Resources na Pangkasaysayan para sa Doktrina at mga Tipan: Heber C. Kimball, Resources na Pangkasaysayan para sa Doktrina at mga Tipan (2025)
Heber C. Kimball, Resources na Pangkasaysayan para sa Doktrina at mga Tipan (2025)
Heber C. Kimball
(1801–68)
Heber C. Kimball, retrato ng daguerrotype, Church History Library, PH 2853.
Si Heber C. Kimball ay ipinanganak sa Sheldon, Vermont. Pinakasalan niya si Vilate Murray noong 1822. Noong 1832, siya ay nabinyagan sa Ang Simbahan ni Jesucristo ng mga Banal sa mga Huling Araw at inorden bilang elder. Noong 1833, lumipat siya sa Kirtland, Ohio, at noong 1834 ay sumama siya sa ekspedisyon ng Kampo ng Israel patungong Missouri. Siya ay inorden bilang miyembro ng Korum ng Labindalawang Apostol noong 1835.
Sa pagitan ng 1836 at 1843, tatlong beses siyang nagmisyon sa silangang Estados Unidos. Pinamunuan din niya ang unang misyon sa Great Britain noong 1837–38 at bumalik doon bilang misyonero noong 1839–41. Tumulong siya sa pangangasiwa sa pinaalis na mga Banal sa mga Huling Araw sa Missouri noong 1838–39. Matapos lisanin ang Missouri, lumipat siya kalaunan sa Commerce, Illinois, na kalaunan ay pinalitan ng pangalang Nauvoo.
Sa Nauvoo, si Kimball ay nakibahagi sa paggawa ng Nauvoo Temple at naglingkod sa Konseho ng Limampu. Noong 1846–47, lumipat si Kimball sa lugar na naging Utah Territory. Siya ay sinang-ayunan bilang Unang Tagapayo ni Brigham Young sa Unang Panguluhan noong Disyembre 1847.
Mga Reperensya sa Doktrina at mga Tipan