Փրկության ծրագիրը

Նախաբան

Տասներկու Առաքյալների Քվորումից Նախագահ Բոյդ Կ. Փաքերը ուսուցանել է սեմինարիայի ուսուցիչներին ներկայացնել մի համառոտ ակնարկ փրկության ծրագրի վերաբերյալ ամեն ուսումնական տարվա սկզբում:

«Երջանկության ծրագրի» համառոտ ակնակը,…եթե տրվի հենց սկզբում և վերանայվի ժամանակ առ ժամանակ, կլինի խիստ արժեքավոր ձեր ուսանողների համար: …

Երիտասարդները զարմանում են, թե «ինչո՞ւ» ենք մենք պատվիրվում անել որոշ բաներ և ինչո՞ւ ենք պատվիրվում չանել այլ բաներ: Երջանկության ծրագրի գիտելիքը, նույնիսկ ուրվագծի ձևով, կարող է երիտասարդ մտքին տալ պատասխան «ինչու» հարցին: …

…Տվեք հիմնական զգացում ողջ ծրագրի վերաբերյալ, միայն մի քանի մանրամասներով:… Թույլ տվեք, որ նրանք իմանան, թե ինչի մասին է այդ բոլորը,և այդ ժամանակ նրանք կունենան «ինչու» հարցի պատասխանը:

… Եթե դուք փորձում եք նրանց տալ «ինչու» հարցի պատասխանը, հետևեք [այս] օրինակին. «Աստված նրանց տվեց պատվիրաններ հետո, երբ նրանց հայտնի դարձրեց փրկագնման ծրագիրը» [Ալմա 12.32, շեղագիրն ավելացված է]» (“The Great Plan of Happiness” [CES Symposium on the Doctrine and Covenants/Church History, Aug. 10, 1993], 2–3, si.lds.org):

Ի պատասխան Նախագահ Փաքերի խորհրդի, այս դասը տալիս է համառոտ ակնարկ փրկության ծրագրի վերաբերյալ, ինչպես այն ուսուցանվում է սուրբ գրություններում: Դասը կենտրոնացած է Հիսուս Քրիստոսի Քավության վրա, որը «կենտրոնական փաստն է, կարևոր հիմքը և հավերժական մեծ ծրագրի գլխավոր վարդապետությունը» (Jeffrey R. Holland, “Missionary Work and the Atonement,” Ensign, Mar. 2001, 8): Երբ ուսանողները սկսեն հասկանալ փրկության ծրագիրը, նրանց հավատքը Երկնային Հոր և Հիսուս Քրիստոսի հանդեպ կմեծանա: Նրանք կաճեն պատվիրանները պահելու իրենց վճռականության մեջ, կստանան փրկության արարողությունները և հավատարիմ կլինեն իրենց ուխտերին:

Ուսուցանման առաջարկներ

Փրկության ծրագիրը Մորմոնի Գրքում

Բացատրեք, որ նախաերկրային հոգևոր աշխարհում մենք սովորել ենք մեր փրկության համար մեր Երկնային Հոր ծրագրի մասին (տես Մովսես 4.1–2, Աբրահամ 3.22–28): Այս ծրագրի միջոցով մենք կկարողանանք նմանվել Նրան և հավերժ բնակվել Նրա ներկայության մեջ:

Գրատախտակին գրեք Փրկության ծրագիրն ընդգրում . …

Խնդրեք ուսանողներին լրացնել այս միտքը իրենց սուրբ գրքերի ուսումնասիրության օրագրերում կամ տետրերում:

Ուսանողներին գրելու ժամանակ տրամադրելուց հետո, կիսվեք փրկության ծրագրի հետևյալ սահմանմամբ: Դուք կարող եք գրել այն գրատախտակին կամ պաստառին նախքան դասի սկսվելը:

Փրկության ծրագիրը «Հիսուս Քրիստոսի ավետարանի լրիվությունն է, որի նպատակն է առաջ բերել մարդու անմահությունը և հավերժական կյանքը: Այն ներառում է Արարումը, Անկումը, և Քավությունը, բոլոր Աստծո տված օրենքների, արարողությունների և վարդապետությունների հետ միասին: Այս ծրագիրը հնարավոր է դարձնում բոլոր մարդկանց համար վեհացումը և Աստծո հետ հավերժ ապրելը» (Guide to the Scriptures, “Plan of Redemption,” scriptures.lds.org):

Խնդրեք ուսանողներին բարձրացնել իրենց ձեռքերը, եթե բառերը, որ նրանք գրել են, որևէ ձևով համապատասխանում են այս սահմանմանը: Այնուհետև տվեք հետևյալ հարցերը ձեռքը բարձրացրած մի քանի ուսանողի.

Ի՞նչ ընդհանուր կողմեր կան ձեր և այս սահմանումների մեջ: Ինչո՞ւ ներառեցիք այս կետը ձեր սահմանման մեջ:

Համառոտ ակնարկ

Երբ Նախագահ Փաքերը խորհուրդ տվեց ուսուցիչներին դաս տալ փրկության ծրագրի վերաբերյալ, նա նրանց տվեց նաև մի անհատական հանձնարարություն՝ «պատրաստել երջանկության ծրագրի կարճ համառոտագրություն կամ ակնարկ» որպես իրենց սուրբգրքյան ուսումնասիրության մաս: Նա խորհուրդ տվեց. «Ծրագրեք այն որպես կմախք, որի վրա ձեր ուսանողները կարող են կառուցել ճշմարտությունները, որոնցով դուք կկիսվեք նրանց հետ» (“The Great Plan of Happiness” [CES Symposium on the Doctrine and Covenants/Church History, Aug. 10, 1993], 3, si.lds.org): Օգտագործեք այդ խորհուրդը որպես ուղեցույց, երբ պատրաստվեք ուսուցանել այս դասը: Դուք չպետք է փորձեք ուսուցանել յուրաքանչյուր ավետարանական ճշմարտություն, չնայած ողջ ճշմարտությունը ներառված է ծրագրում:

Հանձնարարեք ուսանողներին աշխատել զույգերով: Խնդրեք յուրաքանչյուր զույգի մեկ ուսանողի կարդալ Ալմա 22.12–14, իսկ մյուսին՝ կարդալ 2 Նեփի 2.25–28: (Դուք կարող եք գրել այս հղումները գրատախտակին): Խնդրեք ուսանողներին որոնել փրկության ծրագրի նշված մասերը իրենց հանձնարարված հատվածներում: Ուսանողներին կարդալու համար ժամանակ տրամադրելուց հետո խնդրեք ընկերակիցներին հերթով կիսվել նրանով, ինչ իրենք գտել են:

Գրեք հետևյալ սուրբ գրությունների հղումները գրատախտակին. 2 Նեփի 9.6, 2 Նեփի 11.5, Ալմա 12.25, Ալմա 24.14, Ալմա 42.8, Ալմա 42.15: (Դուք կարող եք դրանք գրել գրատախտակին դասից առաջ:)

Բացատրեք, որ Մորմոնի Գրքում մարգարեները օգտագործում են Երկնային Հոր ծրագրի տարբեր անվանումներ: Հրավիրեք ուսանողներին բացել 2 Նեփի 9.6, և խնդրեք որևէ ուսանողի բարձրաձայն կարդալ հատվածը:

Այս հատվածում, ո՞ր արտահայտությունն է վերաբերում Աստծո ծրագրին: (Մեծ Արարչի ողորմած ծրագրին: Գրեք սա գրատախտակին 2 Նեփի 9.6 հատվածի կողքին):

Խնդրեք ուսանողներին լուռ կարդալ մյուս սուրբ գրությունները, որոնք գրի են առված գրատախտակին, որոնելով արտահայտությունները, որոնք վերաբերում են Երկնային Հոր ծրագրին: Երբ որևէ ուսանող գտնի մի արտահայտություն, որը վերաբերում է Երկնային Հոր ծրագրին, հրավիրեք նրան այն գրել գրատախտակին համապատասխան սուրբ գրության հղման կողքին: Լրացված ցուցակը գրատախատակի վրա պետք է ունենա մոտավորապես այսպիսի տեսք.

2 Նեփի 9.6—Մեծ Արարչի ողորմած ծրագիրը
2 Նեփի 11.5—Մահից ազատման մեծ և հավերժական ծրագիրը
Ալմա 12.25—Փրկագնման ծրագիրը
Ալմա 24.14—Փրկության ծրագիրը
Ալմա 42.8—Երջանկության մեծ ծրագիրը
Ալմա 42.15—Ողորմության ծրագիրը

(Որպեսզի օգնեք ուսանողներին խորացնել իրենց երախտագիտությունը Մորմոնի Գրքի ուսմունքների համար, կարող եք նշել, որ «փրկության ծրագիր», «երջանկության ծրագիր» և «փրկագնման ծրագիր» արտահայտությունները մի քանի անգամ նշվում են Մորմոնի Գրքում, բայց ոչ Աստվածաշնչում:)

Ի՞նչ են շեշտում այս անվանումները Երկնային Հոր ծրագրի մասին: (Հավաստիացեք, որ ուսանողները հասկանում են, որ Երկնային Հոր ծրագիրը նախատեսված է բերելու Իր զավակներին հավերժական փրկություն և երջանկություն:)

Վկայեք, որ մենք չենք կարող վերադառնալ Աստծո ներկայությունը և ստանալ հավերժական փրկություն առանց աստվածային օգնության: Հրավիրեք ուսանողներին կարդալ Մոսիա 3.17, անհատապես որոնելով փրկության ծրագրում կենտրոնական դեմքին: Նրանից հետո, երբ նրանք տեղեկացնեն, թե ինչ են գտել, հանձնարարեք որևէ ուսանողի բարձրաձայն կարդալ 2 Նեփի 2.8: Շեշտեք, որ փրկության ծրագրի կենտրոնական դեմքը Հիսուս Քրիստոսն է, իսկ Նրա Քավությունը ուժի մեջ է դնում այդ ծրագիրը Աստծո բոլոր զավակների համար: Խնդրեք որևէ ուսանողի կարդալ Մարգարե Ջոզեֆ Սմիթի հետևյալ միտքը.

«Մեր կրոնի հիմնական սկզբունքներն են Առաքյալների և Մարգարեների վկայությունը Հիսուս Քրիստոսի մասին, որ Նա մահացավ, թաղվեց և բարձրացավ երրորդ օրը և համբարձվեց երկինք, իսկ բոլոր մյուս բաները, որոնք կապված են մեր կրոնի հետ, միայն դրա հավելումներն են» (Teachings of Presidents of the Church: Joseph Smith [2007], 49):

Դուք կարող եք բացատրել, որ հավելումներբառը վերաբերում է մի առարկայի կամ հասկացողության, որը կապված է ինչ որ բանի հետ, որն ավելի մեծ կարևարություն ունի, ինչպես օրինակ ճյուղը, որը ծառի մասն է կազմում: Ծառը կարող է ապրել առանց ճյուղերի, բայց ճյուղը չի կարող ապրել, եթե այն առանձնացված է արմատներից և ծառի բնից: Նախագահ Բոյդ Կ. Փաքերը՝Տասներկու Առաքյալների Քվորումից, ուսուցանել է, որ Հիսուս Քրիստոսի Քավության վարդապետությունը «քրիստոնեական վարդապետության հենց արմատն է: Դուք շատ բան կարող է իմանաք ավետարանի մասին, քանի որ այն ճյուղավորվում է այնտեղից, բայց եթե դուք գիտեք միայն ճյուղերը և այդ ճյուղերը կապված չեն այդ արմատի հետ, եթե դրանք կտրված են այդ ճշմարտությունից, չի լինի ոչ կյանք, ոչ էլ նյութ, ոչ էլ փրկագնում դրանցում» (“The Mediator,” Ensign, May 1977, 56):

Բացատրեք, որ Երկանային Հոր ծրագիրը հաճախ կոչվում է փրկության ծրագիր, որովհետև այն ներառում է մեզ փրկելը: Որպես մեկը, ով հնարավոր դարձրեց մեր փրկությունը Քավության միջոցով, Հիսուս Քրիստոսը կոչվում է Փրկիչ:

Գրատախտակին գրեք Մենք պետք է փրկվենք …

Խնդրեք որևէ ուսանողի բարձրաձայն կարդալ 2 Նեփի 9.6–10 Ապա խնդրեք մեկ ուրիշ ուսանողի բարձրաձայն կարդալ 3 Նեփի 9.21–22: Հրավիրեք մնացած ուսանողներին հետևել, ուղիներ որոնելով լրացնել գրատախտակի վրայի միտքը: Դուք կարող եք առաջարկել, որ նրանք նշեն իրենց գտածը իրենց սուրբ գրություններում:

Խնդրեք ուսանողներին կիսվել իրենց գտածով և գրեք նրանց պատասխանները գրատախտակին: Հավաստիացեք, որ նրանք հասկանում են, որ Հիսուս Քրիստոսի Քավությամբ բոլոր մարդիկ կփրկվեն ֆիզիկական մահից: Հստակեցրեք նաև, որ Քավության միջոցով մենք կարող ենք փրկվել մեր մեղքերից, ինչը, այլ կերպ ասած, հնարավոր կդարձնի մեզ համար բնակվել Աստծո ներկայության մեջ:

Կարդացեք հետևյալ խոսքերը մարգարե Հակոբից. «Օհ, որքան մեծ է բարությունը մեր Աստծո» (2 Նեփի 9.10): «Օհ, որքան մեծ է մեր Աստծո ծրագիրը» (2 Նեփի 9.13):

Ինչպե՞ս են Հակոբի խոսքերը 2 Նեփի 9.6–10հատվածում օգնում մեզ հասկանալ, թե ինչու էր նա անում այս բացականչությունները:
Համաձայն 2 Նեփի 9.7, 9-ի, ի՞նչ կպատահեր, եթե չլիներ Քավությունը: (Մեր մարմինները կմահանային և էլ երբեք չէին բարձրանա, և մեր հոգիները ենթակա կդառնային դևին):

Քննարկեք փրկության ծրագրի վերջին սահմանումը, որով դուք ավելի վաղ կիսվեցիք այս դասում. «Այս ծրագիրը հնարավոր է դարձնում բոլոր մարդկանց վեհանալ և ապրել հավերժ Աստծո հետ»:

Ինչո՞ւ է կարևոր հասկանալ, որ ծրագիրը մեր վեհացումը դարձնում է հնարավոր, բայց ոչ հաստատ: (Երբ ուսանողները պատասխանեն այս հարցին, հետևեք, որ նրանք հասկանան, որ մենք ազատ կամք ունենք՝ ունակություն ինքնուրույն ընտրելու և գործելու: Մեր վեհացումը կախված է մասամբ նրանից, թե ինչպես ենք մենք պատասխանում այն օրհնություններին, որ Աստված առաջարկում է մեզ:)

Գրատախտակին գրեք հետևյալ սուրբ գրությունների հղումները. 2 Նեփի 2.25–28, 2 Նեփի 31.17–20, Ալմա 34.15–16: Խնդրեք ուսանողներին լուռ ուսումնասիրել այս հատվածները և գրի առնել իրենց ուսումնական տետրերում այն բաները, որ ըստ այդ սուրբ գրությունների մենք պետք է անենք՝ ստանալու համար այն ամենը, ինչ Աստված առաջարկում է մեզ Իր փրկության ծրագրի միջոցով:

Երբ ուսանողները բավականաչափ ժամանակ ունենան հանձնարարությունը կատարելու համար, հրավիրեք նրանց կիսվել իրենց պատասխաններով միմյանց հետ: Երբ նրանք այդ անեն, նշեք հնազանդության օրինակները «Աստծո տված օրենքներին, արարողություններին և վարդապետություններին», որոնք նշվում են սահմանման մեջ, որով ավելի վաղ կիսվեցիք: (Այս հատվածների օրինակները ներառում են հավատքի գործադրումը ի ապաշխարություն, մկրտություն և Սուրբ Հոգու ստացում): Ուսանողների զեկույցներից հետո մտածեք հետևյալ հարցերը տալու մասին.

Ինչպե՞ս են մեր գործողություններն ազդում Քավության օրհնությունները ստանալլու մեր ունակության վրա: (Երբ ուսանողները պատասխանեն, որոնեք հնարավորություններ վկայելու, որ, երբ մենք ընտրում ենք ապրել Հիսուս Քրիստոսի ավետարանով և հետևում Աստծո ծրագրին, մենք պատրաստվում ենք ստանալ հավերժական կյանք Փրկչի Քավության միջոցով:)
Ինչպե՞ս կարող է փրկության ծրագիրը հասկանալն օգնել մեզ պահել պատվիրանները:

Խնդրեք որևէ ուսանողի բարձրաձայն կարդալ 2 Նեփի 2.25 հատվածը:

Ի՞նչ ուղիներով է փրկության ծրագրին հետևելը ուրախություն բերել ձեզ:

Դասն ամփոփելով բացատրեք, որ երբ ուսանողներն ուսումնասիրեն Մորոմնի Գիրքը, նրանք ավելի շատ վարդապետություններ կսովորեն փրկության ծրագրի հետ կապված: Այս դասը ներկայացնում է միայն մի համառոտ ակնարկ: Խրախուսեք ուսանողներին ուսումնասիրելիս ուշադրություն դարձնել այն ամենին, ինչ Աստված արել է իրենց համար որպես Իր փրկության ծրագրի մաս, և հետևել այն ամենին, ինչ իրենք պետք է անեն ստանալու համար լրիվ օրհնությունները, որ Աստված ծրագրել է իրենց համար: Բերեք ձեր վկայությունը այն ճշմարտությունների մասին, որոնք քննարկվեցին այս դասում: