John Gould

(1784–1855)

Si John Gould ay ipinanganak sa New Hampshire noong 1784. Pinakasalan niya si Oliva Swanson bago sumapit ang taong 1808. Si Gould at ang kanyang pamilya ay lumipat mula sa New Hampshire patungong Vermont at Pennsylvania bago tuluyang nanirahan sa New York noong 1830. Noong Disyembre 1832, si Gould ay nabinyagan sa Ang Simbahan ni Jesucristo ng mga Banal sa mga Huling Araw at inorden bilang elder sa Chautauque County, New York. Lumipat siya sa Kirtland, Ohio, noong 1833. Noong Agosto 1833, sa tagubilin ni Joseph Smith, naglakbay siya kasama si Orson Hyde patungo sa Missouri upang turuan ang mga lider ng simbahan hinggil sa legal na paghingi ng bayad-pinsala at proteksyon para sa mga miyembro ng simbahan doon. Nang sumunod na taon, tinulungan niya si Joseph Smith na mag-recruit ng mga boluntaryo para sa ekspedisyon ng Kampo ng Israel patungong Missouri. Noong Abril 1836, naging bahagi siya ng Ikalawang Korum ng Pitumpu, at kalaunan ay naglingkod siya bilang pangulo ng Pitumpu. Noong 1846, siya ay naging kaanib ng Church of Jesus Christ of Latter Day Saints na itinatag ni James J. Strang.

Mga Reperensya sa Doktrina at mga Tipan

Doktrina at mga Tipan 100

Karagdagang Impormasyon

Mga bayograpikal na katotohanan at sources, The Joseph Smith Papers

John Gould sa Church History Biographical Database

Tingnan ang tungkol kay John Gould sa FamilySearch