Դաս 146

Եթեր 4–5

Նախաբան

Տերը պատվիրում է Մորոնիին կնքել Հարեդի եղբոր գրված տեսիլքը և բացատրում է, որ այդ գրածները ի հայտ կբերվեն այն ժամանակ, երբ մարդիկ կունենան այնպիսի հավատք, որն ուներ Հարեդի եղբայրը: Մորոնին մարգարեանում է, որ երեք վկաները կբերեն իրենց վկայությունը Մորմոնի Գրքի ճշմարտացիության վերաբերյալ այս վերջին օրերում:

Ուսուցանման առաջարկներ

Եթեր 4.1–7

Մորոնին գրում է և կնքում է Հարեդի եղբոր տեսիլքի ողջ պատմությունը:

Ուսանողներին հանձնարարեք մտածել մի թանկարժեք իրի մասին, որն արժեքավոր է իրենց կամ իրենց ընտանիքի համար, որը նրանք կցանկանային հեռու պահել փոքր երեխաներից: Օրինակ, դուք կարող եք ցույց տալ կամ նկարագրել ինչ-որ բան, որն արժեքավոր է ձեզ համար:

• Ինչո՞ւ դուք չէիք թույլ տա, որ երեխան դիպչի այդ առարկային:

• Ի՞նչ պետք է անի կամ սովորի երեխան նախքան դուք նրան կվստահեք առարկան:

Բացատրեք, որ ավետարանի ճշմարտությունները արժեքավոր են Տիրոջ համար: Նա ցանկանում է կիսվել դրանցով մեզ հետ, սակայն Նա սպասում է, մինչև որ մենք պատրաստ լինենք դրան: Ուսանողներին հանձնարարեք այս դասի ընթացքում ուսումնասիրել Եթեր 4, հորդորելով նրանց ուշադրություն դարձնել այն սկզբունքներին, որոնք կօգնեն նրանց պատրաստվել ստանալու ճշմարտությունը Տիրոջից:

Մի ուսանողի հանձնարարեք կարդալ Եթեր 4.1–5, իսկ դասարանին հանձնարարեք ուշադրություն դարձնել այն բանին, թե ինչ Տերը պատվիրեց Մորոնիին, որ գրի առնի և կնքի:

• Ի՞նչ էր Մորոնիին պատվիրված «կնքել»:

Բացատրեք, որ Մորոնին ներառել է Հարեդի եղբոր հիշատակարանը, որը հաճախ կոչվում է Մորմոնի Գրքի կնքված մասը: (Կարող եք ցույց տալ աղյուսակը, որը վերնագրված է Մորմոնի Գրքի աղբյուրները, որը գտնվում է այս ձեռնարկի վերջում գտնվող հավելվածում:)

• Ինչպե՞ս է Մորոնին բացատրում այն, թե ինչ տեսավ Հարեդի եղբայրը: (Տես Եթեր 4.4:)

Որպեսզի օգնեք ուսանողներին ավելի շատ բան իմանալու այն մասին, թե Տերը ինչ ցույց տվեց Հարեդի եղբորը, հանձնարարեք նրանց ցածրաձայն կարդալ Եթեր 3.25–26 և 2 Նեփի 27.8–10: Այնուհետև տվեք հետևյալ հարցերը.

• Ըստ Եթեր 3.25–26 –ի, ի՞նչ Տերը ցույց տվեց Հարեդի եղբորը:

• Ըստ 2 Նեփի 27.10, ի՞նչ է պարունակում Մորմոնի Գրքի կնքված մասը:

Մի ուսանողի հանձնարարեք բարձրաձայն կարդալ Եթեր 4.6–7: Դասարանին հանձնարարեք հետևել և գտնել այն պայմանները, որոնք պետք է գոյություն ունենային նախքան Հարեդի եղբորը տրված հայտնությունները հայտնի կդարձվեին: Կարող եք ուսանողներին խորհուրդ տալ նշել իրենց սովորածը իրենց սուրբ գրություններում:

• Ի՞նչ պայմաններ գտաք:

• Ի՞նչ սկզբունքներ հայտնություն ստանալու մասին մենք կարող ենք սովորել այս հատվածից: (Օգնեք ուսանողներին հասկանալ, որ եթե մենք ապաշխարում ենք և գործադրում հավատք առ Հիսուս Քրիստոսը, մենք կարող ենք ստանալ լրացուցիչ հայտնություններ:)

• Ձեր կարծիքով, ինչո՞ւ մենք կարիք ունենք ապաշխարելու և դառնալու մաքուր լրացուցիչ հայտնություններ ստանալու համար:

Օգնելու համար ուսանողներին հասկանալ, թե ինչ է նշանակում «հավատք կգործադրեն … ճիշտ ինչպես Հարեդի եղբայրն արեց» (Եթեր 4.7) արտահայտությունը, հանձնարարեք նրանց իրենց տետրերում կամ սուրբ գրությունների ուսումնասիրության օրագրերում թվել որքան հնարավոր է շատ տարբերակներ, թե Հարեդի եղբայրը քանի ձևով ցույց տվեց հավատքը Տիրոջ հանդեպ: Կարող եք նրանց առաջարկել իրենց ցուցակը կազմելիս վերանայել Եթեր 1–3: Մտածելուց և գրելուց հետո, մի քանի ուսանողների հանձնարարեք կարդալ իրենց թված որոշ օրինակներ և մեկնաբանել, թե ինչու են այդ օրինակները տպավորել իրենց:

Ուսանողներին հիշեցրեք դասի սկզբում սովորած արժեքավոր իրի մասին և այն պայմանները, որոնց դեպքում նրանք կվստահեին երեխային: Վկայեք, որ նմանապես Տերը պահանջում է, որ Իր զավակները բավարարեն որոշ պայմանների նախքան Նա կհայտնի նրանց Իր ողջ ճշմարտությունը: Նա մեզանից պահանջում է, որ ցույց տանք մեր հոգևոր պատրաստվածությունը և հավատքը:

Եթեր 4.8–19

Տերն ուսուցանում է, թե ինչ մենք պետք է անենք, որպեսզի ստանանք հետագա հայտնություններ:

Մի կտոր շոր պահեք ձեռքում: Բացատրեք, որ Տերն ուսուցանել է սկզբունքներ, որոնք կօգնեն մեզ ստանալու հայտնություններ: Երբ Նա ուսուցանեց այդ սկզբունքները, Նա անդրադարձավ վարագույրին: Վարագույրը շոր է, որն օգտագործվում է ինչ-որ բան ծածկելու համար:

Ուսանողներին հանձնարարեք ցածրաձայն կարդալ Եթեր 4.15 և փնտրել արտահայտություն, որը պարունակում է վարագույր:

• Ի՞նչ տեսակի վարագույրի մասին էր Տերը խոսում: («Անհավատության վարագույրը»:) Ինչպե՞ս է անհավատությունը նման վարագույրի:

• Պատռել բառը նշանակում է ծվատել կամ բաժանել: Ձեր կարծիքով, ի՞նչ է նշանակում «պատռել անհավատության վարագույրը»:

Մի ուսանողի հանձնարարեք բարձրաձայն կարդալ Եթեր 4.8, մեկ ուրիշի՝ Եթեր 4.11, ևս մեկի՝ Եթեր 4.15: Դասարանին հանձնարարեք հետևել և բացահայտել, թե ինչը կարող է մեզ հետ պահել հայտնությունները ստանալուց և ինչը կարող է օգնել մեզ «պատռել անհավատության վարագույրը» և ստանալ ավելի շատ հայտնություններ:

• Ձեր կարծիքով, ի՞նչ է նշանակում «կհակառակի Տիրոջ խոսքին» (Եթեր 4.8):

• Ըստ Եթեր 4.8–ի ի՞նչ հետևանքների ենք մենք հանդիպում, երբ մենք հակառակվում ենք Տիրոջ խոսքին:

• Ըստ Եթեր 4.11–ի որն է օրհնություններից մեկը, որը մենք ստանում ենք Տիրոջ խոսքին հավատալու արդյունքում:

Գրատախտակի վրա գրեք հետևյալ անավարտ նախադասությունը.

Երբ մենք հավատում ենք Տիրոջ խոսքին, …

Ուսանողներին հանձնարարեք ավարտել այս նախադասությունը համաձայն նրա, ինչ նրանք սովորել են այս հատվածներից: Չնայած ուսանողների պատասխանները կարող են տարբեր լինել, համոզվեք, որ նրանք բացահայտում են հետևյալ սկզբունքը. Երբ մենք հավատում ենք Տիրոջ խոսքին, Տերը կօրհնի մեզ հետագա հայտնություններում: Այս սկզբունքը գրեք գրատախտակին: Կարող եք նաև ուսանողներին հորդորել գրել դա իրենց սուրբ գրություններում Եթեր 4.11–ի կողքին:

Որպեսզի օգնեք ուսանողներին հասկանալ այս սկզբունքը, հարցրեք.

• Ձեր կարծիքով, ինչո՞ւ մենք պետք է հավատանք այն ճշմարտություններին, որոնք մենք արդեն ստացել ենք, նախքան Տերը կտա մեզ ավելին:

Մի ուսանողի հանձնարարեք գրատախտակին գրել հավատք Տիրոջ խոսքի հանդեպ գործադրելու հետևյալ օրինակները. սուրբ գրությունների անհատական ուսումնասիրություն, հետևել Սուրբ Հոգու հուշումներին, հետևել Եկեղեցու տեղի ղեկավարներին, ուսումնասիրել սուրբ գրությունները եկեղեցում և սեմինարիայում, հետևել վերջին օրերի մարգարեների խոսքերին:

Ուսանողներին առաջարկեք մտածել, թե հետևյալ ձևերով Տիրոջ խոսքի հանդեպ հավատք ցույց տալով ինչպես է բերել նրանց հետագա հայտնություններ: Մի քանի ուսանողի հրավիրեք կիսվել իրենց փորձառությամբ:

Կրկին անդրադարձեք գրատախտակին գրված օրինակներին: Ուսանողներին առաջարկեք լուռ մտածել, թե որքան լավ են իրենք ցույց տալիս իրենց հավատքը Աստծո խոսքի հանդեպ: Առաջարկեք, որպեսզի յուրաքանչյուր օրինակի համար իրենք իրենց գնահատական տան 1-10 սանդղակով, որտեղ 10 գնահատականը նշանակում է, որ նրանք լավ են դրանում: Ուսանողներին հանձնարարեք իրենց տետրերում կամ սուրբ գրությունների ուսումնասիրության օրագրերում գրել մի եղանակի մասին, որով կարող են ցույց տալ ավելի մեծ հավատք այն ուղղությամբ, որն արդեն ստացել են Տիրոջից: Ձեր վկայությամբ կիսվեք գրատախտակին գրված սկզբունքի մասին և հորդորեք ուսանողներին հետևել դրան, նկատի ունենալով իրենց գրած նպատակը:

Գրատախտակից ջնջեք «հավատալ Տիրոջ խոսքին» նախադասությունը: Նշեք, որ Տերն ուսուցանել է լրացուցիչ սկզբունքներ այն մասին, թե ինչպես ստանալ հայտնություն: Հանձնարարեք ուսանողներին ցածրաձայն կարդալ Եթեր 4.13–15, փնտրելով այլ բաներ, որ կարող են անել, որպեսզի ստանան հայտնություն Տիրոջից:

Կարդալուց հետո ուսանողներին հանձնարարեք առաջարկել տարբերակներ նախադասությունը լրացնելու համար: Պատասխանները կարող են ներառել հետևյալ սկզբունքները. Երբ մենք գանք առ Տերը, Նա կօրհնի մեզ հետագա հայտնություններով: Երբ մենք խոնարհաբար աղոթենք, Տերը կօրհնի մեզ հետագա հայտնություններով:

Որպեսզի օգնեք ուսանողներին ավելի լավ հասկանալ հետևյալ սկզբունքները, տվեք հետևյալ հարցերը.

• Ի՞նչ է ձեզ համար նշանակում գալ դեպի Տերը: (Պատասխանները կարող են լինել՝ ուսումնասիրել Նրա խոսքը, մեր սրտերը դարձնել դեպի Նա, ապաշխարել, և հետևել ու հնազանդվել Նրան:)

• Ի՞նչ է նշանակում ունենալ կոտրված սիրտ և փշրված հոգի: (Լինել խոնարհ, ապաշխարող և ընկալունակ Տիրոջ կամքի հանդեպ:) Ինչո՞ւ են այս բնութագրերը կարևոր, երբ մենք աղոթում ենք Տիրոջից շարունակական հայտնություններ ստանալու համար:

Հրավիրեք ուսանողներին մտածել, թե ինչպես նրանք կարող են ներառել այս սկզբունքները հայտնություններ ստանալու իրենց ջանքերում:

Ամփոփեք Եթեր 4.17–19, բացատրելով, որ Տերը հայտարարել է, որ Մորմոնի Գրքի ի հայտ գալը կլինի նշանը այն բանի, որ Աստծո գործը վերջին օրերում սկսվել է: Նա նաև կոչ է արել բոլոր մարդկանց ապաշխարել և գալ դեպի Նա:

Եթեր 5

Մորոնին հայտարարում է, որ երեք վկաներ կտեսնեն և կբերեն վկայություն թիթեղների մասին:

Ցուցադրեք Ջոզեֆ Սմիթը Մորմոնի Գիրքը թարգմանելիս նկարը (Ավետարանի նկարների գիրք [2009], հ. 92): Հանձնարարեք մի ուսանողի բարձրաձայն կարդալ Եթեր 5.1–3: Դասարանին հանձնարարեք հետևել և պատկերացնել, թե ինչ էր Ջոզեֆ Սմիթը զգում Մորմոնի Գիրքը թարգմանելիս, և գիտակցել, որ այդ խոսքերը գրված են անմիջապես իրեն Մորոնի կողմից շուրջ 1400 տարի առաջ:

• Ի՞նչ ասաց Մորոնին «կնքված» թիթեղների մասին:

• Ըստ Եթեր 5.2–3-ի, ի՞նչ էր Ջոզեֆ Սմիթին արտոնված անել թիթեղների հետ:

Ուսանողներին հարցրեք, թե արդյոք իրենք կարող են թվել Մորմոնի Գրքի երեք վկաներին և հիշել նրանց վերապրածը: (Եթե ուսանողները օգնության կարիք ունենան, հանձնարարեք նրանց կարդալ Մորմոնի Գրքի սկզբում գրված «Երեք վկաների վկայությունը»): Կարող եք նշել, որ ի հավելումն երեք վկաների, ուրիշները վկայել են ոսկյա թիթեղների իրականության մասին, այդ թվում նաև՝ Աստվածագլխի անդամները (տես Եթեր 5.4), Մորոնին (տես Եթեր 5.6), Ջոզեֆ Սմիթը և երեք վկաները:

• Ինչպե՞ս դուք կարող եք լինել Մորմոնի Գրքի վկան, նույնիսկ առանց թիթեղները տեսնելու: Ինչպե՞ս կարող է Մորմոնի Գրքի մասին վկայությունը ազդեցություն թողնել այլ մարդկանց վրա:

Այս դասը ավարտելու համար մի քանի ուսանողների խնդրեք կիսվել իրենց վկայությամբ Մորմոնի Գրքի մասին:

Բացատրական և պատմական տեղեկություն

Եթեր 5 Երեք վկաների վկայությունը

Առաջին Նախագահությունից Նախագահ Ջեյմս Ե. Ֆաուստն ասել է.

«Որպես Ահարոնյան քահանայության երիտասարդ տղա ես առաջին անգամ ստացա նշանակալից վկայության հաստատում Մորոմոնի Գրքի ճշմարտացիության վերաբերյալ: Իմ ցցի նախագահն էր Նախագահ Հենրի Դ. Մոլը, իսկ նրա հայրը Ջեյմս Հ. Մոլն էր: Ամառվա ընթացքում եղբայր Ջեյմս Հ. Մոլը այցելում էր իր ընտանիքին և երկրպագում մեզ հետ միասին մեր փոքրիկ ծխում, որը գտնվում էր Սոլթ Լեյքի հովտի հարավ-արևելքում:

Մի կիրակի օր, եղբայր Ջեյմս Հ. Մոլը մեզ հետ կիսվեց եզակի մի փորձառությամբ: Երիտասարդ տարիքում նա գնացել էր սովորելու իրավաբանություն Միչիգանի համալսարանում: Իր դասերը ավարտելու ժամանակ նրա հայրը ասաց նրան, որ Դեյվիդ Ուիթմերը, Մորմոնի Գրքի վկաներից մեկը, դեռևս կենդանի է: Հայրն առաջարկեց նրան Սոլթ Լեյք Սիթի վերադառնալու ճանապարհին կանգ առնել և անձամբ հանդիպել Դեյվիդ Ուիթմերի հետ: Եղբայր Մոլի նպատակն էր հարցնել նրան ոսկյա թիթեղների և Մորմոնի Գրքի մասին նրա վկայության վերաբերյալ:

Այդ այցելության ընթացքում եղբայր Մոլն ասաց Դեյվիդ Ուիթմերին. «Պարոն, դուք ծեր մարդ եք, իսկ ես երիտասարդ եմ: Ես սվորում եմ վկաների և վկայությունների մասին: Խնդրում եմ, պատմեք ինձ ճշմարտությունը Մորմոնի Գրքի մասին ձեր վկայության վերաբերյալ»: Այնուհետև, Դեյվիդ Ուիթմերն ասաց այդ երիտասարդ տղամարդուն. «Այո՛, ես պահել եմ ոսկյա թիթեղները իմ ձեռքերում, և նրանք մեզ ցույց են տրվել հրեշտակի կողմից: Մորմոնի Գրքի մասին իմ վկայությունը ճշմարիտ է»: Դեյվիդ Ուիթմերը Եկեղեցուց հեռացված էր, բայց նա երբեք չհերքեց իր վկայությունը հրեշտակների այցելությունների մասին, ոսկյա թիթեղների հանձնման կամ Մորմոնի Գրքի ճշմարտացիության վերաբերյալ: Լսելով այս նշանակալից պատմությունը իմ ականջներով, անմիջապես Եղբայր Մոլի շուրթերից, ես ունեցա վկայության աճի զորեղ, հաստատող ազդեցություն: Լսելով այն, ես զգացի, որ այն ինձ անհրաժեշտ էր» (“A Growing Testimony,” Ensign, Nov. 2000, 54):

Առաջին Նախագահությունից Նախագահ Հենրի Բ. Այրինգն ասել է.

«Երեք վկաները երբեք չեն հերքել Մորմոնի Գրքի մասին իրենց վկայությունը: Նրանք չէին կարող, քանի որ նրանք գիտեին, որ այն ճշմարիտ է: Նրանք զոհաբերություններ արեցին և դժվարությունների հանդիպեցին առավել քան շատ մարդիկ գիտեն դրանց մասին: Օլիվեր Քաուդերին մահանալիս այդ նույն վկայությունը բերեց Մորմոնի Գրքի Աստվածային բնույթի մասին:… Այն, որ նրանք շարունակում են պնդել այն, ինչ լսել ու տեսել են այդ հրաշալի փորձից, Եկեղեցուց և Ջոզեֆից այդքան երկար ժամանակ օտարացված լինելով, նրանց վկայությունը դարձնում է էլ ավելի զորեղ» (“An Enduring Testimony of the Mission of the Prophet Joseph,” Ensign կամ Liahona, Nov. 2003, 90):