Iunite 24: Aso 3
Mataupu Faavae ma Feagaiga 111
Faatomuaga
I le 1836 sa matuai tele se aitalafu na i ai a le Ekalesia. Na malaga atu le Perofeta o Iosefa Samita ma isi taitai o le Ekalesia i Salema, Masatusa, lea sa latou faamoemoe ia mafai ona latou maua mai ai se tupe e totogi ai aitalafu a le Ekalesia. I le aso 6 o Aokuso, 1836, na maua ai e Iosefa Samita le faaaliga ua faamaumauina i le Mataupu Faavae ma Feagaiga 111, lea na faamautinoa mai ai e le Alii ia te ia e uiga i atugaluga e faatatau i le aitalafu ma le manuia o Siona. Na tuuina mai foi e le Alii i le Perofeta ni faatonuga e faatatau i le nonofo ai o taitai o le Ekalesia i Salema.
Mataupu Faavae ma Feagaiga 111
Ua tuuina mai e le Alii se faamautinoaga ma aoaoga mo Iosefa Samita ma isi taitai o le Ekalesia
-
I lau api talaaga mo le suesueina o tusitusiga paia, lisi ai nisi o mea e aumaia ai le atuatuvale po o le popole tele i lou olaga.
Mafaufau loloto i le tulaga atuatuvale na feagai ma le Perofeta o Iosefa Samita ma isi taitai o le Ekalesia a o e faitau i le faamatalaga lenei:
I le taumafanafana o le 1836, sa popole ai le Perofeta o Iosefa Samita ma isi taitai o le Ekalesia e uiga i mea tautupe a le Ekalesia. I tausaga na muamua atu, sa pagatia ai le Ekalesia i se aofaiga tele o se aitalafu a’o usitai taitai o le Ekalesia i poloaiga a le Alii e fausia le Malumalu o Katelani, faatau mai fanua i Ohaio ma Misuri, ma faatupe le Tolauapiga a Siona. Sa manaomia foi e le Ekalesia ni tupe e faatau mai ai ni fanua mo le Au Paia i Misuri o e na tutuli faamalosi ese mai o latou fale. I le 1834 na faatonuina ai e le Alii ia Iosefa Samita ma isi taitai o le Ekalesia e “totogi a [latou] aitalafu uma” (MF&F 104:78). Ae peitai, sa faasalaveia a latou taumafaiga e totogi nei aitalafu ona o le gau o le pisinisi na maua mai ai se tupe maua i Misuri. O lea la, sa le lava ai ni tupe a taitai o le Ekalesia e faafetauia ai manaoga o e na nofo aitalafu ai le Ekalesia.
Afai sa avea oe ma se taitai o le Ekalesia i lea taimi, aisea e te ono popole ai i lenei tulaga?
Sa ta‘u mai e le Alii i taitai o le Ekalesia o le a Ia “auina atu mea ia te [i latou] mo lo [latou] laveaiina” (MF&F 104:80) mai faafitauli o aitalafu a le Ekalesia. I le 1836 na taunuu atu ai se tagata o le Ekalesia e igoa ia William Burgess i Katelani, Ohaio, ma ta‘u atu i taitai o le Ekalesia e uiga i se aofaiga tele o tupe o loo maua i Salema, Masatusa. Sa ia fai mai, o le tupe o loo i totonu o se sela o se fale ma sa na o ia le tagata o loo na iloaina le mea na i ai le tupe.
Ana faapea sa avea oe ma se taitai o le Ekalesia i lea taimi, e faapefea ona e tali atu i lenei tala?
Sa tuua e Iosefa Samita, Sini Rikitone, Ailama Samita, ma Oliva Kaotui ia Katelani, Ohaio, i le aso 25 o Iulai, 1836, ina ia feiloai ma e na nofo aitalafu ai le Ekalesia i Niu Ioka. Ina ua mavae ni nai aso i Niu Ioka, sa malaga atu ai le vaega i Salema, Masatusa. Sa faafetaui i latou e William Burgess i Salema, ae sa ia ta‘ua ua tele se suiga o le nuu talu mai le taimi mulimuli sa i ai o ia iina, na le mafai ai ona ia iloa le fale na i ai le tupe. E le’i leva ae tuua e uso Burgess Salema.
O le a sou manatu, o a ni ou lagona i le mavae ai o le malaga atu i Salema ma faamoemoega ia maua ai se auala e fesoasoani e totogi ai le aitalafu a le Ekalesia, ae na le maua le mea na e faamoemoeina? A o le a se mea e te faia?
Sa faaaluina e taitai o le Ekalesia se taimi e vaavaai ai mo le fale lea sa faapea na i ai le tupe. I le aso 6 o Aokuso, 1836, a o latou i ai lava i Salema, na maua ai e le Perofeta o Iosefa Samita le faaaliga ua faamaumauina i le Mataupu Faavae ma Feagaiga 111.
Faitau le Mataupu Faavae ma Feagaiga 111:1, ma vaavaai po o le le lagona o le Alii na i ai e uiga i le malaga atu i Salema. O le upu sese e mafai ona faauigaina o “se vaivai po o le gaoioiga faavalevalea ae e le faapea o se solitulafono ogaoga; o se gaoioiga e le ogatasi ma faatonuga e taiala ai, po o, tulafono masani o le faautauta” (Noah Webster’s First Edition of an American Dictionary of the English Language, 1828 [1967], “folly”). O nisi taimi a auai tagata i mea sese, o loo latou taumafai ma le faamaoni e fai se mea lelei e ui lava o a latou amioga ua faaseseina.
E ui lava ina sa le manuia le sailiga tupe i Salema, ae sa faailoa mai e le Alii, o lenei malaga e mafai lava ona aoga mo Lona malo. Faitau le Mataupu Faavae ma Feagaiga 111:2, ma faailoa mai le mea na fetalai mai le Alii sa i ai i aai o Salema.
Ia matau i le fuaiupu e 2 na fetalai mai le Alii, o le a ia faapotopotoina ai tagata sa ia te Ia i Salema i le taimi e tatau ai. Sa faaalu e Iosefa Samita ma i latou sa faatasi ma ia, ni nai vaiaso i Salema, ma sa latou talai atu le talalelei i le taimi sa latou nonofo ai iina. O le lima tausaga mulimuli ane, na valaauina ai Erastus Snow i se misiona i Salema, lea sa ia faatulagaina ai se paranesi e 120 tagata (tagai i le Church History in the Fulness of Times Student Manual, 2nd ed. [Church Educational System manual, 2003], 170–71).
O se upumoni e tasi e mafai ona tatou aoao mai i aafiaga a Iosefa Samita i Salema ma aoaoga a le Alii i le Mataupu Faavae ma Feagaiga 111:1–2 o le, e mafai ona aumai mai e le Alii le manuia mai i a tatou taumafaiga faamaoni.
-
-
O a ni auala e mafai ona aumai ai e le Alii le lelei mai a tatou taumafaiga, e tusa lava pe o na taumafaiga i le taimi muamua sa faaseseina?
-
E faapefea ona faatosinaina oe ia iloa e mafai ona aumai e le Alii le lelei mai i au taumafaiga faamaoni?
-
Na tuuina mai e le Alii ni faatonuga ia Iosefa Samita ma ana soa e fesoasoani ia i latou e ausia ai mea lelei a’o latou i ai i Salema, Masatusa. Suesue i le Mataupu Faavae ma Feagaiga 111:3–8, ma vaavaai mo le mea na finagalo le Alii ia i latou e fai. (I le fuaiupu e 4, o le fuaitau “o le a latou lē iloa ai o outou vaega lilo” o lona uiga, o le a le vaai atu tagata o le nuu o Salema i nei taitai o le Ekalesia ma le maasiasi.)
Na aoao mai e le Alii ia Iosefa Samita ma isi taitai o le Ekalesia i Salema le auala o le a latou iloa ai le mea e nonofo ai i lena aai. Faaaoga fetalaiga a le Alii i le fuaiupu e 8 e faauma ai le upumoni faaleaoaoga faavae lenei: E mafai ona tatou maua le taitaiga a le Alii e ala i le ma le o Lona Agaga.
-
Faitau le Mataupu Faavae ma Feagaiga 111:9–10, ma vaavaai mo se galuega faaopoopo na tuuina mai e le Alii ia Iosefa Samita ma ana soa e faamaea a o latou i ai i Salema.
Sa mulimuli le Perofeta o Iosefa Samita ma le isi alii i le fautuaga a le Alii e “ole ma le filiga e uiga i e sa nonofo ai i aso anamua ma faavaeina [o] le aai” (MF&F 111:9). Sa latou asiasi atu i nofoaga o mataaga a o latou i ai i Salema. Mai nei asiasiga na latou iloa ai o nisi o tagata sa nonofo i Salema, Masatusa, ma nofoaga lata ane o Niu Egelani, na sauaina ma fasiotia o se taunuuga o le le faaaloalogia o tapuaiga ma le faailoga lanu. (Tagai i le History of the Church, 2:464–65.) O nei mea na tutupu na taitai atu ai Iosefa Samita e tusi i lana talafaasolopito, “O afea ea o le a tuu ai e le tagata le siitaua i le tagata, ma tauivi [aveese] mai ia te ia ona aia paia o le tapuai i lona Atua e tusa ai ma manao o lona mafaufau?” (i le History of the Church, 2:465).
Tusiga mai le talafaasolopito o Iosefa Samita
Sa ta’ua mulimuli ane e le Perofeta e faapea, sa o se tasi o talitonuga faavae o le Ekalesia le faataga o tagata uma i le aia tatau o le saolotoga o tapuaiga (tagai i le Mataupu Faavae o le Faatuatua 1:11).
E ui lava ina sa le’i maua e Iosefa Samita ma ana soa le tupe sa latou manatu latou te ono maua i Salema, ae sa latou mauaina isi oa mai i lenei malaga. O nei mea na aofia ai oa o le malamalama ma e uiga i tagata i le eria o e sa papatisoina ma faamauina mulimuli ane o ni tagata o le Ekalesia.
Faitau le Mataupu Faavae ma Feagaiga 111:11, ma vaavaai mo le fautuaga faaiu a le Alii i lenei faaaliga. (O le upu faatulagaina e pei ona faaaogaina i le fuaiupu e 11 o lona uiga e faatulaga.)
Faauma le mataupu faavae lea e faavae i luga o mea ua e aoaoina mai le fuaiupu e 11: Afai tatou te ma le aloese , o le a faapea ona faatulaga e le Alii mea uma .
-
-
O a nisi o auala e mafai ona e atamai ai i au filifiliga?
-
O le a sou manatu i le uiga o le Alii “o le a faatulagaina mea uma mo lo outou lelei” (MF&F 111:11)?
-
O le a se taimi na e vaai ai i se faataitaiga o lenei mataupu faavae?
-
-
-
Ua ou suesueina le Mataupu Faavae ma Feagaiga 111 ma faamaeaina lenei lesona i le (aso).
O fesili, mafaufauga ma manatu faaopoopo ou te fia faasoa atu i lo’u faiaoga: