1. I roto i te kororia Tikitiki-o-rangi, e toru ona rangi, ara ona wehenga;

2. Ko te tikanga e whiwhi ai ki to runga rawa wahi, ma te tangata e matua tomo ma roto i tenei tikanga o te Tohungatanga; (taua tikanga ko te kawenata hou mau tonu o te marenatanga;)

3. Ki te kahore ia e whakarite i taua tikanga, e kore rawa ia e whiwhi.

4. Tera pea ia e tomo ki roto i tetahi atu wahi, engari koia ra te mutunga o tona kingitanga: e kore ia e whai uri ano.

5. (Mei 17, 1843): Te tino tikanga o te kupu o te poropititanga (i korerotia nei e Pita) e penei ana: ka mohio te tangata kua oti ia te hiiri ki roto ki te oranga-tonutanga, he mea na te whakakitenga, me te wairua o te poropititanga, ma roto i te kaha o te Tohungatanga Tapu.

6. He mea uaua rawa mo te tangata, kia whakaorangia i roto i te kuaretanga.

7. Kahore tahi he hanga i penei na, i tinana kore. Nga wairua katoa he tinana, engari i rauangiangi rawa, i nanu kore, a heoi ano, e kitea ai ma nga mata tapu.

8. E kore tatou e kite i a ia; engari a te wa ano e whakaparu-koretia ai o tatou tinana, ko reira tatou kite koia ano he tinana katoa ano.