Գրադարան
Դաս 15. 1 Նեփի 14

Դաս 15

1 Նեփի 14

Նախաբան

1 Նեփի 14-ը եզրափակում է Նեփիի տեսիլքը: Տեսիլքի այս մասում Նեփիին ասվեց օրհնությունների մասին, որոնք խոստացված են նրանց, ովքեր ապաշխարում և ականջ են դնում Տիրոջը, և անեծքի մասին, որ կգա չարերի վրա, ովքեր կարծրացնում են իրենց սրտերը Տիրոջ դեմ: Նեփիին նաև ցույց տրվեց, որ Տերը կօգնի և կպաշտպանի նրանց, ովքեր արդար են ապրում և պահում են իրենց ուխտերը և որ Նա կկործանի դևի մեծ ու պիղծ եկեղեցին:

Ուսուցանման առաջարկներ

1 Նեփի 14.1–7

Նեփին տեսավ Տիրոջը հնազանդվելու կամ չհնազանդվելու հետևանքները հետագա սերունդների համար

Հրավիրեք ուսանողներին բացել իրենց սուրբ գրությունները 1 Նեփի 14 հատվածի վրա: Բացատրեք, որ այսօր նրանք շարունակելու են ուսումնասիրել Նեփիի տեսիլքը: Խնդրեք ուսանողներին խորհել, թե ինչպես նրանք կավարտեն հետևյալ նախադասությունները.

  • Եթե ես հետևեմ Տիրոջը, ապա …

  • Եթե ես մերժեմ Տիրոջը հետևել, ապա …

Երբ ուսանողները կիսվեն իրենց պատասխաններով, նշեք, որ եթե բառը ընտրություն է ենթադրում: Կախված այն բանից, թե ինչ ենք մենք ընտրում, մենք ունենում ենք տարբեր արդյունքներ: Բացատրեք, որ Նեփին տեսավ հետագա սերունդներին և նկատեց, որ եթե նրանք լինեն արդար, նրանք կլինեն օրհնված, կամ եթե նրանք ընտրեն ամբարշտություն, նրանք կանիծվեն: Հրավիրեք դասարանին դասի ընթացքում խորհել, թե Տիրոջը հնազանդ լինելու ընտրությունը ինչպես նրանց օրհնություններ բերեց:

Գրատախտակին գծեք հետևյալ գծապատկերը.

աջ սլաք

Թող մի ուսանող բարձրաձայն կարդա 1 Նեփի 14.1–2: Խնդրեք դասարանին ներկայացնել (1) ընտրությունը, որը Նեփին նշեց, որ հեթանոսները կարող էին կատարել և (2) օրհնությունները, որ Նեփին տեսավ, որոնք կարող էին գալ Հեթանոսներին, եթե նրանք կատարեին այդ ընտրությունը: Երբ ուսանողները կիսվեն նրանով, ինչ կգտնեն, լրացրեք գրատախտակին եղած բացթողումները, որպեսզի այն ունենա մոտավորապես հետևյալ տեսքը.

If Then Diagram 2

Դուք կարող եք բացատրել, որ սուրբ գրություններում «գայթակղության քարեր» (1 Նեփի 14.1) արտահայտությունը հաճախ վերաբերվում է գայթակղություններին, որոնք մարդկանց հեռու են պահում Տիրոջը հետևելուց: «Համարվել Իսրայելի տան թվում» (1 Նեփի 14.2) նշանակում է համարվել Տիրոջ ուխտյալ ժողովրդի թվում:

  • Ինչո՞ւ է կարևոր լինել Տիրոջ ուխտյալ ժողովրդի թվում: (Աբրահամի ուխտի [տես ՎևՈՒ 132.30–31] օրհնությունները ստանալու համար):

  • Ի՞նչ է նշանակում «ականջ դնել Աստծո Գառին»:

  • Գրատախտակին գրված հնազանդության համար տրվող պարգևներից որո՞նք են ամենակարևորը ձեր համար: Ինչո՞ւ:

  • Ե՞րբ եք դուք ականջ դրել Տիրոջը և տեսել Նրա օրհնությունները ձեր կյանքում: (Հիշեցրեք ուսանողներին, որ կարիք չկա, որ նրանք կիսվեն փորձառություններով, որոնք շատ անձնական են կամ գաղտնի:)

Գրատախտակի մեկ այլ մասում գծեք հետևյալ գծագիրը.

If Arrows

Թող մի ուսանող բարձրաձայն կարդա 1 Նեփի 14.5–7: Դասարանին խնդրեք փնտրել (1) օրհնությունները, որոնք տրվում են նրանց, ովքեր ապաշխարում են, և (2) բացասական հետևանքները, որոնց հանգում են նրանք, ովքեր կարծրացնում են իրենց սրտերը: Լրացրեք գծագիրը, ինչպես դուք արեցիք նախորդ վարժությունում: (Եթե մարդիկ ապաշխարեն, «դա նրանց համար լավ կլինի» [1 Նեփի 14.5] և նրանք կստանան «խաղաղություն և հավերժական կյանք» [1 Նեփի 14.7]: Եթե մարդիկ կարծրացնեն իրենց սրտերը, նրանք «կկորչեն» [1 Նեփի 14.5] և «գերության կտարվեն» և «կկործանվեն» [1 Նեփի 14.7]:)

Մինչ ուսանողները պատասխանում են, դուք կարող եք բացատրել, որ 1 Նեփի 14.7-ում նշված «մեծ ու զարմանալի գործը» վերաբերվում է քահանայության, ավետարանի և Տիրոջ Եկեղեցու վերականգնմանը վերջին օրերում:

  • Ինչո՞վ է Հիսուս Քրիստոսի Վերջին Օրերի Սրբերի Եկեղեցին «մեծ ու զարմանալի» ձեզ համար: Ինչպե՞ս է այն ձեզ խաղաղություն բերում: Ինչպե՞ս է այն ձեզ հույս բերում հավերժական կյանքի համար:

Ուսանողներին ժամանակ տրամադրեք, որ խորհեն, թե գրատախտակին պատկերված որ ուղուն են նրանք ներկայումս հետևում: Վկայեք, որ Տիրոջը հնազանդվելը և մեր մեղքերից ապաշխարելը առաջնորդում է դեպի մեծ օրհնություններ: Դուք նաև կարող եք վկայել, որ մեր սրտերը Տիրոջ և Նրա Եկեղեցու դեմ կարծրացնելը առաջնորդում է դեպի հոգևոր գերություն և կործանում:

1 Նեփի 14.8–17

Նեփին տեսնում է Աստծո Գառի Եկեղեցու և մեծ ու պիղծ եկեղեցու միջև տեղի ունեցող պատերազմը

Հրավիրեք ուսանողներին պատկերացնել, որ իրենք հենց նոր զորակոչվել են պատերազմում կռվելու համար:

  • Ի՞նչ կանեք դուք ճակատամարտին պատրաստվելու համար:

Բացատրեք, որ հրեշտակը սովորեցրեց Նեփիին մեծ ճակատամարտի մասին, որը տեղի էր ունենալու վերջին օրերում:

Հրավիրեք երեք ուսանողների հերթով բարձրաձայն կարդալ 1 Նեփի 14.9–11: Խնդրեք դասարանի մյուս անդամներին ներկայացնել պատերազմող երկու խմբերին: (Դուք կարող եք հիշեցնել ուսանողներին, որ մեծ ու պիղծ եկեղեցին ներկայացնում է ցանկացած անհատի կամ խմբի, որ մարդկանց առաջնորդում է Աստծուց և Նրա օրենքներից հեռու:)

  • Ի՞նչ բառեր և արտահայտություններ են օգտագործվել «մեծ ու պիղծ եկեղեցին» նկարագրելու համար:

  • Համաձայն Նեփիի տեսիլքի, որտե՞ղ պիտի գտնվեր «մեծ ու պիղծ եկեղեցին» վերջին օրերում:

Խնդրեք ևս երեք ուսանողների հերթով բարձրաձայն կարդալ 1 Նեփի 14.12–14: Հրավիրեք դասարանին փնտրել պատճառները, թե ինչու մենք կարող ենք հույս ունենալ ապագայի հետ կապված:

  • Համաձայն 1 Նեփի 14.12-ի, ո՞ր եկեղեցին ավելի շատ մարդիկ կունենա:

  • Ինչո՞ւ Գառի Եկեղեցին ավելի քիչ մարդիկ կունենա, քան մեծ ու պիղծ եկեղեցին:

  • Համաձայն 1 Նեփի 14.13-ի, ի՞նչ նպատակով մեծ ու պիղծ եկեղեցին բազմություններ կհավաքի:

Վկայեք, որ մենք ներգրավված ենք այն պատերազմում, որը Նեփին նկարագրում է որպես վերջին օրերի հոգևոր պատերազմ չարի դեմ: Որպես Գառի Եկեղեցու անդամներ մեք գերազանցում ենք, և մենք օգնության կարիք ունենք, եթե մենք ուզում ենք հաղթանակ տանել չարի ուժերի դեմ:

  • Ի՞նչ եք դուք կարդում 1 Նեփի 14.14-ում, որ ձեզ հույս է տալիս:

Նշեք, որ այս սուրբ գրություններում տրված խոստումները հատուկ վերաբերվում են նրանց, ովքեր Տիրոջ հետ կապում և պահում են ուխտեր: Հիշեցրեք ուսանողներին, որ նրանք Տիրոջ հետ ուխտի մեջ են մտել մկրտվելիս: Ուսանողների ուշադրությունը հրավիրեք 1 Նեփի 14.14-ում «զինված էին արդարությամբ և Աստծո զորության մեծ փառքով» արտահայտության վրա:

  • Ի՞նչ նշանակություն ունի «զինված էին արդարությամբ և Աստծո զորության մեծ փառքով» արտահայտությունը ձեզ համար:

  • Ինչպե՞ս կարող է «արդարությամբ և Աստծո զորության մեծ փառքով» զինված լինելը նման լինել սպառազինություն և զենքեր ունենալուն չարի դեմ մեր պայքարում:

  • Ե՞րբ եք դուք զգացել, որ զինված եք «արդարությամբ և Աստծո զորության մեծ փառքով»: Ի՞նչ զգացողություն է այն ձեզ տվել:

Հարցրեք ուսանողներին, թե նրանք ինչպես ամփոփ կներկայացնեն 1 Նեփի 14.1–14-ի ուղերձը: Համոզվեք, որ նրանք հասկանում են, որ եթե մենք արդար ապրենք և պահենք մեր ուխտերը, Աստծո զորությունը կօգնի մեզ հաղթանակ տանել չարի դեմ:

Հրավիրեք ուսանողներին գնահատել իրենց կյանքը և խորհել, թե ինչ կարող են նրանք անել արդարությամբ ավելի լավ զինված լինելու համար: Հորդորեք նրանց գործել համաձայն ցանկացած հուշման, որ նրանք կստանան: Վստահեցրեք նրանց, որ եթե նրանք հավատարիմ մնան, նրանք հնարավորություն կունենան մտնել սուրբ տաճարներ և լրացուցիչ ուխտեր կապել Տիրոջ հետ: Խոստումները և ուխտերը, որ նրանք այնտեղ կկապեն, մեծ զորություն և պաշտպանություն կբերեն իրենց կյանքում:

Հրավիրեք մի ուսանողի բարձրաձայն կարդալ 1 Նեփի 14.3–4: Խնդրեք մեկ այլ ուսանողի բարձրաձայն կարդալ 1 Նեփի 14.15–17:

  • Ի՞նչ կպատահի մեծ ու պիղծ եկեղեցու հետ:

  • Ինչպիսի՞ն կլինի Գառի Եկեղեցու (Աստծո թագավորության) և դևի ուժերի միջև պատերազմի վերջնական արդյունքը:

  • Ինչպե՞ս կարող է այս պայքարի արդյունքն իմանալը օգնել ձեզ:

Դասարանի համար կարդացեք Տասներկու Առաքյալների Քվորումից Երեց Բոյդ Ք. Փաքերի հետևյալ խոսքերը.

«Մենք [Եկեղեցու անդամներս] փոքրիկ մասնիկ ենք, երբ համեմատվում ենք աշխարհի միլիարդավոր մարդկանց հետ: Սակայն մենք գիտենք, թե ով ենք մենք, և մենք գիտենք այն, ինչ մենք գիտենք, և մենք պետք է առաջ գնանք և քարոզենք ավետարանը:

Նախագահ Բոյդ Ք. Փաքեր

Մորմոնի Գիրքը պարզաբանում է, որ մենք երբեք չենք գերակշռի մեր քանակով: Սակայն մենք ունենք քահանայության զորությունը [տես 1 Նեփի 14.14]: …

Մենք կարող ենք, և իր ժամանակին, հաստատ կազդենք բոլոր մարդկության վրա: Կիմացվի, թե ով ենք մենք և ինչու մենք կանք: Սա կարող է անհույս թվալ, դա չափազանց դժվար է, սակայն սա ոչ միայն հնարավոր է, այլ հաստատ է, որ մենք պետք է հաղթենք Սատանայի դեմ կռվում» (“The Power of the Priesthood,” Ensign կամ Լիահոնա, Մայիս 2010, 7):

Վստահեցրեք ուսանողներին, որ Աստծո թագավորությունը մեծ հաղթանակ կտանի վերջին օրերում: Վստահություն հայտնեք, որ նրանք կարող են վստահել Աստծուն և որ Նրա զորությունը կարող է հաղթել ողջ չարին: Խրախուսեք նրանց գործել ի բարին ուրիշների վրա ազդելիս:

1 Նեփի 14.18–27

Նեփին տեսնում է Հովհաննես Հայտնիչին

Գրատախտակի վրա գրեք հետևյալ հարցերը.

Փրկչի Տասներկու Առաքյալներից որի՞ն Նեփին տեսավ տեսիլքում:

Ինչի՞ մասին էր գրում այս Առաքյալը:

Ինչո՞ւ Նեփիին պատվիրվեց գրի չառնել իր տեսիլքի մնացած մասը:

Ուսանողներին հրավիրեք լուռ կարդալ 1 Նեփի 14.18–27: Այնուհետև հակիրճ քննարկեք գրատախտակին գրված հարցերի պատասխանները:

Բացատրեք, որ այս հատվածներից ոմանք վերաբերվում են Հովհաննեսի Հայտնության գրքի գրածներին: Այդ գրքի մեծամասնությունը այն մասին է, որ Աստված կհաղթի դևի ուժերին: Ինչպես Հովհաննեսը, այնպես էլ Նեփին, տեսավ աշխարհի վերջին վերաբերվող տեսիլք, սակայն Նեփիին պատվիրվեց գրի չառնել այն, որովհետև Հովհաննեսին էր տրված դա անելու պարտականությունը: Եթե ժամանակը թույլ տա, դուք կարող եք ավարտել դասը կարճ քննարկումով այն մասին, թե ինչպես Աստվածաշունչը և Մորմոնի Գիրքը, միասին աշխատելով, «կհաստատեն ճշմարտացիությունը» իրար վերաբերյալ և «մեկ» կլինեն (1 Նեփի 13.40–41):

Բացատրական և պատմական տեղեկություն

1 Նեփի 14․7 «Մեծ ու զարմանալի գործ»

Սուրբ գրությունները ավետարանի Վերականգնումը և Եկեղեցու կազմավորումը նկարագրում են որպես «մեծ ու զարմանալի գործ» (1 Նեփի 14․7; 3 Նեփի 21․9): Այս ենթատեքստում մեծ բառը նշանակում է նշանակալից և կարևոր, մինչդեռ զարմանալի նշանակում է հրաշալի և խորին հիացմունք ներշնչող: Գործը խոսում է արարքի կամ իրագործման մասին:

1 Նեփի 14․14 «Զինված արդարությամբ և Աստծո զորությամբ»

Տասներկու Առաքյալների Քվորումից Երեց Նիլ Ա. Մաքսվելը բացատրել է, թե մենք ինչպես կարող ենք լինել «զինված արդարությամբ և Աստծո զորությամբ» (1 Նեփի 14.14):

«Ուստի, եկեք նայենք ինքներս մեզ: Ինչ վերաբերվում է Եկեղեցուն, սուրբ գրությունները խորհուրդ են տալիս ավելի արագ ուսումնասիրել և ավելի արագ հոգևորապես և քանակապես զարգանալ ամբողջ այս ժամանակահատվածում, երբ Աստծո ժողովուրդը կլինի «զինված արդարությամբ»՝ ոչ թե զենքերով, և երբ Տիրոջ փառքը կթափվի նրանց վրա (1 Նեփի 14.14, տես նաև Ա Պետրոս Դ.17, ՎևՈՒ 112.25): Տերը վճռել է ունենալ փորձված, մաքուր և ապացուցված ժողովուրդ (տես ՎևՈՒ 100.16, 101.4, 136.31), և «չկա ոչինչ, որ Տերը՝ քո Աստվածը, իր սրտում մտադրվի, բայց չանի» (Աբրահամ 3.17)» (“For I Will Lead You Along,” Ensign, May 1988, 8):

«Եկեղեցու անդամները ունեն հատուկ ժամադրավայր, որը պիտի հիշեն, եղբայրներ և քույրեր: Նեփին տեսել է այդ: Մի օր հետագայում, ասել է նա, Հիսուսի ուխտյալ ժողովուրդը՝ «ցրված ողջ երկրի երեսին», կլինի «զինված արդարությամբ և Աստծո զորության մեծ փառքով»:(1 Նեփի 14․14) Սա տեղի կունենա, սակայն միայն այն բանից հետո, երբ ավելի շատ անդամներ դառնան ավելի սուրբ և ավելի սրբագործված իրենց վարքով» (“Repentance,” Ensign, Nov. 1991, 32)։