Iunite 21: Aso 4
Mataupu Faavae ma Feagaiga 101:17–42
Faatomuaga
I le aso 16 ma le 17 o Tesema, 1833, na maua ai e le Perofeta o Iosefa Samita se faaaliga e uiga i le Au Paia i Misuri o e na sosola mai o latou aiga e o ese ai mai sauaga ogaoga. O le toatele o na Au Paia sa faamalosia e tuua a latou meatotino uma. O le faaaliga na maua e le Perofeta, ua faamaumauina i le Mataupu Faavae ma Feagaiga 101, ua aofia i lesona e tolu. O lesona lona lua lenei o loo aofia ai le fetalaiga a le Alii i tulaga i le taimi o le Meleniuma. O loo aofia ai foi upu faamafanafana ma fautuaga i le Au Paia i Misuri.
Mataupu Faavae ma Feagaiga 101:17-34
Ua faamatala mai e le Alii tulaga i le taimi o le Meleniuma
Mafaufau i ni mea o le a tutupu i le lumanai o loo e sauniuni i ai. Aisea e te faia ai le taumafaiga ina ia saunia mo na mea o le a tutupu?
O leMataupu Faavae ma Feagaiga 101 o loo i ai faatonuga i le saunia mo le Afio Mai Faalua o Iesu Keriso ma le Meleniuma (o le vaitaimi lea o le filemu o le a amata pe a toe foi mai Keriso e nofotupu o ia lava i le lalolagi). Mai le Mataupu Faavae ma Feagaiga 101:17–21, tatou te iloa ai o le folafolaga a le Alii e faapotopoto le Au Paia i le aai o Siona i le Itumalo o Jackson, Misuri, “na faapafala [taofia mo se taimi le tumau], a’o faapaiaina tagata mo le meaalofa sili ma mo tiutetauave na faatatau i ai. I le taimi lea o loo faapotopoto ai e loto faamaoni i vanu i Mauga Papa [ma i siteki uma i le salafa o le lalolagi]. … Ua fausiaina malumalu. … Ae o Siona o le a faatuina i luga o le nofoaga filifilia” (James E. Talmage, Articles of Faith, 12th ed. [1924], 353).
Faitau le Mataupu Faavae ma Feagaiga 101:22–23, ma vaavaai mo se mea na ta’u mai e le Alii i le Au Paia e fai e sauniuni ai mo Lona Afio Mai Faalua. (I le fuaiupu e 23, o le fuaitau o “le faaaliga o le a oo mai” e faatatau i le Afio Mai Faalua o Iesu Keriso. O le ta’ua o le to ese le veli e faatatau foi i le Afio Mai Faalua— i le taimi o le a vaai ai tagata uma o le lalolagi i le Faaola.)
Faauma le faamatalaga lenei e faavae i luga o le Mataupu Faavae ma Feagaiga 101:22–23: E mafai ona tatou saunia mo le Afio Mai Faalua o le Faaola e ala i le i Lona suafa, i le ola e tusa ai ma mataupu faavae o le talalelei, faatasi ai, ma le i nofoaga paia.
-
Tali fesili nei i lau api talaaga mo le suesueina o tusitusiga paia:
-
O le a se taimi na e lagonaina ai sa e i ai i se nofoaga paia?
-
E faapefea e le faapotopoto i nofoaga paia ma isi Au Paia o Aso e Gata Ai, ona fesoasoani e te saunia ai mo le Afio Mai Faalua o le Alii?
-
O leMataupu Faavae ma Feagaiga 101:24–34 o loo ta’ua ai faaumatiaga o e amioleaga i le taimi o le Afio Mai Faalua o Iesu Keriso, ma i tulaga o le a i ai i le lalolagi i le taimi o le Meleniuma. Mo se faataitaiga, i fuaiupu 32–34 tatou te faitau ai, o le a faaali mai e le Alii mea natia e uiga i le lalolagi, e pei o lona foafoaga, ma e uiga i le lagi. (O le upu feitagai i le fuaiupu e 26 e faatatau i le feitagai po o le inoino.)
-
Mataupu Faavae ma Feagaiga 101:35-38
Sa faamautinoa mai e le Alii i le Au Paia i Misuri, afai latou te tumau i le faatuatua, o le a iu ina latou tofo i Lona mamalu
Ina ua tuuina mai e le Alii le faaaliga ua faamaumauina i le Mataupu Faavae ma Feagaiga 101:24–34, na feagai le Au Paia i Misuri ma faigata e tele, e aofia ai sauaga faaletino, o le aveesea o latou fale ma meatotino, ma tulaga o le tau malulu.
Faitau le Mataupu Faavae ma Feagaiga 101:35–38, ma faailoa mai mataupu faavae ma fautuaga na tuuina mai e le Alii i le Au Paia i Misuri e faamafanafana ma faamalosia ai i latou i o latou tofotofoga.
-
Faauma le mataupu faavae lea e faavae i mea ua e aoaoina mai le Mataupu Faavae ma Feagaiga 101:35: O i latou o e mo le suafa o le Faaola ma o le a tofo i le mamalu o le Atua.
O soo moni a Iesu Keriso e mulimuli ia te Ia i taimi uma, e tusa lava pe sauaina i latou ona o lo latou faatuatua. Sa faasoa mai e Peresitene James E. Faust o le Au Peresitene Sili le tala lenei e uiga i ni tagata se toalua o le Au Paia o Aso e Gata Ai, o e sa nonofo i Mekisiko i le amataga o le vaitau o le 1900. I le 1915, sa pueina ai i laua e se vaega o fitafita faatupu vevesi. A o e faitau i le tala, ia matau le ala na avea ai nei tagata e toalua o le Au Paia o Aso e Gata Ai, ma ni faataitaiga o le onosaia ma le faatuatua o sauaga.
“Sa avea Rafael Monroy ma peresitene o le Paranesi laitiiti o San Marcos, i Mekisiko, ae o Vicente Morales sa avea ma ona fesoasoani muamua. … Sa tau atu ia i laua o le a faasaoina i laua pe afai la te tuuina atu a la auupega ma lafoaia le la lotu fou. Sa ta’u atu e Uso Monroy i e na pueina i laua e leai ni ana auupega, ma sa na o le tago toese mai lana taga lana Tusi Paia ma le Tusi a Mamona. Sa ia faapea atu, “Alii e, e na o le pau nei o auupega ou te feaveaia; o auupega o le upumoni e tetee atu ai i mea sese.’
“Ina ua leai ni auupega na mauaina, sa matuai mataga sauaga na faia i nei uso ina ia la faailoa mai ai le mea o loo nanaina ai auupega. Ae leai ni auupega. Ona aveina lea o i laua i gauta o le nuu i le puipuiga a leoleo, lea sa faatutu ai i laua i tafatafa o se laau tele i luma o se vaega o loo faaauupegaina. Sa tuu atu e le taitai lo la saolotoga pe afai la te lafoaia lo la talitonuga faalelotu ma auai ma le vaega a le [fitafita], ae sa tali atu Uso Monroy, ‘E sili atu le pele o la’u lotu nai lo lo’u ola ma e le mafai ona ou lafoaia.’
“Ona tauina atu lea ia i laua faapea o le a tafanaina i laua ma fai atu i ai pe i ai se isi a la talosaga e fia faia. Sa talosaga Uso Rafael ina ia faatagaina o ia e tatalo a o lei fasiotia o ia. O iina, i luma o ona faaoo sala, sa ia tootuli ai i lalo ma i se leo sa mafai ona lagonaina sa ia tatalo atu ai i le Atua ina ia faamanuia ma puipuia i latou e pele ia te ia ma tausia le paranesi laitiiti lea o le a tuua e aunoa ma se taitai. Ina ua uma lana tatalo, sa ia faaaogaina upu a le Faaola a o tautau o Ia i luga o le satauro, ma tatalo mo ona faaoo sala, ‘Le Tama e, ia e faamagalo atu ia i latou, aua ua latou le iloa le mea ua latou faia.’ [Luka 17:33.] O lea sa tafanaina ai loa ia Uso Monroy ma Uso Morales e le au faaauupegaina” (“Avea ma Soo,” Ensign po o le Liahona, Nov. 2006, 21-22; e faavae i le Rey L. Pratt, “A Latter-day Martyr,” Improvement Era, Iuni 1918, 720–26).
Mafaufau i ni taimi na faasalaina ai oe (ulagia pe sauaina) ona o lou faatuatua ia Iesu Keriso ma Lana Ekalesia.
-
Mafaufau i nisi o faaaogaaga o le masima. Mo se faataitaiga, e mafai ona faaaoga ia tofo lelei ma faasao ai meaai ma fofo ai manua o se vailaau fufulu manua. Faitau le Mataupu Faavae ma Feagaiga 101:39, ma faailoa mai tagata na faatusa e le Alii i le masima.
Mafaufau loloto pe aisea e ono ta’uina ai tagata e o mai i le talalelei ma osia feagaiga ma le Alii “o le masima o le lalolagi.”
Matau i le fuaiupu e 39 na ta’ua ai foi e le Alii ia tagata o le Ekalesia o “le faasao o tagata.” O le upu faasao e faatatau i le tofo po o le tulaga lelei uiga ese. O le a lou manatu i le uiga o le avea ma faasao o tagata?
O le saunoaga lenei mai ia Elder Carlos E. Asay o le Fitugafulu, e mafai ona fesoasoani ina ia e malamalama lelei i le uiga o le avea ma faasao o tagata: “Pe a faaaogaina e le Alii le faaupuga ‘o le faaola o tagata’, sa fetalai o ia e uiga ia i latou o e o fai ma ona sui. Sa ia faatatau ia i latou o e ua salamo, o e ua uma ona mulumulu mama i vai o le papatisoga, ma o e ua osi feagaiga e tauave i o latou luga lona suafa ma ona faamoemoega. E le gata i lea, sa fetalai o ia e uiga ia i latou o e o le a tauaveina faatasi e ala i le feagaiga lona mana o le perisitua. Sa fetalai o ia e uiga ia te oe ma a‘u” (“Salt of the Earth: Savor of Men and Saviors of Men,” Ensign, Me 1980, 42).
O fasifuaitau “masima o le lalolagi” ma le “faaola o tagata” e aoao mai ai e faapea, i le avea ai ma tagata o le Ekalesia a Iesu Keriso, ua i ai sa tatou tiutetauave e fesoasoani ai i tagata uma o le lalolagi ia maua faamanuiaga a le Atua (tagai i le Aperaamo 2:8-11).
Suesue i le Mataupu Faavae ma Feagaiga 101:40–42, ma vaavaai mo lapataiga ma folafolaga a le Alii.
Ia matau o le fuaiupu e 40 o loo i ai le fuaitau “afai e toesea le malosi faasao o le masima o le lalolagi.” E le aluese le faasao o le masina pe a umi ona tuu. E toesea lona faasao pe a palu faatasi ma isi mea ma faaleagaina ai e na mea. Na aoao mai Elder Asay: “O le tofo ma le tulaga lelei e sola ese ai le tagata pe a ia faatamaia lona mafaufau i mafaufauga le mama, faatamaia lona fofoga e ala i le le tautala i le mea moni, ma faaaoga sese lona malosi i le faatinoina o amioga faatiapolo” (“Salt of the Earth,” 42).
O leMataupu Faavae ma Feagaiga 101:40–42 ua fesoasoani tatou te aoao ai ina ia fesoasoani i tagata o le lalolagi ia maua faamanuiaga a le Atua, e tatau ona tatou salamo i a tatou agasala ma lotomaualalo. Atonu e te manao e tusi lenei upumoni i au tusitusiga paia.
-
-
E faapefea ona fesoasoani aoaoga a le Alii i le Mataupu Faavae ma Feagaiga 101:39–42 e te malamalama ai i mea ua Ia faamoemoe mai ia te oe?
-
O a nisi o faataitaiga o auala e mafai ai e le agasala ona taofia i tatou mai le faamanuiaina o tagata o le lalolagi?
-
O le a se mea e te faia e aloese ai mai le faaleagaina i le agasala?
-
Mafaufau pe o faaleagaina e agasala lou olaga. Ia salamo i na agasala ina ia mafai ona e mama i luma o le Alii, ma ina ia mafai ona sili atu ona e mataalia i le fesoasoani atu i isi ia maua Ana faamanuiaga.
-
Ua ou suesueina le Mataupu Faavae ma Feagaiga 101:17–42 ma faamaeaina lenei lesona i le (aso).
O fesili, mafaufauga ma manatu faaopoopo ou te fia faasoa atu i lo’u faiaoga: