Դաս 22

2 Նեփի 1

Նախաբան

2 Նեփի 1 ճշմարտությունները ասվել են սիրող հոր և առաջնորդի կողմից, ով կանգնած էր մահվան շեմին: Լեքին խնդրում էր իր որդիներին, Իսմայելի որդիներին և Զորամին հնազանդվել Աստծո պատվիրաններին: Նա խոստացավ նրանց, որ եթե նրանք պահեին Աստծո պատվիրանները, նրանք կբարգավաճեին երկրում: Նա նաև հորդորում է նրանց հետևել Նեփիի մարգարեական ղեկավարությանը:

Կենտրոնացեք ուսանողների վրա

Տասներկու առաքյալների Քվորումից Երեց Ռիչարդ Գ. Սքոթը բացատրել է, որ դասի ծրագրում եղած ամբողջ նյութը մատուցելուց ավելի կարևոր է օգնել ուսանողներին հասկացողություն ձեռք բերել. «Հիշեք, որ ձեր համար ամենակարևորը ամբողջ նյութը մատուցելը չէ, եթե դա նշանակում է, որ այն չի կարող պատշաճ ձևով ընկալվել: Արեք այն, ինչ դուք կարող եք անել հասկանալով: … Եթե կարևոր սկզբունքը հասկացվել է [և] ընկալվել, … ապա ամենակարևոր նպատակը իրագործվել է» (“To Understand and Live Truth” [address to CES religious educators, Feb. 4, 2005], 2–3, si.lds.org):

Ուսուցանման առաջարկներ

2 Նեփի 1.1–23

Լեքին հորդորում է իր ժողովրդին արդար ապրել

Ուսանողներին խնդրեք պատկերացնել, որ իրենք պետք է անսպասելիորեն թողնեն իրենց ընտանիքի անդամներին և կարող է երբեք այլևս չտեսնեն նրանց:

• Եթե դուք խրատի վերջին խոսքեր թողնելու լինեիք ձեր ընտանիքին, ի՞նչ կասեիք դուք: Ինչո՞ւ:

Մի քանի ուսանողների լսելուց հետո բացատրեք, որ 2 Նեփիի 1-4 գլուխները ներառում են Նեփիի գրառումները իր հոր վերջին խրատի վերաբերյալ: Այս դասը կենտրոնանում է 2 Նեփի 1 վրա, որը ներառում է խրատը, որ Լեքին կիսեց իր որդիների, Իսմայելի որդիների և Զորամի հետ:

• Ինչո՞ւ ծնողների կամ մարգարեի վերջին խրատը կարող է հատկապես նշանակալից լինել:

Հրավիրեք մի ուսանողի բարձրաձայն կարդալ 2 Նեփի 1.1–5: Խնդրեք դասարանին ներկայացնել, թե ինչ «մեծ բաներ էր արել Տերը» Լեքիի ընտանիքի համար:

• Ինչպե՞ս են այս մեծ բաները ցույց տալիս Տիրոջ ողորմությունը:

• Օրինակ ի՞նչ մեծ բան է արել Տերը ձեր կամ ձեր ընտանիքի համար:

• Ի՞նչ զգացողություններ եք ունենում, երբ դուք մտածում եք ձեր և ձեր ընտանիքի հանդեպ Աստծո ողորմածության մասին:

Գրատախտակի մի կողմում գրեք Գործողություններ: Գրատախտակի մյուս կողմում գրեք Հետևանքներ:Դասարանը երկու խմբի բաժանեք: Առաջին խմբին հրավիրեք կարդալ 2 Նեփի 1.6–9, իսկ երկրորդ խմբին կարդալ 2 Նեփի 1.10–12: Խնդրեք երկու խմբերին էլ գտնել գործողություններ, որոնք Լեքին ասաց, որ իր սերունդները կարող է կատարեն: Նաև խնդրեք նրանց փնտրել այդ գործողությունների արդյունքները: Օրինակ, Լեքին ասաց, որ եթե մարդիկ ծառայեն Տիրոջը համաձայն Իր պատվիրանների, երկիրը նրանց համար կլինի ազատության երկիր (տես 2 Նեփի 1.7): Մինչ ուսանողները կկիսվեն իրենց պատասխաններով, թող մի ուսանող դրանք գրի գրատախտակի վրա:

• Երբ դուք քննարկեք գրատախտակին գրված պատասխանները, ինչպե՞ս կամփոփեք Լեքիի ուղերձը ուղղված իր ընտանիքին: (Ուսանողները կարող են պատասխանել տարբեր բառերով, սակայն համոզվեք, որ հետևյալ ուղերձը պարզ է. Տերը օրհնում է մեզ, երբ մենք պահում ենք նրա պատվիրանները, և Նա չի տալիս օրհնություններ, երբ մենք չենք պահում Նրա պատվիրանները:)

• 2 Նեփի 1.9 «այս երկիրը» արտահայտությունը վերաբերվում է Ամերիկաներին: Ի՞նչ է Տերը խոստացել հնազանդներին, ովքեր կապրեն «այս երկրում»:

Որպեսզի օգնեք ուսանողներին հասկանալ փոխաբերությունների իմաստը, որոնք Լեքին օգտագործեց իր որդիներին քաջալերելու համար, որ պահեն Տիրոջ պատվիրանները, ցուցադրեք մի զարթուցիչ, աթոռ և փոշոտ մի բան (համոզվեք, որ ընդգծում եք փոշին, ոչ թե առարկան):

Փոխաբերությունները սուրբ գրություններում

Փոխաբերությունը խոսքի մի ձև է, որտեղ բառը կամ արտահայտությունը նկարագրում է մի առարկա կամ գործողություն՝ առանց այդ առարկայի կամ գործողության հետ անմիջական կապ ունենալու: Օրինակ, Լեքիի որդիները ամբողջությամբ չէին պատվել փոշով, երբ Լեքին ասաց նրանց «բարձրացեք փոշուց» (2 Նեփի 1.14): Տերը և Իր մարգարեները իրենց ուսուցման մեջ հաճախ օգտագործել են փոխաբերություններ, որ օգնեն մեզ կապել դրանք ավետարանի սկզբունքների հետ: Այս փոխաբերությունները կարող են ծառայել որպես զորավոր հիշեցումներ: Մինչ դուք քննարկեք փոխաբերությունները, օգնեք ուսանողներին կենտրոնանալ բառերի փոխանցած հոգևոր իմաստի վրա:

Հրավիրեք ուսանողներին մտքում կարդալ 2 Նեփի 1.13–14, փնտրելով բառեր և արտահայտություններ, որոնք վերաբերվում են այս երեք առարկաներին: Նրանց կարդալուց հետո բարձրացրեք յուրաքանչյուր առարկան և խնդրեք ուսանողներին կիսվել իրենց գտած բառերով և արտահայտություններով: (Պատասխանները կարող են ներառել «արթնանաք», «դժոխքի քնից», «թոթափեք ահավոր շղթաները», «այն շղթաներն են, որ կապում են» և «բարձրացեք փոշուց»): Հարցրեք ուսանողներին, թե ինչ կարող է նշանակել՝ «խորը քնած» լինել, կապված լինել «ահավոր շղթաներով» կամ կարիքը զգալ «փոշուց բարձրանալու»:

• Երբ Լեքին օգտագործում էր այս բառերն ու արտահայտությունները, ի՞նչ էր նա հորդորում իր որդիներին անել: (Ապաշխարել, փոխել իրենց ճանապարհները:)

• Լեքիի նախազգուշացմամբ ի՞նչ կպատահեր, եթե իր որդիները չհամաձայնվեին «թոթափել [իրենց] շղթաները»: (Տես 2 Նեփի 1.13:)

Հրավիրեք ուսանողներին մտքում կարդալ 2 Նեփի 1.14–18: Բացատրեք, որ Լեքին այս խրատը տվեց բարությամբ և սիրով և մեծ հոգատարությամբ («անհանգստություն») իր զավակների բարօրության համար: Խնդրեք ուսանողներին փնտրել պատճառները, թե ինչու էր Լեքին ցանկանում, որ իր ընտանիքը պահեր Տիրոջ պատվիրանները:

• Ինչո՞ւ էր Լեքին մտահոգված իր ժառանգների համար: (Նա մտահոգված էր հետևանքների համար, որոնք նրանք կկրեին իրենց արարքների պատճառով, և նա ցանկանում էր, որ նրանք զգային Աստծո սերը, ինչպես ինքն էր զգացել):

Թող ուսանողները անձամբ կրկին կարդան 2 Նեփի 1.15:

• Ի՞նչ օրհնություններ էր ստացել Լեքին իր հավատարմության շնորհիվ:

• Ե՞րբ եք դուք Աստծո սիրո բազուկների մեջ օղակված լինելու զգացողություն ունեցել:

Դասարանը բաժանեք զույգերի: Յուրաքանչյուր զույգի մի ուսանողի խնդրեք 2 Նեփի 1.19–22 փնտրել խոստումները, որոնք կարող էին ոգեշնչել Լեքիի որդիներին ապաշխարել: Յուրաքանչյուր զույգի մյուս ուսանողին խնդրեք նույն հատվածներում փնտրել հետևանքները, որոնք Լեքին ասաց, որ կգան, եթե նրա որդիները ընտրեն մերժել նրա խրատը: (Դուք կարող եք այս առաջադրանքը գրել գրատախտակին:) Ուսանողներին տվեք երեք կամ չորս րոպե, որ կատարեն ըառաջադրանքը և իրար հետ կիսվեն իրենց գտածով: Դուք կարող եք շրջել դասարանում մինչ նրանք կիսվում են իրենց մտքերով, որպեսզի կարողանաք օգնել նրանց վարել իրենց քննարկումները:

Ուսանողների համար բարձրաձայն կարդացեք Լեքիի կոչը՝ 2 Նեփի 1.23-ում: Դուք կարող եք խրախուսել ուսանողներին ընդգծել այս հատվածը: Դուք կարող եք նաև խրախուսել նրանց գրել իրենց սուրբ գրությունների օրագրերում կամ դասարանային տետրերում մի բանի մասին, ինչ նրանք պետք է անեն, որ «արթնանան» կամ «թոթափեն շղթաները» կամ «բարձրանան փոշուց», որպեսզի նրանք կարողանան ստանալ օրհնությունները, որոնց մասին խոսեց Լեքին:

• Ըստ ձեզ ի՞նչ է նշանակում «հագնել արդարության զենքերը»: (Տես նաև ՎևՈՒ 27.15–18:)

2 Նեփի 1.24–32

Լեքին հորդորում է իր որդիներին հետևել Նեփիի մարգարեական ղեկավարությանը

Բացատրեք, որ Լեքին ուսուցանեց ուժի և ոգեշնչման աղբյուրի մասին, որը Տերը պատրաստել էր իր ընտանիքի համար: Հրավիրեք ուսանողներին գտնել այդ աղբյուրը 2 Նեփի 1.24-ում: (Այդ աղբյուրը Նեփին էր, ով կծառայեր որպես նրանց մարգարե Լեքիի մահից հետո:)

Խնդրեք մի ուսանողի բարձրաձայն կարդալ 2 Նեփի 1.25–28: Խնդրեք դասարանին փնտրել Լեքիի տված պատճառները, ըստ որոնց ժողովուրդը պետք է հետևեր Նեփիին:

• Ի՞նչ որակներ էր Լեքին նշում, երբ նա խոսում էր Նեփիի ղեկավարության մասին: Ինչո՞ւ դուք պետք է վստահեք այդ որակներն ունեցող ղեկավարին:

• Ե՞րբ եք դուք տեսել, որ Եկեղեցու ղեկավարը մարմնավորի այդ որակները:

Հրավիրեք ուսանողներին մտքում կարդալ 2 Նեփի 1.30–32: Խնդրեք նրանց փնտրել խոստումները, որոնք Լեքին տվեց Զորամին:

• Ի՞նչ խոստումներ դուք գտաք:

• Ինչպե՞ս կարող են այս խոստումները վերաբերվել մեզ ու մեր ընտանիքներին, եթե մենք հետևենք մարգարեին:

Այս քննարկումից հետո համոզվեք, որ ուսանողները հասկանում են, որ եթե մենք հետևենք նրանց, ում Աստված կանչել է ղեկավարել մեզ, մենք օրհնված կլինենք հոգևոր բարեկեցությամբ և ապահովությամբ: Այս սկզբունքին աջակցելու համար կիսվեք ձեր վկայությամբ այն օրհնությունների վերաբերյալ, որոնք գալիս են, երբ մենք հետևում ենք Եկեղեցու ղեկավարներին:

Բացատրական և պատմական տեղեկություն

2 Նեփի 1.22: «Հավերժական կործանում»

2 Նեփի 1.22 Լեքին խոսում է «երկուստեք` հոգու և մարմնի հավերժական կործանման» մասին: Նախագահ Ջոզեֆ Ֆիլդինգ Սմիթի հետևյալ խոսքերը կարող են օգնել ձեզ մեկնաբանել Լեքիի խոսքերը.

«Կործանում չի նշանակում ոչնչացում: Մենք գիտենք, քանի որ մեզ ուսուցանվել է Տիրոջ հայտնություններում, որ հոգին չի կրող ոչնչացվել:

«Յուրաքանչյուր հոգի, որ ծնվել է այս աշխարհում, հարություն և անմահություն կստանա, և հավերժ գոյություն կունենա: Այդպիսով, կործանում չի նշանակում ոչնչացում: Երբ Տերն ասում է, որ նրանք պիտի կործանվեն, նա նկատի ունի, որ նրանք պետք է վտարվեն իր ներկայությունից, որ նրանք պետք է կտրվեն լույսի ու ճշմարտության ներկայությունից, և արտոնություն չեն ունենա ստանալ այս վեհացումը. և դա է կործանումը» (Doctrines of Salvation, comp. Bruce R. McConkie, 3 vols. [1954–56], 2:227–28)։

2 Նեփի 1.28: «Եթե դուք ականջ դնեք Նեփիի ձայնին, դուք չեք կորչի»

Լեքին խոստացավ, որ նրանք, ովքեր «ականջ դնեն Նեփիի ձայնին», կօրհնվեն (տես 2 Նեփի 1.28): Որպեսզի կարդաք խոստումների մասին, որոնք Տերը տվել է նրանց, ովքեր հետևում են ապրող մարգարեներին մեր օրերում, տես Վարդապետություն և Ուխտեր 21.5–6:

Նախագահ Վիլֆորդ Վուդրուֆն ասել է. «Ես հուսով եմ, որ մենք բոլորս կկարողանանք հետևել ուղուն, որը Տիրոջ ծառաները սահմանել են մեր համար, քանզի եթե մենք անենք սա, ես գիտեմ, որ մենք ապահով կլինենք այս աշխարհում, և երջանկություն և վեհացում կապահովենք գալիք աշխարհում: Եթե մենք հավատարիմ ենք, նրանք կառաջնորդեն մեզ կյանքի ուղով, և որքանով մենք կհավատանք նրանց ցուցումներին, նրանց միջոցով Սուրբ Հոգու ուսուցանածին, մենք միշտ կլինենք ապահով ուղու վրա և վստահ կլինենք մեր պարգևին» (Teachings of Presidents of the Church: Wilford Woodruff [2004], 199):