Iunite 23: Aso 1
Mataupu Faavae ma Feagaiga 106; 107:1–20
Faatomuaga
Na maua e le Perofeta o Iosefa Samita le faaaliga ua faamaumauina i le Mataupu Faavae ma Feagaiga 106 i le aso 25 o Novema, 1834. I le faaaliga lenei na valaauina ai e le Alii ia Warren Kaotui e pulefaamalumalu i le Ekalesia i Freedom, Niu Ioka, ma nuu taulalata ane. O le faaaliga i le Mataupu Faavae ma Feagaiga 107 sa faamaumauina i le 1835, ae na tuuina mai e le Alii ni ona vaega patino ia Iosefa Samita i ni taimi eseese. I le pe a o le taimi na faamaumauina ai le faaaliga, sa sauniuni ai sui o le Korama a Aposetolo e Toasefululua lea sa le’i leva ona faatulagaina e o ese atu i ni misiona. O le lesona muamua lenei o ni lesona e tolu i le Mataupu Faavae ma Feagaiga 107.
Mataupu Faavae ma Feagaiga 106
Ua valaauina e le Alii ia Warren Kaotui e avea ma faitaulaga sili pulefaamalumalu i Freedom, Niu Ioka
Mafaufau i se taimi na valaauina ai se epikopo po o se peresitene fou o le paranesi. O le a sou manatu i le lagona o lena tagata?
I le 1834 sa oo ai le Ekalesia i se tuputupu a’e maoae i le nuu o Freedom, Niu Ioka, e itiiti ane ma le 200 maila (pe tusa ma le 322 kilomita) mai Katelani, Ohaio. Na valaauina e le Alii se taitai perisitua e pulefaamalumalu i tagata o le Ekalesia iina. Faitau le Mataupu Faavae ma Feagaiga 106:1 e iloa ai po o ai na tofia e le Alii e pulefaamalumalu.
O Warren Kaotui o le uso matua o Oliva Kaotui. Ina ua maua e Warren Kaotui le valaauga e avea ma se faitaulaga sili pulefaamalumalu, o ona lagona atonu na tutusa ma lagona o se epikopo fou po o se peresitene fou o se paranesi i aso nei. Na faasoa mai e le Alii ni tuleiga faamafanafana a o taliaina e Uso Kaotui lona valaauga fou. Faitau le Mataupu Faavae ma Feagaiga 106:2–3, ma vaavaai mo le mea na fetalai mai le Alii ia Uso Kaotui e fai, a’o pulefaamalumalu ai i tagata o le Ekalesia i le eria o Freedom, Niu Ioka.
Faitau le Mataupu Faavae ma Feagaiga 106:6, ma sue po o le a le mea na faia e Warren Kaotui lea na ala ai ona olioli le lagi. A o e faitau, ia matau o se tootoo o se tootoo e tauaveina e tagata tupu. O se faatusa o le pule. I lenei fuaiupu o le fuaitau “ifo mai … i lo’u tootoo” e faatatau ia Uso Kaotui i le faamaualaloina o ia lava i luma o le mana o le Atua, ae o le fuaitau “vavae ese o ia lava mai faiva o tagata” atonu e faasino i le aluese mai o ia lava mai gaoioiga le aoga ma le amioletonu.
Mafaufau i mea e mafai ona e faia e faalotomaualaloina ai oe lava i luma o le Atua ma aveese ai oe lava mai gaoioiga amioletonu.
I le Mataupu Faavae ma Feagaiga 106:7–8, tatou te faitau ai i le fautuaga a le Alii ia Warren Kaotui ma Lana folafolaga e faamanuia Warren ona o le mulimuli i lena fautuaga. Faitau fuaiupu nei, ma fai se aotelega o le folafolaga a le Alii e ala i le faatumuina o avanoa nei: Afai tatou te i tatou lava i luma o le Alii, o le a faapea ona i ai Lona alofa mutimutivale i o tatou luga, tatou i luga, ma tuu mai ia i tatou .
-
Tali fesili nei i lau api talaaga mo le suesueina o tusitusiga paia:
-
O a ni auala e siitia ai e le Alii i latou o e e faamaualaloina i latou lava i Ona luma?
-
O le a se taimi na e vaaia ai o siitia a’e se tasi ona sa latou faamaualalo i luma o le Alii?
-
Mataupu Faavae ma Feagaiga 107:1–20
Ua aoao mai le Alii e uiga i le Perisitua Mekisateko ma le Perisitua Arona
Taumafai e mate po o ai le perofeta o le Feagaiga Tuai o loo faamatala mai i le palakalafa lenei:
O lenei perofeta “o se tagata o le faatuatua, o lē na faia le amiotonu; ma a’o avea ma se tamaitiiti sa ia matau i le Atua, ma taofi gutu o leona, ma tapeina le saua o le afi” (Faaliliuga a Iosefa Samita, Kenese 14:26 [i le faaopoopoga o le Tusi Paia]). I le avea ai ma tupu o Salema, sa ia “faatu le filemu i le laueleele i ona aso; o lea na taua ai o ia o le aloalii o le filemu” (Alema 13:18). Sa totogi atu i ai e le perofeta o Aperaamo ia sefuluai (tagai i le Alema 13:15).
Alu i le Alema 13:14–18 e iloa ai po o ai lea perofeta. Ona saili lea i le Mataupu Faavae ma Feagaiga 107:1-4 e sue ai pe aisea na faaigoaina ai le Perisitua Mekisateko i le perofeta o Mekisateko.
O le a le igoa na ta’u ai le Perisitua Mekisateko a’o le’i oo i aso o Mekisateko?
Mafaufau e faailoga mafuaaga e lua na faaigoa ai e tagata o le Ekalesia i aso anamua lenei perisitua ia Mekisateko.
Atonu foi e te mafaufau e faailoga le faamatalaga faale-aoaoga faavae lenei i le Mataupu Faavae ma Feagaiga 107:3: O le Perisitua Mekisateko ua tusa ma le faatulagaga o le Alo o le Atua.
Na faamalamalama mai e Peresitene Boyd K. Packer o le Korama a Aposetolo e Toasefululua, le auala e tatau ona faaalia ai lenei aoaoga faavae i olaga o e e umia le perisitua: “A faatinoina ma le tatau le pule o le perisitua, ua faia e i latou e umia le perisitua le mea na semanu e faia e Ia [Iesu Keriso] pe ana i ai iinei” (“O Le Mana o le Perisitua,” Ensign po o le Liahona, Me 2010, 7).
Atonu e te manao e tusi lenei faamalamalamaga i au tusitusiga paia i autafa o le Mataupu Faavae ma Feagaiga 107:3.
-
A aunoa ma le Perisitua Mekisateko, e le mafai ona i ai le Ekalesia. Suesue i le Mataupu Faavae ma Feagaiga 107:5, 8-9, ma vaavaai mo upu po o fuaitau o loo aoao mai ai pe faapefea ona fesootai le Perisitua Mekisateko i faalapotopotoga a le Ekalesia, e pei o le Peraimeri, Aoga Sa, Alii Talavou, Tamaitai Talavou, ma le Aualofa. (O leMataupu Faavae ma Feagaiga 107:8 o se mau tauloto. Atonu e te manao e faailoga i se auala e iloagofie ai ina ia mafai ona e mauaina gofie.)
Matau i le fuaiupu e 5 o nei faalapotopotoga ua ta‘ua o ni lala. O se lala o se vaega o le tino, e pei o se lima po o se vae.
Ina ia mafai ona malamalama i le aia ma le pule o le Perisitua Mekisateko, ia tagai i le Mataupu Faavae ma Feagaiga 107:8 e faauma ai le faamatalaga lenei: O le Perisitua Mekisateko e umia le aia o le , mana ma le pule i luga , ma le pule e taitai ai i mea.
“O le taitai ai i mea faaleagaga” e aofia ai le taitaiina o faamanuiaga, sauniga ma feagaiga.
-
O le “Au Peresitene o le Perisitua Maualuga,” o loo ta‘ua i le Mataupu Faavae ma Feagaiga 107:9, o le Au Peresitene Sili. Faitau le Mataupu Faavae ma Feagaiga 107:10, ma vaavaai po o ai e i ai le aia e faatautaia ai i lalo o le taitaiga a le Au Peresitene Sili.
O au peresitene o siteki ma au epikopo o ni faataitaiga o faitaulaga sili e galulue i o latou lava tulaga i lalo o le taitaiga a le Au Peresitene Sili.
O leMataupu Faavae ma Feagaiga 107:15-17 e faatatau i le Epikopo Pulefaamalumalu o le Ekalesia. Na faamalamalama mai e Elder Bruce R. McConkie o le Korama a Aposetolo e Toasefululua e faapea:
“O le tofi lenei sa umia i aso anamua e Arona; o le aia i ai e faavae lea i le tulaga tautofi; e tuufaasolo ifo mai le tama agavaa i le atalii agavaa. … Ae o le leai o se faaaliga i le Peresitene o le Ekalesia, i le atofaina o le gafa ma le tagata e umia lenei tofiga maualuga o le au epikopo ma le au peresitene o le faa-Levi, e filifili ai e le Au Peresitene Sili ‘se faitaulaga sili o le Perisitua Mekisateko’ e umia le tofi. I lenei tulaga e faapea foi ona valaauina ai ia fesoasoani e toalua e auauna atu i le Au Epikopo Pulefaamalumalu. (MF. & F 68:14–21; 107:15-17, 68–78.)
“I le avea ai ma se e umia ki o le au peresitene o le Perisitua Arona o le Ekalesia, ma faapea foi i luga o isi epikopo uma, o le Epikopo Pulefaamalumalu o se tasi o le Au Pulega Aoao o le Ekalesia. E saofai o ia o se faamasino o Isaraelu, e nafa ma le tele o faafitauli faaletino o le malo (MF. & F. 107:68–74), maua mea ua faapaiaina mo le tausiga o fanau matitiva a le Alii (MF. & F. 42:31–33; 51: 5, 12-13), ma ua valaauina e malaga ma talai atu o se fesoasoani i le fausiaina o le malo. (MF. & F. 84:112–116)” (Mormon Doctrine, 2nd ed. [1966], 592).
Faitau le Mataupu Faavae ma Feagaiga 107:18, ma faailoga le faamatalaga faale-aoaoga faavae lenei: O le Perisitua Mekisateko e umia ki o faamanuiaga faaleagaga uma o le Ekalesia.
O ki o le perisitua o le pule lea ua tuuina mai e le Atua i taitai perisitua e faatonu ai, faafoe ai, ma pulea ai le faaaogaina o Lana perisitua i luga o le fogaeleele. O le faaaogaina o le pule o le perisitua e pulea lea e i latou o e umia ona ki (tagai i le MF&F 65:2; 81:2; 124:123). O i latou e umia ki o le perisitua ua i ai le aia tatau e pulefaamalumalu ai ma taitaia le Ekalesia i totonu o se puleaga” (Tusitaulima 2: Taitaiina o le Ekalesia [2010], 2.1.1). O se puleaga o se eria e pulea e ni tagata patino. Mo se faataitaiga, o le puleaga a se epikopo o lana uarota.
I le Mataupu Faavae ma Feagaiga 107: 8-9, 18, tatou te faitau ai e uiga i le mana, pule, ma le faatulagaga o le Perisitua Mekisateko. O lenei aia o le au peresitene e o faatasi ma ki o le perisitua. O le faaupuga “ki o le perisitua” o loo faaaogaina i ni auala se tolu:o ki na faaeeina i luga o Aposetolo, ki o le au peresitene, ma se faaaogaina faalauaitele o “ki o le perisitua.”
O ki na faaeeina i luga o le au Aposetolo. O i latou o e ua faauuina o ni Aposetolo ua tuuina i ai (1) ki faaaposetolo, po o le ki o le malo—o le mana ma le pule e pulefaamalumalu ai i luga o le Ekalesia ma le malo o le Atua i le lalolagi (tagai i le MF&F 27:12–13); (2) ki o le faapotopotoina o Isaraelu, po o le galuega faafaifeautalai (tagai i le MF&F 110:11); (3) ki o le tisipenisione o le talalelei a Aperaamo ma le toefuataiga o mea uma (tagai i le MF&F 110:12; tagai foi i le MF&F 27:6–7); ma (4) ki o le mana o faamauga (tagai i le MF&F 110:13–15). E na o Aposetolo e i ai nei ki o le perisitua; e le tuuina atu i isi.
“O Iesu Keriso o loo umia ki uma o le perisitua e faatatau i Lana Ekalesia. Na Ia faaee atu i luga o Ana Aposetolo taitasi ki uma e faatatau i le malo o le Atua i le fogaeleele. O le Aposetolo sinia o loo soifua, o le Peresitene o le Ekalesia, ua na o le pau lea o le tagata i luga o le fogaeleele ua faatagaina e faaaogaina ki uma o le perisitua (tagai i le MF&F 43:1–4; 81:2; 107:64–67, 91–92; 132:7).
“E galulue Fitugafulu e ala i tofiga ma le faamatuu mai o le pule mai le Au Peresitene Sili ma le Korama a Aposetolo e Toasefululua. E tofia Peresitene o Eria e faatautaia ia eria i lalo o le faatagaga a le Au Peresitene Sili ma le Toasefululua. E vaetofia le Au Peresitene o Fitugafulu ma tuuina atu i ai ki e pulefaamalumalu ai i Korama a Fitugafulu” (Tusitaulima 2, 2.1.1).
O ki o le au peresitene. “E faamatuu atu e le Peresitene o le Ekalesia ia ki o le perisitua i isi taitai perisitua ina ia mafai ai ona latou pulefaamalumalu i o latou eria o tiutetauave. E faaee atu ki o le perisitua i luga o peresitene o malumalu, misiona, siteki, ma itu; epikopo; peresitene o paranesi; ma peresitene o korama. O le pule e pulefaamalumalu ai e taulia mo na o tiutetauave ua tofia i ai ma i totonu o le puleaga o le faataatiaga faafaafanua o le valaauga o taitai taitoatasi” (Tusitaulima 2, 2.1.1).
Pe a maua nei ki o le perisitua, ua i ai i se taitai perisitua le pule e avea ai ma se taitai pulefaamalumalu. Mo se faataitaiga, o se epikopo e avea ma faitaulaga sili pulefaamalumalu i se uarota faapea foi o le peresitene o le Perisitua Arona mo le uarota. O taitai perisitua e mauaina ki, e tuuina atu foi i ai le aia i meaalofa faapitoa po o le mana, e pei o le iloatino. Mo se faataitaiga, o se epikopo e avea o se faamasino o tagata ma maua le malosi faaleagaga e fesoasoani ai i tagata o e manaomia fautuaga i faafitauli taua faaletagata lava ia, e aofia ai solitulafono matuia.
“A oo i le taimi e faamalolo ai taitai perisitua mai o latou valaauga, latou te le toe umiaina ki e o faatasi ma na valaauga.
“O fesoasoani i taitai perisitua e le tuuina atu i ai ni ki. E vaetofia i latou ma galulue i o latou valaauga e ala i tofitofiga ma le pule e faamatuu atu i ai.
“O faalapotopotoga uma a ausilali o uarota ma siteki, e faagaoioia i lalo o le taitaiga a le epikopo po o le peresitene o le siteki, o lē o loo umiaina ki e pulefaamalumalu ai. E le tuuina atu i peresitene o ausilali ma o latou fesoasoani ni ki. Latou te maua le pule e faamatuu atu i ai e galulue ai i o latou valaauga” (Tusitaulima 2, 2.1.1).
Faaaogaina aoao o “ki o le perisitua.” O le faaaogaina aoao o le faaupuga “ki o le perisitua” e mafai ona malamalama i ai o aia e anaina e, ma avanoa i taitai perisitua po o, i le tele o tulaga, i tagata aoao o le ekalesia. O nei aia e tatau ona maioio i o latou talaaga e faatatau i ai. Mo se faataitaiga, o ki o le auaunaga a agelu e maua e ala i le aia i ai o i latou uma e umia le Perisitua Arona (tagai i le MF&F 13:1). O ki o mealilo o le malo (tagai i le MF&F 84:19–20; 128:14) o loo maua i le malumalu. O ki o le faaolataga o aoaoga faavae ma sauniga o le talalelei ma e tuuina atu i le e saili i le upumoni ma le amiotonu. O nei ki taitasi e tatau ona agavaa i ai, ma sailia mo i latou ina ia faaalia i le olaga o le tagata.
I le Mataupu Faavae ma Feagaiga 107:19, tatou te faitau ai i nisi o faamanuiaga e oo mai e ala i le Perisitua Mekisateko. Faitau le fuaiupu lenei, ma faailoa mai na faamanuiaga.
Na faamalamalama mai e le Perofeta o Iosefa Samita le taua o le Perisitua Mekisateko i le mauaina o faamanuiaga: “O le Perisitua Mekisateko … o le auala lea e faaali mai ai mai le lagi le poto, aoaoga faavae, le ata o le faaolataga, ma mataupu taua uma” (i le History of the Church, 4:207).
E mafai e tagata uma o le Ekalesia ona maua faamanuiaga e faatatau i le Perisitua Mekisateko. O nei faamanuiaga e avanoa mo tagata uma o e maua sauniga o le malumalu ma tumau faamaoni i a latou feagaiga.
Mafaufau i se tasi e te iloa o loo umia le Perisitua Arona. Faitau le Mataupu Faavae ma Feagaiga 107:13–14, 20, ma vaavaai mo le fetalaiga a le Alii e uiga i le pule o le Perisitua Arona.
E faavae i mea ua e aoaoina mai nei fuaiupu, faauma le faamatalaga lenei: O le Perisitua Arona e umia ki o le ma le taitaiga i sauniga faaletino.
O a sauniga o loo ta‘ua i le fuaiupu e 20? O a isi sauniga e faatinoina e ala i le pule o le Perisitua Arona?
Na faamalamalama mai e Elder Dallin H. Oaks o le Korama a Aposetolo e Toasefululua, le sootaga i le va o le auaunaga a agelu ma sauniga o le papatisoga ma le faamanatuga:
“E taua tele nei sauniga o le Perisitua Arona … i le galuega a agelu.
“’O le upu ”agelu” o loo faaaogaina i tusitusiga paia mo soo se tagata paia e tauaveina le feau a le Atua’ (George Q. Cannon, Gospel Truth, sel. Jerreld L. Newquist [1987], 54) O loo tauina mai e tusitusiga paia le tele o faataitaiga o le faaali patino mai o se agelu. … A o ou laitiiti, sa ou mafaufau ai o faaaliga patino faapena sa na o le pau lea o le uiga o le auaunaga a agelu. I le avea ai ma se talavou e umia le Perisitua Arona, sa ou le manatu o le a ou vaai i se agelu, ma sa ou mafaufau po o le a le faia o na faaaliga i le Perisitua Arona.
“Ae o le auaunaga a agelu e mafai foi ona le vaaia. O savali a agelu e mafai ona auina mai e se leo pe na o ni mafaufauga po o lagona e fesootai ai i le mafaufau. …
“… O le tele o fesootaiga faaagelu e lagonaina pe faalogoina nai lo le vaaia.
“I se tulaga lautele, o faamanuiaga o le mafutaga faaleagaga ma le fesootaiga e avanoa mo na o i latou lava e mama. … E ala i le sauniga o le Perisitua Arona o le papatisoga ma le faamanatuga, e faamamaina ai i tatou i a tatou agasala, ma folafola atu afai tatou te tausia a tatou feagaiga o le a tatou maua pea Lona Agaga e faatasi ma i tatou. Ou te talitonu o lena folafolaga e le gata ina faatatau i le Agaga Paia, ae e faapea foi i le auaunaga a agelu, aua ‘E tautatala agelu i le mana o le Agaga Paia; o le mea lea, latou te fetalai mai afioga a Keriso’ (2 Nifae 32:3 O lea la, o i latou o e umia le Perisitua Arona e tatalaina le faitotoa mo tagata uma o le Ekalesia o e e fetagofi ma le agavaa i le faamanatuga e olioli ai i le mafutaga a le Agaga o le Alii ma le auaunaga a agelu” (“O Le Perisitua Arona ma le Faamanatuga,” Ensign, Nov. 1998, 38–39).
-
Tusi ia tofi taitasi nei o le perisitua i lalo o le ulutala sao i le siata lenei: toeaina, faitaulaga sili, peteriaka, Fitugafulu, Aposetolo, tiakono, aoao, ositaulaga, epikopo. (O tofi e lua o le perisitua, o le Aposetolo ma le epikopo, ua uma ona tusia i o laua nofoaga sa‘o.)
|
Perisitua Mekisateko |
Perisitua Arona |
|---|---|
|
Aposetolo |
Epikopo |
O le a e faatatau atu i le siata lenei i isi lesona e lua e sosoo ai a’o e aoao atili e uiga i tofi o le perisitua.
Mau Tauloto—Mataupu Faavae ma Feagaiga 107:8
-
-
Sa ou suesueina le Mataupu Faavae ma Feagaiga 106; 107:1-20 ma faamaeaina lenei lesona i le (aso).
O fesili, mafaufauga ma manatu faaopoopo ou te fia faasoa atu i lo’u faiaoga: