Դաս 68

Մոսիա 28–29

Նախաբան

Դարձի գալուց հետո Մոսիա թագավորի որդիները մեծ ցանկություն զգացին քարոզելու ավետարանը լամանացիներին: Տիրոջ հետ խորհուրդ անելուց և հավաստիացում ստանալուց հետո, որ նրանք կօրհնվեին հաջողությամբ և պաշտպանությամբ, Մոսիան նրանց թույլ տվեց գնալ: Այս նույն ժամանակ Մոսիան աշխատում էր հոգ տանել այն սուրբ հիշատակարանների համար, որոնք հանձնվել էին իրեն: Նա թարգմանեց հարեդացիների հիշատակարանները և այնուհետև բոլոր հիշատակարանները տվեց Ալմա Կրտսերին: Քանի որ նրա որդիները հրաժարվել էին թագավոր լինելու հնարավորությունից, նա հիմնեց դատավորների համակարգ, որպես երկրում նոր կառավարման ձև:

Ուսուցանման առաջարկներ

Մոսիա 28.1–9

Մոսիայի որդիները ցանկանում են քարոզել լամանացիներին

Նախքան դասը գրատախտակին գրեք հետևյալ նախադասությունները.

1. Ես անկեղծորեն ցանկանում եմ ուրիշների հավերժական երջանկությունը:

2. Ես հոժար եմ զոհաբերել, որ օգնեմ ուրիշներին:

3. Ես ցանկանում եմ ուրիշների հետ կիսվել ավետարանով:

Դասը սկսելու համար խնդրեք ուսանողներին օգտագործել գրատախտակին գրված նախադասությունները, որ մտքում գնահատեն իրենք իրենց: Թող նրանք օգտագործեն 1-10 միավորների համակարգը, որտեղ 1-ը ցույց կտա, որ նախադասությունը իրենց լավ չի նկարագրում և 10-ը ցույց կտա, որ նախադասությունը իրենց շատ լավ է նկարագրում:

Հրավիրեք ուսանողներին մտքում կարդալ Մոսիա 27.8–10:

• Ինչպե՞ս Ալման և Մոսիայի որդիները իրենց կյանքի այս պահին նույն գնահատականը կստանան:

Խնդրեք ուսանողներից մեկին բարձրաձայն կարդալ Մոսիա 28.1–4:

• Ինչպե՞ս Մոսիայի որդիները նույն գնահատականին կարժանանան իրենց դարձի գալուց հետո: Մոսիա 28.1–4-ի ո՞ր արտահայտություններն են ցույց տալիս, թե որքան են նրանք փոխվել:

• Ինչո՞ւ փոխվեցին Մոսիա թագավորի որդիների ցանկությունները: (Նրանք հավատք գործադրեցին առ Հիսուս Քրիստոսը, ապաշխարեցին իրենց բոլոր մեղքերից և դարձի եկան. տես Մոսիա 27.34–36: Դուք կարող եք նաև անդրադառնալ Մոսիա 28.4, որ ցույց տաք, թե ինչպես Տիրոջ Հոգին ազդեց նրանց վրա:)

• Ելնելով այն ամենից, ինչ դուք իմացաք լամանացիների մասին իրենց պատմության այս շրջանում, ի՞նչ դժվարությունների կարող են հանդիպել միսիոներները նրանց մեջ:

• Համաձայն Մոսիա 28.2, Մոսիայի որդիների կարծիքով ի՞նչ փոփոխություն կարող էր տեղի ունենալ լամանացիների կյանքում նրանց քարոզների միջոցով:

• Մոսիայի որդիների դարձի գալն ինչպե՞ս ազդեց ավետարանով կիսվելու նրանց ցանկության վրա: Ի՞նչ սկզբունքներ մենք կարող ենք սովորել նրանց փորձառությունից: (Ամփոփեք ուսանողների պատասխանները՝ գրատախտակին գրելով հետևյալ նախադասությունը. Երբ մեր դարձի գալը խորանում է, ավետարանը քարոզելու մեր ցանկությունը մեծանում է:)

Խնդրեք ուսանողներից մեկին կարդալ Տասներկու Առաքյալների Քվորումից Երեց Դալլին Հ. Օուքսի հետևյալ ելույթը: Դուք կարող եք խրախուսել ուսանողներին գրել այն իրենց սուրբ գրությունների լուսանցքում Մոսիա 28.1–4–ի կողքին:

«Ավետարանով կիսվելու մեր ցանկության մեծությունը մեր անձնական դարձի գալու աստիճանը որոշելու հրաշալի ցուցիչ է» (“Sharing the Gospel,” Ensign, Nov. 2001, 7):

Հրավիրեք ուսանողներին խորհել, թե ինչպես է ուրիշների հետ ավետարանով կիսվելու նրանց ցանկությունը մեծացել, երբ նրանք ավելի են մոտեցել Տիրոջը:

• Ձեր կյանքի ո՞ր փորձառություններն են մղել ձեզ ցանկանալ կիսվել ավետարանով ուրիշների հետ:

Խնդրեք ուսանողներին պատկերացնել, որ նրանք գիտեն մի երիտասարդ տղամարդու, ով Եկեղեցու անդամ է, սակայն քիչ ցանկություն ունի ծառայելու լիաժամկետ միսիա:

• Ի՞նչ կարող է անել այս երիտասարդ տղամարդը, որ մեծացնի ավետարանով կիսվելու իր ցանկությունը: (Երբ ուսանողները կիսվեն իրենց մտքերով, խրախուսեք նրանց վերհիշել, թե ինչն է նրանց խորապես դարձի բերել առ Հիսուս Քրիստոսի ավետարանը և հիմնվելով իրենց փորձառությունների վրա, ինչ խորհուրդներ կարող են տալ այդ երիտասարդ տղամարդուն: Օգնեք նրանց տեսնել, որ լրջորեն դարձի գալը մեծացնում է ուրիշների հետ ավետարանով կիսվելու մեր ցանկությունը:)

Իրավիճակներ իրական կյանքում

Ավետարանի սկզբունքը իրական կյանքի իրավիճակում դիտարկելը կօգնի ուսանողներին վերլուծել սկզբունքը և հասկանալ դրա դերը իրենց կյանքում: Դուք կարող եք խորհուրդ տալ ուսանողներին, որ որքան անկեղծորեն նրանք արձագանքեն նման օրինակին, այնքան ավելի արդյունավետ այն կլինի իրենց սովորելու գործընթացում:

Դուք կարող եք բացատրել, թե ինչպես եք դուք ցանկություն ստացել ուսուցանելու ավետարանը ուրիշներին: Երբ դուք անեք դա, խորհեք ձեր վկայությամբ կիսվելու մասին, որ երբ մենք մոտենանք Տիրոջը և զգանք Նրա Հոգին, ուրիշների հետ ավետարանով կիսվելու մեր ցանկությունը կմեծանա:

Ուսանողները թող կարդան Մոսիա 28.5–8 և ներկայացնեն, թե ինչու Մոսիան թույլ տվեց իր որդիներին կատարել այսպիսի վտանգավոր առաքելություն:

• Ի պատասխան Մոսիայի աղոթքների, ի՞նչ օրհնություններ Տերը խոստացավ Մոսիայի որդիներին:

Մոսիա 28.10–20

Մոսիան թարգմանում է Հարեդական թիթեղները և սուրբ հիշատակարանները տալիս է Ալմային

Գրատախտակին նկարեք հետևյալը.

Ցույց տվեք թագի նկարը և թող ուսանողներից մեկը կարդա Մոսիա 28.10: Խնդրեք դասարանին փնտրել խնդիրը, որը թագավորն ունեցավ, երբ նրա որդիները գնացին միսիայի: (Նա պետք է գտներ մեկին, ով կգրավեր իր տեղը որպես թագավոր:)

Ամփոփեք Մոսիա 28.11–19, բացատրելով, որ Մոսիան ծերանում էր և նա իր ուշադրությունը դարձրեց սուրբ հիշատակարանների վրա, որոնք վստահվել էին իրեն. հիշատակարանները, որոնք իր հայրը տվել էր իրեն և ասել էր, որ պահեր, և հիշատակարանները, որոնք Լիմքի թագավորն էր տվել իրեն: Որպես տեսանող իր ունակությամբ նա թարգմանեց հարեդացիների հիշատակարանը, որը գտել էին այն խումբը, որին Լիմքի թագավորն ուղարկել էր գտնելու Զարահեմլայի երկիրը (տես Մոսիա 8.7–9): Ուսանողների ուշադրությունը հրավիրեք գրատախտակին նկարված ոսկյա թիթեղների վրա:

Բացատրեք, որ բացի թագավորության համար ղեկավար ընտրելուց, Մոսիան նաև պետք է ընտրեր պահապան թիթեղների համար: Խնդրեք ուսանողներին մտքում կարդալ Մոսիա 28.20:

• Ո՞վ ստացավ սուրբ հիշատակարանները:

• Ինչո՞ւ էր Ալմային ընտրելը լավագույնը այս հիշտակարանների համար հոգ տանելու հարցում:

Մոսիա 29

Մարդիկ հետևում են Մոսիայի խորհրդին և հիմնում են դատավորների համակարգը որպես իրենց կառավարման ձև

Թող ուսանողները ձեռք բարձրացնեն, եթե նրանք կցանկանային լինել թագավոր կամ թագուհի: Ընտրեք այդ ուսանողներից մեկին առաջ գալ և կանգնել գրատախտակին նկարված թագի մոտ (կամ թղթե մի թագ դրեք նրա գլխին): Թող ուսանողները նկարագրեն, թե ինչ օգտակար փորձառություն նրանք կարող են ունենալ թագավոր կամ թագուհի լինելու դեպքում:

Խնդրեք ուսանողներից մեկին բարձրաձայն կարդալ Մոսիա 29.1–3:

• Ո՞ւմ էին ուզում մարդիկ, որ լիներ իրենց թագավորը:

• Ինչի՞ց հրաժարվեցին Մոսիայի որդիները, որպեսզի նրանք կարողանային քարոզել լամանացիներին:

• Ի՞նչ հնարավորություններ են երիտասարդ տղամարդիկ և երիտասարդ կանայք զոհաբերում կամ հետաձգում այսօր, որպեսզի նրանք կարողանան միսիա ծառայել:

Ամփոփեք Մոսիա 29.4–10, բացատրելով, որ Մոսիա թագավորը մտահոգված էր, որ նոր թագավոր ընտրելը կարող էր հակառակություն առաջ բերել, և նույնիսկ պատերազմ: Նա նաև նշեց այլ խնդիրներ, որոնք կարող էին առաջ գալ, եթե անարդար թագավոր լիներ: Ուսանողները թող կարդան Մոսիա 29.16–18 և ներկայացնեն այդ խնդիրները:

Բացատրեք, որ Մոսիա թագավորը առաջարկեց, որ նեփիացիների կառավարությունը այլևս չկատարվի թագավորի միջոցով: Այլ նա խորհուրդ տվեց դատավորների համակարգը, որտեղ դատավորները կընտրվեին ժողովրդի ձայնով:

Ուսանողները թող մտքում կարդան Մոսիա 29.11, 25, փնտրելով, թե ինչպես պետք է դատավորները դատեին ժողովրդին: («Աստծո պատվիրանների համաձայն» և «այն օրենքների համաձայն, որոնք տրվել են ձեզ մեր հայրերի կողմից»:)

Գրատախտակին գրեք Մոսիա 29.26–27, 30, 33–34, 37–38: Դասարանը բաժանեք զույգերի: Ուսանողները թող ուսումնասիրեն այս հատվածները և ներկայացնեն մարդկանց պարտականությունները Մոսիա թագավորի առաջարկած կառավարությունում: Ապա թող յուրաքանչյուր զույգը քննարկի հետևյալ հարցերը: (Դուք կարող եք նաև գրել այս հարցերը գրատախտակին կամ պատրաստել դրանք տպված թերթիկների վրա:)

• Համաձայն Մոսիա թագավորի, ի՞նչ օգուտ կգար ժողովրդի ձայնի միջոցով որոշումներ կայացնելուց: (Նա ասաց, որ ժողովրդի ձայնը հիմնականում չի ցանկանում բաներ «հակառակ նրա, ինչը ճշմարիտ է»: Նա նաև խոսեց այն կարիքի մասին, որ բոլոր քաղաքացիները կիսեն իրենց կառավարության բեռը և ունենան «հավասար հնարավորություն»:)

• Ի՞նչ հետևանքներ առաջ կգային, եթե ժողովրդի ձայնն ընտրեր անօրինություն: (Աստծո դատաստանները կգան նրանց վրա և նրանք կկործանվեն:)

• Մոսիա 29.34-ում, ձեր կարծիքով, ո՞րն է «որ ամեն մարդ կարողանա կրել իր բաժինը» արտահայտության իմաստը: Ինչպե՞ս կարող է այս արտահայտությունը վերաբերվել քաղաքացիների պարտականություններին՝ մասնակցելու իրենց տարածքային և ազգային կառավարություններին:

Կարդացեք Տասներկու Առաքյալների Քվորումից Երեց Նիլ Ա. Մաքսվելի հետևյալ խոսքերը.

«Մշակութային անկման համար իրականում պատասխանատու են և ղեկավարները, և հետևորդները: … Հեշտ է քննադատել վատ ղեկավարներին, սակայն մենք չպետք է հետևորդներին ազատենք պատասխանատվությունից» (“Repent of [Our] Selfishness,” Ensign, May 1999, 24):

• Ինչո՞ւ է կարևոր, որ թե ղեկավարները և թե հետևորդները պատասխանատու լինեն իրենց արարքների համար:

• Ի՞նչ կարող եք դուք անել, որ աջակցեք արդար օրենքներին և ղեկավարներին: (Դուք կարող եք ուսանողների ուշադրությունը հրավիրել Հավատո Հանգանակ 1.12–ի վրա:)

Հայտնեք ձեր համոզվածությունը, որ չնայած աշխարհի ոչ բոլոր երկրներն ունեն իրենց ղեկավարներին ընտրելու հնարավորություն, Տերը միշտ կօգնի նրանց, ովքեր վստահում են Իրեն, անկախ այն բանից, թե որտեղ են նրանք ապրում:

Հրավիրեք ուսանողներից մեկին բարձրաձայն կարդալ Մոսիա 29.41–43:

• Ո՞ւմ ընտրեց ժողովուրդը լինել առաջին գլխավոր դատավորը: Նա ապրո՞ւմ էր իր պարտականության համաձայն, որ լիներ արդար և առաքինի: Ի՞նչ հետևանքների հանգեցրեց նրա ղեկավարությունը:

Խնդրեք ուսանողներին բացատրել իրենց սեփական բառերով, թե ինչ նրանք սովորեցին Մոսիա 29–ից: Նրանք կարող են ներկայացնել հետևյալ ճշմարտություններից մի քանիսը.

Անարդար ղեկավարությունը կարող է հակառակություն և մեղք առաջ բերել:

Ընդունված չէ, որ ժողովրդի ձայնը ընտրի մի բան, որը ճիշտ չէ:

Եթե մարդիկ ընտրեն անօրինություն, Աստծո դատաստանները կգան նրանց վրա:

Յուրաքանչյուր անձ պարտավորություն ունի աջակցելու արդար օրենքներին և ղեկավարներին:

Վերջում բերեք ձեր վկայությունը այսօրվա դասի սկզբունքների վերաբերյալ:

Մոսիայի կրկնությունը

Որոշ ժամանակ տրամադրեք, որ օգնեք ուսանողներին կրկնել Մոսիայի գիրքը: Խնդրեք նրանց մտածել, թե ինչ են սովորել այս գրքից սեմինարիայի և իրենց անձնական սուրբ գրությունների ուսումնասիրության ժամանակ: Անհրաժեշտության դեպքում հրավիրեք նրանց արագ աչքի անցկացնել գիրքը, որ օգնեք նրանց հիշել: Բավականաչափ ժամանակ տրամադրելուց հետո հրավիրեք մի քանի ուսանողների կիսվել իրենց մտքերով և զգացմունքներով գրքից որևէ բանի մասին, ինչը տպավորություն է թողել իրենց վրա:

Բացատրական և պատմական տեղեկություն

Մոսիա 28.3: Ավետարանով կիսվելու ցանկությունը

Տասներկու Առաքյալների Քվորումից Երեց Մ. Ռասսել Բալլարդը խորհուրդ է տվել մի արդյունավետ եղանակ, որով Եկեղեցու անդամները կարող են կիսվել ավետարանով.

«Անդամների հաջող միսիոներական աշխատանքի գաղտնիքը հավատքի գործադրումն է: Առ Տերը և Նրա խոստումները ձեր հավատքը ցուցադրելու եղանակներից մեկը աղոթքով օր ընտրելն է, որ որևէ մեկին նախապատրաստեք միսիոներների հետ հանդիպելուն: Ես հարյուրավոր նամակներ եմ ստացել այն անդամներից, ովքեր գործադրել են իրենց հավատքը այս հասարակ եղանակով: Չնայած, որ ընտանիքները մտքում չեն ունեցել որևէ մեկին, ում հետ նրանք կարող էին կիսվել ավետարանով, նրանք նշանակել էին օր, աղոթել էին, և հետո խոսել էին ավելի շատ մարդկանց հետ: Տերը Բարի Հովիվն է, և Նա գիտի Իր ոչխարներին, ովքեր պատրաստվել են լսելու Իր ձայնը: Նա կառաջնորդի մեզ, երբ մենք փնտրենք Նրա աստվածային օգնությունը Իր ավետարանով կիսվելիս» (“Creating a Gospel-Sharing Home,” Ensign or Liahona, May 2006, 86):

Մոսիա 29.41–44: Դատավորների կառավարումը

Մոսիա թագավորի միջոցով հաստատված կառավարման փոփոխությունը այնքան նշանակալից եղավ, որ սկսած այդ ժամանակից մինչև Քրիստոսի ծնվելը (տես 3 Նեփի 2.8) նեփիացիները հաշվել են իրենց ժամանակը սկսած դատավորների կառավարման սկզբից: Նախկինում նեփիացիները ժամանակը հաշվում էին Լեքիի Երուսաղեմը թողնելու տարուց: