Wahanga 114
He whakakitenga i hoatu ki a Hohepa, te Matakite, i Wha Weta, Takiwa o Karawera, Mihuri, i a Aperira 17, 1838.
1. He pono ko te kupu tenei a te Ariki, he whai whakaaro i roto i taku pononga i a Rawiri W. Patini, i tona whakatatunga wawe i nga mahi i taea e ia, a whakaritea ana e ia he turanga taonga, kia ahei ai i a ia te mahi moku i tenei waru (spring) e heke iho nei, a me etahi atu, ara te Tekau-ma-rua hui tahi me ia, hei whakaatu i toku ingoa, me nga rongo whakahari ki te ao katoa;
2. No te mea, he pono e ai ta te Ariki, me he mea tera etahi i waenganui i a koutou e whakakahore ki toku ingoa, ko era atu e whakauru atu ki o era turanga, me te whiwhi ano ki o ratou pihopatanga. Amine.