Paghugas sa mga Tiil

Atol sa Katapusang Panihapon, si Jesus mikuha og tualya ug palanggana nga naay tubig ug mihugas sa mga tiil sa mga disipulo.¹ Ang uban sa mga grupo nga Kristiyano misunod niining ehemplo sa Bag-ong Tugon, ang paghugas sa mga tiil isip usa ka timaan sa pagkamapainubsanon o pag-inigsuonay.² Usa ka pagpadayag ngadto ni Joseph Smith niadtong Disyembre 1832 nga nagkinahanglan nga ang mga partisipante diha sa Tulunghaan sa mga Propeta mosalmot diha sa paghugas sa mga tiil. Ang Ginoo misugo sa mga Elder sa “paglimpyo sa inyong mga kamot, ug sa inyong mga tiil, sa akong atubangan” isip saksi nga kini “limpyo, gikan sa dugo niining, dautan nga henerasyon.”³ Si Joseph Smith ug ang lain pang mga sakop sa tulunghaan unang misalmot niining ordinansa atol sa unang sesyon sa tulunghaan niadtong Enero 1833.⁴ Sa dihang hapit na makompleto ang Templo sa Kirtland, si Joseph Smith mipasabut ngadto sa mga sakop sa tulunghaan nga ang “ordinansa sa paghugas sa mga tiil” mao ang usa ka pagpahiuli sa buhat diha sa Bag-ong Tugon nga “gibana-bana nga mohiusa sa atong mga kasingkasing” ug mag-andam sa mga elder alang sa pagtuga sa espirituhanon nga gahum.⁵ Mipadayon siya sa pagtudlo nga ang ordinansa gikinahanglan nga ipahigayon sa usa ka dapit “gawas sa kalibutan.”⁶ Sumala pa, niadtong Marso 29 ug 30, 1836, mga 300 ka mga tighupot sa priesthood gikan sa dapit sa Kirtland, lakip ni Joseph Smith ug ubang mga lider sa Simbahan, nanagpundok aron maghugas sa mga tiil sa usag usa.⁷

Mga Kapanguhaan sa Simbahan

Nathan Waite, “A School and an Endowment: DC 88, 90, 95, 109, 110,” sa Matthew McBride ug James Goldberg, eds., Revelations in Context: The Stories behind the Sections of the Doctrine and Covenants (Siyudad sa Salt Lake: Ang Simbahan ni Jesukristo sa mga Santos sa Ulahing mga Adlaw, 2016), 174–82.

“Washing of feet,” josephsmithpapers.org.

“Minutes, 30 Marso 1836,” sa Brent M. Rogers, Elizabeth A. Kuehn, Christian K. Heimburger, Max H Parkin, Alexander L. Baugh, ug Steven C. Harper, eds., Documents, Volume 5: October 1835–January 1838. Vol. 5 sa mga Dokumento sa serye sa The Joseph Smith Papers, gi-edit ni Ronald K. Esplin, Matthew J. Grow, ug Matthew C. Godfrey (Salt Lake City: Church Historian’s Press, 2017), 216–21.

May Kalabutan nga mga Hisgutanan School of the Prophets, Endowment of Power

Mubo nga mga Sulat

1. Juan 13:1–17.

2. Tan-awa sa Matthew J. Grow, “‘Clean from the Blood of This Generation’: The Washing of Feet and the Latter-day Saints,” sa Richard Lyman Bushman, ed., Summer Fellows’ Papers, 2000–2002: Archive of Restoration Culture (Provo, Utah: Joseph Fielding Smith Institute for Latter-day Saint History, Brigham Young University, 2005), 131–33.

3. “Revelation, 27–28 December 1832 [DC 88:1–126],” sa Revelation Book 2, 40, josephsmithpapers.org.

4. “Minutes, 22–23 January 1833,” sa Minute Book 1, 7, josephsmithpapers.org.

5. Joseph Smith, Journal, 1835–1836, 32, 33, josephsmithpapers.org; tan-awa usab sa Hisgutanan sa: Endowment of Power.

6. Joseph Smith, Journal, 1835–1836, 32.

7. Joseph Smith, Journal, 1835–1836, 186–88. Ang buhat sa paghugas sa mga tiil nga gipaila didto sa Kirtland gibalik pag-usab sa dihang ang tulunghaan sa mga Propeta nga wala molungtad og dugay naestablisar didto sa Utah niadtong 1883. Grow, “Clean from the Blood of This Generation,” 135–36. Ang susama apan walay kalabutan nga buhat sa pagtaktak sa abug sa tiil gibase usab diha sa tudling sa Bag-ong Tugon nga gitugutan sa bag-ong pagpadayag, gihimo sa kadaghanan sa mga misyonaryo sa ika-19 nga siglo. Tan-awa sa Hisgutanan: Early Missionaries.