Сайн мэдээ

Сайн мэдээ бол Тэнгэрлэг Эцэгийн аз жаргалын төлөвлөгөө юм. Сайн мэдээний гол сургаал нь Есүс Христийн Цагаатгал.

Бошиглогч Иосеф Смит “Сайн мэдээний анхдагч зарчмууд хийгээд ёслолууд нь: нэгдүгээрт, Их Эзэн Есүс Христэд итгэх итгэл; хоёрдугаарт, Наманчлал; гуравдугаарт, Нүглүүдийн ангижралын төлөөх усанд умбуулах баптисм; дөрөвдүгээрт, Ариун Сүнсний бэлгийн төлөөх гар тавилт гэдэгт бид итгэдэг” (Итгэлийн тунхаг 1:4) хэмээн хэлсэн. Сайн мэдээ нь үүний бүрэн дүүрэн байдалд, селестиел хаант улсад өргөмжлөгдөхөд бидэнд шаардлагатай бүхий л сургаал, зарчим, хууль, гэрээ, ёслолыг агуулдаг. Хэрэв бид сайн мэдээний дагуу итгэлтэйгээр амьдран, эцсээ хүртэл тэвчих аваас Аврагч Эцсийн шүүлтэд бидний гэмгүйг Эцэгийн өмнө өмгөөлөх болно хэмээн амласан (3 Нифай 27:16-г үзнэ үү).

Бурханы хүүхдүүдийг үүнийг хүлээн авахаар бэлтгэгдэх үед сайн мэдээний бүрэн байдал бүхий л насныханд номлогдсоор ирсэн юм. Хожмын өдрүүдэд буюу цаг хугацааны бүрэн байдлын эрин үед сайн мэдээ нь бошиглогч Иосеф Смитээр дамжуулан сэргээгдсэн билээ.