“Bulawan nga mga Palid,” Mga Hisgutanan sa Kasaysayan sa Simbahan
“Bulawan nga mga Palid”
Bulawan nga mga Palid
Sa dihang nadungog nga si Joseph Smith nakaangkon og copyright alang sa Basahon ni Mormon, nakamugna kini og kasamok diha sa lokal nga press. Gisugdan sa pagmantala diha sa mga newspaper ang impormasyon mahitungod sa umaabut nga basahon ug ang paghubad niini, nag-agad ra sa mga pangagpas nga gipakatap “sulod sa milabayng panahon,” matud sa Wayne Sentinel sa Palmyra. Ang karaan nga artifact nga nakit-an ni Joseph “nailhan sa kadaghanan ug gihisgutan,” sigun sa report sa Sentinel, “isip ang ‘Bulawan nga Biblia.’” Bisan og ang editor namahayag nga ang termino nailado sa dapit, ang iyang pasabut nga ang panagway sa bulawan nga mga palid nagrepresentar sa kinaunhan nga narekord.1
Usa ka kopya sa mga palid sa Basahon ni Mormon.
Uban sa hungihong nga nasabwag na og maayo mahitungod sa mga palid, nagtinguha si Joseph sa paghimo og katin-awan pinaagi sa pagmantala og opisyal nga pamahayag sa unang edisyon sa Basahon ni Mormon. Sa pasiuna ni Joseph ug sa pagpamatuod nga gisulat sa grupo sa walo ka mga saksi nga mihulagway sa mga palid nga “hitsura sa bulawan.”2 Ang mga tigsulat sa Basahon ni Mormon yano nga miingon nga ilang gikulit ang ilang mga sinulat diha sa “mga palid.”3 Sa ilang deskripsyon, si Joseph Smith ug ang mga saksi mihatag og gibug-aton sa pagkakaraan sa mga palid ug sa katalagsaon sa mga kinulit,4 apan kini sa sinaw nga mga palid sa bulawan nga nakapadani sa imahinasyon sa daghang tawo.5 Nakubkob ni Joseph ang mga palid niadtong Septyembre 1827 sa direksyon sa usa ka anghel nga ginganlan og Moroni, kinsa mipadayon og sugo ni Joseph sa paghubad sa karaan nga rekord.6 Gitrabaho niya ang paghubad tali sa sayong bahin sa 1828 ug Hunyo 1829 human niana iyang giuli ang mga palid ngadto sa anghel.7
Sa kaulahian ang mga saksi nagbilin og mga pamahayag nga nagdetalye sa materyal nga komposisyon, gibug-aton, gidak-on, kabag-on, ug ang pagbugkos sa mga palid. Ang mga palid motimbang sa mga “kwarenta ngadto sa saysenta” ka libras,8 ug kon tumpion anaa sa upat hangtud sa unom ka pulgada ang gibag-on.9 Ang mga panid masukod sa mga “unom” o “pito ka pulgada ang gilapdon por walo ka pulgada ang gitas-on”10 ug sa tagsa-tagsa dunay kabag-on nga “sama sa palid sa lata”11 ug, sumala ni Emma Smith, motagingting kon ang ngilit paklion sa kumagko, usahay kon ipaghid ang kumagko sa ngilit sa libro.”12 Tulo ka giporma og D nga mga ring ang nagpugong sa mga panid “pinaagi sa mga ngilit sa likod”13 ngadto sa usa ka volume. Sumala sa usa ka saksi, adunay silyadong bahin “mga katunga sa basahon” sa pagsiguro gikan sa pagtuis. Kining silyado nga porsyon imposible kaayo nga mabulag ang mga panid ug “makita nga gahi sama sa kahoy”.14 Si Joseph Smith nagtamud sa iyang paghubad gikan sa mga panid nga abli.15
Base niini nga mga tamdanan, ang modernong mga tigpanuki-duki mibana-bana nga ang mga palid ginama sa lunsay nga bulawan motimbang sa dili moubos sa 45 ka kilo (100 ka libra) ug mahimong humok ra kaayo para sa pagkulit sa mga titik.16 Ang mga tigtipig sa rekord sa Basahon ni Mormon mahimong migamit og usa ka alloy isagol sa metal nga mga palid, nakapahimo niining bulawan kon tan-awon apan dili gayud lun-lon nga bulawan. Si William Smith, manghud nga igsoon ni Joseph, mituo nga ang mga palid ginama sa “gisagul nga bulawan ug kobre”.17
May kalabutan nga mga Hisgutanan: Angel Moroni [Anghel Moroni], Book of Mormon Translation [Hubad sa Basahon ni Mormon]