 93:24–26, ma vaavaai mo mea na aoao mai e le Alii e uiga i upumoni o loo i nei fuaiupu.

I le avanoa ua tuuina atu, tusi ai e uiga i mea ua e aoaoina mai le faauigaga a le Alii o le upumoni i le fuaiupu e 24:

Matau le auala o loo faamatalaina ai Satani i le Mataupu Faavae ma Feagaiga 93:25. Matau le auala na ia saili ai e faatosina i tatou e ala i le mimiloina ma le tuuitiitia o lo tatou malamalama e uiga i le upumoni. I le faatusatusaga, mafaufau loloto i mea ua tatou aoaoina e uiga i le Faaola i le fuaiupu e 26.

Suesue i le Mataupu Faavae ma Feagaiga 93:36-37, ma faailoa mai ni mataupu faavae faaopoopo na faaali mai e le Alii e uiga i le malamalama ma le upumoni. Atonu e te manao e faailoga le fuaitau “o le mamalu o le Atua o le atamai lea, po o, i se isi faaupuga, o le malamalama ma le upumoni” i le fuaiupu e 36. Ia manatua o loo i ai i le Tama Faalelagi ma Iesu Keriso le atoatoaga o le mamalu, lea e aofia ai le atoatoaga o le atamai, po o le malamalama ma le upumoni. Mafaufau loloto pe faapefea ona tatou manuia mai le mauaina o le malamalama ma le upumoni i o tatou olaga. O se tasi o manuia o le, e ala i le mauaina o le malamalama ma le upumoni, e mafai ona avea i tatou e faapei o Iesu Keriso ma le Tama Faalelagi. (Atonu e te manao e tusi lenei mataupu faavae i le autafa o au tusitusiga paia i talane o le fuaiupu e 36.)

Tama Faalelagi ma Iesu Keriso

  1. aikona o le api talaagaI lau api talaaga mo le suesueina o tusitusiga paia, tusi ai le mafuaaga e taua ai ona e malamalama e faapea, o le mauaina o le malamalama e mafai ai ona avea i tatou e faapei o Iesu Keriso ma le Tama Faalelagi.

Faitau le Mataupu Faavae ma Feagaiga 93:27–28, ma vaavaai mo mea e tatau ona tatou faia ia maua ai le upumoni ma le malamalama. I le li’o laumiumi o loo i le itu taumatau o le ata o loo i ai, tusi ai se mataupu faavae o loo aoao mai ai le auala tatou te maua ai le upumoni ma le malamalama.

malamalama ma le pogisa i le ata

E ala i le mauaina o le malamalama ma le upumoni, e mafai ai ona avea i tatou e faapei o Iesu Keriso ma le Tama Faalelagi.

  1. aikona o le api talaagaTali fesili nei i lau api talaaga mo le suesueina o tusitusiga paia:

    1. E faapefea ona fesoasoani lo tatou usitai i poloaiga ia tatou maua ai le upumoni ma le malamalama?

    2. O le a se taimi na e lagona ai ua e maua le upumoni ma le malamalama e ala i le tausia o poloaiga?

A o tatou nonofo faatasi ma le Atua ae tatou te le‘i fananau mai i le lalolagi, sa i ai lo tatou faitalia—o le gafatia e filifili ma faia ai se mea mo i tatou lava. Faitau le Mataupu Faavae ma Feagaiga 93:29–32, ma vaavaai po a auala o faaaoga ai lo tatou faitalia e aafia ai lo tatou gafatia ia maua le malamalama ma le upumoni.

E tusa ai ma fuaiupu 31–32, o le a le taunuuga pe afai tatou te filifili e le maua le upumoni ma le malamalama?

O nei fuaiupu ua fesoasoani tatou te malamalama ai, tatou te tuuina i tatou lava i lalo o le tausalaga ma tuai ai lo tatou alualu i luma faaleagaga e ala i le mumusu e maua le malamalama o loo avanoa mo i tatou.

E mafai ona aveesea le malamalama ma le upumoni lea ua uma ona tatou mauaina? Suesue i le Mataupu Faavae ma Feagaiga 93:39 e sue ai se tali i lenei fesili.

I le li’o laumiumi o loo i le itu tauagavale o le ata, tusi ai se mataupu faavae e tau mai ai mafuaaga e aveesea ai lo tatou malamalama ma le upumoni.

  1. aikona o le api talaagaI lau api talaaga mo le suesueina o tusitusiga paia, lisi ai nisi o faataitaiga o tu ma aga masani, po o gaoioiga e masani ona faia e le toatele o tagata, lea e mafua ai ona aveese mai le malamalama ma le upumoni mai ia i tatou. Tusi ni nai fuaiupu e faamalamalama ai pe faapefea e le auai i se tasi o nei tu ma aga masani ona aafia ai lo tatou gafatia ona maua ma faatumau ai le malamalama ma le upumoni mai lo tatou Tama Faalelagi.

O le vaaiga faataitai lenei e mafai ona fesoasoani e faailoa ai le ala e faia ai e a tatou filifiliga faaletagata lava ia, ina ia usitai pe le usitai i poloaiga a le Atua, se aafiaga i lo tatou gafatia ia maua le malamalama ma le upumoni pe aveesea foi. Faitau le faamatalaga lenei, ma faailoa mai pe faapefea e filifiliga a Maria, ona aafia ai lona gafatia ina ia maua le malamalama ma le upumoni. Taofi pe a uma parakalafa taitasi, ma mafaufau pe aisea ua suia ai le tulaga o Maria.

  1. aikona o le api talaagaI lau api talaaga mo le suesueina o tusitusiga paia, tusi e uiga i le taua o faaiuga e te faia i aso taitasi, ma pe faapefea ona aafia ai le malamalama ma le upumoni e te maua ma tausia.

Mataupu Faavae ma Feagaiga 93:40-53

Ua fautua mai le Alii i Ana auauna e faatulaga tatau o latou aiga

tatalo faaleaiga

Mafaufau i auala e mafai ai e a outou fegalegaleaiga ma ou matua po o isi tagata o le aiga, ona fesoasoani ia te oe e tuputupu ae i le malamalama ma le upumoni.

Faitau le Mataupu Faavae ma Feagaiga 93:40, ma faailoa mai le tiutetauave ua tuuina mai e le Atua i matua.

I le Mataupu Faavae ma Feagaiga 93:41–48, sa faatonuina ai e le Alii ia Feterika G. Viliamu, Sini Rikitone, ma Iosefa Samita le Itiiti, ia fai ia sili atu le lelei o le aoaoina o a latou fanau i le malamalama ma le upumoni, ma i auala e mafai ai ona latou faatulagaina lelei o latou aiga.

Faitau le Mataupu Faavae ma Feagaiga 93:49–50, ma vaavaai mo le lapataiga a le Alii lea e faatatau i aiga uma. A o e suesue i nei fuaiupu, atonu e te manao e faailoga upu ma fasifuaitau o loo aoao mai ai le mataupu faavae lenei: E tatau ona tatou tatalo e le aunoa ma ia matua maelega ma mafaufau i le aiga, a leai o le a maua e lena amioleaga le mana i o tatou luga.

E ui lava o lenei lapataiga na tuuina mai i se tama, sa faatatau foi i lona aiga atoa. Na faamalamalama mai e Eder David A. Bednar o le Korama a Aposetolo e Toasefululua, ni auala e mafai ona tatou “filiga atili ma popole i le aiga”:

“Fautuaga Numera Tasi: Tau atu Lou Alofa—ma Ia Faaalia

“E mafai ona tatou amata avea ma e matua maelega ma mafaufau i le aiga e ala i le tau atu i tagata tatou te alolofa i ai, e tatou te alolofa ia te i latou. O na faailoaga e le faapea e tatau ona susua ma pe gafagafa. Tau lava ina tatou faailoa soo atu le alofa ma le loto faamaoni. …

“… Le fanau, o le a le taimi mulimuli na e tau atu ai i ou matua e te alofa ia te i la’ua? …

“E ao ina tatou manatua o lena faaupuga ‘Ou te alofa ia te oe’ ua na o se amataga. E manaomia lo tatou fai atu ai, e manaomia lo tatou avatu ai o le uiga moni, ma le mea aupito taua e manaomia lo tatou faaalia e le aunoa. E manaomia lo tatou faailoa atu ma faatino le alofa. …

“Fautuaga Numera Lua: Molimau Atu—ma Ola Ai

“E mafai foi ona tatou matua maelega ma mafaufau i le aiga pe a molimau atu ia i latou tatou te alolofa i ai, e uiga i mea tatou te iloa e moni e ala i le molimau a le Agaga Paia. O le tuuina atu o molimaiu e le manaomia ona uumi pe faatauanau. …

“… Fanau, o le a le taimi mulimuli na e faasoa atu ai lau molimau i ou matua ma le aiga? …

“E ao ina tatou manatua o le tuuina atu o se molimau mai le loto, ua na o se amataga. E ao ina tatou molimau atu, e manaomia lo tatou avatu ai o le uiga moni, ma le mea aupito taua e manaomia lo tatou ola ai e le aunoa. E manaomia lo tatou folafola atu ma ola ai i a tatou molimau. …

“Fautuaga Lona Tolu: Ia Fai e le Aunoa

“O tatalo faaleaiga taitasi, o mataupu taitasi o suesuega o tusitusiga paia, ma afiafi faaleaiga taitasi e tofu ma se tosi po o se aafiaga i o tatou agaga. E le mafai ona foliga faatosinaloto tele pe manatua pea se tasi mea i le isi. Ae … o lo tatou faia pea e le aunoa i le faia pea lava pea o mea e foliga mai e faatauvaa, e mafai ona taitai atu ai i taunuuga maoae faaleagaga. … O le faia e le aunoa o se mataupu faavae autu pe a tatou faataatia se faavae o se galuega tele i o tatou olaga taitoatasi, ma tatou matua maelega ai ma mafaufau i o tatou lava aiga” (“Ia Matua Maelega ma Mafaufau i le Aiga,” Ensign po o le Liahona, Nov. 2009, 17–20).

  1. aikona o le api talaagaO le a sou manatu i le uiga o le “filiga atili ma popole i le aiga” (MF&F 93:50)? I lau api talaaga mo le suesueina o tusitusiga paia, tusi ai e uiga i se mea se tasi o le a e faia ia filiga atili ai ma popole i le aiga.

  2. aikona o le api talaagaTusi le mea lenei i lalo o le galuega atofaina o le aso i lau api talaaga mo le suesueina o tusitusiga paia:

    Ua ou suesueina le Mataupu Faavae ma Feagaiga 93 ma faamaeaina lenei lesona i le (aso).

    O fesili, mafaufauga ma manatu faaopoopo ou te fia faasoa atu i lo’u faiaoga: