Դաս 75

Ալմա 9–10

Նախաբան

Ալման ու Ամուղեկը Ամմոնիայի ժողովրդին քարոզելիս ունեցան քիչ հաջողություն, որովհետև Սատանան «մեծ ազդեցություն էր ձեռք բերել ժողովրդի սրտերի վրա» (տե՛ս Ալմա 8.9): Նրանցից շատերը կարծրացրել էին իրենց սրտերը ավետարանի հանդեպ, և նրանք մերժեցին ապաշխարելու Ալմայի ու Ամուղեկի կոչը: Այնուամենայնիվ, Ալման և Ամուղեկը հավատարմորեն կանչում էին նրանց ապաշխարության, վկայելով, որ քանի որ նրանց ուսուցանվել էր ճշմարտությունը և նրանք զգացել էին Աստծո զորությունը, Տերը նրանցից ակնկալում էր լինել ավելի արդարակյաց, քան Լամանացիները, որոնց ճշմարտությունը չէր ուսուցանվել: Ալման և Ամուղեկը ուսուցանում էին, որ եթե Ամմոնիայի ժողովուրդը չապաշխարեր, նրանք կկործանվեին: Նրանք նաև մարդկանց ուսուցանում էին, որ փրկագնումը հնարավոր էր միայն Հիսուս Քրիստոսի միջոցով:

Ուսուցանման առաջարկներ

Ալմա 9

Ալման զգուշացնում է Ամմոնիայի ժողովրդին, որպեսզի ապաշխարեն և պատրաստվեն Հիսուս Քրիստոսի գալստին:

Ներկայացրեք հետևյալ սցենարը. Երկու ուսանող գալիս են դպրոց և ուսուցիչը հայտարարում է, որ նրանք պետք է հանձնեն անակընկալ քննություն: Առաջին աշակերտը հաճախել է բոլոր դասերին, իսկ երկրորդ աշակերտը բացակայել է երկու շաբաթ՝ հիվանդության պատճառով:

• Ձեր կարծիքով, ո՞ր ուսանողը լավ կհանձնի քննությունը:

Հանձնարարեք ուսանողներին արագ աչքի անցկացնել Ալմա 9.1–7, փնտրելով այն բառերն ու արտահայտությունները, որոնք ցույց են տալիս, թե որքան լավ էր Ամմոնիայի ժողովուրդը հասկանում ավետարանը և Աստծո զորությունը: Խնդրեք նրանց կիսվել իրենց սովորածով:

Մի քանի ուսանողի հանձնարարեք բարձրաձայն կարդալ Ալմա 9.8–13: Դասարանին հանձնարարեք գտնել բառեր կամ արտահայտություններ, որոնք ցույց են տալիս, թե արդյոք այդ մարդկանց ուսուցանվել էր ավետարանը կամ արդյոք նրանք ունեն Աստծո զորության մասին գիտելիք: (Պատասխանները պետք է լինեն՝ «դուք մոռացաք» և «չե՞ք հիշում դուք»:)

• Արդյո՞ք Ամմոնիայի ժողովուրդը երբևէ սովորել է ավետարանը կամ ուսուցանվել Աստծո զորության մասին:

• Որո՞նք են այն մի քանի պատճառները, որոնցով ավետարանը ուսուցանված մարդիկ մոռացել այն, ինչ սովորել են, կամ չեն հասկանում այն, ինչ իրենց ուսուցանվել է:

Հանձնարարեք ուսանողներին աչքի անցկացնել Ալմա 8.9, 11; 9.5, 30 և 12.10–11 հատվածները, ուշադրություն դարձնելով այն բառերի կամ արտահայտությունների վրա, որոնք պարզաբանում են, թե ինչու է Ամմոնիայի ժողովուրդը մոռացել կամ չի հասկացել այն բաները, որոնք ուսուցանվել են: («Սատանան մեծ ազդեցություն էր ձեռք բերել [նրանց] սրտերի վրա», «նրանք կարծրացրեցին իրենց սրտերը», «նրանք մի կարծրասիրտ ու խստապարանոց ժողովուրդ էին», «[նրանց] սրտերը ծայրաստիճան կարծրացած են Աստծո խոսքի հանդեպ»:)

Արտագրեք հետևյալ աղյուսակը գրատախտակին և խնդրեք ուսանողներին արտագրել այն իրենց տետրերում կամ սուրբ գրությունների ուսումնասիրության օրագրերում: (Համոզվեք, որ մեծ տարածք եք թողել գրելու համար:)

	Ժողովրդի հոգևոր անցյալը	Ինչ էր Տերը սպասում ժողովրդից և ինչ էր Տերը խոստացել ժողովրդին
Լամանացիներ (Ալմա 9.14–17)
Ամմոնիայի ժողովուրդը (Ալմա 9.18–24)

Ուսանողներին բաժանեք զույգերի: Յուրաքանչյուր զույգին հանձնարարեք լրացնել աղյուսակը, օգտագործելով սուրբ գրությունների հղումները: Աղյուսակը լրացնելուց հետո խնդրեք ուսանողներին իրենց աղյուսակի ներքևում մի նախադասությամբ ամփոփել իրենց սովորածը: Նրանցից մի քանիսին հրավիրեք կիսվել իրենց գրածով: Ուսանողները կօգտագործեն տարբեր բառեր, սակայն նրանց պատասխանը պետք է պարունակի հետևյալ ճշմարտությունը. Տերն ակնկալում է մեծ հնազանդություն այն մարդկանցից, ովքեր ստացել են ավետարանի մասին գիտելիքներ և օրհնություններ: Տվեք հետևյալ հարցերը, որպեսզի ուսանողներին օգնեք կիրառել այս սկզբունքները իրենց կյանքում.

• Ձեր կարծիքով, ինչո՞ւ Տերը ուներ մեծ սպասելիքներ Ամմոնիայի ժողովրդից:

• Ինչո՞ւ էր արդարացի Տիրոջ համար ունենալը մեծ սպասելիքներ նրանցից, ովքեր ստացել էին ավետարանի մասին գիտելիքներ և օրհնություններ:

Շեշտեք «Տիրոջ մեծապես արտոնյալ ժողովուրդ» արտահայտությունը Ալմա 9.20–ում: (Կարող եք առաջարկել ուսանողներին նշել այդ արտահայտությունը:)

• Ինչպե՞ս են Եկեղեցու այժմյան անդամները «Տիրոջ մեծապես արտոնյալ ժողովուրդ»-ը հանդիսանում:

• Ըստ Ալմա 9.19–23–ի, ինչ պարգևներ և օրհնություններ Նեփիացիները (այդ թվում՝ Ամմոնիայի ժողովուրդը) ունեցան, լինելով Տիրոջ ուխտյալ ժողովուրդը:

• Ինչպիսի՞ պարգևներ ու օրհնություններ եք դուք ունեցել լինելով Տիրոջ Եկեղեցու անդամը:

• Որո՞նք են այն մի քանի բաները, որոնք Տերը մեզանից ակնկալում է՝ Իրենից պարգևներ ու օրհնություններ ստանալու դիմաց:

Դասարանի կեսին հանձնարարեք առանձին ուսումնասիրել Ալմա 9.24–27, իսկ մյուս կեսին՝ առանձին ուսումնասիրել Ալմա 9.28–30: Խնդրեք ուսանողներին իրենց իսկ բառերով ամփոփել իրենց հանձնարարված հատվածները: Հետևյալ հարցերը գրեք գրատախտակին, մինչ նրանք պատրաստում են իրենց ամփոփումները.

Այս հատվածներում ի՞նչ ապացույց եք դուք տեսնում այն մասին, որ Տերն ակնկալում է ավելի մեծ հնազանդություն այն մարդկանցից, ովքեր ունեն ավետարանի մասին ավելի շատ գիտելիք:

Ըստ Ալմայի հիշեցման, ի՞նչ օրհնություններ մարդիկ կարող էին ստանալ:

Ըստ Ալմայի խոսքերի, ի՞նչ պետք է մարդիկ անեին, որպեսզի ստանային այդ օրհնությունները:

Ուսանողներին հրավիրեք ամփոփել

Երբ դուք ուսանողներին հրավիրում եք ամփոփել հատվածների խմբերը, դուք նրանց հրավիրում եք սուրբ գրություններնը ավելի ուշադիր վերլուծել: Եթե զգում եք, որ ուսանողը կարևոր մանրամասներ է բաց թողել իր ամփոփման մեջ, դուք կարող եք հարցնել մյուս ուսանողներին, թե արդյոք նրանք ունեն կարևոր բան ավելացնելու:

Կարդալու համար տրամադրված բավարար ժամանակից հետո դասարանի յուրաքանչյուր կեսից կանչեք մեկ ուսանողի, որպեսզի նա ամփոփի հանձնարարված հատվածները: Այնուհետև հարցրեք դասարանին.

• Որո՞նք են այն մի քանի ուղիները, որոնց օգնությամբ մենք կարող ենք մնալ հավատարիմ այն լույսին և գիտելիքին, որը մենք ստացել ենք: (Ուսանողների առաջարկները կարող են լինել՝ սուրբ գրությունների ուսումնասիրությունը, Աստծուն ստացված օրհնությունների համար մեր երախտագիտությունը հայտնելը, մեր վկայությունները հաճախ բերելը, ամեն շաբաթ Եկեղեցու ժողովներին հաճախելը, օրագրում գրառումներ կատարելը և այլն:)

Ալմա 10.1–12

Ամուղեկը լսում է Տիրոջ կանչը և հաստատում Ալմայի աստվածային կոչումը

Բացատրեք, որ երբ Ալման խոսեց ժողովրդի հետ, մարդիկ բարկացան և ցանկացան նրան բանտ գցել: Ամուղեկը արիաբար խոսեց ժողովրդի հետ և ավելացրեց իր վկայությունը Ալմայի վկայությանը: (Տե՛ս Ալմա 9.31–34:) Ամփոփեք Ալմա 10.1–4, բացատրելով, որ Ամուղեկը Նեփիի հետնորդն էր: Նա աշխատասեր մարդ էր, ով ստեղծել էր մեծ կարողություն: Նա նաև հայտնի և «ոչ փոքր համբավով» մարդ էր իր ընտանիքի անդամների ու ընկերների շրջապատում (տե՛ս Ալմա 10.4): Սակայն նա չէր ապրում իրեն ուսուցանված ավետարանի ճշմարտություններով:

• Ջեր կարծիքով, ինչո՞ւ Ալմային ուղեկցելն օգտակար կլիներ Ամուղեկին, ով հայտնի մարդ էր իր շրջապատում, ուղեկցել Ալմային:

Ուսանողներին հարցրեք, թե ինչպես են իրենք այս առավոտյան արթնացել: (Արդյո՞ք նրանք արթնացել են զարթուցիչի ձայնից, կամ որևը ընտանիքի անդամ արթնացրե՞լ է իրենց: Կարող եք ցույց տալ զարթուցիչ կամ դրա նկարը:) Հարցրեք ուսանողներին, թե նրանցից քանիսն են մեկից ավելի «կանչելուց» հետո արթնացել անկողնուց:

Հանձնարարեք բարձրաձայն կարդալ Ալմա 10.5–6: Դասարանի ուշադրությունը հրավիրեք Ամուղեկի հոգևոր «արթնացնող կանչի» արձագանքին, որը նա ստացավ Տիրոջից:

• Ձեր կարծիքով, ի՞նչ ի նկատի ուներ Ամուղեկը, ասելով. «Ես չեմ կամեցել լսել» և «Ես չէի կամենում իմանալ»:

• Ի՞նչ ձևով է Տերը մեզ կանչել: (Հնարավոր տարբերակները կարող են լինել՝ Սուրբ Հոգու միջոցով, ծնողների և Եկեղեցու ղեկավարների հրահանգների և Եկեղեցու կոչումների միջոցով:)

Հանձնարարեք ուսանողներին մտքում կարդալ Ալմա 10.7–10, փնտրելով իր ժողովրդին Ամուղեկի բացիչ վկայության առանցքային կետերը:

• Ինչպե՞ս էին Ամուղեկի փորձառությունները պատրաստել նրան լինելու Ալմայի պատգամի երկրորդ վկան Ամմոնիայի ժողովրդի առաջ:

• Ձեր կարծիքով, ինչպե՞ս Ամոնւղեկի հնազանդվելու որոշումը փոխեց նրա կյանքը:

Հանձնարարեք ուսանողներին բարձրաձայն կարդալ Ալմա 10.11–12, և դասարանին խնդրեք գտնել, թե ինչպե՞ս մյուսները օրհնվեցին Տիրոջ կանչը լսելու Ամուղեկի որոշման շնորհիվ: Խնդրեք նրանց կիսվել պատասխաններով:

Հետևյալ սկզբունքը գրեք գրատախտակին. Եթե մենք լսում ու հնազանդվում ենք Տիրոջ կանչին, օրհնությունները գալիս են մեզ և մյուսներին: (Կարող եք առաջարկել ուսանողներին, որ նրանք այս սկզբունքը նշեն իրենց սուրբ գրություններում Ալմա 10.11–12-ի կողքին:) Որպեսզի օգնեք ուսանողներին զգալ այս սկզբունքի կարևորությունը և ճշմարտացիությունը, հարցրեք.

• Ե՞րբ եք զգացել, որ օրհնվել եք Տիրոջ կանչին հնազանդվելու շնորհիվ:

• Ինչպե՞ս են ուրիշներին օրհնություններ ստացել, երբ դուք կամ որևէ մեկն արձագանքել է Տիրոջ կանչին:

• Ինչպե՞ս են այս փորձառություններն ազդել Տիրոջը լսելու և Նրա կանչերին հնազանդվելու ձեր ցանկության վրա:

Ալմա 10.13–32

Ամուղեկը պատասխանում է նրանց, ովքեր դեմ են նրան, և հորդորում է մարդկանց ապաշխարել:

Գրատախտակին գրեք հետևյալ նախադասությունները.

1. Զայրանալ և դառնալ պաշտպանողական

2. Կասկածել խորհրդի կարևորությանը

3. Քննադատել այն անձին, ով խորհուրդ է տալիս

4. Հարցականի տակ դնել կամ վիճարկել խորհուրդը

5. Խոնարհաբար լսել և հետևել

Խնդրեք ուսանողներին լուռ խորհել այն մասին, թե գրատախտակի վրա գրված որ նախադասությունն է ավելի շատ նման իրենց արձագանքին, երբ ծնողները կամ Եկեղեցու ղեկավարը ուղղում են նրանց կամ խնդրում փոխել այն, ինչ իրենք անում են:

• Որո՞նք են այն պատճառները, որոնցով մարդիկ փոփոխություններին արձագանքում են այդ ճանապարհով:

Գրեք սուրբ գրությունների հետևյալ հղումները գրատախտակին. Ալմա 9.2–3; Ալմա 9.4–5; Ալմա 10.13, 16–17; Ալմա 10.24, 28–30:

Ուսանողներին հրավիրեք ընտրել գրատախտակին նշված հատվածներից մեկը անհատական ուսումնասիրության համար: Խնդրեք նրանց գտնել, թե այդ հատվածները ինչպես են նկարագրում Ամմոնիայի ժողովրդի արձագանքը Ալմայի և Ամուղեկի պատգամին: Նաև խնդրեք նրանց ընտրել գրատախտակին նշված նախադասություններից որևէ մեկը, որն ավելի մոտ է արտահայտում այդ ժողովրդի արձագանքի բնույթը: Բավարար ժամանակ տրամադրելուց հետո, խնդրեք ուսանողներին պարզաբանել, թե գրատախտակի այս հինգ պատասխաններից, որն է լավագույնս համապատասխանում այն հատվածին, որը նրանք ուսումնասիրեցին:

• Ինչո՞ւ են գրատախտակին գրված չորս պատասխանները հոգեպես վտանգավոր:

Մի քանի ուսանողների հանձնարարեք հերթով կարդալ Ալմա 10.19–23: Հորդորեք նրանց ուշադրություն դարձնել նրան, թե ինչ Ամուղեկն ուսուցանեց մեղքի հետևանքների և արդարներին դուրս գցելու վերաբերյալ:

Որպեսզի օգնեք ուսանողներին հասկանալ մեր մեղքերից չապաշխարելու ավերիչ հետևանքները, կարդացեք Նախագահ Գորդոն Բ. Հինքլիի հետևյալ հայտարարությունը.

«Շրջապատում այնքան շատ չարիք կա: Գայթակղությունները, իրենց գերող ազդեցություններով, մեր շուրջբոլորն են: Դժբախտաբար մենք կորուստներ ենք տալիս այդ քայքայիչ ուժերի պատճառով: Մենք վշտանում ենք յուրաքանչյուրի համար, ով պարտվում է: Մենք հասնում ենք նրանց, որպեսզի օգնենք, որպեսզի պաշտպանենք նրանց, բայց շատ դեպքերում մեր խնդրանքները մերժվում են: Ողբերգական է այն ուղին, որ նրանք հետևում են: Դա ճանապարհ է, որը տանում է դեպի կործանում» (“My Testimony,” Ensign, May 2000, 69):

• Որո՞նք են կործանիչ հետևանքները, որ մարդիկ կամ խմբերն ունենում են, երբ չեն հնազանդվում Աստծո պատվիրաններին:

Եթե ժամանակ մնա, հրավիրեք ուսանողներին պատասխանել հետևյալ հարցերին.

• Ինչպե՞ս կարող են այսօրվա դասին սովորած ճշմարտությունները օրհնել ձեզ:

Բացատրական և պատմական տեղեկություն

Ալմա 9․19–23 «Այդքան շատ լույս և այդքան շատ գիտելիք նրանց տրվելուց հետո»

Ամմոնիայի ժողովուրդն ունեցավ ավելի մեծ հետևանքներ իրենց ամբարշտությունների պատճառով, քան Լամանացիները, քանի որ Ամմոնիայի ժողովուրդը ստացել էր ավելի մեծ գիտելիք ավետարանի վերաբերյալ: Քույր Շերի Լ. Դյուի արված հետևյալ արտահայտությունը, ով ծառայել էր որպես Սփոփող Միության գերագույն նախագահության անդամ, ուղղված է Եկեղեցու կանանց, բայց վերաբերվում է Եկեղեցու բոլոր անդամներին.

«Մենք եզակի ենք: Մենք եզակի ենք մեր ուխտերի, մեր հոգևոր արտոնությունների և այդ երկուսից եկող պատասխանատվությունների պատճառով: Մենք օժտված ենք զորությամբ և շնորհված ենք Սուրբ Հոգով: Մենք ունենք ապրող մարգարե, որպեսզի առաջնորդի մեզ, արարողություններ, որոնք կապում են մեզ Տիրոջ և միմյանց հետ, և քահանայության զորություն: Մենք հասկանում ենք, թե որտեղ ենք կանգնած երջանկության մեծ ծրագրում: Եվ մենք գիտենք, որ Աստված մեր Հայրն է և որ Նրա Որդին մեր հավատարիմ Բարեխոսն է:

Այսպիսի արտոնություններից մեծ պատասխանատվություն է բխում, քանզի «նրանից, ում շատ տրվել է, շատ էլ պահանջվում է» (ՎևՈւ 82.3)» (“We Are Women of God,” Ensign, նոյ. 1999, 98):

Ալմա 10․6-11 Տիրոջ կանչին ականջ դնելը ուրիշներին բերում է օրհնություններ

Նախագահ Թոմաս Ս. Մոնսոնը կիսվել է հետևյալ պատմությունով, որը ցույց է տալիս Սուրբ Հոգու ոգեշնչմանը հետևելու կարևորությունը.

«Մի երեկո ես մեջքի վրա լողում էի Դեզերեթ մարզահամալիրի լողավազանում, հայացքս հառելով առաստաղին: Լուռ, սակայն շատ հստակ մի միտք եկավ ինձ. «Այստեղ դու գրեթե առանց ջանքերի լողում ես, իսկ քո ընկեր Սթենը տանջվում է իր հիվանդասենյակի մահճակալին, չկարողանալով շարժվել»: Ես հուշում զգացի. «Գնա հիվանդանոց և օրհնություն տուր նրան»:

Ես դադարեցրի իմ լողը, հագնվեցի և շտապեցի Սթենի հիվանդասենյակ: Նրա անկողինը դատարկ էր: Քույրն ասաց, որ նա իր սայլակով գնացել է լողավազանի մոտ՝ թերապիա անցնելու: Ես շտապեցի այնտեղ, գտնելով Սթենին կանգնած լողավազանի ամենախորը հատվածի եզրին: Մենք ողջունեցինք միմյանց և վերադարձանք նրա սենյակ, որտեղ քահանայության օրհնություն տրվեց:

Դանդաղորեն բայց հաստատակամ, Սթենի ոտքերի ուժը և շարժունակությունը վերականգնվեցին: …

Սթենը հաճախ է ելույթ ունենում Եկեղեցու ժողովներին և պատմում նրա հանդեպ Տիրոջ բարության մասին: Ոմանց նա պատմում է դեպրեսիվ մութ մտքերի մասին, որոնք նրան պաշարել էին այդ երեկո, երբ լողավազանի եզրին իր անվասայլակի վրա նստած, թվում էր՝ դատապարտվել էր կյանքի հուսահատությանը: Նա պատմում էր, թե ինչպես էր խորհում այլընտրանքի մասին: Դա այնքան հեշտ կլիներ՝ հրել այդ ատելի սայլակը, դեպի խորը ավազանի խաղաղ ջրերը: Որից հետո կյանքը կավարտվեր: Սակայն հենց այդ պահին նա տեսավ ինձ՝ իր ընկերոջը: Այդ օրը Սթենը սովորեց, որ բառիս բուն իմաստով, մենք միայնակ չենք քայլում: Ես նույնպես այդ օրը դաս քաղեցի. Երբե՛ք, երբե՛ք, երբե՛ք չհետաձգել հուշումներին հետևելը» (“The Spirit Giveth Life,” Ensign, May 1985, 70):

Ալմա 10․22-23 «Արդարների աղոթքները»

Ուշադրություն դարձրեք նրան, թե արդարների աղոթքները ինչ ազդեցություն ունեցան Ամմոնիայի ժողովրդի վրա: Ավելի ուշ՝ Մորոնի զորապետի ու Սամուել Լամանացու օրոք արդարների աղոթքները Նեփիացիներին նաև պաշտպանում են կործանվելուց (տե՛ս Ալմա 62․40; Հելաման 13․12–14):

Նախագահ Սթենսեր Վ. Քիմբալը մեր ժամանակներում արված աղոթքների մասին ասել է հետևյալը.

«Կան շատ ու շատ արդար ու հավատարիմ մարդիկ, ովքեր պահում են բոլոր պատվիրանները և որոնց կյանքն ու աղոթքները աշխարհը պահում են կործանումից» (“Voices of the Past, of the Present, of the Future,” Ensign, June 1971, 16):

Երբ արդարները կործանվեցին կամ հեռացվեցին Ամմոնիայից, արդարների աղոթքները դադարեցին պաշտպանել քաղաքը, և «Ամմոնիացիների յուրաքանչյուր ապրող հոգի կործանվեց» Լամանացիների կողմից (Ալմա 16.9):