Sunday School

Ang kabalaka alang sa mga kabus nga mga bata nga nagtrabaho sa England sa mga 1780 ug sa Amihanang Amerika sa mga 1790 migiya ngadto sa pagtukod sa Dominggo nga mga eskwelahan, usa ka nabantog nga pagbansay sa pagtudlo sa kabatan-onan sa Biblia ug sa pagbasa ug pagsulat.¹ Ang unang mga Santos sa Ulahing mga Adlaw kasagaran nga mitambong og Dominggo nga mga klase sa wala pa magpasakop sa Simbahan. Isip usa ka bata, gimemorya ni Eliza R. Snow ang mga tudling sa Bag-ong Tugon diha sa iyang Dominggo nga mga klase sa Ohio ug si Jonathan Crosby gipasalamatan ang iyang mga batan-ong mga pagtuon uban sa pag-aghat og importanting mga pangutana mahitungod sa mga kasulatan.² Sa Kirtland, Ohio, ang mga Santos sa Ulahing mga Adlaw mi-organisar og inato nga klase inig ka Dominggo diin ang mga bata mohatag og mga bersikulo sa kasulatan didto sa templo.³ Usahay si Emmeline B. Wells mitudlo og Dominggo nga klase sa Nauvoo, Illinois, ug didto sa Winter Quarters, Nebraska.⁴

Usa ka sumbanang programa sa Dominggo nga Klase sa Santos sa Ulahing mga Adlaw gipalambo sa Teritoryo sa Utah sa sinugdanan sa 1849. Si Richard Ballantyne, kinsa mi-organisar og usa ka Presbyterian nga Dominggo nga klase sa Scotland sa wala pa mopasakop sa Simbahan, naghunahuna niini nga usa ka katungdanan ang pagtudlo sa ebanghelyo ngadto sa mga bata diha sa usa ka pinahiluna nga dapit.⁵ Mitukod siya og usa ka kwarto sa iyang balay nga may kahoy nga mga bangko ug mipundok og 50 ka mga bata didto sa Disyembre 9, 1849, aron sa pagtudlo kanila gikan sa Biblia, sa Basahon ni Mormon, ug sa Doktrina ug mga Pakigsaad.⁶ Sa pagka-1850 ang mga klase mibalhin ngadto sa bag-ong nahuman nga meetinghouse sa 14th Ward sa Siyudad sa Salt Lake. Gitawag si Ballantyne isip superintendente sa eskwelahan, ug ang mga bata gibahin ngadto sa mas gagmay nga mga klase.

Hulagway ni Richard Ballantyne nga gilitratohan.

Sa wala madugay ang programa mikaylap sa tibuok panimuyoan sa Utah, nagmugna og usa ka nagtubo nga panginahanglan alang sa mga materyal ug giya sa pagtudlo. Sa 1866 editor ug Apostol George Q. Cannon misugod sa pagmantala og tunga sa bulan nga Juvenile Instructor nga magasin, nga milakip sa mga leksyon sa kasulatan, musika, ug mga panudlo kabahin sa mga paagi sa pagtudlo. Sa pagkasunod tuig si Cannon ginganlan og superintendente sa Churchwide Deseret Sunday School Union.⁷

Ang Sunday School nag-una sa Mutual Improvement Association ug sa Primary isip sumbanang kasulatan-gibase sa klase alang sa mga kabataan ug kabatan-onan sa Dominggo sa buntag. Sa pagka-1872 ang Sunday School nga mga miting ug mga sesyon sa pagbansay sa magtutudlo, sumala sa usa ka tig-obserbar, “mipadayon sa pagtubo sa gidaghanon ug interes hangtud kini nahimong usa sa labing nabantug ug labing daghan nga tinambungan sa bisan hain nga mga miting sa mga katawhan sa Zion.” Ang mga bishop midumala sa pagpahigayon sa sakramento diha sa Sunday School sugod niadtong 1887, uban sa katuyoan nga ang mga kabataan makadawat og usa ka “mas maayong pagsabut sa balaang misyon sa atong Ginoo ug Manluluwas nga si Jesukristo ug sa Iyang pag-ula.” Human sa pipila ka mga tuig, ang mga Santos sa Ogden, Utah, mipahigayon og mga klase sa Sunday School diha sa teritoryal nga eskwelahan alang sa mga bungol ug mga buta.⁸ Sa 1928 ang kinatibuk-ang superintendente sa Sunday School nga si David O. McKay pormal nga mipasiugda og mga klase sa Gospel Doctrine sa mga hamtong sa tibuok Simbahan.⁹

Si Presidente David O. McKay sa 1949 nga may time capsule nagsaulog sa centennial [usa ka gatus ka tuig] sa Sunday School.

Samtang ang Simbahan mipadayon sa pagtubo sa tibuok kalibutan, ang mga lider sa ika-20 nga siglo mitrabaho sa pagpayano sa Sunday School. Sa mga 1970 usa ka may kalabut nga kurikulum mihatag og gibug-aton sa mga kasulatan ug gikutohan ang ubang mga hisgutanan. Sa 1980 ang gitipon nga iskedyul sa miting sa Domingo mibutang sa klase diha sa sulod sa tulo ka oras nga hut-ong. Sugod sa 2019, ang mga klase sa ward Sunday School gipaubsan ngadto sa kaduha sa usa ka bulan isip kabahin sa kausaban sa duha ka oras nga iskedyul sa meeting sa Dominggo. Usa ka bag-ong gilangkub nga klase, Dali, Sunod Kanako, nag-awhag og mas dako nga paglangkub tali sa panudlo sa Sunday School ug sa personal o pamilya nga pagtuon diha sa panimalay.¹⁰

Mga Kapanguhaan sa Simbahan

William G. Hartley, “Mormon Sundays,” Ensign, Ene. 1978, 19–25.

Glen M. Leonard, “125 Years of the Sunday Classroom,” Ensign, Dis. 1974, 12.

Bibliyograpiya

Ang mosunod nga mga pagmantala naghatag og dugang nga impormasyon mahitungod niini nga hisgutanan. Pinaagi sa pagpakita o sa pag-link nimo ngadto niining mga kapanguhaan, wala kami mag-endorso o maggarantiya sa sulod o sa mga panglantaw sa mga tagsulat.

Jubilee History of Latter-day Saints Sunday Schools, 1849–1899 (Siyudad sa Salt Lake: Deseret Sunday School Union, 1900).

“Brief Review of the Sunday School Movement,” Juvenile Instructor, vol. 34, nu. 21 (Nob. 1, 1899), 666–74.

Kalabut nga mga Hisgutanan: George Q. Cannon, Church Academies

Mubo nga mga Sulat

1. Anne M. Boylan, Sunday School: The Formation of an American Institution, 1790–1880 (New Haven: Yale University Press, 1988), 6.

2. Eliza R. Snow, “Sketch of My Life,” sa Maureen Ursenbach Beecher, ed., The Personal Writings of Eliza Roxcy Snow (Logan: Utah State University Press, 2000), 8; Jonathan Crosby, “A Biographical Sketch of the Life of Jonathan Crosby [Gisulat] sa Iyang Kaugalingon,” 1–3, Jonathan Crosby Papers, 1871–1872, Church History Library, Siyudad sa Salt Lake. Tan-awa usab sa Hisgutanan: Eliza R. Snow.

3. Helen Mar Whitney, “Life Incidents,” Woman’s Exponent, vol. 9, nu. 6 (Ago. 15, 1880), 42.

4. David O. McKay, “Sunday Schools of the Church,” Improvement Era, vol. 33, nu. 7 (Mayo 1930), 481; Leonard J. Arrington, “Faith and Intellect as Partners in Mormon History,” Mormon History Lecture Series (Utah State University, Nob. 7, 1995), 12. Tan-awa usab sa Hisgutanan: Emmeline B. Wells.

5. “Brief Review of the Sunday School Movement,” Juvenile Instructor, vol. 34, nu. 21 (Nob. 1, 1899), 667; Conway B. Sonne, Knight of the Kingdom: The Story of Richard Ballantyne (Siyudad sa Salt Lake: Deseret Book, 1949), 51.

6. “Brief Review of the Sunday School Movement,” 667–68; McKay, “Sunday Schools of the Church,” 481.

7. “Brief Review of the Sunday School Movement,” 668–69; tan-awa usab sa Hisgutanan: George Q. Cannon.

8. “Brief Review of the Sunday School Movement,” 668–71.

9. Glen M. Leonard, “125 Years of the Sunday Classroom,” Ensign, Dis. 1974, 12.

10. Quentin L. Cook, “Lig-on ug Malungtarong Pagkakabig ngadto sa Langitnong Amahan ug kang Ginoong Jesukristo,” o Liahona, Nob. 2018, 8–11; “2019 Curriculum: Home Centered, Church Supported,” Ensign, Hulyo 2018, ChurchofJesusChrist.org.