Գրադարան
Դաս 40. 2 Նեփի 31

Դաս 40

2 Նեփի 31

Նախաբան

Հիսուս Քրիստոսի ծննդից շատ տարիներ առաջ Նեփին հայտնություն ստացավ Փրկչի մկրտության մասին: Երբ Նեփին իր ժողովրդին պատմեց այս հայտնության մասին, նա ուսուցանեց այն, ինչը կոչեց «Քրիստոսի վարդապետություն», որ հավերժական կյանք ստանալու համար, մենք պետք է հավատք գործադրենք առ Հիսուս Քրիստոսը, ապաշխարենք մեր մեղքերի համար, մկրտվենք, ստանանք Սուրբ Հոգին և տոկանք մինչև վերջ:

Ուսուցանման առաջարկներ

2 Նեփի 31.1–13

Նեփին ուսուցանում է, որ երբ մենք մկրտվում ենք, մենք հետևում ենք Փրկչի օրինակին

Դասը սկսեք ուսանողներին տալով հետևյալ հարցերը.

  • Ի՞նչ եք դուք հիշում ձեր մկրտությունից: Ի՞նչ զգացողություն դուք ունեիք, երբ մկրտվում էիք:

Բացատրեք, որ երբ ուսանողները մկրտվել են, նրանք հետևել են մի օրինակի, որը միշտ եղել է Հիսուս Քրիստոսի ավետարանի մասը: Նեփին այս օրինակի մասին խոսելիս օգտագործել է որոշակի արտահայտություն: Հրավիրեք ուսանողներին փնտրել արտահայտությունը, որ գտնվում է 2 Նեփի 31.2 և 2 Նեփի 31.21-ում: Երբ նրանք կգտնեն «Քրիստոսի վարդապետություն» արտահայտությունը, հարցրեք.

  • 2 Նեփի 31.2, 21-ում որ բառերը կամ արտահայտություններն են հուշում «Քրիստոսի վարդապետության» կարևորության մասին: (Պատասխանները կարող են ներառել «ես պետք է խոսեմ», «չկա ոչ մի այլ ճանապարհ» և «միակ և ճշմարիտ վարդապետություն» արտահայտությունները:)

Ցուցադրեք Հովհաննես Մկրտիչը մկրտում է Հիսուսին նկարը (62133; Gospel Art Book [2009], no. 35): Հրավիրեք ուսանողներին մտքում կարդալ 2 Նեփի 31.5–9, փնտրելով արտահայտություններ, որոնք ներկայացնում են, թե ինչու է Հիսուս Քրիստոսը մկրտվել: (Դուք կարող եք խորհուրդ տալ, որ նրանք նշեն այս հատվածները:) Մի քանի րոպե հետո խնդրեք ուսանողներին կարդալ իրենց գտած արտահայտությունները:

Հովհաննես Մկրտիչը մկրտում է Հիսուսին

  • Ձեր կարծիքով, ի՞նչ է նշանակում «կատարել ամեն արդարություն»: (Ուսանողների պատասխանից հետո դուք կարող եք բացատրել, որ դա նշանակում է պահել պատվիրանները: Նախագահ Ջոզեֆ Ֆ. Սմիթն ասել է. որ «կատարել ամեն արդարություն» նշանակում է «կատարել ամեն օրենք» [in Conference Report, Apr. 1912, 9]:)

Խնդրեք մի ուսանողի բարձրաձայն կարդալ 2 Նեփի 31.10–12:

  • Ինչպե՞ս են այս հատվածները բացատրում մկրտության կարևորությունը: (Նեփին ուսուցանում է, որ մկրտությունը պատվիրան է Երկնային Հոր կողմից, որ այն պահանջվում է Սուրբ Հոգու պարգևը ստանալու համար, և որ այն անհրաժեշտ է Հիսուս Քրիստոսին հետևելու մեր ջանքերում:)

Խնդրեք ուսանողներին ամփոփել 2 Նեփի 31.5–12-ից սովորած վարդապետություններն ու սկզբունքները: Երբ նրանք կիսվեն իրենց մտքերով, համոզվեք, որ նրանք հասկանում են հետևյալ սկզբունքները.

Հիսուս Քրիստոսը հնազանդության կատարյալ օրինակ տվեց մեզ, որին պետք է հետևենք:

Մենք պետք է հետևենք Հիսուս Քրիստոսին, մկրտվենք և ստանանք Սուրբ Հոգին:

Հիսուս Քրիստոսը, լինելով անմեղ, մկրտվեց՝ կատարելու ամեն արդարություն:

Խնդրեք ուսանողներից մեկին բարձրաձայն կարդալ 2 Նեփի 31.13: Ուսանողների ուշադրությունը հրավիրեք «սրտի ողջ նվիրվածությամբ», «չգործելով ոչ կեղծավորություն, ոչ էլ խաբեություն Աստծո առաջ» և «իսկական վճռականությամբ» արտահայտությունների վրա: Դուք կարող եք առաջարկել, որ նրանք ընդգծեն այս արտահայտությունները:

  • Ի՞նչ նշանակություն ունեն այս արտահայտությունները ձեզ համար: (Դուք կարող եք նշել, որ այս բոլոր երեք արտահայտություններն էլ վերաբերվում են Փրկչի հանդեպ հավատք գործադրելու, մեր մեղքերի համար ապաշխարելու և Փրկչի օրինակին հետևելու մեր ջանքերում անկեղծ լինելու անհրաժեշտությանը:)

Որպեսզի օգնեք ուսանողներին խորացնել իրենց հասկացողությունը, թե ինչպես հետևել Փրկչի օրինակին տարբեր իրավիճակներում, տվեք նմանատիպ հարցեր.

  • Ինչպե՞ս կարող են այս արտահայտությունները վերաբերվել այնպիսի գործողություններին, ինչպիսին են՝ ամենօրյա սուրբ գրությունների ընթերցանությունը և Եկեղեցի հաճախելը:

  • Ի՞նչ տարբերություն կա «աղոթք ասելու» և «սրտի ողջ նվիրվածությամբ» աղոթելու միջև:

  • Ի՞նչ տարբերություն կա հաղորդության հացն ուտելու և հաղորդության հացից «անկեղծ միտումով» ճաշակելու միջև:

  • Ի՞նչ տարբերություն կա ասելու միջև, որ դուք ցավում եք ինչ-որ բանի համար, որ արել եք, և «սրտի ողջ նվիրվածությամբ» ապաշխարելու միջև:

2 Նեփի 31.14–21

Նեփին ուսուցանում է, որ մկրտվելուց հետո մենք պետք է ստանանք Սուրբ Հոգին և շարունակենք հետևել Փրկչի օրինակին

Բացատրեք, որ Նեփին խոսում էր դռան մասին, որ բացվում էր դեպի արահետը: Խնդրեք մի ուսանողի բարձրաձայն կարդալ 2 Նեփի 31.17–18: Երբ ուսանողը կարդալն ավարտի, գրատախտակին նկարեք ահա այսպիսի մի պատկեր.

դուռ և արահետ

  • Ըստ 2 Նեփի 31.17-ի ո՞րն է դուռը: (Ապաշխարություն և մկրտություն: Դուռ բառի տակ գրեք Ապաշխարություն և Մկրտություն:) Ինչո՞վ են ապաշխարությունը և մկրտությունը նման դռան:

  • Համաձայն 2 Նեփի 31.18, ո՞ւր է տանում արահետը: (Հավերժական կյանք: Արահետի վերջում գրեք Հավերժական կյանք: Դուք կարող եք բացատրել, որ «հավերժական կյանք» արտահայտությունը վերաբերվում է սելեստիալ արքայությունում վեհացվելուն:)

  • Նեփին ուսուցանեց, որ մկրտությունից հետո մենք ստանում ենք Սուրբ Հոգու պարգևը (տես 2 Նեփի 31.13–14): Համաձայն 2 Նեփի 31.17–18, ի՞նչ է Սուրբ Հոգին անում մեզ համար: (Օգնեք ուսանողներին հասկանալ, որ Սուրբ Հոգին վկայում է Հոր և Որդու մասին, և բերում է մեղքերի թողություն:)

  • Ինչո՞ւ է կարևոր, որ մենք վկայություն ստանանք Հոր և Որդու մասին Սուրբ Հոգու միջոցով:

Որպեսզի օգնեք ուսանողներին հասկանալ Սուրբ Հոգու դերը մեղքերի թողության հարցում, դուք կարող եք բացատրել «կրակով և Սուրբ Հոգով մկրտությունը» արտահայտության իմաստը (2 Նեփի 31.13–14, տես նաև հատված 17): Հրավիրեք մի ուսանողի կարդալ Տասներկու Առաքյալների Քվորումից Երեց Դեյվիդ Ա. Բեդնարի հետևյալ խոսքերը: Դասարանին խնդրեք ուշադրություն դարձնել, թե ինչ է նշանակում մկրտվել կրակով և Սուրբ Հոգով:

«Մկրտության դարպասը տանում է դեպի անձուկ ու նեղ ճանապարհը: …

Մեզ պատվիրված է ապրել այնպես, որպեսզի մեր ընկած էությունը փոխվի Սուրբ Հոգու մաքրող զորությամբ: Նախագահ Մերիոն Գ. Ռոմնին սովորեցրել է, որ Սուրբ Հոգու միջոցով կրակով մկրտվելը «մեզ աշխարհիկից փոխում է դեպի հոգևորը: Այն մաքրում է, բուժում և սրբում հոգին: … Տեր Հիսուս Քրիստոսի հանդեպ հավատքը, ապաշխարությունը և ջրով մկրտությունը նախադրյալներն ու պահանջներն են դրա համար, բայց վերջնակետը [կրակով մկրտվելն] է: [Կրակով մկրտվելու] համար մարդու հանդերձները պետք է լվացվեն Հիսուս Քրիստոսի քավող արյունով» (Learning for the Eternities, comp. George J. Romney [1977], 133; տես նաև 3 Նեփի 27.19–20):

Այսպիսով, երբ մենք ծնվում ենք կրկին և աշխատում Նրա Հոգին միշտ մեզ հետ ունենալ, Սուրբ Հոգին մաքրագործում և սրբագործում է մեր հոգիները կրակով (տես 2 Նեփի 31.13–14, 17): Ի վերջո, մենք պետք է անբիծ կանգնենք Աստծո առաջ» («Սուրբ ձեռքեր և անարատ սիրտ», Ensign կամ Լիահոնա, նոյեմբեր 2007, 81):

  • Ըստ Երեց Բեդնարի և Նախագահ Ռոմնիի, ի՞նչ նշանակություն ունի մեզ համար «կրակով մկրտվելը»:

  • Ի՞նչ լրացուցիչ օրհնություններ մենք կարող ենք ստանալ Սուրբ Հոգու ազդեցության շնորհիվ:

  • Ինչպե՞ս եք դուք «աշխատում Նրա Հոգին միշտ» ձեզ հետ ունենալ:

  • Ե՞րբ եք դուք զգացել, որ Սուրբ Հոգին գործում է ձեր կյանքում:

Բացատրեք, որ 2 Նեփի 31.18-ում նեղ բառը նշանակում է անձուկ, ճշգրիտ, մեծ ջանք ու հմտություն պահանջող և ոչ մի շեղում թույլ չտվող: Նեփին օգտագործել է այս բառը, որ նկարագրի արահետը, որով մենք պետք է գնանք մկրտվելուց հետո՝ հավերժական կյանք ստանալու համար: Խնդրեք ուսանողներին լուռ մտածել հետևյալ հարցի շուրջ.

  • Ի՞նչ պետք է մենք անենք մկրտվելուց հետո, որպեսզի մնանք դեպի հավերժական կյանք տանող արահետի վրա:

Մինչ ուսանողները խորհում են այս հարցի շուրջ, հրավիրեք նրանց պատասխաններ փնտրել 2 Նեփի 31.15–16, 19–21-ում: Դուք կարող եք խորհուրդ տալ, որ նրանք ընդգծեն բառեր կամ արտահայտություններ, որոնք բացատրում են, թե ինչ պետք է մենք անենքհավերժական կյանք ստանալու համար: Բավականաչափ ժամանակ տրամադրելուց հետո հրավիրեք մի քանի ուսանողների կիսվել, թե ինչ են նրանք ընդգծել: Երբ նրանք պատասխանեն, գրեք նրանց պատասխանները գրատախտակին: Ձեր նկարը պետք է նմանատիպ տեսք ունենա.

Eternal Life Steps

Համոզվեք, որ ուսանողները հասկանում են, որ եթե մենք ապրում ենք համաձայն Քրիստոսի վարդապետության, մենք կստանանք հավերժական կյանք:

Դասի վերջում խնդրեք մի ուսանողի բարձրաձայն կարդալ 2 Նեփի 31.20-ը: Նշեք, որ 2 Նեփի 31.19–20-ը սերտման սուրբ գրության հատված է: Դուք կարող եք ուսանողներին խրախուսել նշել այս հատվածը առանձնակի ձևով, որպեսզի նրանք կարողանան այն հեշտությամբ գտնել: Հրավիրեք նրանց պատասխանել հետևյալ հարցերից մեկին իրենց սուրբ գրությունների ուսումնասիրության օրագրերում կամ դասարանային տետրերում.

  • Այս դասին սովորածի հիման վրա ի՞նչն է ձեզ հույս տալիս, որ դուք կարող եք ստանալ հավերժական կյանք:

  • Ի՞նչ ազդեցություն է ունեցել ձեր կյանքի վրա մկրտության ժամանակ կապած ուխտը:

սերտման սուրբ գրությունՍերտման սուրբ գրություն. 2 Նեփի 31.19–20

Կիսվեք Տասներկու Առաքյալների Քվորումից Երեց Ռիչարդ Գ. Սքոթի հետևյալ խոսքերով.

«Մեծ զորություն է պարունակվում սուրբ գրությունները մտապահելու մեջ: Մտապահել սուրբ գրությունը նման է նոր ընկերություն ստեղծելուն: Այն նման է նոր անձի հայտնաբերելուն, որը կարող է օգնել կարիքի ժամանակ, ոգեշնչում և սփոփանք պարգևել և լինել անհրաժեշտ փոփոխության համար լիցքի աղբյուր» («Սուրբ գրության զորությունը», Ensign կամ Լիահոնա, նոյեմբեր 2011, 6):

Պաստառի (կամ թղթի մի կտորի) վրա գրեք Ես անգիր եմ սովորել 2 Նեփի 31.19–20-ը: Պաստառը դրեք այնպիսի մի տեղ, որ ուսանողները տեսնեն այն: Հանձնարարեք ուսանողներին սերտել այս հատվածն ինքնուրույն կամ իրենց ընտանիքների հետ: Հրավիրեք նրանց ստորագրել պաստառի վրա գալիք օրերին, երբ նրանք անգիր սովորեն հատվածը: Եթե նրանք աշխատեն իրենց ընտանիքների հետ այն սերտելու համար, նրանք կարող են պաստառի վրա գրել նաև իրենց ընտանիքի անդամների անունները: Հիշեք, որ հարմարեցնեք այս հանձնարարությունը անհատի ընդունակությունների և պայմանների հետ, որպեսզի յուրաքանչյուր ուսանող հաջողության հասնի:

Կիսվեք ձեր վկայությամբ սուրբ գրությունները սերտելու կարևորության մասին, ինչպես օրինակ 2 Նեփի 31.19–20, որը պարունակում է հույսի խոսքեր:

Նշում. Այսօրվա դասի էության և երկարության պատճառով դուք կարող եք օգտագործել այս վարժությունը մեկ այլ օր, երբ ավելի շատ ժամանակ կունենաք:

Բացատրական և պատմական տեղեկություն

2 Նեփի 31. 2, 21: «Քրիստոսի վարդապետությունը»

Տասներկու Առաքյալների Քվորումից Երեց Ջեֆրի Ռ. Հոլլանդը բացատրել է.

««Քրիստոսի վարդապետությունը», ինչպես ուսուցանվել է Նեփիի կողմից իր փառահեղ ճառի ժամանակ, կենտրոնացած է առ Հիսուս Քրիստոս հավատքի, ապաշխարության, ընկղմամբ մկրտության, Սուրբ Հոգու պարգևը ստանալու և մինչև վերջ համբերելու վրա: Այս հայտարարությունը չի ամփոփում փրկության ողջ ծրագիրը, քրիստոնեական կյանքի ողջ առաքինությունը կամ պարգևները, որ սպասում են մեզ երկնային փառքի տարբեր աստիճաններում: Այս հայտարարությունում չեն նշվում քահանայության կոչումները, տաճարային արարողությունները կամ շատ այլ ճշմարիտ վարդապետություններ: Այս բոլորն էլ կարևոր են, սակայն ինչպես ասվում է Մորմոնի Գրքում, «Քրիստոսի վարդապետությունը» պարզ է և շիտակ: Այն բացառապես կենտրոնանում է ավետարանի առաջին սկզբունքների վրա, ներառելով քաջալերման արտահայտում, որ համբերենք, հաստատակամ լինենք և առաջ մղվենք: Իսկապես, «Քրիստոսի վարդապետության» պարզության ու շիտակության մեջ է գտնվում դրա ողջ ուժը: Նեփին գիտեր, որ դա այդպես է լինելու: Նա գրել է. Նա գրել է. «Ես կխոսեմ ձեզ հետ պարզ` համաձայն իմ մարգարեանալու պարզության» 2 Նեփի 31.2» (Christ and the New Covenant: The Messianic Message of the Book of Mormon 1997, 49–50):

2 Նեփի 31.13: «Չգործելով կեղծավորություն»

Տասներկու Առաքյալների Քվորումից Երեց Ջոզեֆ Բ. Վիրթլինը խոսել է առանց կեղծավորության գործելու մասին.

«Արդյո՞ք մենք իսկապես ապրում ենք ավետարանի համաձայն, թե մենք պարզապես ցուցադրում ենք արդարություն, որպեսզի մեր շուրջը եղողները ենթադրեն, որ մենք հավատարիմ ենք, երբ իրականում մեր սրտերը և թաքուն գործերը չեն համապատասխանում Տիրոջ ուսմունքներին:

Արդյո՞ք մենք վերցնում ենք լոկ «աստվածայնության կերպարանք», մինչ ուրանում ենք «նրա զորությունը»:[Ջոզեֆ Սմիթ—Պատմություն 1.19:]

Արդյո՞ք մենք իսկապես արդար ենք, թե մենք ձևացնում ենք, թե հնազանդ ենք, միայն այն ժամանակ, երբ մենք կարծում ենք, թե ուրիշները հետևում են մեզ:

Տերը պարզ ասել է, որ Նա չի խաբվի արտաքինով, և Նա նախազգուշացրել է մեզ կեղծ չլինել Իր կամ ուրիշների հանդեպ: Նա նախազգուշացրել է մեզ զգուշանալ նրանցից, ովքեր կեղծավոր են, ովքեր լուսավոր են ձևանում, սակայն թաքցնում են ավելի խավար իրականությունը» (“True to the Truth,” Ensign, May 1997, 15–16):

Խորհուրդ տալով անդամներին, որ գործեն անկեղծ միտումով և չտրվեն զգացմունքներին, Տասներկու Առաքյալների Քվորումից Երեց Ջեֆրի Ռ. Հոլլանդն ասել է.

«Այս ամենահիմնական ուսմունքներին հետևելը մեզ համար բացում է դեպի Քրիստոս տանող բազմաթիվ հոյակապ ուղիներ՝ աղոթք, ծոմապահություն և Նրա նպատակների շուրջ խորհրդածել, սուրբ գրությունները ուսումնասիրել, ուրիշներին ծառայել, «թույլերին սատարել, ընկած ձեռքերը բարձրացնել, տկար ծնկները ամրացնել»:(ՎևՈւ 81․5) Ամեն ինչից առավել, «Քրիստոսի մաքուր սիրով» սիրելը, այդ պարգևը, որը «տևում է հավերժ», այդ պարգևը, որ «տանում է ամեն բան, հավատում է ամեն բանի, ամեն բանի հույս ունի, և ամեն բանի համբերում է»: [Տես Մորոնի 7.45–47:] Այդպիսի սեր ունենալով շուտով մենք հասկանում ենք, որ մեր օրերը բռնել են այն ճանապարհը, որն առաջնորդում է դեպի Ուսուցիչը և որ ամեն անգամ, երբ մենք որքան էլ տկարորեն հասնում ենք Նրան, մենք բացահայտում ենք, որ Նա ջանասիրաբար փորձում է հասնել մեզ: …

Իմ ցանկությունն է այսօր, որ մենք բոլորս էլ ունենանք Փրկչի օրինակին հետևելու անձնական փորձառություն: Երբեմն մենք չափազանց անուղղակիորեն ենք փնտրում երկինքը, կենտրոնանալով ծրագրերի կամ պատմության կամ ուրիշների փորձառության վրա: Դրանք կարևոր են, սակայն ոչ այնքան կարևոր, որքան անձնական փորձառությունը, ճշմարիտ աշակերտությունը և ամրությունը, որ գալիս է Նրա հպման փառահեղության անձնական փորձառությունից» (“Broken Things to Mend,” Ensign or Liahona, May 2006, 70):

2 Նեփի 31.13, 17–18: «Ստացիր Սուրբ Հոգին»

Երեց Դեյվիդ Ա. Բեդնարն ուսուցանել է.

«Եկեղեցու նոր անդամի հաստատման և Սուրբ Հոգու շնորհման արարողությունը և պարզ, և շատ խորիմաստ է: Մելքիսեդեկյան Քահանայության արժանի կրողները դնում են իրենց ձեռքերը անհատի գլխի վրա և արտասանում նրա անունը: Այնուհետև, սուրբ քահանայության իշխանությամբ և Փրկչի անունով, անհատը հաստատվում է որպես Հիսուս Քրիստոսի Վերջին Օրերի Եկեղեցու անդամ և ասվում է այս կարևոր արտահայտությունը՝ «Ստացիր Սուրբ Հոգին»:

Այս արարողության պարզությունը կարող է աննկատելի դարձնել դրա նշանակությունը: Այս երեք բառերը` «Ստացիր Սուրբ Հոգին», պասիվ արտահայտություն է. ավելի ճիշտ, դրանք իրենցից ներկայացնում են քահանայության հրաման` գործելու և ոչ թե ներգործվելու լուրջ զգուշացում (տես 2 Նեփի 2.26): Սուրբ Հոգին չի սկսում գործել մեր կյանքում լոկ այն պատճառով, որ ձեռքեր են դրվել մեր գլխին և այդ կարևոր երեք բառերն ասվել են: Երբ մենք ստանում ենք այս արարողությունը, մեզանից յուրաքանչյուրն ընդունում է սուրբ և շարունակվող պարտականություն` ցանկանալու, փնտրելու, աշխատելու և այնպես ապրելու, որ մենք իսկապես «ստանանք Սուրբ Հոգին» և դրան ուղեկցող հոգևոր պարգևները: …

Աղոթելը, ուսումնասիրելը, հավաքվելը, երկրպագելը, ծառայելը և հնազանդվելը ավետարանի անելիքների ցուցակում մեկուսացված և անկախ կետեր չեն: Դեռ ավելին, այս ազնիվ սովորություններից յուրաքանչյուրը կարևոր տարր է` հոգևոր փնտրտուքներում Սուրբ Հոգին ստանալու կոչն իրագործելիս: Աստծո պատվիրաններին հնազանդվելով և Եկեղեցու ղեկավարների հոգևոր խորհրդին հետևելով, մենք մեծապես կենտրոնանում ենք Հոգու ընկերակցությանը հասնելու վրա: Հիմնականում ավետարանի բոլոր ուսմունքներն ու միջոցառումները կենտրոնացած են մեր կյանքում Սուրբ Հոգին ստանալու միջոցով դեպի Քրիստոսը գալու վրա» («Ստացիր Սուրբ Հոգին», Ensign կամ Լիահոնա, նոյեմբեր 2010, 95, 97):

Հետևյալ մեջբերումը թվարկում է որոշ օրհնություններ, որոնք մենք կարող ենք ստանալ, երբ մենք արժանի ենք Սուրբ Հոգու ընկերակցությանը:

«[Սուրբ Հոգին] կարող է առաջնորդել ձեզ որոշումներ կայացնելիս և պաշտպանել ձեզ ֆիզիկական և հոգևոր վտանգից:…

Նա Մխիթարիչն է (Հովհաննես ԺԴ.26):… Հոգու շշունջները կարող են ցրել ձեր վախը, հանդարտեցնել ձեր կյանքի տանջող անհանգստությունները և մխիթարել ձեզ, երբ դուք վշտացած եք: Սուրբ Հոգին կարող է լցնել ձեզ «հույսով և կատարյալ սիրով» և «սովորեցնել ձեզ արքայության խաղարարար բաները» (Մորոնի 8.26, ՎևՈՒ 36.2): …

Սուրբ Հոգու պարգևի լիարժեք վայելքը ներառում է հայտնություն և մխիթարություն ստանալը, ուրիշներին հոգևոր պարգևների միջոցով ծառայելը և օրհնելը, և մեղքից սրբագործվելը և սելեստիալ արքայությունում վեհացվելու համար պատրաստ լինելը» (True to the Faith: A Gospel Reference [2004], 82–83):

2 Նեփի 31.15-16: «Համբերեք մինչև վերջ»

«Համբերեք մինչև վերջ» արտահայտությունը հաճախ օգտագործվում է այն իմաստով, որ համբերատար տանենք դժվարությունները մեր ողջ կյանքի ընթացքում: Երեց Ջոզեֆ Բ. Վիրթլինը բացատրել է, որ մինչև վերջ համբերելը նաև նշանակում է շարունակել հավատարիմ լինել Քրիստոսին.

«Մինչև վերջ համբերելը շարունակ այն արահետի վրա լինելու վարդապետությունն է, որը տանում է հավերժական կյանք այն բանից հետո, երբ մարդը կանգնում է այդ արահետի վրա հավատի, ապաշխարության, մկրտության և Սուրբ Հոգին ստանալու միջոցով: Մինչև վերջ համբերելը պահանջում է մեր ողջ սիրտը կամ, ինչպես սովորեցնում է Մորմոնի Գրքի մարգարե Ամուղեկը, մենք պետք է գանք «նրա մոտ և մատուցենք [մեր] ողջ հոգիները նրան՝ որպես ընծա, և շարունակենք ծոմով ու աղոթքով և համբերենք մինչև վերջ, և ինչպես կենդանի է Տերը, [մենք] կփրկվենք»:[Օմնի 1.26:]

Մինչև վերջ համբերելը նշանակում է, որ մենք մեր կյանքը ամուր հաստատել ենք ավետարանի հողի վրա՝ մնալով Եկեղեցու հիմնական ուղղության վրա, խոնարհաբար ծառայելով մեր մերձավորներին, ապրելով քրիստոսանման կյանքով և պահելով մեր ուխտերը: Նրանք, ովքեր համբերում են, հավասարակշռված են, կայուն, խոնարհ, շարունակաբար կատարելագործվում են և անմեղ են: Նրանց վկայությունը աշխարհիկ հիմնավորում չունի. այն հիմնված է ճշմարտության, գիտելիքի, փորձառության և Հոգու վրա» (“Press On,” Ensign or Liahona, Nov. 2004, 101):

2 Նեփի 31–33: Սուրբ Հոգի

Նեփիի վերջին ուսուցանումները Մորմոնի Գրքում ներառում են բազում ճշմարտություններ Սուրբ Հոգու վերաբերյալ: Օրինակ.

  1. Սուրբ Հոգին ձեզ հնարավորություն է տալիս խոսել «հրեշտակների լեզվով» (տես 2 Նեփի 31.13):

  2. Մեղքերի թողությունը գալիս է Սուրբ Հոգու զորության շնորհիվ (տես 2 Նեփի 31.17):

  3. Սուրբ Հոգին վկայում է Հոր և Որդու մասին (տես 2 Նեփի 31.18):

  4. Սուրբ Հոգին ձեզ ցույց կտա բոլոր բաները, որ դուք պետք է անեք (տես 2 Նեփի 32.5):

  5. Սուրբ Հոգին մարդկանց սովորեցնում է աղոթել (տես 2 Նեփի 32.8):

  6. Երբ մարդ խոսում է Սուրբ Հոգու զորությամբ, Սուրբ Հոգին զ տանում է այդ ուղերձը մինչև մյուսների սրտերը (տես 2 Նեփի 33.1):