Teksa lexoni në hyrjen e mësimit të Ditës së 2-të, Profeti Jozef Smith mori zbulesën te Doktrina e Besëlidhje 42 “në përmbushje të premtimit të Zotit, të bërë më parë, se ‘ligji’ do t’u jepej në Ohio” (hyrja e seksionit DeB 42). Në këtë mësim të dytë nga Doktrina e Besëlidhje 42, që trajton vargjet 30–93, ju do të mësoni se Zoti paraqiti ligje tokësore, ekonomike dhe shpirtërore, duke i drejtuar anëtarët e Kishës që të ndihmonin të varfrit, të financonin veprimtari të ndryshme të Kishës dhe t’u ofronin ndihmë shenjtorëve të tjerë që erdhën në Ohajo.
Doktrina e Besëlidhje 42:30–42 përmban ligjin e Zotit për përkushtimin. Për t’ju ndihmuar të mësoni rreth këtij ligji dhe ta kuptoni atë, detyra juaj është të përgatitni një mësim dhe t’i jepni mësim një pjesëtari të familjes ose një shoku rreth ligjit të përkushtimit, të dhënë në këto vargje. Do të keni mundësi ta shënoni përvojën tuaj në ditarin tuaj të studimit të shkrimeve të shenjta më vonë në mësimin e sotëm.
Përdorni një shirit ose një shënues që të bëni një vijë te gjashtë gota për të pirë. (Përdorni gota të kthjellëta për të pirë, nëse është e mundur.) Shënojini vijat në lartësi të ndryshme në secilën prej gotave. Më pas fshijini ose i mbuloni gotat me qëllim që të mos i shohë personi të cilit po i jepni mësim.
Merrni një kanë me aq ujë të mjaftueshëm në të sa për t’i mbushur të gjitha gotat deri te vija e shënuar në to. (Nëse është në dispozicion, ju mund të shtini ngjyrues në ujë.)
Tregojani kanën personit të cilit po i jepni mësim, dhe i thoni atij ose asaj se uji përfaqëson gjithë pasurinë dhe burimet e një komuniteti. Shpjegoni se në shkurt të vitit 1831, anëtarët e Kishës në Kirtland të Ohajos, kishin nevojë të ndihmonin për t’u kujdesur për të varfrit, t’u ofronin ndihmë kolonëve të rinj që po sakrifikonin shumë për t’u mbledhur në Ohajo dhe të ndihmonin për të financuar veprimet e Kishës.
I kërkoni nxënësit tuaj të lexojë me zë të lartë Doktrinën e Besëlidhjet 42:30 dhe të kërkojë atë që Zoti e zbuloi lidhur me të varfrit. Kërkojini atij apo asaj ta shenjojë fjalën përkushtosh.
Pamja
Plaku D. Tod Kristoferson
Lexoni përkufizimin vijues të fjalës përkushtosh, të dhënë nga Plaku D. Tod Kristoferson, i Kuorumit të Dymbëdhjetë Apostujve: “Të përkushtosh do të thotë ta veçosh ose dedikosh diçka si të shenjtë, të përcaktuar për qëllime të shenjta” (“Mendime mbi një Jetë të Përkushtuar”, Ensign ose Liahona, nëntor 2010, f. 16).
Ju mund të doni ta ftoni nxënësin tuaj ta shkruajë këtë përkufizim në anë të shkrimeve të tij ose të saj të shenjta pranë vargut 30.
Shpjegoni se Doktrina e Besëlidhje 42 përmban parime të një ligji të quajtur ligji i përkushtimit. Për ta ndihmuar nxënësin tuaj që t’i kuptojë këto parime bazë, ju mund të doni të lexoni me zë të lartë shpjegimin vijues nga Presidenti J. Ruben Klark i Riu, i Presidencës së Parë:
Pamja
Presidenti J. Ruben Klark i Riu
“Parimi bazë i [ligjit të përkushtimit] është që gjithçka që kemi, i përket Zotit; si rrjedhim, Zoti mund të na thërrasë për çfarëdo prone dhe për të gjithë pronën që kemi, sepse ajo i përket Atij” (në Conference Report, tetor 1942, f. 55).
Kërkojini nxënësit tuaj ta përmbledhë atë që Doktrina e Besëlidhje 42:30 na e mëson rreth përgjegjësisë sonë ndaj të varfërve dhe nevojtarëve. (Nxënësi juaj mund të përgjigjet me diçka të ngjashme me parimin vijues: Zoti na urdhëron të kujdesemi për të varfrit dhe njerëzit nevojtarë. Nxiteni atë t’i shenjojë fjalët ose frazat në atë varg, që na e mësojnë këtë parim.)
Zbuloni gotat e zbrazëta me shenjat mbi to dhe filloni t’i mbushni ato me ujë nga kana. Mbusheni një gotë deri te vija që bëtë mbi të, mbushini tri gota me ujë mbi vijat që bëtë dhe mbushini dy gota nën vijat që i shënuat. Shpjegoni se vijat e secilës gotë përfaqësojnë nevojat dhe dëshirat e drejta të familjeve të ndryshme. Për shembull, nevojat e një familjeje me një fëmijë mund të jenë të ndryshme nga nevojat e një familjeje me pesë fëmijë. Shpjegoni se uji përfaqëson gjithë pasurinë dhe burimet e secilës familje. Gotat me ujë nën vijën përfaqësojnë familje që nuk kanë para ose të mira materiale të mjaftueshme për t’i mbështetur nevojat e tyre.
Lexoni me zë të lartë Doktrinën e Besëlidhjet 42:31 dhe ftojeni nxënësin tuaj t’ju ndjekë në shkrimet e tij ose të saj të shenjta. Më pas bëni pyetjet vijuese:
Për këta shenjtorë, cili ishte hapi i parë në të jetuarin e ligjit të përkushtimit? (T’ia jepnin pasurinë e tyre – paratë, të mirat materiale dhe pronat e tyre – peshkopit.)
Kur iu japim të varfërve, kujt po i japim gjithashtu? (Zotit.)
Që të përfaqësojnë anëtarët e Kishës duke ia përkushtuar pronat e tyre Kishës, derdheni të gjithë ujin nga gotat brenda në kanë.
Ftojeni nxënësin tuaj të lexojë me zë të lartë Doktrinën e Besëlidhjet 42:32, duke kërkuar hapin e dytë në të jetuarin e ligjit të përkushtimit. Më pas, pyetni:
Cili ishte hapi i dytë në të jetuarin e ligjit të përkushtimit? (Çdo familje mori nga peshkopi një pjesë të burimeve sipas asaj që i nevojitej.)
Shpjegoni se pas dhënies, ose përkushtimit, të pronës së tyre Kishës, familjeve iu dha pronë përsëri në përputhje me nevojat e tyre. Kjo pjesë u bë prona e vetë familjes. Familjet ishin kujdestare mbi pronën dhe u lejuan ta përdornin atë sikurse e shihnin të përshtatshme, por ato ishin përgjegjëse përpara Perëndisë për përdorimin e saj.
Hidhni ujë nga kana dhe mbusheni secilën gotë deri te vija e saj. Shpjegoni se sipas ligjit të përkushtimit, secila familje merrte në përputhje me nevojat dhe dëshirat e drejta të familjes. Këto vendime u morën nga peshkopi dhe kreu i familjes duke u këshilluar së bashku. Familjet e dalluan se kujdestaria e tyre për pronën ishte një dhuratë nga Zoti dhe, si kujdestarë mbi të, ato ishin përgjegjëse që ta përdornin atë që iu ishte dhënë për të ndihmuar në ndërtimin e mbretërisë së Zotit.
Tregojuni studentëve ujin e mbetur në kanë. Ftojeni nxënësin tuaj të lexojë me zë të lartë Doktrinën e Besëlidhjet 42:33–35 dhe të kërkojë se për çfarë ishte “tepric[a]” ose pjesa e mbetur e pronës së përkushtuar. Më pas bëni pyetjet vijuese:
Çfarë i udhëzoi Zoti shenjtorët të bënin me pronën e mbetur, ose me “tepricë[n]”? (Ata duhej ta përdornin që t’i ndihmonin të varfrit, të financonin ndërtesat e Kishës dhe të ndihmonin anëtarët që ishin nevojtarë.)
Nga ajo që mësoni te vargu 34, çfarë mendoni se përfaqëson kana? (Shtëpinë e ruajtjes.)
Ftojeni nxënësin tuaj të lexojë me zë të lartë Doktrinën e Besëlidhjet 42:38 dhe të kërkojë një të vërtetë që do t’i ndihmonte individët të dëshironin që ta jetonin ligjin e përkushtimit, pavarësisht nga rrethanat e tyre. Më pas, pyetni:
Çfarë parimi dha mësim Zoti rreth bërjes mirë ndaj të tjerëve? (Përgjigjja duhet të jetë diçka e ngjashme me parimin vijues: Kur u bëjmë mirë të tjerëve, ne ia bëjmë atë Zotit. Merreni parasysh t’i kërkoni nxënësit tuaj ta shenjojë këtë të vërtetë në shkrimet e tij ose të saj të shenjta.)
Si mund t’i kishte ndihmuar shenjtorët kjo e vërtetë që të ishin të gatshëm për t’i përkushtuar pasuritë e tyre? Si mund t’ju ndihmojë në jetën tuaj të kujtuarit e këtij parimi?
Kur e keni ndier se ju po i shërbenit Zotit kur bëtë diçka për t’i ndihmuar të tjerët?
Shpjegoni se, edhe pse ne nuk urdhërohemi ta jetojmë ligjin e përkushtimit në të njëjtën mënyrë sikurse shenjtorët e hershëm, ligji është ende në fuqi sot. Lexoni thënien vijuese nga Presidenti Spenser W. Kimball me zë të lartë dhe kërkojini nxënësit tuaj të dëgjojë për atë që do të thotë për ne sot, që ta jetojmë ligjin e përkushtimit: “Përkushtimi është të jepet nga koha, talentet dhe mjetet e dikujt për t’u kujdesur për ata që kanë nevojë – qoftë shpirtërore apo materiale – dhe për ndërtimin e mbretërisë së Zotit” (“Welfare Services: The Gospel in Action”, Ensign, nëntor 1977, f. 78).
Ju mund të doni ta nxitni nxënësin tuaj që ta shkruajë këtë përkufizim në anë të shkrimeve të tij ose të saj të shenjta pranë vargut 30. Pasi ta keni lexuar thënien nga Presidenti Kimball, pyesni:
Çfarë kohe, talentesh dhe mjetesh keni ju, të cilat mund t’i përdorni për t’i ndihmuar ata që janë nevojtarë?
Tregoni për një përvojë rreth një rasti kur ju u bekuat nga dikush që dha nga koha, talentet ose mjetet për t’ju ndihmuar ju. Jepni dëshminë tuaj për rëndësinë e të bërit mirë të tjerëve. Kur të mbaroni, sigurohuni që e falënderoni nxënësin tuaj për pjesëmarrjen në mësimin tuaj.
Në ditarin tuaj të studimit të shkrimeve të shenjta shkruajeni emrin e personit të cilit i dhatë mësim, së bashku me datën që e plotësuat këtë detyrë. Shkruani një përshkrim për atë që menduat se shkoi mirë në përvojën tuaj mësimdhënëse dhe për atë që ishte e vështirë. Përveç kësaj, përshkruani se si jeni ndier të bekuar kur e keni jetuar parimin që, kur u bëjmë mirë të tjerëve, ne ia bëjmë atë Zotit.
Te Doktrina e Besëlidhje 42:43–55 Zoti dha mësim rreth vdekjes dhe shërimit. Ai shpjegoi se vdekja është e ëmbël për ata që vdesin në Të, por e hidhur për ata që nuk vdesin në Të. Ai gjithashtu tha se ata që janë të sëmurë, duhet të “ ushqehen gjithë butësi” (DeB 42:43) dhe të marrin një bekim të priftërisë. Disa njerëz do të shërohen nëpërmjet besimit të tyre te Jezu Krishti (shih DeB 42:48).
Zoti premton t’i zbulojë Jozef Smithit shkrime të shenjta dhe zbulesë shtesë
Te Doktrina e Besëlidhje 42:56–69 Profeti Jozef Smith mësoi se Zoti do të vazhdonte të jepte zbulesë, ndërkohë që ai vazhdonte ta kërkonte atë. Lexoni Doktrinën e Besëlidhjet 42:61 dhe përcaktoni një parim rreth marrjes së zbulesës. Udhëheqësit tanë sot e udhëheqin dhe drejtojnë Kishën me anë të parimit të zbulesës së vazhdueshme.
Në ditarin tuaj të studimit të shkrimeve të shenjta shkruani një thënie “nëse–atëherë” të një parimi që e mësoni nga vargu 61.
Zoti i udhëzon shenjtorët se si t’i zgjidhin fyerjet personale
Mendoni për një rast kur e keni parë dikë të fyhet nga fjalët ose veprimet e një personi tjetër. Lexoni Doktrinën e Besëlidhjet 42:88–89 duke kërkuar udhëzimet e Zotit rreth asaj që duhet të bëjmë nëse dikush na ka fyer.
Përgjigjiuni pyetjeve vijuese në ditarin tuaj të studimit të shkrimeve të shenjta:
Cila është gjëja e parë që duhet të bëjmë nëse dikush na ka fyer?
Si mendoni, përse mund të jetë i dobishëm ky qëndrim?
Te Doktrina e Besëlidhje 42:90–91 ne mësojmë se disa mëkate ose fyerje që njihen haptazi, kërkojnë një rrëfim ose ndëshkim të duhur haptazi. Te Doktrina e Besëlidhje 42:92–93 ne mësojmë parimin vijues: Fyerjet e bëra në fshehtësi duhet të zgjidhen në fshehtësi.
Në ditarin tuaj të studimit të shkrimeve të shenjta përshkruani përse mendoni se është më mirë që fyerjet e fshehta të zgjidhen në fshehtësi.
Kërkon kurajë që t’i afroheni dikujt që ju ka fyer. Lutuni për ndihmë nga Ati Qiellor, ndërkohë që kërkoni t’i zgjidhni siç duhet ndonjë ndjenjë të keqe që mund ta keni rreth të tjerëve.
Shkruani sa vijon në fund të detyrave të sotme në ditarin tuaj të studimit të shkrimeve të shenjta: