Нүгэл

Бурханы зарлигуудад санаатайгаар дуулгаваргүй байх үедээ бид нүгэл үйлддэг. Өөрсдийн үнэний мэдлэгийг үл харгалзан зөв шударгаар үйлдээгүй үедээ бид мөн нүгэл үйлддэг (Иаков 4:17).

Их Эзэн “нүглийг өчүүхэн төдий ч хүлцсэн янзаар хүлээн зөвшөөрч чадах нь үгүй” (Сургаал ба Гэрээ 1:31) хэмээн хэлсэн. Нүглийн үр дүнд Ариун Сүнсийг алддаг бол мөнхийн талаасаа, Тэнгэрлэг Эцэгийн оршихуйд амьдрах боломжгүй болгодгийн учир нь “цэвэр бус нэгээхэн ч зүйл Бурхантай хамт оршиж эс чадна” (1 Нифай 10:21).

Бидний хүн нэг бүр зарлигуудыг зөрчсөн юм уу өөрсдийн үнэний мэдлэгийн дагуу үйлдээгүй. Төлөөлөгч Иохан: “Бид нүгэлгүй гэж хэлбэл өөрсдийгөө мэхэлж байгаа бөгөөд бидний дотор үнэн алга. Бид нүглээ улайвал итгэмжит, зөвт [Есүс Христ] нүглийг маань уучилж, бүхий л зүй бусаас биднийг цэвэрлэнэ” (1 Иохан 1:8–9) гэж заажээ. Бид Есүс Христийн Цагаатгалаар дамжуулан наманчилж мөн нүглүүдээсээ өршөөгдөж чадна.