Wāhanga 114
He whakakitenga mā roto i a Hōhepa Mete te Poropiti, ki te Uru Mamao, Mītori, Āperira 11, 1838.
1–2, Ka hoatu ngā tūranga Hāhi o te hunga kāore i te ū pono ki ētahi atu.
1 He pono, pēnei tā te Ariki: he mātauranga i roto i taku pononga a Rāwiri W. Patene, kia whakakōpanihia ana mahi katoa i tēnei wā tonu, me te tuku atu i ana taonga, kia taea ai e ia te mahi i tētahi mīhana mōku hei tērā kōanga, me ētahi atu, arā, kia tekau rātou katoa, ki te whakaatu mō tōku ingoa me te kauhau i ngā rongo whakahari ki te ao katoa.
2 Nā te mea he pono tā te Ariki, ki te mea kei waenganui i a koutou te hunga e whakaparahako nei i tōku ingoa, ka whakatōkia ētahi atu ki ō rātou tūranga, ā, ka whiwhi i ō rātou pīhopatanga. Āmine.