Kasaysayan sa Simbahan
Pagtuga sa Gahum

“Pagtuga og Gahum” Mga Hisgutanan sa Kasaysayan sa Simbahan

“Pagtuga sa Gahum”

Pagtuga sa Gahum

Usa ka pagpadayag ngadto ni Joseph Smith niadtong 1831 misugo sa unang mga miyembro sa Simbahan nga “moadto taliwala sa tanan nga mga nasud” ug pundukon ang Israel. Sa wala pa sila “ipadala,” ang Ginoo misaad sa “pagtuga” kanila “sa gahum gikan sa kahitas-an.”1 Ang gisaad nga pagtuga naglakip sa pipila ka mga hitabo sa sayong bahin sa 1836, lakip sa pagsaulog sa mga Santos sa Pentecostes kalabut sa pagpahinungod sa Balay sa Ginoo sa Kirtland, Ohio. Bisan og gitudlo ni Joseph Smith sa wala madugay ang ordinansa sa templo nga gitawag usab niya nga usa ka pagtuga, ang pulong “pagtuga sa gahum” sa kasagaran may kalabutan sa pagbu-bu sa espirituhanong mga gasa ug sa pagpahiuli sa mga yawe sa priesthood didto sa Kirtland.2

Ang mga pulong “masul-oban sa gahum” makita sa Lucas 24, sa dihang si Jesukristo mihatag og katapusan nga sugo ngadto sa Iyang mga disipulo sa pagsangyaw sa tanang nasud. Ang mga disipulo kinahanglang magsugod sa Jerusalem, diin sila “masul-oban sa gahum gikan sa kahitas-an.”3 Daghang mga Kristiyano nakasabut niini nga saad nga may kalabutan sa mga gasa sa Espiritu ug unang natuman sa Adlaw sa Pentecostes, sumala sa narekord sa Mga Buhat 2.4

Dugang nga pagpadayag ngadto ni Joseph Smith sa Kirtland nagpakita sa pagtuga sa gahum nga nagkinahanglan og ligdong nga katiguman sa Balay sa Ginoo.5 Si Joseph Smith ug ang mga Santos sa Kirtland nagsakripisyo sa pagkompleto sa templo ug nag-andam sa ilang kaugalingon sa espirituhanon alang sa pagtuga. Kabahin niini nga pagpangandam naglakip sa seremonya sa mga paghugas ug mga pagdihog, simbolo sa paglimpyo sa ilang kasingkasing nga makapahimo nila sa pagpakigsulti sa langit. Pipila ka bulan sa wala pa ang pagpahinungod sa templo, si William W. Phelps misulat, “Giandam namo ang kaugalingon nga limpyo, pinaagi sa paglimpyo pag-una sa among kasingkasing, pagsalikway sa among mga sala, pagpasaylo sa tanan; … pagsul-ob og limpyo desente nga mga sinina, pinaagi sa pagdihog sa among mga ulo ug pinaagi sa pagtuman sa tanang mga sugo.”6

Atol sa mga tulumanon sa pagpahinungod alang sa templo niadtong Marso 27 ug 31, 1836, ug sa ligdong nga katiguman niadtong Marso 30, si Joseph Smith ug ang uban mi-report og mahimayaong espirituhanong mga pagpakita , lakip sa langitnong mga panan-awon ug pagsulti og mga pinulongan.7 Niadtong Abril 3, sila si Joseph Smith ug Oliver Cowdery nakakita ni Jesukristo sa usa ka panan-awon ug sa mga pagbisita gikan sa pipila ka mga propeta sa biblia.8 Mitawag niini nga mga kasinatian nga “usa ka Pentecostes ug pagtuga gayud,” si Joseph sa wala madugay mipadala ni Heber C. Kimball ug sa uban sa unang misyon sa langyaw nga lugar sa kasaysayan sa Simbahan.9

Hulagway sa Manluluwas didto sa Templo sa Kirtland

Hulagway sa pagpakita sa Manluluwas didto sa Templo sa Kirtland niadtong Abril 3, 1836.

Mubo nga mga Sulat

  1. Joseph Smith, “Revelation, 2 January 1831 [DC 38],” sa Revelation Book 1, 52, josephsmithpapers.org.

  2. Tan-awa sa “Endowment,” josephsmithpapers.org.

  3. Lucas 24:49.

  4. Tan-awa sa Charles G. Finney, Power from on High: What Is It? (Boston: Willard Tract Society, ca. 1870), 3–8. Tan-awa usab sa John Fea, “Power from on High in an Age of Ecclesiastical Impotence: The ‘Enduement of the Holy Spirit’ in American Fundamentalist Thought, 1880–1936,” Fides et Historia, vol. 26, nu. 2 (1994), 23–35.

  5. Joseph Smith, “Revelation, 27–28 December 1832 [D&C 88:1–126],” sa Revelation Book 2, 45–46, josephsmithpapers.org; Joseph Smith, “Revelation, 1 June 1833 [D&C 95],” sa Revelation Book 2, 59–60, josephsmithpapers.org; Joseph Smith, “Revelation, 22 June 1834 [D&C 105],” sa Revelation Book 2, 97–100, josephsmithpapers.org. Ang pipila ka mga Santos sa Ulahing mga Adlaw sa Kirtland sa una nagtuo nga ang pagtuga miabut atol sa komperensya nga gihimo niadtong Hunyo 1831. Tan-awa sa John Corrill, “A Brief History of the Church of Christ of Latter Day Saints, 1839,” 18, josephsmithpapers.org; “Minutes, circa 3–4 June 1831,” sa Minute Book 2, 3–4, josephsmithpapers.org; Mark Lyman Staker, Hearken, O Ye People: The Historical Setting for Joseph Smith’s Ohio Revelations (Salt Lake City: Greg Kofford Books, 2009), 147–68.

  6. Sulat ni William W. Phelps ngadto ni Sally Phelps, Ene. 1836, sa Bruce A. Van Orden, ed., “Writing to Zion: The William W. Phelps Kirtland Letters (1835–1836),” BYU Studies, vol. 33, nu. 3 (1993), 574.

  7. Joseph Smith, “Journal, 1835–1836,” 172, 190, 193, josephsmithpapers.org; Steven C. Harper, “‘A Pentecost and Endowment Indeed’: Six Eyewitness Accounts of the Kirtland Temple Experience,” sa John W. Welch, ed., Opening the Heavens: Accounts of Divine Manifestations, 1820–1844 (Provo, Utah: Brigham Young University Press, 2005), 327–71.

  8. “Vision, 3 April 1836 [DC 110],” sa Joseph Smith, Journal, Sept. 1835–Apr. 1836, 192–93, josephsmithpapers.org.

  9. “Journal, 1835–1836,” 192–93, josephsmithpapers.org. Ang unang mga misyonaryo nga gipadala ngadto sa mga dapit sa Canada nagsunod og personal nga mga sistema ug wala moisip sa ilang kaugalingon nga nagsugod og “langyaw” nga misyon o nangita sa nawala nga mga tribo sa Israel aron pundukon. Si Heber C. Kimball ug ang uban naghisgot sa iyang 1837 nga misyon sa Great Britain isip inagurasyon sa tibuok kalibutan nga paningkamot sa pagpundok. Tan-awa sa Historical Introduction to “Recommendation for Heber C. Kimball, between 2 and 13 June 1837,” sa Brent M. Rogers, Elizabeth A. Kuehn, Christian K. Heimburger, Max H Parkin, Alexander L. Baugh, and Steven C. Harper, eds., sa Documents, Volume 5: Oktubre 1835–Enero 1838. Vol. 5 sa Documents series of The Joseph Smith Papers, gi-edit ni Ronald K. Esplin, Matthew J. Grow, ug Matthew C. Godfrey (Salt Lake City: Church Historian’s Press, 2017), 398–400.