Մոսիա 27

Նախաբան

Ալմա Կրտսերը և Մոսիա թագավորի որդիները ապստամբեցին իրենց հայրերի և Տիրոջ դեմ և փորձեցին կործանել Աստծո Եկեղեցին: Նրանց ջանքերին վերջ դրվեց, երբ մի հրեշտակ, ուղարկված լինելով արդարների աղոթքներին ի պատասխան, կանչեց նրանց ապաշխարության: Որպես այս հրաշք փորձառության արդյունք, նրանք վերածնվեցին Հիսուս Քրիստոսի Քավության շնորհիվ, և նրանք շրջեցին Զարահեմլայի երկրով մեկ, որ քարոզեին ավետարանը և հատուցեին վնասները, որ իրենք հասցրել էին:

Ուսուցանման առաջարկներ

Մոսիա 27.1–22

Հրեշտակը ապաշխարության է կանչում Ալմա Կրտսերին և Մոսիայի որդիներին

Այս դասին ենթատեքստ ապահովելու համար ամփոփեք Մոսիա 27.1–7, բացատրելով, որ Զարահեմլայում անհավատներից շատերը սկսեցին հալածել նրանց, ովքեր պատկանում էին Եկեղեցուն: Այն բանից հետո, երբ Մոսիա թագավորը մի հրովարտակ ուղարկեց, որը արգելում էր նման արարքները, մարդկանց մեծամասնությունը հնազանդվեցին և խաղաղությունը վերականգնվեց: Այնուամենայնիվ, որոշ մարդիկ շարունակեցին փորձել կործանել Եկեղեցին: Այդ մարդկանցից հինգը Ալմայի որդի Ալման էր և Մոսիայի որդիներ Ամմոնը, Ահարոնը, Օմները և Հիմնին: Ալմայի որդի Ալմային հաճախ կոչում են Ալմա Կրտսեր:

Հրավիրեք ուսանողներից մեկին բարձրաձայն կարդալ Մոսիա 27.8–10: Խնդրեք դասարանին ներկայացնել բառեր և արտահայտություններ, որոնք նկարագրում են Ալմա Կրտսերին և Մոսիայի որդիներին:

Ալմայի և Մոսիայի որդիների նկարագրության ո՞ր մասն է ամենաշատը տպավորվել ձեր մեջ: Ինչո՞ւ: (Գրատախտակին իրար տակ գրեք բառեր և արտահայտություններ, մինչ ուսանողները ներկայացնում են դրանք: Գրատախտակին տեղ թողեք, որպեսզի ավելի ուշ դասի ընթացքում կազմեք երկրորդ սյունակը:)

Խնդրեք ուսանողներին լուռ խորհել հետևյալ հարցերի շուրջ.

Եթե դուք այդ ժամանակ ապրեիք Զարահեմլայում, ձեր կարծիքով, դուք ինչպե՞ս կարձագանքեիք Ալմայի և Մոսիա թագավորի որդիների արարքներին:

Ցուցադրեք Ալմա Կրտսերի դարձի գալը նկարը (Gospel Art Book [2009], no. 77): Խնդրեք ուսանողներին մտքում կարդալ Մոսիա 27.11–13, որն այս նկարում ներկայացված պատմությունն է: Ապա հրավիրեք ուսանողներից մեկին բարձրաձայն կարդալ Մոսիա 27.14: Խնդրեք դասարանին փնտրել պատճառները, որոնք տվեց հրեշտակը, Ալմայի և Մոսիայի որդիների մոտ գալու համար:

Ի՞նչ է սովորեցնում այս հատվածն այն մասին, թե ինչպես մենք կարող ենք օգնել ուրիշներին, ովքեր դժվարություններ են ունենում: (Համոզվեք, որ ուսանողները հասկանում են, որ Տերը պատասխանում է ուրիշների համար ասված մեր հավատարիմ աղոթքներին: Դուք կարող եք գրել այս սկզբունքը գրատախտակին և խորհուրդ տալ, որ ուսանողները գրեն այն իրենց սուրբ գրություններում Մոսիա 27.14–ի կողքին: Դուք կարող եք նաև խորհուրդ տալ, որ նրանք ավելացնեն մի հղում՝ Հակոբոս Ե.16: Նշեք, որ Տերը պատասխանում է մեր աղոթքներին ոչ միայն նրանց համար, ովքեր հոգևոր դժվարությունների են հանդիպում, այլ նաև նրանց համար, ովքեր ունեն այլ դժվարություններ և կարիքներ:)
Ե՞րբ են մեկ ուրիշի աղոթքները փոխել ձեր կյանքը:
Ե՞րբ եք դուք զգացել, որ ձեր աղոթքները փոխել են մեկ ուրիշի կյանքը:

Խրախուսեք ուսանողներին շարունակել աղոթել ուրիշների համար: Վկայեք, որ Ալմա Կրտսերի և Մոսիայի որդիների պատմությունը ապացուցում է, որ Տերը լսում է ուրիշների համար հղված մեր աղոթքները: Նա չի անտեսի նրանց ազատ ընտրությունը, ում համար մենք աղոթում ենք, սակայն Նա կլսի մեր աղոթքները և Նա կպատասխանի Իր ճանապարհով և Իր ժամանակին:

Հրավիրեք ուսանողներից մեկին կանգնել դասարանի առաջ և բարձրաձայն կարդալ Մոսիա 27.15–16: Բացատրեք, որ սրանք Ալմային և Մոսիայի որդիներին ուղղված հրեշտակի խոսքերն են: Նշեք, որ հրեշտակը խոսեց «որոտի ձայնով, որից գետինը ցնցվեց» (Մոսիա 27.11):

Հրեշտակի արածներից և ասածներից ի՞նչն է տպավորություն գործում ձեզ վրա: Ինչո՞ւ է դա տպավորություն գործում ձեզ վրա:

Ամփոփեք Մոսիա 27.19–22, բացատրելով, որ այն բանից հետո, երբ հրեշտակը կիսվեց իր ուղերձով, Ալման պապանձվեց, թուլացավ և անօգնական տարվեց իր հոր մոտ (տես Մոսիա 27.19): Երբ Ալմայի հայրը լսեց, թե ինչ էր պատահել, նա «ուրախացավ, քանզի նա գիտեր, որ դա Աստծո զորությունն էր» (Մոսիա 27.20): Նա ի մի հավաքեց մարդկանց, «որ նրանք կարողանային վկա լինել, ինչ որ Տերն արել էր իր որդու համար» (Մոսիա 27.21): Նա նաև ի մի հավաքեց քահանաներին, և նրանք ծոմ պահեցին ու աղոթեցին, որ նրա որդին կարողանար ստանալ իր ուժը և կարողանար խոսել (տես Մոսիա 27.22):

Մոսիա 27.23–31

Ալմա Կրտսերն ապաշխարում է և վերստին ծնվում

Վերադարձեք Ալմային և Մոսիայի որդիներին բնութագրող ցանկին, որը դուք գրել էիք գրատախտակին: Այդ ցուցակն անվանեք Առաջ: Գրատախտակի մյուս կողմում գրեք Հետո: Հրավիրեք ուսանողներին կարդալ Մոսիա 27.23–24, 28–29, փնտրելով բառեր և արտահայտություններ, որոնք ցույց են տալիս, թե ինչպես է Ալման փոխվել: Մի քանի ուսանողների հնարավորություն տվեք գրել այս բառերը և արտահայտությունները գրատախտակին:

Համաձայն Մոսիա 27.24 և 28-ի, ի՞նչ արեց Ալման, որը հանգեցրեց այս փոփոխությանը: Ի՞նչ արեց Տերը: Երբ մենք ձգտում ենք փոխվել և հետևել Փրկչին, ինչո՞ւ է կարևոր հասկանալ, թե ինչ պետք է մենք անենք: Ինչո՞ւ է կարևոր հասկանալ, թե ինչ կանի մեզ համար Տերը:
Ինչպե՞ս կարող է Ալմայի փորձառության մասին սովորելն օգնել ինչ-որ մեկին, ով կարծում է, որ ինքը չի կարող ներվել:

Հրավիրեք ուսանողներից մեկին բարձրաձայն կարդալ Մոսիա 27.25–26: Խնդրեք դասարանին ներկայացնել վարդապետությունը, որը Տերը սովորեցրեց Ալմային: (Չնայած ուսանողները կարող են օգտագործել տարբեր բառեր, համոզվեք, որ նրանք հասկանում են, որ մեզանից յուրաքանչյուրը պետք է վերածնվի Հիսուս Քրիստոսի Քավության միջոցով: Դուք կարող եք այս ճշմարտությունը գրել գրատախտակին:)

Բացատրեք, որ վերածնվել նշանակում է, որ Տիրոջ Հոգին մի զորեղ փոփոխություն է առաջացրել մարդու սրտում, այնպես որ մարդը այլևս ցանկություն չունի չարիք գործելու, այլ ցանկանում է փնտրել Աստծո բաները (տես Մոսիա 5.2):

Դուք կարող եք նաև բացատրել, որ չնայած սրտի զորեղ փոփոխությունը ըստ երևույթին արագ տեղի ունեցավ Ալմայի և Մոսիայի որդիների համար, մեզանից շատերը Քավության միջոցով փոխվում են ավելի դանդաղ: Դա ավելի շուտ գործընթաց է, քան իրադարձություն: Որպեսզի օգնեք ուսանողներին ավելի լավ հասկանալ այս վարդապետությունը, հրավիրեք նրանցից մեկին կարդալ Նախագահ Էզրա Թավտ Բենսոնի հետևյալ ելույթը.

«Մենք պետք է զգույշ լինենք, երբ մենք ձգտում ենք դառնալ ավելի ու ավելի աստվածանման, որ մենք չհուսահատվենք և չկորցնենք մեր հույսը: Քրիստոսանման դառնալը ողջ կյանքի ընթացքում շարունակվող ձգտում է և շատ հաճախ ներառում է աճ և փոփոխություն, որը դանդաղ, գրեթե աննկատ է տեղի ունենում: Սուրբ գրություններում արձանագրված են նշանակալից պատմություններ մարդկանց մասին, որոնց կյանքը փոխվեց տպավորիչ ձևով, ակնթարթորեն, ինչպես օրինակ Ալմա Կրտսերը, Պողոսը Դամասկոսի ճանապահին, Ենովսը մինչև գիշեր աղոթելիս, Լամոնի թագավորը: Նման ապշեցուցիչ օրինակները, երբ նույնիսկ նրանք, ովքեր ընկղմված են մեղքի մեջ, կարող են փոխվել զորությամբ, վստահություն է տալիս, որ Քավությունը կարող է հասնել նույնիսկ նրանց, ովքեր խորը հուսահատության մեջ են:

Սակայն մենք պետք է զգույշ լինենք, երբ քննարկում ենք այս նշանակալից օրինակները: Չնայած դրանք իրական են և զորեղ, դրանք ավելի շատ բացառություն են, քան օրենք: Ամեն Պողոսի, ամեն Ենովսի և ամեն Լամոնի թագավորի համեմատությամբ կան հարյուր հազարավոր մարդիկ, ում համար ապաշխարության գործընթացը շատ ավելի աննկատ է տեղի ունենում, շատ ավելի աննշմարելի: Օր օրի նրանք ավելի են մոտենում Տիրոջը, մի փոքր ավելին հասկանալով նրանք կառուցում են աստվածանման կյանք: Նրանք ապրում են բարության, ծառայության և նվիրվածության հանդարտ կյանք» (“A Mighty Change of Heart,” Ensign, Oct. 1989, 5):

Այն բանից հետո, երբ ուսանողները կկիսվեն, թե ինչ են իրենք սովորել այս հայտարարությունից, հրավիրեք նրանց մի քանի րոպե տրամադրել, որ պատասխանեն հետևյալ հարցերից մեկին իրենց սուրբ գրությունների ուսումնասիրության օրագրերում: (Դուք կարող եք այս հարցերը գրել գրատախտակին նախքան դասի սկսվելը, պատրաստել հարցերը տպված թերթիկների վրա կամ հարցերը դանդաղ կարդալ, որպեսզի ուսանողները կարողանան գրել դրանք իրենց սուրբ գրությունների ուսումնասիրության օրագրերում:)

Ինչպե՞ս եք դուք փոխվել Քավության միջոցով, երբ դուք ապաշխարել եք և արել եք լավագույնը Փրկչին հետևելու համար:
Ի՞նչ կարող եք դուք անել, որ ավելի լիովին գաք Տիրոջ մոտ, որպեսզի դուք կարողանաք փոխվել Քավության միջոցով:

Հրավիրեք մի քանի ուսանողների, որ կիսվեն, թե ինչ են իրենք գրել և ասել փոփոխության մասին, որը կարող է պատահել մեր մեջ, երբ մենք ապաշխարենք և հավատք գործադրենք առ Հիսուս Քրիստոսը և Քավությունը: (Հիշեցրեք ուսանողներին, որ կարիք չկա կիսվել որևէ բանով, որը խիստ անձնական է կամ գաղտնի: Համոզվեք, որ նրանք հասկանում են, որ չպետք է խոսեն իրենց նախկին մեղքերի մասին:)

Մոսիա 27.32-37

Ալմա Կրտսերը և Մոսիայի որդիները շրջում են ողջ երկրով մեկ, ձգտելով փոխհատուցել վնասը, որ հասցրել են և ամրացնել Եկեղեցին

Բացատրեք, որ ճշմարիտ ապաշխարությունը սրտի փոփոխությունն է, ոչ թե պարզապես որևէ սխալ բան անելը դադարեցնելու ցուցադրումը: Հրավիրեք ուսանողներից մեկին բարձրաձայն կարդալ Մոսիա 27.32–37: Խնդրեք դասարանին ներկայացնել, թե ինչ արեցին Ալման և Մոսիայի որդիները, որն ավելին էր, քան պարզապես դադարելն անել մի բան, ինչը նրանք սխալ էին անում:

Ի՞նչ փաստեր եք դուք տեսնում, որ Ալման և Մոսիայի որդիները իսկապես փոխվել էին:
Ի՞նչ կարող ենք մենք սովորել այս օրինակից:

Ուսանողների պատասխանները կարող են ներառել հետևյալը.

Նույնիսկ նրանք, ովքեր ապստամբել են Տիրոջ և Նրա ուսմունքների դեմ, կարող են ներվել:

Իսկապես ապաշխարելու համար մարդը պետք է անի ամեն հնարավոր բան, որ փոխհատուցի վնասը, որը նա հասցրել է: (Դուք կարող եք բացատրել, որ մենք երբեմն օգտագործում ենք հատուցել բառը, նկատի ունենալով վնասը փոխհատուցելը, որը հասցվել էր և մեր ոչ խելամիտ ընտրությունները ուղղելը:)

Հիսուս Քրիստոսի Քավության միջոցով մենք կարող ենք փոխվել արդար մի վիճակի:

Վերջում վկայեք, որ Ալմայի և Մոսիայի որդիների պատմությունը մի օրինակ է, որ Հիսուս Քրիստոսի Քավության զորությունը կարող է մեզ փոխել: Վկայեք Փրկչի ցանկության մասին ներելու բոլորին, ովքեր այս երիտասարդ տղամարդկանց նման հավատք կգործադրեն առ Նա և կձգտեն հետևել Իրեն:

Բացատրական և պատմական տեղեկություն

Մոսիա 27.25: Վերստին ծնվել

Տասներկու Առաքյալների Քվորումից Երեց Դեյվիդ Ա. Բեդնարը նկարագրել է վերստին ծնվելու գրոծընթացը.

«Վերստին ծնվելու ընթացքը մենք սկսում ենք նրանից, որ հավատք ենք գործադրում առ Քրիստոս, ապաշխարում ենք մեր մեղքերից և մկրտվում ենք ընկղմամբ մեր մեղքերի թողության համար քահանայության իշխանություն ունեցողի կողմից:

… Երբ մենք դուրս ենք գալիս մկրտության ջրերից, մեր հոգիները պետք է շարունակ ընկղմվեն և հագեցվեն Փրկչի ավետարանի ճշմարտությամբ և լույսով: Քրիստոսի վարդապետության հատուկենտ և մակերեսային ուսումնասիրությունը և Նրա վերականգնված Եկեղեցում մասնակի մասնակցությունը չի կարող այնպիսի հոգևոր փոփոխություն բերել, որը մեզ հնարավորություն կտա քայլել կյանքի նորոգության մեջ: Իսկ եթե մենք ուզում ենք ստանալ հավերժության օրհնությունները, ապա պետք է հավատարիմ լինենք ուխտերին, հետևողական նվիրվածության մեջ և մեր ողջ հոգին Աստծուն նվիրաբերենք: …

Ամբողջովին ընկղմումը և հագեցումը Փրկչի ավետարանում կարևոր քայլերն են վերստին ծնվելու գործընթացում» («Դուք պետք է վերստին ծնվեք», Ensign կամ Լիահոնա, մայիս 2007, 19):

Երեց Բրյուս Ռ. Մկքոնքին, նույնպես Տասներկու Առաքյալների Քվորումից, բացատրել է.

«Մենք վերստին ծնվում ենք, երբ մենք մահանում ենք որպես անարդարություն ճաշակողներ և ապրում ենք որպես Հոգու բաները ճաշակողներ: Սակայն դա տեղի չի ունենում մի ակնթարթում, հանկարծակի: Դա … գործընթաց է: Վերստին ծնվելը աստիճանաբար կատարվող բան է, բացի մի քանի առանձնակի դեպքերի, որոնք այնքան հրաշալի են, որ գրի են առնվում սուրբ գրություններում: Ինչ վերաբերվում է Եկեղեցու անդամների մեծամասնությանը, մենք վերստին ծնվում ենք աստիճանաբար, և մենք վերստին ծնվում ենք ավելացող լույսի, ավելացող գիտելիքի և արդարության ավելացող ցանկության շնորհիվ, երբ մենք պահում ենք պատվիրանները: …

Որպես Եկեղեցու անդամներ, եթե մենք բռնում ենք դեպի հավերժական կյանք տանող ուղին, եթե մենք սկսում ենք հոգևոր վերածննդի գործընթացը և գնում ենք ճիշտ ուղղությամբ, եթե մենք բռնում ենք մեր հոգիների սրբագործման ուղին և քայլ առ քայլ գնում ենք այդ ուղղությամբ, եթե մենք բռնում ենք կատարյալ դառնալու ուղին, և քայլ առ քայլ և փուլ առ փուլ կատարելագործում ենք մեր հոգիները՝ հաղթելով աշխարհին, ապա մենք միանշանակ ունենք խոստում, և անկասկած մենք կստանանք հավերժական կյանք: Չնայած, որ մեր հոգևոր վերածնունդը դեռևս առջևում է, կատարելությունը դեռ առջևում է, լիարժեք սրբագործումը դեռ առջևում է, եթե մենք բռնենք ուղին և հետևենք դրան այս կյանքում մեր կարողության լավագույն չափով, ապա, երբ մենք հեռանանք այս կյանքից, մենք կշարունակենք հենց այդ նույն ուղին» (“Jesus Christ and Him Crucified,” Brigham Young University 1976 Speeches, Sept. 5, 1976, 5–6, speeches.byu.edu):