Mataupu Faavae ma Feagaiga 78–80

Faatomuaga

I le aso 1 o Mati, 1832, sa faaali mai ai e le Alii i le Perofeta o Iosefa Samita le faaaliga ua faamaumauina nei i le Mataupu Faavae ma Feagaiga 78. I le faaaliga lenei na faatonuina ai e le Alii le Perofeta, ia faatulaga se kamupani (lea na ta’ua mulimuli ane o le Kamupani Tuufaatasi) e taulimaina le faleteuoloa ma taumafaiga [fale] lomitusi a le Ekalesia. Na faamatala mai foi e le Alii ia faamanuiaga o le a maua e le Au Paia pe afai latou te usiusitai i le poloaiga e faatulaga lenei kamupani. I se taumafaiga e puipui lenei pisinisi na faagaoioia e le Ekalesia mai fili o le Ekalesia, o nisi o gagana o le faaaliga lenei na suia i le taimi muamua na lolomiina ai i le lomiga o le 1835 o le Mataupu Faavae ma Feagaiga. Mo se faataitaiga, o le upu kamupani na suia i le faatulagaga (tagai i le MF&F 78:4).

Pe a o le taimi lava lea e tasi, na poloaiina ai e le Alii ia Iosefa Samita e faatulaga le Kamupani Tuufaatasi, na tuuina mai ai e le Alii ia faaaliga o loo faamaumauina i le Mataupu Faavae ma Feagaiga 79–80. I nei faaaliga na valaauina ai e le Alii ia Jared Carter, Stephen Burnett, ma Eden Smith e avea o ni faifeautalai.

Mataupu Faavae ma Feagaiga 78:1–16

Ua poloaiina e le Alii le Perofeta o Iosefa Samita e faatulaga le Kamupani Tuufaatasi

O tupe o se vaega taua o le lalolagi o loo tatou ola ai, ma e mafai ona faaaogaina mo faamoemoega amiotonu po o le leaga. I le avanoa o loo i lalo, lisi ai ni auala e mafai ona faaaoga i ai tupe mo faamoemoega amiotonu, ma ni auala e mafai ona faaaogaina ai mo faamoemoega leaga.

Faamoemoega Amiotonu	Faamoemoega Leaga

Ia Me 1831, na poloai mai ai le Alii e faatuina se faleteuoloa e faaputu i ai oloa ma tupe faasili mo le manuia o e matitiva (tagai i le MF&F 51). Sa manaomia foi e le Ekalesia ni tupe e faatau mai ai fanua, ma faatupeina ai le lolomiina o faaaliga na maua e le Perofeta o Iosefa Samita. E tolu faalapotopotoga eseese na i ai e maua mai ai nei tupe: (1) o le faleoloa o Newel K. Whitney i Katelani, Ohaio, (2) o se faleoloa na taulima e Sini Gilbert i Misuri, ma le (3) o le Literary Firm, lea sa faatuina e vaaia le lolomiina o lomiga a le Ekalesia. O faatonuga a le Alii i le Mataupu Faavae ma Feagaiga 78:3 na taitai atu ai i le tuufaatasia o nei faalapotopotoga e tolu i se faalapotopotoga e tasi. O le faalapotopotoga fou o le a ta’ua o le Kamupani Tuufaatasi ma o le a aofia ai Iosefa Samita, Sini Rikitone, Newel K. Whitney, Eteuati Paterika, Sini Gilbert, Oliva Kaotui, Ioane Uitimera, William W. Phelps, ma Matini Harisi.

I le Mataupu Faavae ma Feagaiga 78, o le upu faatulagaga e faatatau i le Kamupani Tuufaatasi. Faitau le Mataupu Faavae ma Feagaiga 78:3–4, ma vaavaai po o le a le mea o le a faataga e lenei kamupani, po o le faatulagaga, le Au Paia e fai.

Tali le fesili lenei i lau api talaaga mo le suesueina o tusitusiga paia: E tusa ai ma le Mataupu Faavae ma Feagaiga 78:4, o le a le pogai na finagalo ai le Alii e faataga le faia o le Kamupani Tuufaatasi?

Faitau le Mataupu Faavae ma Feagaiga 78:5–6, ma vaavaai mo mafuaaga na poloaiina ai e le Alii le Au Paia e fesoasoani i “e ua matitiva o [Lona] nuu” (MF&F 78:3).

E pei ona ta‘ua i nei fuaiupu, o mea faalelagi e aofia ai faamanuiaga e faavavau lona natura, e pei o le malamalama, molimau, ma avanoa e maua ai sauniga faaola.

Atonu e fesoasoani le iloa o le tutusa i mea faalelalolagi e le faapea, o tagata uma o le a tutusa lelei a latou mea e i ai, ae nai lo o lena, o aiga uma o le a lava punaoa e maua mo o latou manaoga ma mea e mananao i ai, e tusa ai ma o latou tulaga taitoatasi.

I lau api talaaga mo le suesueina o tusitusiga paia, tusi ni nai fuaiupu e faamatala ai ou manatu e uiga i le tutusa i mea o le lalolagi ona mafai ai ona tatou tutusa i le mauaina o mea faalelagi.

Faitau le Mataupu Faavae ma Feagaiga 78:7. A o e faitau, vaavaai mo se mafuaaga faaopoopo na poloaiina ai e le Alii le Au Paia e faatu le Kamupani Tuufaatasia ma tausia e matitiva. Ona faauma lea o le mataupu faavae lenei: O le faia o mea ua poloai mai ai le Alii tatou te saunia ai mo .

E faapefea ona e manatu, o le usitai i le poloaiga e faatulaga le Kamupani Tuufaatasi o le a fesoasoani e saunia ai le Au Paia ia mautofi i se nofoaga i le malo selesitila?

I lau api talaaga mo le suesueina o tusitusiga paia, ia lisi uma ai ni poloaiga a le Alii e mafai ona e lisiina i totonu o le minute e tasi. Ona filifili lea o se tasi o le poloaiga ua e lisiina ma tusi ni nai fuaiupu e faamalamalama ai, pe mafai faapefea e le usitaia o lena poloaiga ona fesoasoani e saunia ai oe mo se nofoaga i le malo selesitila.

A o e faitau i le saunoaga lenei a Elder Dallin H. Oaks o le Korama a Aposetolo e Toasefululua, mafaufau pe aisea e taua ai le malamalama i faamoemoega a le Alii mo le tuuina mai o poloaiga ia i tatou: “O le faamasinoga mulimuli ua le na o se iloiloga o amioga lelei ma leaga [a se tagata]—ae o mea sa tatou faia. O le faailoaina mai o aafiaga faaiu o a tatou amioga ma mafaufauga—o a tulaga ua aveaai i tatou. E lē lava mo soo se tasi le tau lava ina faatino. O poloaiga, sauniga, ma feagaiga o le talalelei e le o se lisi o ni tupeteu ua manaomia e fai ai se teugatupe faalelagi. O le talalelei a Iesu Keriso o se fuafuaga ua tau mai ai ia te i tatou le ala e avea ai i tatou ma e ua finagalo ai lo tatou Tama Faalelagi” (O Le Luitau ia Avea ma se Tasi,” Ensign, Nov. 2000, 32).

Tali le fesili lenei i lau api talaaga mo le suesueina o tusitusiga paia: E faapefea ona fesoasoani lou malamalama i le faamoemoega a le Alii mo le tuuina mai o poloaiga, e te usitai ai ia te Ia ma le faamaoni sili atu?

Faitau le Mataupu Faavae ma Feagaiga 78:8–9, ma vaavaai mo igoa o i latou o e sa tofia e le Alii e faatulaga le Kamupani Tuufaatasi.

Ia matau i le fuaiupu e 9 na poloaiina e le Alii nei tamalii e saofafai e fono faatasi ma le Au Paia i Siona, o lona uiga o tagata o le Ekalesia i Initipene, Misuri. Ina ia mafai ona usitaia lenei tulafono, o le a tatau ia Iosefa Samita, Newel K. Whitney, ma Sini Rikitone ona malaga i le toeitiiti atoa le 1,000 maila (i itu taitasi) i le va o Hairama, Ohaio, ma Initipene, Misuri. Ia Aperila, 1832, ao le’i atoa le masina e tasi talu ona maua mai lenei faaaliga, na usitai ai nei tamalii e toatolu ma malaga atu i Misuri.

O le a le mea ua e aoao mai i le latou tali e uiga i le faatuatua i, ma le usiusitai i poloaiga a le Alii?

E lei leva ona latou taunuu atu i Misuri, ae fai e le toatolu lea se fonotaga lea na latou faatulagaina ai le Kamupani Tuufaatasi e tusa ai ma faatonuga i le faaaliga. O polofiti mai le faatautaiga o pisinisi a le Kamupani Tuufaatasi sa tuuina i le faleteuoloa e tausi ai e matitiva ma faatupe ai isi manaoga tautupe a le Ekalesia.

I le Mataupu Faavae ma Feagaiga 78:10–16, sa faamamafa mai ai e le Alii le taua o le Kamupani Tuufaatasi. Na ia faamalamalama mai e faapea, afai e mulimuli le Au Paia i Ana faatonuga, o le a latou maua Lana fesoasoani i le faataunuuina o Ana poloaiga, ma o le a mafai e le Ekalesia ona tu toatasi mai isi faalapotopotoga faalelalolagi uma.

Mataupu Faavae ma Feagaiga 78:17-22

Ua faamatala mai e le Alii faamanuiaga e avanoa mo i latou o e tausia Ana poloaiga

Mafaufau i nisi o meaalofa po o faamanuiaga na e maua a o e laitiiti, lea ua e talisapaia atili i le taimi nei ina ua e matua. Aisea ua e talisapaia atili ai nei meaalofa po o faamanuiaga i le taimi nei? Mafaufau i le auala e mafai ona fesootai atu ai lenei mea i faamanuiaga ua saunia e lo tatou Tama Faalelagi mo i tatou.

Faitau le Mataupu Faavae ma Feagaiga 78:17–18, ma faailoa mai pe na faapefea ona pei le Au Paia o ni fanau iti. Atonu e te manao e mafaufau e sui lou igoa i tulaga o soanauna outou, o outou, ma le ia outou ina ia fesoasoani i le faapatinoina o nei fuaiupu ia te oe.)

Mafaufau loloto i le iloa o le Alii “o le a taitaia [tatou] i le ala” (MF&F 78:18) e mafai ona fesoasoani ia i tatou ia fiafia, e tusa lava pe le mafai ona tatou malamalama pe gafatia mea uma.

Faitau le Mataupu Faavae ma Feagaiga 78:19, ma vaavaai mo le fautuaga na tuuina mai e le Alii i le Au Paia. (O leMataupu Faavae ma Feagaiga 78:19 o se mau tauloto. (Atonu e te manao e faailoga i se ala e iloagofie ai.)

Faauma le mataupu faavae lenei e faavae i luga o mea ua e aoaoina mai le fuaiupu e 19: Afai tatou te , o le a faateleina e le Alii o tatou faamanuiaga.

Tali fesili nei i lau api talaaga mo le suesueina o tusitusiga paia:
1. E mafai faapefea ona atoatoa atu ona e mauaina mea uma ma le faafetai?
2. E mafai faapefea e le filifili ina ia maua mea uma ma le faafetai, ona fesoasoani ina ia e maua le fiafia?

Mau Tauloto—MF&F 78:19

I lau api talaaga mo le suesueina o tusitusiga paia, tusi se lauga e lua minute e faavae i luga o le Mataupu Faavae ma Feagaiga 78:19. I lau lauga, ia mautinoa e aofia ai mea nei: (1) talaaga o faamatalaga, e faatatau i lenei fuaitau, (2) o le mataupu faavae o loo aoao mai ai, ma le (3) o se aafiaga faaletagata lava ia e faapupula ai le upumoni o loo aoao mai e lenei fuaitau. O le taimi lava e mae‘a ai lau tautalaga, ia faasoa atu i se tagata o le aiga po o se uo. E mafai foi e lou faiaoga o suesuega i le fale ona valaaulia oe e faasoa atu lau lauga i lau vasega.

Faitau le Mataupu Faavae ma Feagaiga 78:20–22, ma vaavaai mo le fautuaga na tuuina mai e le Alii.

Mataupu Faavae ma Feagaiga 79–80

Ua valaauina Jared Carter, Stephen Burnett ma Eden Smith e auauna atu faamisiona

I faaaliga o loo tusia i le Mataupu Faavae ma Feagaiga 79 ma 80, na valaauina ai e le Alii ni tamalii se toatolu e avea ma ni faifeautalai. Faitau vaega taitasi, ma vaavaai mo mataupu faavae e faatatau i le galuega faafaifeautalai. Mafaufau loloto i auala e mafai ona e faaaogaina ai mataupu faavae na e maua, ina ia sili atu le mataalia e te faasoa atu ai le talalelei i se tasi e iloa.

Tusi le mea lenei i lalo o le galuega atofaina o le aso i lau api talaaga mo le suesueina o tusitusiga paia:

Ua ou suesueina le Mataupu Faavae ma Feagaiga 78-80 ma faamaeaina lenei lesona i le (aso).

O fesili, mafaufauga ma manatu faaopoopo ou te fia faasoa atu i lo’u faiaoga: