Wāhanga 36
He whakakitenga mā roto i a Hōhepa Mete te Poropiti ki a Eruera Patiri, e tata ana ki Wheiete, Niu Ioka, Tīhema 9, 1830 (tirohia te kōwae upoko o te wāhanga 35). E ai ki tā te hītori o Hōhepa Mete e mea ana ko Eruera Patiri “tētahi tauira o te whakapono, koia tētahi o ngā tangata nui a te Ariki.”
1–3, Ka whakatakotoria e te Ariki Tōna ringa ki runga i a Eruera Patiri mā roto i a Hirini Rikitana; 4–8, Me karanga ngā tangata katoa e whiwhi nei i te rongopai me te tohungatanga kia haere atu ki te kauhau.
1 Pēnei tā te Ariki te Atua, te Mea Kaha o Iharaira: Nana, ko taku kupu tēnei ki a koe, e taku pononga e Eruera, kua manaakitia koe, kua murua ō hara, ā, kua karangatia koe ki te kauhau i taku rongopai me te mea nei ki tētahi reo tētere;
2 Ā, māku tōku ringa e whakatakoto ki runga i a koe mā roto i taku pononga a Hirini Rikitana, kātahi ka whiwhi koe i taku Wairua Tapu, arā, te Kaiwhakaāio pū anō, e whakaakona ai koe ngā mea mārie o te kīngitanga;
3 Ā, māu e karanga atu i runga i te reo kaha, e mea ana: Ohana, kia whakapaingia te ingoa o te Atua runga rawa.
4 Ināianei ā ka hoatu e ahau tēnei whakahaunga ki a koe e pā ana ki ngā tāngata katoa—
5 Ka whakamanangia te hunga katoa e haere mai ai ki aku pononga a Hirini Rikitana rāua ko Hōhepa Mete, Tama., te hunga e manako mai ana ki tēnei karangatanga me tēnei whakahaunga, ā, ka tukuna atu ki te kauhau i te rongopai mau tonu ki waenganui i ngā iwi—
6 E karanga rīpenetā ana, e mea ana: Whakaora i a koutou anō i tēnei whakatipuranga pakeke, ā, haere mai i ki waho o te ahi, e whakahāweatia ana ngā kākahu kua whai koha kikokiko.
7 Ā, ka hoatu tēnei whakahaunga ki ngā erata o taku hāhi, kia taea ai e ngā tangata katoa e manako mai ai i runga i te ngākau tapatahi te whakamana, te tuku atu, pērā i tāku i kī nei.
8 Ko Ihu Karaiti ahau, te Tama a te Atua; nā reira, whītikina ō hope, ā, ka haere wawe au ki taku temepara. Koia anō. Āmine.