Resources na Pangkasaysayan para sa Doktrina at mga Tipan: William Marks Resources na Pangkasaysayan para sa Doktrina at mga Tipan (2025)
William Marks, Resources na Pangkasaysayan para sa Doktrina at mga Tipan (2025)
William Marks
(1792–1872)
William Marks, bago ang taong 1872, retrato.
Si William Marks ay ipinanganak sa Rutland, Vermont, noong 1792. Pinakasalan niya si Rosannah R. Robinson noong 1813. Noong Abril 1835, nabinyagan si Marks sa Ang Simbahan ni Jesucristo ng mga Banal sa mga Huling Araw sa Portage, New York. Noong Setyembre 1837, lumipat siya sa Kirtland, Ohio, kung saan naglingkod siya sa high council sa Kirtland at naging pangulo ng Kirtland stake. Noong Hulyo 1838, isang paghahayag ang nagtalaga sa kanya na mangulo sa Simbahan sa Far West, Missouri (Doktrina at mga Tipan 117:10), ngunit hindi nagtagal ay pinalayas ang mga Banal sa mga Huling Araw sa estadong iyon. Matapos ang maikling pananatili sa Quincy, Illinois, lumipat siya sa Nauvoo, Illinois, kung saan siya naging stake president at miyembro ng Konseho ng Limampu. Isang paghahayag noong 1841 ang nagtagubilin sa kanya na bumili ng stock para sa pagtatayo ng Nauvoo House (Doktrina at mga Tipan 124:80). Matapos mapaslang si Joseph Smith, umalis si Marks sa Nauvoo at naging tagapayo sa Simbahan ni Jesucristo ng mga Banal sa mga Huling Araw na itinatag ni James J. Strang. Sa pagitan ng 1852 at 1855, nakipag-ugnayan siya sa iba pang mga simbahan na nagsasabing sila ang nakalinyang hahalili kay Propetang Joseph Smith. Noong Hunyo 1859, nabinyagan siya sa Reorganized Church of Jesus Christ of Latter-day Saints sa Amboy, Illinois.
Mga Reperensya sa Doktrina at mga Tipan