Տնային ուսումնասիրության դաս

Ալմա 39–44 (Մաս 20)

Նախապատրաստական նյութեր տնային ուսումնասիրության ուսուցչի համար

Ամենօրյա տնային ուսումնասիրության դասերի ամփոփում

Ալմա 39–44 (մաս 20) ուսումնասիրելիս ուսանողների սովորած վարդապետությունների և սկզբունքների հետևյալ ամփոփումը նախատեսված չէ ուսուցանել որպես ձեր դասի մի մաս: Ձեր ուսուցանած դասը կենտրոնանում է այս վարդապետություններից և սկզբունքներից միայն մի քանիսի վրա: Հետևեք Սուրբ Հոգու հուշումներին, երբ դուք խորհեք ուսանողների կարիքների շուրջ:

Օր 1 (Ալմա 39)

Ճանապարհից շեղված իր որդուն՝ Կորիանթոնին, ուղղված Ալմայի խոսքերն ուսումնասիրելիս ուսանողները սովորեցին, որ սեռական մեղքը պղծություն է Տիրոջ աչքում: Ալման նաև սովորեցրեց իր որդուն, որ ապաշխարությունը ներառում է մեր մեղքերն ընդունելը և թողնելը, և մեր ողջ մտքով, զորությամբ և ուժով դեպի Տերը դառնալը: Ուսանողները կարդացել են Ալմայի վկայությունը, որ Հիսուս Քրիստոսը եկել էր աշխարհի մեղքերն իր վրա վերցնելու համար:

Օր 2 (Ալմա 40–41)

Կորիանթոնը մտահոգված էր հարության և Վերջին Դատաստանի մասին: Այս մտահոգություններին տրված Ալմայի պատասխաններից ուսանողները մի շարք վարդապետություններ սովորեցին հարության հետ կապված, ներառյալ ճշմարտությունը, որ մենք կվերականգնվենք կամ դեպի երջանկություն կամ թշվառություն՝ համաձայն մահկանացության ժամանակ մեր գործերի և ցանկությունների: Ալման նաև շեշտեց, որ «ամբարշտությունը երբեք երջանկություն չի եղել» (Ալմա 41.10):

Օր 3 (Ալմա 42)

Ալման օգնեց Կորիանթոնին տեսնել, որ անհնազանդության պատճառով անհատները կտրվում են Աստծո ներկայությունից: Իր հերթին, ուսանողները նաև սովորեցին, թե ինչպես է ազատման ծրագիրը թույլ տալիս անհատներին հաղթահրել իրենց ընկած վիճակը: Ալմայի ուսմունքները հաստատում են, որ Հիսուս Քրիստոսի տառապանքները բավարարում են արդարադատության պահանջները, որպեսզի ողորմածությունը հասանելի լինի նրանց, ովքեր ապաշխարում են:

Օր 4 (Ալմա 43–44)

Ուսանողները սովորեցին լամանացիների և նեփիացիների միջև տեղի ունեցած պատերազմի մասին: Ալմա 43–44-ից սովորած դասերից մեկն այն է, որ եթե մենք փնտրենք և հետևենք մարգարեական խորհրդին, մենք ավելի լավ կկարողանանք պաշտպանվել հակառակորդից: Ուսանողները նաև բացահայտեցին, որ երբ մենք աղոթում ենք Տիրոջը մեր արդար ծրագրերի և ցանկությունների համար, Նա կաջակցի մեզ դրանք իրականացնելիս:

Նախաբան

Ինչպես գրված է Ալմա 39–42–ում, Ալման օգնեց իր որդի Կորիանթոնին հասկանալ սեռական մեղքի լրջությունը, հարությանը և Վերջին Դատաստանին վերաբերվող վարդապետությունները և արդարադատության ու ողորմածության օրենքների հավերժական հետևանքները: Այս դասը ուսանողներին հնարավորություն կտա միմյանց ուսուցանել և բացատրել այս վարդապետությունները:

Ուսուցանման առաջարկներ

Նախքան դասը պատրաստեք տպված թերթիկներ, որոնք կպարունակեն այս դասի վերաբերյալ ցուցումներ: Ծանոթացեք ցուցումներին, որպեսզի դուք կարողանաք օգնել ուսանողներին հաջողության հասնել միմյանց սովորեցնելու իրենց ջանքերում:

Ալմա 39–41

Ալման սովորեցնում է, որ ապաշխարությունը երջանկություն է բերում

Դասը սկսեք, հրավիրելով ուսանողներին միասին անգիր ասել Ալմա 39.9, սերտման սուրբ գրության հատված, որ նրանք խրախուսվել էին անգիր սովորել որպես այս շաբաթվա նրանց ուսումնասիրման մաս: Հարցրեք, թե ով կարող է հիշեցնել դասարանին, թե ինչու էր Ալման այս հատվածում խորհուրդ տալիս իր որդի Կորիանթոնին ապաշխարել և թողնել իր մեղքերը:

Հիշեցեք ուսանողներին, որ Ալմա 40–41-ում Ալման նաև անդրադարձավ մահացածների հարության և Վերջին Դատաստանի մասին Կորիանթոնի մտահոգություններին: Որպեսզի օգնեք ուսանողներին բացատրել այն, ինչ սովորել են և կիսվել իրենց զգացմունքներով և վկայությամբ Ալմա 39–41–ում գտնվող ճշմարտությունների մասին, նախքան դասի սկսվելը գրատախտակին գրեք հետևյալ հարցերը և սուրբ գրության հղումները.

1. Ինչո՞ւ է կարևոր պահել մաքրաբարոյության օրենքը: (Տես Ալմա 39.1–9:)

2. Ի՞նչ է հարությունը: Ի՞նչ տարբերություն կա մահկանացու մարմինների և հարություն առած մարմինների միջև: Ի՞նչ է տեղի ունենալու մեր հարությունից հետո: (Տես Ալմա 40.21–26:)

3. Ինչպե՞ս ես կդատվեմ Վերջին Դատաստանին: (Տես Ալմա 41.1–7:)

4. Երբեմն թվում է, որ ոմանք, ովքեր չեն պահում պատվիրանները, երջանիկ են: Դա այդպե՞ս է: (Տես Ալմա 41.10–15:)

Խնդրեք ուսանողներին պատկերացնել, որ իրենք միսիոներներ են և որ իրենք հանդիպում ունեն մեկի հետ, ով փնտրում է այս հարցերի պատասխանները: Տեղեկացրեք նրանց, որ իրենց մի փոքր ժամանակ կտրամադրվի նախապատրաստվելու համար, և այնուհետև նրանք հնարավորություն կունենան պատասխանելու այս հարցերից մի քանիսին, օգտագործելով այն, ինչ իրենք սովորեցին Ալմա 39–41:

Եթե ձեր դասարանի չափերը թույլ են տալիս, դասարանը բաժանեք զույգերի, որոնք ներկայացնում են միսիոներական զուգընկերներ: Յուրաքանչյուր զույգին հանձնարարեք գրատախտակի հարցերից մեկը: (Եթե ձեր դասարանը փոքր է, դուք կարող եք հանձնարարել հարցերը առանձին ուսանողներին:) Յուրաքանչյուր զույգին տվեք ստորև տրված հրահանգների օրինակը, և խնդրեք նրանց օգտագործել հատվածների հղումները, որոնք տրված են իրենց հանձնարարված հարցի վերջում, որ պատասխանեն իրենց լսողների հարցերին: Ուսանողներին ժամանակ տվեք, որ վերանայեն հատվածները և կարճ մի դաս պատրաստեն իրենց լսողի համար: Խրախուսեք զույգերին որոշել, թե նրանցից յուրաքանչյուրը հրահանգների որ մասն է պատասխանատու ուսուցանել:

Մինչ ուսանողները պատրաստվում են, դուք կարող եք շրջել ուսանողների մեջ, որպեսզի կարողանաք լսել և անհրաժեշտության դեպքում օգնել: Անհրաժեշտության դեպքում օգնեք ուսանողներին ներկայացնել վարդապետություններ Ալմա 39–41, որոնք օգնում են պատասխանել իրենց հանձնարարված հարցերին: Հետևյալ վարդապետություններն օգտագործեք որպես ուղեցույց.

Սեռական մեղքը պղծություն է Տիրոջ աչքում (տես Ալմա 39.1–9):

Հարությունը հոգու և մարմնի վերամիավորումն է ՝ բոլոր բաները վերականգնված իրենց ճիշտ և կատարյալ կառուցվածքով (տես Ալմա 40.21–26):

Մենք կվերականգնվենք երջանկության կամ թշվառության մի վիճակում՝ համաձայն մահկանացու կյանքում մեր գործերի և ցանկությունների (տես Ալմա 41.1–7):

Ամբարշտությունը երբեք երջանկություն չի եղել (տես Ալմա 41.10–15):

Հրահանգներ

Երբ սովորեցնեք, պատրաստ եղեք անելու հետևյալը.

1. Հատվածների մասին որոշ պատմական տեղեկություն տվեք (ինչպես օրինակ բացատրելով, թե ովքեր էին խոսում, ում հետ էին խոսում և ինչու):

2. Կարդացեք սուրբ գրության հատվածի նախատեսված մասերը, որոնք կօգնեն պատասխանել ձեզ հանձնարարված հարցին:

3. Գրի առեք ձեր ուսումնասիրած հատվածներում ուսուցանված մի վարդապետություն կամ սկզբունք, որը վերաբերվում է ձեզ հանձնարարված հարցին:

4. Բացատրեք, թե ինչպես է ձեր գրած վարդապետությունը կամ սկզբունքը օգնում պատասխանել ձեզ հանձնարարված հարցին: Դուք կարող եք առաջարկել, որ նրանք, ում ուսուցանում եք, գրեն այս վարդապետությունը կամ սկզբունքն իրենց սուրբ գրություններում:

5. Կիսվեք, թե ինչու է այս վարդապետությունը կամ սկզբունքը կարևոր ձեզ համար, և վկայեք ձեր ուսուցանած ճշմարտությունների մասին:

Երբ ուսանողները նախապատրաստվեն պատասխանել իրենց հանձնարարված հարցերին, բաժանեք նրանց փոքր խմբերի, որպեսզի կարողանան սովորեցնել միմյանց: (Եթե ձեր դասարանը փոքր է, թող յուրաքանչյուր ուսանող կամ զույգ ուսուցանի ողջ դասարանին:) Երբ ուսանողներն ավարտեն միմյանց սովորեցնել, տվեք դասարանին հետևյալ հարցերը.

• Երբ խորհում եք Կորիանթոնի մեղքերի մասին, ձեր կարծիքով, այս վարդապետությունները հասկանալն ինչո՞ւ օգտակար կլիներ նրա համար:

• Ինչո՞ւ է կարևոր, որ դուք կարողանաք բացատրել այս ճշմարտությունները նրանց, ում հետ դուք կշփվեք ձեր կյանքում:

• Ինչո՞ւ է կարևոր, որ դուք հասկանաք և ապրեք համաձայն այս ճշմարտությունների:

Ալմա 42

Ալման սովորեցնում է Կորիանթոնին արդարադատության և ողորմածության մասին

Գրատախտակին նկարեք մի հասարակ կշեռք: Հրավիրեք ուսանողներից մեկին դասարանին սովորեցնել արդարադատության և ողորմածության գաղափարների մասին, օգտագործելով նկարը և այն, ինչ նա սովորել է Կորիանթոնին տրված Ալմայի ցուցումներից Ալմա 42–ում: Հրավիրեք ուսանողներին իրենց սուրբ գրություններում բացել Ալմա 42-ը և փնտրել արտահայտություններ և նախադասություններ արդարադատության և ողորմածության վերաբերյալ, որ նրանք նշել կամ ընդգծել են:

Որպեսզի օգնեք ուսանողներին հասկանալ պայմանները, որոնցով ողորմածությունը հնարավոր դարձավ, տվեք հետևյալ հարցերը.

• Ի՞նչ պետք է աներ Հիսուս Քրիստոսը, որ ողորմածությունը հասանելի լիներ մեզ:

• Ի՞նչ պետք է անենք մենք, որ ստանանք ողորմածություն:

Հրավիրեք մի քանի ուսանողների կիսվել, թե ինչո՞ւ են նրանք երախտապարտ Հիսուս Քրիստոսի Քավության համար:

Ալմա 43–44

Մարգարեների խորհուրդը լսելը պաշտպանում է մեզ հակառակորդից

Եթե ժամանակ մնա, խնդրեք ուսանողներին վերանայել, թե ինչ իրենք սովորեցին Ալմա 43–44-ից, կիսվելով, թե ինչ են գրել իրենց սուրբ գրությունների ուսումնասիրության օրագրերում իրենց հոգևոր պատերազմները պատերազմելու մասին (օր 4, առաջադրանքներ 3 և 4):

Հաջորդ Մասը (Ալմա 45–63)

Ինչո՞ւ էին նեփիացիներն այդքան հաջող կռվում իրենց թշնամիների դեմ: Ինչպե՞ս էին նրանք կարողանում կռվել Տիրոջ ուժով: Պատասխանները կարելի է գտնել Մորոնի զորապետի, Հելամանի և նրա պատանի զինվորների օրինակներն ուսումնասիրելով: