Pangalan sa Simbahan

Na-report diha sa Basahon ni Mormon nga sa dihang si Jesukristo mibisita sa mga Nephite, gitudlo Niya nga ang Simbahan kinahanglan pagatawagon sa Iyang ngalan. Kadtong nabunyagan diha sa ngalan ni Kristo nahimong kabahin sa “ang simbahan ni Kristo” (3 Nephi 26:21; tan-awa usab sa 27:8). Sa Bag-ong Tugon, si Paul mipasabut ngadto sa mga Kristiyano isip mga “santos” (Mga Taga-Efeso 1:1; 2 Mga Taga-Corinto 1:1). Nagtuo nga nagpuyo sila duol sa panahon sa ikaduhang pag-anhi ni Jesukristo, ang mga miyembro sa gipahiuli nga Simbahan ni Kristo mitawag sa ilang kaugalingon nga mga “Santos sa Ulahing mga Adlaw” aron sa pag-ila sa ilang kaugalingon gikan sa mga Santos sa unang mga panahon.

Ang Simbahan ni Kristo (1829–1834)

Bisan sa wala pa naorganisar ang Simbahan, si Oliver Cowdery misunod sa sumbanan sa Basahon ni Mormon sa pagsugyot sa “ang Simbahan ni Kristo” isip ipangalan sa Simbahan.¹ Sa adlaw nga ang Simbahan naorganisar, si Joseph Smith gitawag pinaagi sa pagpadayag isip usa ka “anciano ngadto niini nga Simbahan ni Kristo.”² Human niana, ang nahaunang mga pagpadayag balik-balik nga nagpasabut ngadto sa Simbahan isip “ang Simbahan ni Kristo” ug ngadto sa mga miyembro niini isip “mga santos.”³

Ang Simbahan sa mga Santos sa Ulahing mga Adlaw (1834–1838)

Ang gipahiuli nga Simbahan ni Kristo dili lamang ang pundok sa mga Kristiyanong tumutuo nga gitawag sa ngalan nga “ang Simbahan ni Kristo.” Pipila sa mga Kongregasyonal nga mga simbahan sa New England mitawag sa ilang kaugalingon niining ngalan, ug ang nangangkon nga mga Kristiyanos usahay moangkon usab isip simbahan ni Kristo. Aron matabangan ang mga Santos sa pag-ila sa ilang kaugalingon gikan sa ubang mga Kristiyano, ang mga elder diha sa usa ka komperensya didto sa Kirtland, Ohio, miboto pagka Mayo 3, 1834, sa pag-usab sa ngalan sa Simbahan ngadto sa “ang Simbahan ni Jesukristo sa mga Santos sa Ulahing mga Adlaw.”⁴ Agig dugang sa gihatag nga katin-awan, ang bag-ong ngalan nakapalayo usab sa Simbahan gikan sa mga termino nga “Mormon” ug “Mormonite” nga gigamit sa mga kaatbang sa Simbahan.⁵

Ang Simbahan ni Jesukristo sa mga Santos sa Ulahing mga Adlaw (1838–1851)

Bisan humana kini mailisan, ang mga miyembro sa Simbahan usahay migamit pa gihapon sa kanhi ngalan o isagol ang daan ug ang bag-ong ngalan ngadto sa usa ka hybrid: “ang Simbahan ni Kristo sa mga Santos sa Ulahing mga Adlaw.”⁶ Sa wala madugay ang mga Santos sa Ulahing mga Adlaw nanimuyo didto sa Far West, Missouri, usa ka pagpadayag nga gitipon ang kanhi nga mga ngalan diha sa bag-o: “Kay sa ingon ang akong simbahan pagatawgon sa katapusan nga adlaw, gani Ang Simbahan ni Jesukristo sa mga Santos sa Ulahing mga Adlaw.”⁷ Kini nga ngalan nagpabilin nga opisyal nga ngalan sa Simbahan hangtud sa kasamtangan.

Ang Simbahan ni Jesukristo sa mga Santos sa Ulahing mga Adlaw (1851–sa kasamtangan)

Human sa kamatayon ni Joseph Smith, nagkadaiyang mga grupo nga mibulag nangangkon sa termino nga “Santos sa Ulahing mga Adlaw.” Sa pagka 1849, human sa exodo ngadto sa Utah, ang mga lider sa Simbahan misugod sa paggamit sa ngalan “The Church of Jesus Christ of Latter-day Saints [Ang Simbahan ni Jesukristo sa mga Santos sa Ulahing mga Adlaw],” nga may gamayng d ug usa ka hyphen, aron mailhan ang simbahan nga nakabase sa Utah gikan sa laing mga grupo.⁸ Niadtong 1876, ang kapitalisasyon ug spelling sa Doktrina ug mga Pakigsaad 115:4 gi-usab aron makita kining gi-standardized nga ngalan.

Sa pagsugod sa ika-20 nga siglo, daghang mga Santos sa Ulahing mga Adlaw mitawag sa ilang kaugalingon gamit ang mga termino nga “Mormon” ug “LDS.” Ang mga termino nga “Mormon Church” ug “LDS Church” nadawat ra ug kanunayng gigamit sa mga lider, mga miyembro, ug dili miyembro. Sa mga 1960 ug 1970, ang mga lider sa Simbahan nagsugod pagpasabut sa paggamit sa gipahiuli nga ngalan sa Simbahan o sa minubo nga titulo nga “Simbahan ni Jesukristo” kaysa ubang mga angga.⁹ Niadtong 2001, ang Unang Kapangulohan misubli sa kaimportante sa paggamit sa gipahiuli nga ngalan sa Simbahan isip kabahin sa “atong responsibilidad sa pagsangyaw sa ngalan sa Manluluwas sa tibuok kalibutan.”¹⁰

May Kalabutan nga mga Hisgutanan: Mga Hisgutanan sa Kasaysayan sa Simbahan: Miting sa Pagsugod sa Simbahan ni Kristo