Iunite 26: Aso 3
Mataupu Faavae ma Feagaiga 121:34–46
Faatomuaga
O leMataupu Faavae ma Feagaiga 121:34–46 o se vaega o le tusi musuia a le Perofeta o Iosefa Samita mai le Falepuipui o Liperate. I lenei vaega o le tusi, ua aoao mai ai e le Perofeta mataupu faavae e uiga i le mana ma le pule o le perisitua. Sa ia faamalamalama mai le mafuaaga e toatele ai e e valaauina ae toaitiiti e e filifilia, ma le auala e mafai ai e i latou e umia le perisitua ona saili atu i mana o le lagi e auauna atu ai i isi.
Mataupu Faavae ma Feagaiga 121:34-40
Ua aoao mai Iosefa Samita o aia tatau o le perisitua e fesootai ma mana o le lagi
O a ni auala e te manatu e mafai ona faatusaina ai le faaaogaina o le perisitua i le ki ina o le lamepa?
Tusi e umia le Perisitua i autafa o le ata o le lamepa. I lenei lesona, o le malamalama mai le lamepa ua faatusa i faamanuiaga e mafai ona maua e tagata mai le Atua e ala i le auaunaga o se tasi e umia le perisitua.
I lou suesuega o le Mataupu Faavae ma Feagaiga 121 i le asō, mafaufau pe faapefea e le amiotonu a se tasi e umia le perisitua ona aafia ai lona gafatia e fesoasoani atu ai i isi tagata ia maua faamanuiaga o le perisitua. E ui lava o nei fuaiupu o loo faasinotonu i e umia le perisitua, ae o loo i ai mataupu faavae e faatatau i tagata uma o le Ekalesia.
Faitau le Mataupu Faavae ma Feagaiga 121, ma ia taulai atu i le fesili o loo i le fuaiupu lenei. Atonu e te manao e faailoga le fesili.
Ina ia faateleina lou malamalama i le uiga o le “valaaulia” ma le “filifilia” o se ua umia le perisitua, faitau le saunoaga lenei a Peresitene James E. Faust o le Au Peresitene Sili i e umia le perisitua: “E valaauina i tatou, pe a faae’e mai lima i luga o o tatou ulu ma tuuina mai le perisitua, ae e le filifilia i tatou seia vagana ua tatou faaali atu i le Atua la tatou amiotonu, o lo tatou faatuatua, ma la tatou tautinoga” (“Valaaulia ma Filifilia,” Ensign po o le Liahona, Nov. 2005, 55).
I le Mataupu Faavae ma Feagaiga 121:35–39, tatou te iloa ai le mafuaaga e le filifilia ai nisi e umia le perisitua. Faitau le Mataupu Faavae ma Feagaiga 121:35–36, ma vaavaai mo se lesona e tatau ona aoaoina e i latou uma e umia le perisitua. Atonu e te manao e faailoga mea e te maua.
Tusi Mana o le lagi i autafa o le palaka eletise o loo i le ata. I lenei gaoioiga faafaatusa, o le eletise e faatusa i mana o le lagi.
Ia matau le fuaitau “aia a le perisitua” i le fuaiupu e 36. E maua e se alii le aia e faaaoga ai le perisitua pe a faaee atu le pule o le perisitua i ona luga e ala i le faaee atu o lima. O le aia e galue ai i lenei pule e faalagolago lea i le agavaa o se alii. I le ata, faaigoa le uaea eletise pule o le Perisitua.
Vaai faalemafaufau o loo e suluina le uaea o le lamepa i le palaka, ae e le o ola le moli. E te iloiloina le lamepa ma iloa ai e le o i ai le ki o le moli i le “ola”. I autafa o le ki o le moli (i luga o le uaea i le ata), tusi ai Mataupu faavae o le amiotonu.
-
Faauma le vaega lenei i lau api talaaga mo le suesueina o tusitusiga paia:
-
I lenei gaoioiga faafaatusa, e faapefea ona faapei “mataupu faavae o le amiotonu” o le ki ina o le ki o le lamepa?
-
E faavae i mea ua e aoaoina i le Mataupu Faavae ma Feagaiga 121:36, faauma le faamatalaga lenei: O e e umia le Perisitua e mafai ona saili atu i mana o le lagi pe afai lena latou …
-
Faitau le Mataupu Faavae ma Feagaiga 121:37–38, ma vaavaai mo le mea e tupu i le gafatia o se e umia le perisitua e saili atu ai i mana o le lagi pe afai e le ola amiotonu. Atonu e te manao e faailoga mea e te maua. (I le fuaiupu e 38, o le fuaitau “aʼa i tui” e faatatau i se meaola e tetee atu i se laau maai o loo faaaoga e taitai atu ai agai i se nofoaga manaomia. Mo i tatou, o lenei fuaitau e faatatau i le tetee atu i le taitaiga mai le Alii ma Ana auauna.)
Toe iloilo fuaiupu e 35 ma le 37, ma vaavaai mo uiga ma amioga amioletonu e faavaivaia ai le sootaga a se e umia le perisitua ma mana o le lagi. Atonu e te manao e faailoga mea e te mauaina. Ona faitau lea o faataitaiga nei. Vaavaai mo uiga ma amioga o loo ta‘ua i fuaiupu e 35 ma 37. I avanoa ua tuuina atu, ia lisi ai na uiga ma amioga.
-
Ina ia ofi i totonu faatasi ma nisi o ana tupulaga lauiloa, ua auai atu ai se e umia le perisitua faatasi ma i latou i le ulagia o se tasi o tagata o le vasega i le aoga.
-
E fiafia se peresitene o le korama a le au aoao i taaloga, ma e musu e auai i le fuafuaina o soo se gaoioiga a le korama e le aafia ai le soka po o le pasiketipolo. Soo se taimi lava e auai ai le korama i se gaoioiga po o le tuuina atu o se auaunaga, e poloai atu o ia ina ia fai e isi alii talavou le mea e fai atu ai aua o ia o le peresitene o le korama.
E tusa ai ma le lapataiga e uiga i e umia le perisitua o e “taumafai e ufiufi ai [latou] agasala” (MF&F 121:37), mafaufau i le tala i le Tupu o Tavita i le 2 Samuelu 11. Ina ua uma ona solia e Tavita le agasala o le mulilua ma Patisepa ma oo ai ina maitaga o ia, sa taumafai e ufiufi ana agasala, ma iu ai ina taupulepule le fasiotiga o lana tane o Uria. E mafai ona e mafaufau i nisi tulaga lea e taumafai ai tagata e ufiufi a latou agasala?
O a tulaga e matautia ai le tuu o lou loto i mea o le lalolagi ma le tausili i viiga a tagata?
-
Faitau le Mataupu Faavae ma Feagaiga 121:39–40, ma vaavaai mo pogai e amata ai ona faaaoga e nisi o tagata puleaga amioletonu (pulea ai isi).
-
Mataupu Faavae ma Feagaiga 121:41-46
Ua aoao mai e Iosefa Samita le auala e tatau ai i e umia le perisitua ona latou amio a’i
Ina ua uma ona aoao mai e uiga i uiga faaalia ma faatinoga e faavaivaia ai le sootaga i le va o e umia le perisitua ma mana o le lagi, ona aoao mai lea o le Perofeta o Iosefa Samita e uiga i uiga faaalia ma faatinoga e faamalosia ai lena sootaga. Faitau le Mataupu Faavae ma Feagaiga 121:41-45, ma vaavaai mo uiga faaalia ma faatinoga e fesoasoani ai i e umia le perisitua e saili atu i mana o le lagi. Mafaufau e faailoga nei uiga ma amioga pe a e maua i latou. A o e faitau, atonu e fesoasoani le iloa i le fuaiupu e 41, o le upu na’o o lona uiga “vagana ai,” ma ia galue ma le alofa faamaoni, ma e aunoa ma le faaoleole po o le pepelo, o le alolofa atu i tagata ma le faamaoni ma le moni ma ia i ai uunaiga amiotonu.
-
I le fuaiupu e 43, o le upu aoai e faatatau i le tauina atu i se tasi o loo ia faia se mea sese, e masani lava i se auala agamalu po o le agalelei. O le upu taimi e tatau ai o lona uiga o le “vave” po o “i se taimi talafeagai.” O le upu maatiati e mafai ona faatatau i le manaomia ona faaali manino atu o o tatou lagona. Aisea e te manatu e taua ai mo se taitai perisitua ona aoai ma le manino, i le taimi sa‘o, ma e tusa ai ma le taitaiga a le Agaga Paia? Aisea e te manatu e taua ai le faaali atu o le alofa faateleina i le mavae ai o le aoai atu i se tasi? O le a se taimi sa faamanuiaina ai oe mai se faasa’oga faapena?
-
-
Aisea e te manatu e taua ai i e umia le perisitua ona agamalu ma agalelei i le ala latou te fegalegalea’i ai ma isi?
-
O le a sou manatu i le uiga o le “ia tuu le amiomama e teuteuina [ou] mafaufauga e le aunoa” (MF&F 121:45)? O a nisi o mea e mafai ona e faia ina ia tumau ai le mama o ou mafaufauga?
-
E mafai faapefea ona fesoasoani ia mataupu faavae o loo i le Mataupu Faavae ma Feagaiga 121:41-45 ia i tatou uma lava a o tatou fegalegalea’i faatasi ma isi?
-
O le ola ai i nei mataupu faavae o le amiotonu e fesoasoani ia tatou avea atili ai e pei o le Tama Faalelagi ma Iesu Keriso ma sili atu ai ona mafai ona [tatou] faamanuiaina olaga o isi.
Faitau le Mataupu Faavae ma Feagaiga 121:45–46, ma vaavaai mo faamanuiaga e oo mai i e umia le perisitua o e saili atu i mana o le lagi e ala i le ola amiotonu. Mafaufau e faailoga mea ua e mauaina.
A o e faitauina nei fuaiupu, atonu e fesoasoani le iloa o se tootoo o se tootoo e feaveai e se tupu po o se masiofo. O se faailoga lea o le pule ma le mana.
A o e mafaufau loloto i le poloaiga ia “tuu le amiomamā e teuteuina ai [ou] mafaufauga e lē aunoa” (MF&F 121:45), atonu e aoga le iloa, ina ua tuuina mai lenei faaaliga, o se tasi uiga o le upu teuteuina o le “ia faamatagofie,” o loo fautua mai ai le faia o se sootaga vavalalata. O le isi uiga o le “ina ia lapataia”— i se isi faaupuga, “ia taofia.” (Tagai i le Noah Webster, An American Dictionary of the English Language, kopi o le lomiga muamua [1828; repr., 1967], “garnish.”) Mai i nei faauigaga, ua tatou aoao ai e tatau ona tatou faatagaina le mama e o mai faatasi ma pulea o tatou mafaufauga.
-
Mau Tauloto—Mataupu Faavae ma Feagaiga 121:36, 41-42
-
-
Ua ou suesueina le Mataupu Faavae ma Feagaiga 121:34–46 ma faamaeaina lenei lesona i le (aso).
O fesili, mafaufauga ma manatu faaopoopo ou te fia faasoa atu i lo’u faiaoga: