Mga Tukon sa Pagpanagna [Divining Rods]

Si Joseph Smith ug ang iyang mga kaedad nabuhi diha sa kultura nga subsob sa mga biblikanhong mga ideya, terminolohiya, ug mga buhat. Biblikanhong istorya, sama sa sugilanon ni Moises ug sa iyang igsoon nga si Aaron, mihulagway sa paggamit sa pisikal nga mga butang sama sa mga sungkod sa pagpakita sa kabubut-on sa Dios (tan-awa sa Exodo 7:9–12 ug Numeros 17:8). Daghang mga Kristiyano sa panahon ni Joseph Smith nga managsamang miisip sa mga tukon sa pagpanagna isip mga instrumento sa pagpadayag. Mituo sila nga kining mga sungkod makatabang kanila nga makakaplag og tubig ilalom sa yuta o mga minerales.¹

Oliver Cowdery

Ang nag-unang mga bersyon sa pagpadayag sa Doktrina ug mga Pakigsaad 8 namulong nga naangkon ni Oliver Cowdery “ang gasa sa pagpaturok” o ang “sungkod sa kinaiyahan,” nagpasabut nga siya migamit sa tukon sa pagpanagna sa pipila ka punto. Ang Ginoo miila sa gasa ni Cowdery, nagpahayag nga “Walay laing gahum gawas sa Dios nga makapahimo niining butang sa Kinaiyahan nga motrabaho diha sa imong mga kamot.” Sa dihang ang mga lider sa Simbahan miandam niining pinadayag alang sa paglakip sa Doktrina ug mga Pakigsaad niadtong 1835, ilang ginganlan ang gasa ni Cowdery isip “ang gasa ni Aaron,” namalandong sa pagkasusama niini ngadto sa sungkod ni Aaron.²

Ang laing mga tinubdan usab nagsugyot nga si Oliver Cowdery, usab si Joseph Smith Sr. ug si Joseph Smith Jr., malagmit migamit og mga mga tukon sa pagpanagna. Apan ang pagpadayag wala mitino kon giunsa ni Cowdery sa paggamit ang iyang sungkod. Nagpakita kini nga mao lang kini usa sa pipila sa mga gasa nga anaa ni Cowdery. Agi og dugang, ang pagpadayag mitudlo ni Cowdery kon unsaon sa pagbaton sa gasa sa paghubad pinaagi sa pagtuon, pag-ampo, ug sa tabang sa Espiritu Santo.

Mga Kapanguhaan sa Simbahan

Jeffrey G. Cannon, “Oliver Cowdery’s Gift: DC 6, 7, 8, 9, 13,” diha sa Matthew McBride and James Goldberg, eds., Revelations in Context: The Stories behind the Sections of the Doctrine and Covenants (Siyudad sa Salt Lake: Ang Simbahan ni Jesukristo sa mga Santos sa Ulahing mga Adlaw, 2016), 15–19.

“Revelation, April 1829–B [DC 8],” Makasaysayanong Pasiuna, josephsmithpapers.org.

Bibliograpiya

Ang mosunod nga pagmantala makahatag og dugang impormasyon kabahin niining hisgutanan. Pinaagi sa pagpakita o pag-link nimo ngadto niining kapanguhaan, wala kami mag-indorso o mogarantiya sa sulod o sa mga panglantaw sa tagsulat.

Larry E. Morris, “Oliver Cowdery’s Vermont Years and the Origins of Mormonism,” BYU Studies,vol. 39, nu. 1 (2000), 106–29.

May Kalabutan nga mga Hisgutanan: Bato sa Manalagna, Pagpangita sa Bahandi

Mubo nga mga sulat

1. Susama nga mga buhat nagpadayon karon taliwala sa pipila kinsa nanimuyo sa rural nga mga kumunidad.

2. Ang pinakaunang kopya nga manuskrito sa pinadayag karon makita sa Doktrina ug mga Pakigsaad 8 gitawag kini og usa ka “turok.” Niadtong 1833, sa dihang kini nga pagpadayag giandam alang sa pagmantala, si Sidney Rigdon miusab sa teksto nga nagpasabut ngadto sa usa ka “sungkod sa kinaiyahan.” Revelation, April 1829–B [DP 8],” diha sa Revelation Book 1, 13, josephsmithpapers.org; Book of Commandments, 1833, 19, josephsmithpapers.org; Doktrina ug mga Pakigsaad, 1835, 161, josephsmithpapers.org.