Ալմա 18

Նախաբան

Թագավոր Լամոնին ապշեց Ամմոնի ուժից, որը վերջինս դրսևորեց, պաշտպանելով թագավորի հոտերը: Նա նույնիսկ սկսեց հավատալ, որ Ամմոնը Մեծ Հոգին էր: Ամմոնը զգաց թագավորի մտքերը Սուրբ Հոգու զորությամբ և սկսեց ուսուցանել նրան ավետարանը: Թագավոր Լամոնին հավատաց այն ամենին, ինչ ուսուցանեց Ամմոնը, ընդունեց Փրկչի կարիքը, աղաղակեց Տիրոջը ողորմածության համար և նրան այցելեց Հոգին:

Ուսուցանման առաջարկներ

Ալմա 18.1–11

Թագավոր Լամոնին ապշեց Ամմոնի հավատարմությունից

Ալմա 17 գլխի վերջում պատմության արագ վերանայումը կօգնի ուսանողներին տեսնել ենթատեքստըԱլմա 18 գլխում: Այն նաև կօգնի նրանց հասկանալ Ալմա 18-ի ուղերձը: Ստուգելու համար Ալմա 17-ը, հարցրեք ուսանողներին, թե արդյոք հետևյալ մտքերը ճշմարիտ են: Կարող եք հանձնարարել նրանց գրել իրենց պատասխանները:

Քանի որ թագավոր Լամոնին գոհ էր Ամմոնից, նա առաջարկեց իր դուստրերից մեկին դառնալ Ամմոնի կինը: (Ճիշտ է: Տես Ալմա 17.24:)
Ամմոնն ասաց, որ նա կամենում էր լինել թագավորի ծառան: (Ճիշտ է: Տես Ալմա 17.25:)
Ամմոնը վախենում էր իր կյանքի համար, երբ մի խումբ Լամանացիներ ցրեցին թագավորի հոտերը (Կեղծ է: Տես Ալմա 17.28–30:)
Մեծ զորությամբ Ամմոնը կռվեց Լամանացիների դեմ և կտրեց նրանց բազուկները, ովքեր բարձրացրեցին իրենց մահակները նրա դեմ: (Ճիշտ է: Տես Ալմա 17.37–38:)

Այս վարժությունը կատարելուց հետո, հավաստիացեք, որ ուսանողները գիտեն ճիշտ պատասխանները:

Հարցրեք ուսանողներին, թե նրանք երբևէ վախեցե՞լ են կամ անհամապատասխան զգացել են, որ հանձնարարությունը կամ պարտականությունը խիստ դժվար էր եղել իրենց համար: Ասացեք նրանց, որ այսօրվա դասում նրանք կսովորեն սկզբունքներ, որոնք կօգնեն նրանց այդպիսի իրավիճակներում:

Բաժանեք դասարանը երկու մասի: Հանձնարարեք մեկ կեսին կարդալ Ալմա 18.1–4, իսկ մյուս կեսին՝ Ալմա 18.8–11: Երբ կարդան, նրանց հանձնարարեք մտածել, թե ինչպես Ամմոնի հավատարմությունը ուղի նախապատրաստեց Լամոնիին և նրա ժողովրդին ուսուցանելու համար: Երբ նրանց բավականաչափ ժամանակ տաք կարդալու համար, ուղղեք հետևյալ հարցերը.

Ի՞նչ էին մտածում թագավորը և նրա ծառաները Ամմոնի ինքնության մասին:
Համաձայն Ալմա 18.2, 4 հատվածների, ի՞նչ էր մտածում Լամոնին Ամմոնի գալու նպատակի մասին: (Պատժել ժողովրդին իրենց սպանությունների համար և արգելել Լամոնիին իր ծառաներից ավելի շատերին սպանել:)
Համաձայն Ալմա 18.10-ի, ի՞նչը տպավորեց Լամոնիին բացի հոտերը պաշտպանելիս Ամմոնի ցուցադրած ուժից: (Դուք կարող եք խրախուսել ուսանողներին նշել հավատարմություն և հավատարիմ բառերը:)

Գրեք հետևյալ անավարտ միտքը գրատախտակին. Երբ մենք հավատարմորեն ծառայում ենք ուրիշներին, …:

Խնդրեք ուսանողներին մտածել, թե ինչպես կլրացնեին այս նախադասությունը, շարունակելով Ալմա 18 -ի իրենց ուսումանսիրությունը :

Ալմա 18.12–43

Երբ Ամմոնը ուսուցանում է փրկագնման ծրագիրը, Լամոնին ընդունում է իր համար Փրկչի կարիքը:

Ուսանողներին օգնելու համար հասկանալ Ամմոնի ուսուցանող ուժը և այն մեծ փոփոխությունը, որ թագավոր Լամոնին սկսեց զգալ, ներկայացրեք Ալմա 18.12–35 հատվածները որպես ընթերցողի թատրոն: Ընտրեք չորս ուսանողների և յուրաքանչյուրին հանձնարարեք մի մաս: Թող մեկը ծառայի որպես պատմող, իսկ մյուս երեքին հանձնարարեք կարդալ Ամմոնի, թագավոր Լամոնիի և թագավորի ծառաներից մեկի խոսքերը: Կարող եք օգնել ուսանողներին պատրաստվել, նրանց մասեր հանձնարարելով նախօրոք, գուցե դասից մեկ օր առաջ կամ հենց դասը սկսելուց առաջ:

Հանձնարարեք չորս ուսանողների կարդալ իրենց մասերը Ալմա 18.12–15-ից: Խնդրեք դասարանին ընթացքում հետևել տեքստին իրենց սուրբ գրություններում, փնտրելով Լամոնիի վրա գործած Ամմոնի ծառայության ազդեցությունը:Հատված 15-ը կարդալուց հետո, դադարեցրեք ընթերցողի թատրոնը և խնդրեք ուսանողներին կիսվել իրենց գտածով:

Ի՞նչ եք կարծում, ինչո՞ւ էր Լամոնին լուռ Ամմոնի առաջ: (Անհրաժեշտության դեպքում, օգնեք ուսանողներին հիշել, որ Լամոնին վախով էր լցված իր կատարած սպանությունների համար և անհանգստացած էր՝ կարծելով, որ Ամմոնը Մեծ Հոգին էր և եկել էր իրեն պատժելու:)

Շարունակեք ընթերցողի թատրոնը, հրավիրելով մասնակիցներին կարդալ իրենց դերերը Ալմա 18.16–21-ից: Խրախուսեք դասարանին փնտրել ապացույց, որ Աստծո զորությունն Ամմոնի հետ էր:

Ինչպե՞ս Աստծո Հոգին օգնեց Ամմոնին այս իրավիճակում:
Ի՞նչ էր ուզում Լամոնին իմանալ Ամմոնից:
Պատմության այս մասում ի՞նչ գիտեր Լամոնին Ամմոնի մասին: (Նա գիտեր, որ Ամմոնն աշխատում էր անսովոր ուժով և կարողանում էր իմանալ մյուս մարդկանց մտքերը:)

Ուսանողների ուշադրությունը հրավիրեք գրատախտակին գրված անավարտ մտքին.Երբ մենք հավատարմորեն ծառայում ենք ուրիշներին, …:

Հիմնվելով այսօր Ալմա17–18-ից ձեր սովորածի վրա, ինչպե՞ս կլրացնեիք այս նախադասությունը: (Ուսանողները կարող են պատասխանել տարբեր ձևերով: Նրանց պատասխաններն ամփոփելով, ավարտեք գրատախտակի վրա գրված միտքը հետևյալ ձևով. Երբ մենք հավատարմորեն ծառայում ենք ուրիշներին, մենք կարող ենք օգնել նրանց պատրաստվել ընդունելու ավետարանի ճշմարտությունները: )

Հրավիրեք մասնակիցներին կարդալ իրենց մասերը Ալմա 18.22–32-ից: Խնդրեք դասարանին հետևել՝ փնտրելով հատուկ ճշմարտություններ, որոնք Ամմոնը սովորեցրեց Լամոնիին: Դուք կարող եք առաջարկել ուսանողներին նշել այդ ճշմարտություններն իրենց սուրբ գրություններում: Ապա խնդրեք նրանց հաղորդել ճշմարտությունները, որոնք նրանք նշել են: Պատասխանները գրեք գրատախտակին:

Հրավիրեք մասնակիցներին կարդալ իրենց մասերը Ալմա 18.33–35 հատվածներում: Խնդրեք դասարանին փնտրել, թե ինչպես Ամմոնը բացատրեց թագավորի մտքերն իմանալու իր ունակությունը և թագավորի հոտերը պաշտպանելու իր կարողությունը: Ընթերցողի թատրոնն ավարտելուց հետո, մասնակիցներին շնորհակալություն հայտնեք նրանց օգնության համար: Հրավիրեք ուսանողներին հայտնել իրենց գտածները: Ուսանողներին օգնելու համար տեսնել, թե ինչպես Աստված օրհնեց Ամմոնին՝ Լամոնիին և նրա ժողովրդին ծառայելու համար, հարցրեք.

Որո՞նք են այն բաները, որոնք Ամմոնը կարողացավ անել, սակայն որոնք նրա բնական կարողությունից վեր էին:

Նշեք, որ երբ Ամմոնը ծառայում էր թագավոր Լամոնիին, նա նաև ծառայում էր Երկնային Հորը և Հիսուս Քրիստոսին: Գրեք հետևյալը գրատախտակին. Երբ մենք հավատարմորեն ծառայում ենք Երկնային Հորը և Հիսուս Քրիստոսին, …:

Հիմնվելով նրա վրա, ինչ սովորեցիք Ամմոնի օրինակից, ինչպե՞ս կլրացնեիք այս միտքը: (Ոսանողները գուցե տարբեր ձևերով պատասխանեն: Նրանց պատասխաններն ամփոփելու համար, լրացրեք գրատախտակի վրա գրված միտքը հետևյալ ձևով. Երբ մենք հավատարմորեն ծառայում ենք Երկնային Հորը և Հիսուս Քրիստոսին, Նրա աշխատանքը կատարելու մեր ունակությունն աճում է: )
Ինչպե՞ս կարող է այս սկզբունքը վերաբերել մեկին, ով վախենում է կամ զգում է, թե հանձնարարությունը կամ պարտականությունը խիստ դժվար է:
Ե՞րբ եք զգացել, որ Երկնային Հայրը և Հիսուս Քրիստոսն օգնել են ձեզ կատարել Իրենց աշխատանքը: (Դուք կարող եք պատմել այն մասին, թե ինչպես են Երկնային Հայրը և Հիսուս Քրիստոսը մեծացրել ձեր ունակություններն Իրենց ծառայության մեջ: Կամ դուք կարող եք կիսվել մեկ ուրիշի կյանքից օրինակով:)

Այս սկզբունքը կիրառելու հարցում ուսանողներին օգնելու համար գրեք հետևյալ հարցերը գրատախտակին: Խնդրեք ուսանողներին այս հարցերից մեկի համար գրել իրենց պատասխանները:

Ինչպե՞ս կարող է այս սկզբունքն օգնել ձեզ ձեր ներկա և ապագա պարտականություններում:

Ինչպե՞ս կարող եք դուք ավելի հավատարիմ լինել, որպեսզի զգաք, որ Տերը մեծացնում է Իր աշխատանքը կատարելու ձեր ունակությունը:

Բացատրեք, որ Լամոնիին ուսուցանելիս Ամմոնի մոտեցումը Ալմա 18.36–39-ում օրինակ է այսօր միսիոներների կողմից օգտագործելու համար: Նա ուսուցանեց փրկագնման ծրագրի, ներառյալ՝ Արարման, Ադամի և Եվայի Անկման, և Հիսուս Քրիստոսի Քավության մասին: Խնդրեք ուսանողներին խորհել հետևյալ հարցի շուրջ.

Ի՞նչ եք կարծում, ինչո՞ւ է կարևոր ուսուցանել Արարման և Անկման մասին, երբ ուսուցանում ենք Հիսուս Քրիստոսի Քավության մասին:

Հրավիրեք որևէ ուսանողի կարդալ Տասներկու Առաքյալների Քվորումից Երեց Ռասսել Մ. Նելսոնի հետևյալ միտքը .

«Նախքան Քրիստոսի Քավությունը ըմբռնելը … մենք պետք է հասկանանք Ադամի Անկումը: Իսկ նախքան Ադամի Անկումը հասկանալը, մենք պետք է հասկանանք Արարումը: Փրկության ծրագրի այս երեք էական բաղադրիչները կապված են միմյանց հետ: …

… Քավության միջոցով հավերժական կյանքը հնարավոր դարձնելը Արարման գերագույն նպատակն է» (“The Atonement,” Ensign, Nov. 1996, 33, 35):

Եթե այս երեք վարդապետություններն արդեն գրատախտակին չեն, ավելացրեք դրանք այն ցուցակին, որ գրել եք ընթերցողների թատրոնի ժամանակ: Հրավիրեք որևէ ուսանողի բարձրաձայն կարդալ Ալմա 18.36–39: Խնդրեք դասարանին ընթացքում հետևել, փնտրելով Ամմոնի կողմից Լամոնիին ուսուցանած Արարման, Անկման և Քավության բաղադրիչները: Հանձնարարեք նրանց կիսվել իրենց գտածով:

Ինչպե՞ս կարող էին Արարման, Անկման և Քավության վարդապետություններն օգնել Լամոնիին հասկանալ Փրկչի կարիքը:

Խնդրեք ուսանողներին մտքում կարդալ Ալմա 18.40–43 և գտնել, թե Լամոնին ինչի համար աղոթեց ի պատասխան Ամմոնի ուսուցման: Դուք կարող եք խրախուսել ուսանողներին նշել Լամոնիի աղերսանքը:

Ի՞նչ ցույց տվեց Լամոնիի աղոթքն այն մասին, թե ինչ էր նա հասկացել իր և իր ժողովրդի վերաբերյալ: (Նա հասկացավ, որ նրանք մեղանչել էին և կարիք ունեին ներման:)
Ի՞նչ կարող ենք սովորել Լամոնիից այն բանի վերաբերյալ, թե ինչ է պատահում, երբ մենք հասկանում ենք, որ Փրկչի կարիքն ունեք: (Երբ ուսանողները պատասխանեն այս հարցին, օգնեք նրանց նշել հետևյալ սկզբունքը. Երբ մենք հասկանանք Փրկչի կարիքը մեզ համար, մենք կցանկանանք ապաշխարել: Դուք կարող եք հրավիրել ուսանողներին գրել այս սկզբունքը իրենց սուրբ գրություններում Ալմա 18.40–41 հատվածներիկողքին: Նշեք, որ չնայած ապաշխարության հետ կապված մեր անձնական փորձառությունները տարբերվում են, մենք բոլորս կարող ենք հետևել թագավոր Լամոնիի օրինակին, երբ անկեղծորեն խնդրում ենք Աստծո ողորմածությունը:)

Հրավիրեք ուսանողներին գրել հետևյալ հարցի իրենց պատասխանները.

Ի՞նչ կարող եք անել, որպեսզի հիշեք Փրկչի կարիքը:

Բացատրական և պատմական տեղեկություն

Ալմա 18․36-39 Ուսուցանել փրկության ծրագիրը

Երբ Ամմոնն ուսուցանեց Լամոնիին, «նա սկսեց աշխարհի ստեղծումից», և ապա նա ուսուցանեց «մարդու անկման մասին» (Ալմա 18.36): Ի վերջո, նա «մեկնաբանեց նրանց համար փրկագնման ծրագիրը», հատկապես «Քրիստոսի գալստյան վերաբերյալ» (Ալմա 18.39): Նույն ձևով Ահարոնը ուսուցանեց այս վարդապետությունները Լամոնիի հորը (տես Ալմա 22.12–14):

Երեց Բրյուս Ռ. ՄակՔոնկին՝ Տասներկու Առաքյալների Քվորումից անվանել այս հմնադրույթային վարդապետությունները՝ Արարումը, Անկումը և Քավությունը «հավերժության երեք սյուներ» և «մեծագույն իրադարձություններ, որոնք երբևէ տեղի են ունեցել ողջ հավերժության մեջ»: Նա բացատրել է.

«Եթե մենք կարողանանք ձեռք բերել հասկացողություն դրանց մասին, ապա հավերժության ողջ պատկերը կընկնի իր տեղը և մենք ի վիճակի կլինենք իրագործել մեր փրկությունը: …

… Այս երեքը հիմնադրույթներ են, որոնց վրա հենվում են բոլոր բաները: Առանց դրանցից որևէ մեկի բոլոր բաները կկորցնեին իրենց նպատակն ու իմաստը, և Աստվածության ծրագրերն ու նախագծերը կոչնչանային» (“The Three Pillars of Eternity” [Brigham Young University devotional address, Feb. 17, 1981], 1, speeches.byu.edu):

Երեց Ռասսել Մ. Բալլարդը՝ Տասներկու Առաքյալների Քվորումից բացատրել է, թե ծրագրի յուրաքանչյուր բաղկացուցիչ մաս որքան կարևոր է.

«Ծրագիրը պահանջում էր Արարում, իսկ այն, իր հերթին, պահանջում էր ինչպես Անկում, այնպես էլ՝ Քավություն: Սրանք ծրագրի հիմնական բաղկացուցիչ մասերն են: Դրախտային մոլորակ ստեղծելու ծրագիրն եկել է Աստծուց: Մահկանացու կյանքը և մահը աշխարհ եկան Ադամի Անկումով: Անմահությունը և հավերժական կյանքի հնարավորությունը տրվել են Հիսուս Քրիստոսի Քավության միջոցով: Արարումը, Անկումը և Քավությունը ծրագրվել էին Արարման իրական աշխատանքը սկսվելուց շատ առաջ» (“The Creation,” Ensign, May 2000, 84):

Բացի այս նույն վարդապետություններն ոււսուցանելուց, Ամմոնն ու Ահարոնը օգտագործեցին նմանատիպ մոտեցում իրենց ուսուցանման ժամանակ: Նրանք ուսուցանեցին պարզությամբ, մի ձևով, որ իրենց լսողները կարողանային հասկանալ(տես Ալմա 18․24–30; 22.7–11): Նրանք ուսուցանեցին սուրբ գրություններից (տես Ալմա 18.36–39, 22.12–14): Նրանց ուսուցումները առաջնորդեցին մյուսներին աղոթել (տես Ալմա 18.40–41, 22.15–18):