Տնային ուսումնասիրության դաս

Եթեր 13–Մորոնի 7.19 (Մաս 31)

Նախապատրաստական նյութեր տնային ուսումնասիրության ուսուցչի համար

Ամենօրյա տնային ուսումնասիրության դասերի ամփոփում

Վարդապետությունների և սկզբունքների հետևյալ ամփոփումը, որն ուսանողները սովորեցին, երբ նրանք ուսումնասիրեցին Եթեր 13–Մորոնի 7.19 (մաս 31), նախատեսված չէ ուսուցանել որպես ձեր դասի մաս: Ձեր ուսուցանած դասը կենտրոնացած է այս վարդապետություններից և սկզբունքներից միայն մի քանիսի վրա: Ձեր ուսանողների պահանջները հաշվի առնելիս հետևեք Սուրբ Հոգու հուշումներին:

Օր 1 (Եթեր 13–15)

Հարեդացիները մերժեցին Մարգարե Եթերին և համառորեն շարունակեցին մնալ ամբարշտության և պատերազմի մեջ մինչև վերջնականպես կործանեցին միմյանց: Այս պատմությունից ուսանողները սովորեցին, որ եթե մենք մերժում ենք Տիրոջ ապաշխարելու նախազգուշացումները, Նրա Հոգին ետ է քաշվում և Սատանան զորություն է ստանում մեր սրտերի վրա: Ուսանողները նաև կարողացան տեսնել, որ բարկությունն ու վրեժխնդրությունը տանում են մեզ այնպիսի ընտրությունների, որոնք վնասում են մեզ և ուրիշներին: Հարեդացիների կործանման իր պատմության մեջ Մորոնին հույս տվեց իր ընթերցողներին հայտարարելով, որ Նոր Երուսաղեմը կամ Սիոնը կկառուցվի վերջին օրերին:

Օր 2 (Մորոնի 1–5)

Մինչ Մորոնին թափառում էր իր կյանքի ապահովության համար, նա գրի առավ լրացուցիչ տեղեկություններ քահանայության և ավետարանի արարողությունների վերաբերյալ: Նա գրեց, որ Սուրբ Հոգու պարգևը շնորհելը և քահանայության պաշտոնների կարգումը կատարվում են ձեռնադրմամբ նրանց կողմից, ովքեր ունեն իշխանություն: Հաղորդության հանդեպ Մորոնիի ուշադրությունը ուսանողներին հնարավորություն տվեց խորհելու, թե ինչպես հաղորդության խորհրդանիշները կարող են օգնել նրանց հիշել Հիսուս Քրիստոսի Քավությունը: Նրանց նաև հիշեցվեց, որ երբ նրանք հավատարմորեն պահեն հաղորդության հետ կապված ուխտերը, նրանք միշտ կարող են Տիրոջ Հոգին իրենց հետ ունենալ:

Օր 3 (Մորոնի 6)

Մորոնին ընդգծեց մկրտության կարևորությունը, Եկեղեցում ընկերակցության և Եկեղեցու ժողովները Սուրբ Հոգու միջոցով ղեկավարելու կարևորության մասին: Ուսանողներն իմացան, որ մկրտության միջոցով մենք ուխտ ենք կապում մեզ վրա վերցնել Հիսուս Քրիստոսի անունը և ծառայել Նրան մինչև վերջ:Նրանք նաև իմացան Եկեղեցու մյուս անդամներին հոգեպես սնուցելու իրենց պատասխանատվության մասին՝ հաճախ հանդիպելով միասին ծոմ պահելու և աղոթելու և ճաշակելու հաղորդությունը ի հիշատակ Հիսուս Քրիստոսի: Բացի այդ ուսանողներն իմացան, որ որքան հաճախ մենք ապաշխարենք և ձգտենք ներում ստանալ անկեղծ միտումով, մենք կներվենք:

Օր 4 (Մորոնի 7.1–19)

Մորոնին արձանագրեց իր հոր կողմից տրված մի քարոզ, որում նա ուսուցանում էր, որ որպեսզի օրհնվենք մեր բարի գործերի համար, մենք պետք է այդ գործերը անենք անկեղծ միտումով: Այս քարոզում Մորմոնն ուսուցանում է նաև, թե ինչպես ենք մենք կատարում արդար դատաստաններ: Ուսանողները բացահայտեցին, որ այն ինչ գալիս է Աստծուց հրավիրում է մեզ գործել բարին և սիրել ու ծառայել Աստծուն, և այն ինչ դրդում է մեզ չարիք գործել և պայքարել Աստծո դեմ, գալիս է դևից: Մորմոնն աղերսում է իր ունկնդիրներին ջանասիրաբար քննել Քրիստոսի լույսով, որը նրանց կտա ուժ զանազանելու բարին չարից:

Նախաբան

Այսօրվա դասը կարևորում է Եկեղեցու ժողովներին հաճախելու անհրաժեշտության պատճառները: Այն նաև քաջալերում է ուսանողներին վճռականորեն զանազանել բարու և չարի միջև և ջանասիրաբար քննել Քրիստոսի լույսը, որպեսզի կատարեն ճիշտ դատողություններ:

Ուսուցանման առաջարկներ

Եթեր 14–15

Մորոնին արձանագրում է Հարեդացիների քաղաքակրթության ավարտը:

Գրեք 2,000,000 գրատախտակին: Հանձնարարեք ուսանողներին պատկերացնել, թե երկոււ միլիոն մարդը որքան է համեմատած այն մարդկանց թվի հետ, ովքեր ապրում են իրենց քաղաքում: Հանձնարարեք որևէ ուսանողի բարձրաձայն կարդալ Եթեր 15.1–2 հատվածները մինչ դասարանը կվերանայի, թե ինչ պատահեց երկու միլիոն Հարեդացիների հետ:

Հարցրեք, թե ուսանողներից որևէ մեկը կարո՞ղ է ամփոփել իրադարձությունները, որոնք Հարեդացիներին տարան կործանման, ինչպես արձանագրված է Եթեր 14–15 հատվածներում: Եթե ուսանողները դժվարություն ունենան պատասխանելիս, հանձնարարեք նրանց կրկնել սուրբ գրությունների հետևյալ հատվածները. Եթեր 14.5–10, 24, 15.1–6, 19, 22:

Հարցրեք․ Որո՞նք են այն դասերը, որոնք մենք կարող ենք սովորել Հարեդացիների կործանումից:

Այս երկու ճշմարտությունները շաբաթվա ընթացքում ուսանողների դասերի ուշադրության կենտրոնում էին. (1) Եթե մենք մերժենք ապաշխարելու Տիրոջ նախազգուշացումները, Նրա Հոգին ետ կքաշվի և սատանան ձեռք կբերի զորություն մեր սրտերի վրա: (2) Բարկությունն ու վրեժխնդրությունը մարդկանց ստիպում են կատարել այնպիսի ընտրություններ, որոնք վնասում են իրենց և ուրիշներին:

Հարցրեք. Որո՞նք են այն իրավիճակները, որոնց դեպքերում այս դասերը այսօր կարող են կիրառվել որևէ երիտասարդ տղամարդու կամ կնոջ կյանքում:

Մորոնի 1–3

Մորոնին վկայում է, որ նա չի ուրանա Քրիստոսին:

Հանձնարարեք մի ուսանողի բարձրաձայն կարդալ Մորոնի 1.1–4 : Այնուհետև դասարանին ուղղեք հետևյալ հարցերը.

• Ինչո՞ւ Լամանացիները սպանեցին Մորոնիին:

• Ի՞նչ է դա ցույց տալիս Մորոնիի հավատքի և քաջության մասին: Ինչպե՞ս կարող ենք զարգացնել այդպիսի ամուր վկայություն Հիսուս Քրիստոսի հանդեպ:

Մորոնի 4–6

Մորոնին արձանագրում է հաղորդության աղոթքները, մկրտության համար անհրաժեշտ պահանջները և Եկեղեցու ժողովների անցկացման պատճառները:

Գրատախտակին գրեք հետևյալ արտահայտությունը. Ինչո՞ւ ես պետք է գնամ եկեղեցի կիրակի օրը: Հրավիրեք ուսանողներին քննել Մորոնի 4–6 և պատրաստել մեկ կամ երկու րոպեանոց պատասխան այդ արտահայտությանը՝ կատարելով մի քանի գրառոււմներ իրենց սուրբ գրությունների ուսումանսիրության օրագրերում: Հորդորեք նրանց ներառել իրենց պատասխաններում հետևյալ էլեմենտներից առնվազն երկուսը (դուք կարող եք գրել դրանք գրատախտակին կամ պատրաստել դրանք որպես լրացուցիչ նյութ).

1. Սուրբ գրության մի հատված, Մորոնի 4–6, որը բացատրում է եկեղեցում միասին հավաքվելու պատճառը:

2. Վարդապետություն կամ սկզբունք, որը բացատրում է, թե ինչու մենք պետք է հաճախենք Եկեղեցու ժողովներին:

3. Անձնական մի փորձառություն, որը ցույց է տալիս, թե ինչու մենք պետք է հաճախենք Եկեղեցու ժողովներին:

4. Անձնական մի վկայություն Եկեղեցու ժողովներին հաճախելու կարևորության մասին:

Երբ ուսանողները բավականաչափ ժամանակ ունենան պատրաստելու իրենց մտքերը, նրանցից մի քանիսին հրավիրեք դասարանի հետ կիսվելու իրենց մտքերով:

Այն բանից հետո, երբ ուսանողները կիսվեն իրենց սովորածով, ավելացրեք ձեր վկայությունը այն ճշմարտությունների մասին, որոնք իրենք հասկացել են և կանոնավոր կերպով Եկեղեցու ժողովներին միասին հավաքվելու կարևորության մասին:

Մորոնի 7.1–19

Մորմոնը սովորեցնում է, թե ինչպես դատել բարու և չարի միջև:

Նախքան դասը սկսելը, մի բաժակի մեջ ջուր լցրեք և մեկ ուրիշ բաժակի մեջ ջրի և սպիտակ քացախի (կամ աղի) խառնուրդ: Բաժակները պետք է ունենան նույնանման տեսք: Հաղորդեք դասարանին, որ դուք ունեք երկու բաժակ ջուր, որոնք տեսքով նույնատիպ են, բայց դրանցից մեկը թթու (կամ աղի) համ ունի: Կամավոր սկզբունքով խնդրեք որևէ մեկին որոշել, թե որ բաժակն ունի լավ ջուրը և որ բաժակն ունի թթու կամ (աղի) ջուր (նրանք կարող են անել դա համտեսելով կամ հոտոտելով):

Հարցրեք. Ինչպե՞ս կարող ենք ասել, թե ինչ որ բան չար է, առանց իրապես այն փորձելու:

Բացատրեք, որ իր հիշատակարանում Մորոնին ընդգրկել է իր հոր՝ Մորմոնի մի քարոզը, որը բացատրություն է տալիս այս հարցին: Հանձնարարեք որևէ ուսանողի բարձրաձայն կարդալ Մորոնի 7.11–13, 15–16 հատվածները: Խնդրեք դասարանին ընտրել առնվազն մեկ արտահայտություն, որը նրանց դուր է գալիս է, որը բացատրում է, թե ինչպես մենք կարող ենք զանազանել բարու և չարի միջև: Մի քանի ուսանողների հնարավորություն տվեք կիսվելու իրենց ընտրած որևէ արտահայտությամբ:

Հանձնարարեք որևէ ուսանողի բարձրաձայն կարդալ Մորոնի 7.19 հատվածը, և խնդրեք դասարանին ուշադրություն դարձնել, թե ինչ է Մորմոնն ասել, որ մենք պետք է անենք, որպեսզի իմանանք բարին և չարը:

Հարցրեք.Ի՞նչ է Մորմոնը խորհուրդ տվել մեզ անել, որպեսզի մենք կարողանանք զանազանել բարին չարից:

Ուսանողները պետք է կարողանան հասկանալ հետևյալ սկզբունքը. Եթե մենք ջանասիրաբար քննենք Քրիստոսի Լույսը, մենք կարող ենք զանազանել բարու և չարի միջև:

Ուսանողներին ուղղեք հետևյալ հարցերը.

• Այս շաբաթվա ձեր ուսումնասիրություններից ի՞նչ հասկացաք Քրիստոսի Լույսի մասին:

• Ե՞րբ է Քրիստոսի Լույսն օգնել ձեզ զանազանել բարու և չարի միջև:

Ուսանողներին մեկ կամ երկու րոպե հատկացրեք գրելու իրենց սիրելի հեռուստաշոուների, երգերի, երաժշտական խմբերի, ինտերնետային կայքերի, կիրառական ծրագրերի, վիդիոխաղերի կամ անձնական ունեցվածքների մասին: Հրավիրեք նրանց օգտագործել Մորոնի 7.16–19 հատվածները որոշելու համար, թե իրենց ցուցակի առարկաներն արդյոք օգնում են նրանց ավելի մոտենալ Աստծուն, թե իրենց հեռացնում են Նրանից:

Հիշեցրեք ուսանողներին այն հրավերի մասին, որ նրանք այս շաբաթ ստացան իրենց ուսումնասիրության ժամանակ՝ վերացնելու իրենց կյանքից այն բաները, որոնք բարի չեն և «որդեգրեք այն ամենը , ինչ բարի է» (Մորոնի 7.19): Դուք կարող եք կիսվել մի փորձառությամբ, որն ունեցել եք Քրիստոսի Լույսին հետևելիս և կարողացել եք զանազանել բարու և չարի միջև:

Հաջորդ մասը (Մորոնի 7.20–10.34)

Հանձնարարեք ուսանողներին մտածել հետևյալ հարցերի շուրջ, երբ ուսումնասիրեն հաջորդ դասը․ Ի՞նչ է գթությունը: Ինչպե՞ս կարող է մարդ ձեռք բերել գթություն: Ինչո՞ւ փոքրիկ երեխաները կամ մանկիկները չպետք է մկրտվեն: Ինչպե՞ս Մորմոնը և Մորոնին հավատարիմ մնացին, նույնիսկ, երբ նրանք շրջապաված էին ամբարշտությամբ: Որո՞նք են Մորոնիի վերջին խոսքերը: Ինչո՞ւ են դրանք կարևոր: