Walog sa Salt Lake

Samtang ang pagdumtanay tali sa mga Santos sa Ulahing mga Adlaw ug sa uban didto sa Illinois mitubo atol sa tingpamulak sa 1844, si Joseph Smith ug ang Konseho sa Kalim-an misugod sa pagpangita og lugar nga kabalhinan diin ang mga Santos makatukod sa gingharian sa Dios diha sa kalinaw.¹ Ang mga lugar nga gihunahunaan miapil sa Republika sa Texas, ang gilantugian nga teritoryo sa Oregon, ug ang mga teritoryo nga Mehikano diha sa Rocky Mountains ug sa California. Kining pagpangita alang sa usa ka bag-ong lugar nga pundukanan mikusog human sa mga pagpatay ni Joseph ug Hyrum Smith. Ang Konseho sa Kalim-an misalikway sa Texas sa dihang kini giapil ngadto sa Estados Unidos, apan gihunahuna ang California nga nindot tungod sa mga pwerto sa dagat niini, samtang ang mga lider sa Simbahan nagdahum og dagko nga pagpundok sa mga Santos gikan sa mga misyon sa Simbahan sa langyaw nga dapit.²

Sa pagka-tinglarag sa 1845, bisan pa niana, ang mga lider sa Simbahan lakip ni Brigham Young, Parley Pratt, ug George A. Smith na-interesado sa rehiyon sa Great Salt Lake, yuta nga gamay kaayo ubos sa pagmando sa Mehiko apan gihunahuna nga walay nagpuyo ug sagad nga napanalipdan sa makapadaning gidak-on sa Rocky Mountains. Nagplanong magpadala og unang pundok sa mga tawo aron sa pag-andam sa kasadpang dalan-dalan, gisultihan ni Brigham Young ang Konseho, “Kini napamatud-an na nga dili kaayo malisud ang pagpadala og mga tawo lapas sa mga kabukiran sa [Rocky]. Kita nagmugna og plano sa pagpadala kanila sa usa ka dapit duol sa Great Salt Lake ug sa pag-abut nato didto, sa gamay nga panahon kita makapaningkamot nga moabut sa tumoy sa Luuk [Bay] sa California, o sa Luuk sa San Francisco.” Ang rehiyon sa Great Salt Lake gihunahuna usab nga usa ka maayong dapit alang sa paghimo og mga pakigdait ngadto sa kasadpang mga nasud sa American Indian.³

Usa ka nag-unang pundok sa mga tawo pinangulohan ni Brigham Young miabut sa Walog sa Salt Lake sa Hulyo 24, 1847.⁴ Dili sama sa ubang mga walog diha sa lugar, diin gipuy-an sa mga American Indian kasagaran sa tuig, ang Walog sa Salt Lake wala kaayo gamita sa pagpangayam ug sa pagpundok sa Ute ug Shoshone nga mga tawo sa rehiyon. Kay sa mag-iyahay og bulag-bulag sa tibuok yuta, ang pundok sa katawhan ni Brigham Young mikampo sa usa ka kota samtang ang siyudad gisuta ug dayon gipilian og mga dapit nga kapuy-an. Nadasig sa mapa ni Joseph Smith sa Siyudad sa Zion, gisugo ni Brigham Young ang mga manunukod sa yuta nga si Orson Pratt ug Henry Sherwood sa pagmarka og dagkong kwadro sa kabalayan diha sa lapad nga mga dalan, magbilin og luna alang sa umaabut nga templo diha sa tunga.⁵ Ang mga lote nga balayan gipatubigan pinaagi sa City Creek, usa ka bul-og sa tubig sa bukid nga nagdagayday ngadto sa lawa, aron ang mga pioneer makatikad og pribadong mga halaman ug mga prutasan. Ang tambok nga umahan ngadto sa habagatan sa siyudad gireserba alang sa dinagko nga mga pagkaong bunga sa mga tanom sama sa trigo, mais, mga oat, ug lino [flax]. Dili sama sa ubang nanimuyo diha sa uga nga Kasadpang Amerika, kinsa hilig sa pagpuyo og lagyo sa usag usa, kining unang mga Santos naghimo og sundanan sa pagtukod sa ilang mga panimalay nga dug-ol ug sa pagtanom og mga lagutmon sa gawas sa siyudad mismo. Kini nga sumbanan sa kadugayan gisunod sa mga Santos sa mga panimuyoan sa tibuok rehiyon sa Great Basin.⁶

Kinulit nga naghulagway sa Siyudad sa Salt Lake sa 1853, ni Frederick Piercy.

Samtang daghan pang mga Santos ang mipadayon sa pag-abut sa mga tuig nga misunod, ang mga lider sa Simbahan nagpatikad pa og puy-anan nga yuta ngadto sa silangan, habagatan, ug kasadpan nga lugar sa umaabut nga templo. Dugang ngadto sa sentral nga mga ward sa Siyudad sa Salt Lake, ang mga Santos nanimuyo og agrikultural nga mga komunidad daplin sa ubang mga sapa diha sa walog. Sa nagpadayon nga pagpundok sa mga Santos ngadto sa Utah ug sa pagkahuman sa tabok sa tibuok kontinente nga agianan sa tren sa 1869, ang Siyudad sa Salt Lake nahimong permanenting dangpanan alang sa mga Santos, ug nagpabilin nga panimalay sa mga punoang buhatan sa Simbahan sa tibuok kalibutan.⁷

Mga Kapanguhaan sa Simbahan

“Part 3: September–October 1845,” sa Matthew J. Grow, Ronald K. Esplin, Mark Ashurst-McGee, Gerrit J. Dirkmaat, ug Jeffrey D. Mahas, eds., Administrative Records, Volume 1, josephsmithpapers.org.

Bibliyograpiya

Ang mosunod nga mga pagmantala naghatag og dugang nga impormasyon mahitungod niini nga hisgutanan. Pinaagi sa pagpakita o sa pag-link nimo ngadto niining mga kapanguhaan, wala kami mag-endorso o maggarantiya sa sulod o sa mga panglantaw sa mga tagsulat.

Brian Q. Cannon, “Settling the Salt Lake Valley, 1847–1870,” sa Brandon S. Plewe, ed., Mapping Mormonism: An Atlas of Latter-day Saint History (Provo, Utah: Brigham Young University Press, 2012), 84–85.

Richard H. Jackson, “Geography and Settlement in the Intermountain West: Creating an American Mecca,” Journal of the West, vol. 33, nu. 3 (Hulyo 1994), 22–34.

C. Mark Hamilton, Nineteenth-Century Mormon Architecture and City Planning (New York: Oxford University Press, 1995).

Kalabut nga mga Hisgutanan: Mga Panimuyoan sa mga Pioneer, Pioneer Trek, Paglalin, The Council of Fifty, Mga Timus ug mga Seagull, Templo sa Salt Lake

Mubo nga mga Sulat

1. Tan-awa sa Hisgutanan: The Council of Fifty.

2. “The Council of Fifty in Nauvoo, Illinois,” Introduction to Administrative Records, Volume 1, josephsmithpapers.org; “Part 3: September–October 1845,” Administrative Records, Volume 1, josephsmithpapers.org. Tan-awa usab sa Hisgutanan nga: The Council of Fifty.

3. “Council of Fifty, Minutes, March 1844–January 1846; Volume 3, 6 May 1845–13 January 1846,” 23–24, josephsmithpapers.org. Tan-awa usab sa “Council of Fifty, Minutes, March 1844–January 1846; Volume 3, 6 May 1845–13 January 1846,” 102, josephsmithpapers.org. Tan-awa sa Hisgutanan: Lamanite Identity.

4. Tan-awa sa Hisgutanan nga: Pioneer Trek.

5. Brian Q. Cannon, “Settling the Salt Lake Valley: 1847—1870: 1847—1870,” sa Brandon S. Plewe, ed., Mapping Mormonism: An Atlas of Latter-day Saint History (Provo, Utah: Brigham Young University Press, 2012), 84–85; “‘Explanation of the Plat of the City of Zion,’ circa 25 June 1833,” sa Letterbook 1, 38–41, ug “Revised Plat of the City of Zion, circa Early August 1833,” Source Note, 1, josephsmithpapers.org ug Brigham Young, Discourse, Abril 6, 1853, anaa sa https://history.ChurchofJesusChrist.org/article/trek/pioneer-story-great-salt-lake-valley-emmigration-square-brigham-young. Tan-awa usab sa mga Hisgutanan: Utah, Zion/Bag-ong Jerusalem.

6. Richard H. Jackson, “Geography and Settlement in the Intermountain West: Creating an American Mecca,” Journal of the West, vol. 33, nu. 3 (Hulyo 1994), 23–25; Cannon, “Panimuyo sa Walog sa Salt Lake, 1847–1870,” 84–85; ug C. Mark Hamilton, Nineteenth-Century Mormon Architecture & City Planning (New York: Oxford University Press, 1995), 139–40.

7. Tan-awa sa Hisgutanan: Mga Panimuyoan sa Pioneer. Tan-awa usab sa Stanley B. Kimball, “A Forgotten Trail and Mormon Settlements,” Ensign, Peb. 1980, 33–35.