Manipesto

Sa kasagaran sa ika-19 nga siglo, ubay-ubay nga gidaghanon sa mga miyembro sa Ang Simbahan ni Jesukristo sa mga Santos sa Ulahing mga Adlaw naghimo sa dinaghan nga kaminyoon—ang kaminyoon sa usa ka lalaki ngadto sa sobra sa usa ka babaye. Ang sinugdanan ug katapusan sa maong buhat gigiyahan sa pagpadayag pinaagi sa mga propeta sa Dios. Ang naunang sugo sa paghimo sa dinaghan nga kaminyoon miabut ngadto ni Joseph Smith, ang nagtukod nga Propeta ug Presidente sa Simbahan.¹ Niadtong 1890 si Presidente Wilford Woodruff miisyu sa Manipesto, nga misangpot sa paghunong sa dinaghan nga kaminyoon diha sa Simbahan.

Ang paghunong sa dinaghan nga kaminyoon nagkinahanglan og dakong hugot nga pagtuo ug usahay komplikado, masakit—ug grabe ka personal—nga mga desisyon sa kabahin sa indibidwal nga mga miyembro ug mga lider sa Simbahan. Sama sa sinugdanan sa dinaghan nga kaminyoon diha sa Simbahan, ang katapusan sa buhat usa ka proseso kay sa usa lang ka hitabo.

Ang mga Santos subling misaysay sa daghang importanting mga istorya kalabut ngadto sa pagbuhat sa dinaghan nga kaminyoon sa mga Santos sa Ulahing mga Adlaw, lakip sa Manipesto. Alang sa dugang nga impormasyon, tan-awa sa “The Manifesto and the End of Plural Marriage.”²

Mga Kapanguhaan sa Simbahan

Opisyal nga Pahayag 1.

“The Manifesto and the End of Plural Marriage,” Gospel Topics Essays, topics.lds.org.

Jed Woodworth, “The Messenger and the Manifesto: Official Declaration 1,” sa Matthew McBride ug James Goldberg, eds., Revelations in Context: The Stories behind the Sections of the Doctrine and Covenants (Salt Lake City: The Church of Jesus Christ of Latter-day Saints, 2016), 323–31.

May Kalabutan nga mga Hisgutanan: Anti-Polygamy Legislation, Joseph Smith and Plural Marriage, Plural Marriage in Utah

1. Tan-awa sa Doktrina ug mga Pakigsaad 132.

2. Alang sa dugang nga konteksto, tan-awa sa Thomas G. Alexander, “The Odyssey of a Latter-day Prophet: Wilford Woodruff and the Manifesto of 1890,” Journal of Mormon History, vol. 17 (1991), 169–206; Sarah Barringer Gordon, The Mormon Question: Polygamy and Constitutional Conflict in Nineteenth-Century America (Chapel Hill: University of North Carolina Press, 2002).